Lung Wah Hotel (Ha Wo Che)

🍽龍華酒店 (下禾輋村) (沙田)📍沙田下禾輋村22號超值$988套餐 四人套餐1. 龍華乳鴿🐤招牌乳鴿果然係名不虛傳，乳鴿外皮香脆，上枱嘅時候熱辣辣。咬落去肉質鮮嫩，油脂分布得好好，咬落去仲有少少油脂賤出嚟，真係令我感覺置身於野外。2.金湯海皇魚肚羹🐠金黃色嘅外觀十分吸引，飲落去有好濃烈嘅南瓜香味，裏面好多蝦仁,魚肚同瑤柱，材料高級又豐富，飲落去好有口感，超級推薦。3.沙田風味豉椒炒蜆🐚豉椒嘅味道好出，炒蜆新鮮程度尚可，食落去淡淡汁，洋蔥吸收晒豉椒汁嘅精華，如果有飯配更加一流。4.新鮮菠蘿咕嚕肉🐽咕嚕肉咬落去外脆內軟，豬肉嘅油脂分布得好好，完全食到半肥瘦。加埋酸酸甜甜嘅菠蘿同埋酸甜汁，真係會越食越開胃。5.欖菜肉碎四季豆🌱欖菜醃製得好好，鹹鹹地好入味，四季豆亦都炒得尚算乾身，真係食到停唔到口。6.豉油王炒麵🍲炒麵份量好充足，絕對適合大胃王。炒麵裏面有好多芽菜，洋蔥，仲有少少香蔥同紅蘿蔔。廚師喺豉油王炒麵上面灑左一啲白芝麻，令到賣相更加吸引，真係再飽都會想食多碗。7.原味手做豆腐花🥄（不是跟餐）豆腐花好清甜，佢附上左一碗桂花糖水，食落去唔止清甜，仲有淡淡的桂花香味，更加凸顯出龍華廚師對食物嘅執着。環境：💛💛💛💛💛5/5衛生：💛💛💛💛🤍4/5食物：💛💛💛💛🤍4/5價錢：💛💛💛💛💛5/5 ($1258/4=314.5💰）P.S. 超過70年歷史嘅龍華酒店，絕對陪伴咗好多香港人成長，亦係一間好有代表性嘅餐廳。好多名人同埋明星都會經常去食，而且好多電視劇電影都會喺嗰度拍攝，所以喺嗰度影相真係一流。佢哋嘅服務態度亦都好好，有咩吩咐佢哋都隨傳隨到，盡量滿足客人嘅需要。呢一間餐廳唔單止影得好靚，而且食物都算係可以保持到佢哋嘅水準，真係內外兼備，值得一試。…Read More

————————————————————————龍華酒店 （下禾輋村） Lung Wah Hotel （Ha Wo Che Chuen）地址：沙田下禾輋村22號22 Ha Wo Che Chuen， Sha Tin（另外銅鑼灣也有分店~）香港僅有的園林酒店之一，以前很多電影🎬🎥🎞️都會前來取景，中式庭院風格別具一格，每一道中菜更是非常驚喜👍🏻🟠 推薦食物🔹 乳鴿🐦（$98）：油香味十足，上菜時就已經聞到香味👃🏻，令人食指大動，皮脆肉嫩，吃完更是唇齒留香，另外多叫了一支期間限定的玫瑰乳鴿，比普通版多增了一絲玫瑰花香味🌹🔸 鳳梨咕嚕肉🍍（$148）：鳳梨非常新鮮，鮮甜清香加上熱辣辣剛炸好的咕嚕肉，其他的咕嚕肉瞬間被比下去！ 難怪李小龍太太也喜歡😻🔹️沙田風味豉椒炒蜆（$128）：十分新鮮，每顆蜆也十分飽滿，豉椒味十足， 十分滿足😋🎞️茶芥🍵每位$10~🟡 不推薦食物🔹 無🟠 員工姐姐非常nice🟡 環境位於沙田下禾輋村的館舍，為香港僅有的園林酒店之一，中式庭院風格，進店前一排紅色燈籠🏮非常喜慶，適合打卡，店內牆壁上貼滿充滿年代感的照片，徒增不少風味🟠 總評分（9.5/10）💰 $250/人#ezukokofood #ezukokoshatin #ezukoko沙田 #ezukokotinhau #ezukoko天后#ezukokochinese #ezukoko中菜#foodiehk #foodie #hkfood #美食 #食好西 #隱世美食 #沙田餐廳 #天后餐廳 #推薦…Read More

聽朋友講呢間酒店以前好出名，好多名人，李小龍，金庸都黎食😎😎😎 黎到見到好多紅燈籠都幾有特色餐廳外牆都做到好似古代既建築咁😝😝  😝紅燒頂鴿😝 呢度既招牌菜，當然要試下，賣相係燒得好令，都做到皮脆肉嫩既效果😋😋😋 但就係乳鴿太細又小肉，冇得食落啖啖肉，一隻都要$98有些許貴😌😌但難得黎到都值得一試😎  😄新鮮菠蘿咕嚕肉😄 中意食咕嚕肉又見到話李小龍太太都中意食就叫左黎食下 佢係用原個菠蘿上菜，咕嚕肉份量都幾多，呢個個皮做得好脆，味道都鮮甜既，但係肉質同平時食既比起略為乾身 菠蘿就真係勁甜😋佢冇溝埋一齊抄，我覺得咁分開食會仲好食d😝😝  😎沙田風味豉椒炒蜆😎之後再黎食個海鮮，份量都同樣好足味道有好濃郁豉椒味，但食到尾就有d咸，如果配飯食應該啱啱好😋😎😋😎  😆沙田雞粥😆 最後黎個粥清下喉嚨，佢個粥都幾抵$88可以食到六七碗左右雞既份量都唔算少，而且個粥係煲到好綿好好食😋😋😋 食左四道菜埋單$581，其實個感覺係幾似去左外國唐人街既中餐廳咁我估佢既味道應該比較貼近舊一代人既口味，食得出係同而加新興既中餐口味上既分別，但呢度既風味格調又真係係出面係冇見過雖然位置唔係好就腳，但我覺得如果得閒黎食個早茶下午茶，感受下以前既氛圍都幾唔錯☺️☺️☺️ …Read More

龍華個名應該冇乜香港人未聽過，由細到大，阿媽耐唔耐都要想當年，話細細個時外公帶佢地一家十口黎龍華食乳鴿，大人一隻，細路半隻，嗰個年代黎龍華食乳鴿的確係幾巴閉，普通人家都唔會黎食。雖然而家龍華喺香港人眼中已經唔係咩高檔食府，但因為位置偏遠，我都從來冇同屋企人黎過，係幾年前同朋友黎食過。趁阿媽就黎生日，就帶佢黎懷舊下，五十年冇黎，環境當然唔同晒，乳鴿可能真係冇以前咁好味，又或者係我地見識多左食多左好野，先會覺得佢冇人講到咁好食，不過喺長輩嘅笑容中，會知道哩隻乳鴿同以前一樣咁好食。龍華分左幾個廳，記得幾年前黎幫趁，最近門口左邊哩個主廳入面會有人唱歌，坐滿晒人，冇訂枱嘅話就只可以坐偏廳，近年社會運動加上最近嘅疫情，客量都大不如前，主廳都只係七八成滿。龍華脆皮燒乳鴿($98/隻) - 黎龍華食飯，每枱都必它會點一碟乳鴿。乳鴿皮閃令令食落脆脆地，鴿肉唔會太老，味道冇出面食倒嘅乳鴿咁鹹，對老人家黎講健康啲，我鍾意鹹啲就會再蘸淮鹽。沙田風味豉椒炒蜆($168) - 炒蜆冇沙，都算幾厚肉，但空口食有啲偏鹹，配白飯應該可以食多兩碗飯。鮑粒海皇福建炒飯($138) - 炒飯都幾大碟，夠四個五個人食，上面鋪滿鮑粒、蝦、肉粒、冬菇粒、紅蘿蔔同芥蘭粒，茨汁夠多，就算食到最後，每啖飯依然有汁，都幾好食。木桶豆腐花($78) - 豆腐花係限量，通常點菜時，侍應都會叫你食晒所有野先落單，所以想食嘅最好早啲到，如果唔係食完飯想點都已經賣晒。豆腐花細細桶，大約係二至四人份量。豆腐花有凍同熱，天氣熱我地就揀左凍，都仲幾滑。龍華名氣近年已經大不如前，好多人都話佢啲野差左好多唔好食，今次再黎，雖然味道講唔上驚為天人，但亦冇啲人講得咁差，味道正正常常，一間咁有歷史同集體回憶嘅老飯店而家真係買少見少，有時間嘅都值得黎幫趁下當郊遊。…Read More