San Xi Lou (Closed)

老實說，近年的高通脹環境下，一方面要平衡租金、食材、薪金和燃料等方面所帶來的壓力之外，又要維持價廉物美的高水準出品，箇中難處又豈是一般食客所能體會呢!所以嘛...很多食肆，其出品也不過爾爾，有時候甚至可以用失望來形容。只要在網上搜尋一下這些店的評語，你就會發現我所言非虛了...但今次呢一間餐廳確是令我喜出望外...就是【三希樓】..因為今日去挑戰食辣....興奮呀！銅鑼灣時代廣場旁的食通天...便有很多不同餐廳走式選擇，花多眼亂，好彩一早鎮定目標...免卻類惱！一到【三希樓】，門面還算闊落，中式格調，拍了張照隨即入去被安排坐位，浴路踏上經過地毯看見的擺設及旁邊的卡式坐挺特別,如果坐那裡就好了...但我們被安排坐在這些位置的旁邊，也不錯的。看到有些人出去拎配料，應該是打邊爐吧！有些人就散叫....而我們亦決定散叫吧！.餐牌選擇太多樣化了...食到喜歡的就最開心啦..我非常期待我的水煮魚啊！【三希樓】裝演不錯，比中式酒樓高尚，而且夠晒大，如果想租場都絕對能容納多人，因為有獨立的動間，讓你聚聚會，辦辦活動呢。瑰麗堂皇都絕對可以用黎讚到呢一個場地！上層面鋪滿滿天椒，見到都醒晒！另讚餐廳，在枱上準備了小蠟燭坐暖熱茶，非常貼心。沒有太久的時間，店員已遞上些前菜...麻辣豬耳配西芹及雲耳這兩個都是非常爽口但相對都是味道比較辣...但作胃前菜的認為不添辣味更好...:)兩者對比下雲耳是可以俾唔係好食得辣嘅朋友都食得到，因為佢係香，辣味沒有豬耳咁出眾！食完呢兩個，有兩款輕鬆點的小食到了...沙拉鮮筍這個都是很少會吃得到，鮮筍爽口， 沙律汁清新亦可以幫手解解辣。亦不錯的...食落同有點跟蘋果沙律相並不多冇多...蜂蜜番茄真係好好食，我認為重點係鮮蕃茄冇青草味再配上好清甜嘅蜂蜜味道在底部，又酸但又甜，兩者結合非常好吃！蜂蜜大大加分！！而比教清淡既桂花都有陣清新味道...胃口翻番黎嚕...水煮魚內有很多配料的！「豬紅、筍、薯粉、芽菜 等等」。最後面層就被天椒就厚厚密密咁鋪喺盆既上面...店員先把魚肉取出因為文在辣椒湯浸久了會愈來愈辣愈入味。魚片切得厚薄適中，岩心意，但真係好香好辣，你唔食到辣就揀第二個Package 吧！因為真係唔少野架！！我相信香港人愛辣程度都多了,,,大大盤..一齊Share食！一口接一口...停不了所以黎【三希樓】多人食有多人食既好，佢地都想我地樣樣都食到D，特別是魚既鮮味，嫩滑但又能帶點麻勁！我地最後都係揀左幾樣已經好飽了！三椒豬手到左，我同事勁想食...佢留意左好耐耐了，用咗辣椒、青椒同胡椒，三種辣辣的配料去炒豬手吸哂三椒既味道，好香！香噴噴的上枱，豬手切到細細粒，岩晒我咁懶慢慢食...豬手肥瘦分佈適中，最馬要每口都做到好爽脆。好勁呀！而最解膩又解辣緊係最後既清炒萵筍絲亦都係我喜歡的一樣野食，因為唔辣又可以中和番個辣勁啦！正！促進成個人既消化。萵筍切成絲，入口爽脆又影食，最緊要唔苦配番杯暖茶！剛剛好！呢度既中式甜品就係我另一期待既超級無敵流沙包...呢度流沙包經證實係真係,,,,係真係好流心，好滿足！鬆軟的麵皮，搭配金黃色餡料，一剝開就爆漿，吃進嘴裡是濃郁的鹹蛋黃香氣，完全位居流沙包界中的頭五甲！總括而言，【三希樓】，侍應們好細心，加水快，留意細節位眼利，驚我哋會越食越辣，又幫我地拎起魚肉，服務一流！而環境比的想像中好，絕對能與家人在這裡吃一次，用餐清淨媽媽最喜歡。食物當然...非常好吃，水煮魚其實會令人越食越起勁，湯底、配料和魚質都一流！必推介啊！希望再有機會品嚐。【三希樓】下次見！…Read More

要吃四川菜立即想起這裡裝潢有格調環境優雅前菜先點沙拉鮮筍鮮筍爽甜配沙拉醬很有趣另一前菜是麻辣口水豬手豬手已去骨食用方便調味又麻又辣恰到好處主菜是青椒清香魚 桂花魚肉質超嫩滑湯底味道複雜帶點酸味想不到餐廳竟用烏冬墊底四川之餘還帶點日式風味點了半隻三希吊燒雞外皮香脆肉質嫩滑雞肉肥瘦剛剛好附上醬油但不用沾汁也很好吃是質素相當高的吊燒雞熗炒藕丁麻辣味濃烈甜品點了棗蓉千層糕用蒸籠附上即叫即蒸質感Q彈甜甜的非常滿足…Read More

今晚和朋友敘舊，選擇了吃川菜。餐廳門口裝潢瑰麗堂皇，以金色草書寫下「三希樓」三字，不失霸氣。餐廳裝潢走高檔路線，鋪著地毯，以淡紫色粉刷牆面，高貴脫俗，佈置著不少精緻的擺設，感覺典雅。翻開餐牌，除了川菜，也有粵菜，菜式有辣有不辣，應有盡有。點餐不久，便送上兩碟小菜，豆乾和海帶，豆乾海帶辣味十足，非常開胃！⭐️沙拉鮮筍$49鮮筍爽脆，沙拉醬解辣。⭐️蜂蜜番茄$19番茄清新爽甜，淋上蜜糖把番茄的口感提高了一個層次。⭐️三椒豬手$138花椒籽、紅辣椒和綠辣椒。炒出來香噴噴的，辣椒把豬手香味都引出來，嚐一口，豬手肥腴分佈適中，入口爽脆。⭐️水煮桂花魚$398壓軸戲來了！水煮魚很大一鍋，非常震撼，恐怕三個人才吃得完吧？店員先把辣椒撈去，因為辣椒浸泡久了，會愈來愈辣。湯底清澈見底，很清亮，不覺油膩。魚片切得薄厚適中，入口不麻不辣，但麻辣香氣足！魚質嫩滑，魚的香氣很足，令我忍不住一口接一口地吃！還有扁薯粉和芽菜等配料，增加口感，非常好吃呢！⭐️清炒萵筍絲$108萵筍能促進消化，增加食慾。把萵筍切成絲，入口爽脆無渣，不覺苦味。⭐️棗茸千層糕$40最後來一道中式甜品，把棗茸千層糕堆砌成星形。送入口，棗茸甘甜煙韌，入口Q彈，不俗。▪️這裡環境用餐清淨，服務也周到。令我難忘的是水煮魚。無論在湯底、配料和魚質都令我很滿意，希望再有機會品嚐。…Read More

今日公司請食飯，去咗銅鑼灣三希樓食川菜。之前聽過呢間餐廳，都係話食打邊爐，原來呢度嘅川菜都好出名。第一樣嚟嘅係麻辣口水豬手，豬手好入味，亦都去左骨，佢嘅辣味都幾強勁，越食越辣，不過好好味，但有啲唔係好食到辣嘅同事就覺得好太辣。之後就嚟咗個蜂蜜番茄，呢個蜂蜜番茄真係好好好好好好食，一定要叫，只係$38。食完啱啱嗰個口水豬手，個口勁辣嘅時候食番一片凍冰冰，好清新有蜂蜜味嘅蕃茄，為個口腔降溫。佢真係好好食，完全唔似食緊蕃茄，本身個番茄已經好甜，再加上上面加咗蜂蜜成件事好似食緊甜品一樣。我絕對一個人可以食晒成碟。之後仲有一個前菜要沙拉鮮筍，本身唔係好食筍嘅我食左一舊，完全唔個係筍嚟嘅，仲以為係蘋果沙律，係同事講我先知，口感好清新爽脆，幾開胃。之後重點就嚟啦，水煮魚。一睇到啲辣椒同事都覺得好驚好驚好辣，但係其實食落冇麻辣口水豬手咁辣。你入面好多魚塊，雖然我唔知用左咩魚，但係魚肉好滑，唔腥，仲有好多火鍋粉，好正宗。之後再嚟多個干鍋豬大腸，其實我本身唔識豬腸嘅，但係個個同事都食得好滋味話好好食我就試咗一舊，真係冇得彈，令我一試愛上。佢係好香脆，外面炸到卜卜脆，入邊亦都冇腥味，口感好似食緊薯片咁，再加上干鍋嘅煮法粒粒都好入味，難怪個個都搶住食。黎完一大堆充滿辣椒嘅菜式之後，就上咗個酸菜豆腐中和一下，豆腐好滑，配上酸菜，好清新好refreshing。招牌咕嚕肉同埋三希吊燒雞都係呢度嘅好出名嘅菜式。咕嚕肉同平時食嘅咕嚕肉好唔一樣呢度用咗其他有用咗提子乾酸梅等等嘅材料帶出咕嚕肉嘅甜酸味。吊燒雞翼都係皮薄多汁，外脆內軟，冇得頂。又來一個甜品就係山水撞到豆腐花，真係成筒豆腐花上台，即刻片俾你。最鍾意係佢有一個桂花糖漿超級好食。桂花糖醬味道好清新，帶點桂花香味，冇黃糖或者就普通糖水咁甜。豆腐花亦都好香好滑，必食。…Read More