Chutsuki Sushi

今日有個朋友話升職想請我食飯，仲話佢公司附近有間食omakase喺觀塘區內都有啲名氣，所以就嚟咗呢度食個晚飯。店裏面嘅裝修比較簡約，感覺真係幾似喺日本見到嘅小店，而牆上就貼滿好多相信係客人飲過嘅清酒招紙。仲有好多貓貓擺設同埋有幾十張排列整齊嘅貓貓相。我哋揀咗個二人鐵板餐，首先有沙律同埋味噌湯，沙律菜好新鮮，配上日式麻醬真係冇得彈！因為我哋坐得好近鐵板區，所以可以近距離目睹廚師點樣為我哋預備食材。第一道主菜就係銀鱈魚，配左啲雜菜，有蘆筍、蘑菇、同埋意大利小黃瓜，而相中右手邊嘅就係煎到脆卜卜嘅銀鱈魚皮，真係好似食緊薯片咁脆口，超正！然後就係香煎廣島蠔，師傅控制火候真係好出色，可以煎到外面脆卜卜，而內裏仍然係好嫩滑，配埋炒香咗嘅蒜蓉、蔥花同煙肉碎一齊食，真係好味到唔識形容。呢個安格斯薄切都係包住蒜蓉、蔥花煙肉碎一齊食，炒香咗嘅蒜蓉已經沒有半點辛辣，所以平時唔鍾意食蔥蒜嘅我都完全接受得到！而呢份香煎鵝肝配多士係我全晚最欣賞嘅菜式，因為佢做到個鵝肝表面煎香，而內裏就嫩滑得來有少少卜卜脆嘅感覺，我第一次食鵝肝食到呢種口感最後就係炒飯同埋炒雜菜，飯粒做到粒粒分明，炒雜菜份量亦足夠。真係要多謝我呢個朋友帶我嚟見識呀…Read More

比和男友慶祝三周年紀念日，選擇了食鐵板燒！前菜先來昆布湯和沙律，味道比較清淡的。與比想像中的有點不一樣，本以為每道菜式各自呈上，誰不知是三道菜式一起上。廣島蠔與魚都算新鮮，挺愛吃燒蔬菜的，不會太乾身。由於三道菜式一起上，菜式很快變涼，影響食物質素，味道還是可以的，但二人前來說，分量不算多。最有驚喜是炒飯，有飯焦香味，飯炒得一粒粒的，好吃👍🏻由於是小店，座位數量不多，最好先訂位。店舖特色之一，可以選擇只吃鐵板燒，或者鐵板燒加刺身都可，可以一次過滿足兩個願望！…Read More

今晚係屋企附近比我發現左呢間係工廠區入面既高質日本野，主打廚師發辦鐵板燒！超耐無食鐵板燒，就同媽媽去食喇。呢度好好生意，吧台坐滿人，我地唯有坐下面既四人台。呢度有兩款傳統Omakase，分別係爍雨（$1380）、焰月（$980），有齊前菜、壽司、刺身、手卷、甜品。另外一款就係全套都係鐵板燒，$528有二人份量，咁抵我地就當然揀左呢款，再另外加左刺身8點（$288）。首先上既係胡麻醬沙律同埋昆布湯開開胃。鱈魚，啱啱燒起既鱈魚熱辣辣。用左適量鹽同胡椒，啱啱好帶出鱈魚既鮮味！肉質嫩滑，仲有啲膠質添。廣島蠔，配埋啲蒜炒櫻花蝦，味道十足，好惹味！廣島蠔煎完既外皮入面係超滑溜既蠔肉，一啲都唔腥！鵝肝多士，多士用牛油煎過微脆，上面係入口即溶，而且飄來陣陣引人入勝既香氣既鵝肝，口感超豐富！薄切安格斯牛肉，有四件，入面包住啲生蒜。外面油潤，入面爽脆，非常特別。菊刺身，呢個另加既刺身拼盤，分別有三文魚、牡丹蝦、油甘魚、八爪魚、吞拿魚赤身、帶子、鯛魚。份量十足，好鮮，無雪藏味，好厚切，啖啖口，大滿足！炒雜菜，分別有芽菜、紅蘿蔔絲、椰菜、小棠菜，另外上四塊雞髀菇。雜菜切絲，所以啖啖都有唔同既菜。味道好有牛油香。雞蛋炒飯，真係已經九成飽所以都只能食半碗了。炒得粒粒分明，新鮮炒起香噴噴。呢度兩個廚師，一個侍應，密密加水而且上菜又會介紹菜式，同食客大家有講有笑。呢度係鴻圖道同駿業街交界既一間地舖，地方闊落無壓逼感，果然係觀塘一個難得既好地方。…Read More

觀塘區雖然多食店，但日本餐館卻不多，其中菊月町原本只是區內一間外賣壽司小店，憑著性價比高越做越大，最近連廚師發辦和鐵板燒也有提供。我們今次就是為了它的二人鐵板燒套餐而家，人均二百多元已經有九道菜，非常抵食。＊＊＊＊＊＊＊＊＊＊＊＊＊＊雖然說店面擴充了，但店內也只有十餘個吧枱座位，適合三兩知己前來。貓形筷子托，幾趣緻。正如先前提到，我們點了二人鐵板燒套餐($528/2人)，抵食之餘也可以一次試勻多款燒物。湯簡單的海帶湯，味道幾清不過鹹。沙律沙律菜新鮮爽脆，胡麻醬足夠，酸香十足很開胃。廣島蠔燒過的廣島蠔依然非常厚肉juicy，中間肉質呈半生蠔，蠔肉嫩滑。銀鱈魚銀鱈魚油份豐富，入口即化。鵝肝鵝肝燒得剛剛好，中間呈半融狀態，墊底的厚多士吸了鵝盼的油，除了令膩感大減外，亦令多士多了一份鵝肝油香。美國安格斯薄片以安格斯牛肉包裹著蒜蓉和蔥花來燒，蒜蓉香味突出，不過略嫌牛肉有點過熟。汁煮三文魚鮫(68)這是另外點的，三文魚鮫幾大份，啖啖肉魚骨不多，不過我最喜歡卻是碟底的醬汁，濃稠適中帶點黏性，甜甜的味道非常濃郁。炒飯炒飯夠乾身不會太多油，但味道如果濃味一點更好。炒雜菜炒雜菜非常大份，最後都飽到吃不完。總結，二人鐵板燒套餐非常抵食，其中我最喜歡廣島蠔、鵝肝和單點的汁煮魚鮫，想平平地拍拖食個晚餐都是一個不錯選擇。…Read More