之前book咗24-6-2023(Sat)嚟神石燒食晚飯,我見佢哋喺OR寫book咗位都要睇到時座位夠唔夠而安排,我同老公就比book咗嘅時間早15分鐘到嚟,我去到同經理講喺OR book咗幾點,佢即刻指我出去等.咁等咗一陣,佢安排兩組客人入去坐,我見到重有位,但佢完全漠視我哋,我就上前,佢至好似記得要安排咁.入座時,佢講一大堆嘢,但我哋聽完全唔清楚,而我哋兩人一共拎住四個袋,又冇多餘嘅凳擺嘢,有個女侍應行過就話俾我哋知有鈎掛嘢.安頓好晒後睇menu,就決定要$138.00嘅黑安格斯牛隔肌盛合同傳統~M7和牛盛合.兩個餐都有是日日式湯,同享有日本珍珠飯同沙律放題.再加$28.00要日式燒鰻魚同唔知加幾多錢嘅豚舌各一串.落完單,嘢食陸續到嚟.先上其中一個盛合,有張紙蓋住,唔知邊個嚟,揭開睇,有三種肉,分別係牛,豬同雞,呢個係黑安格斯牛隔肌盛合,係美國Prime黑安格斯牛隔肌,西班牙極豚肉同美國無激素走地雞肉.由於呢個只靠石頭仍有嘅熱力燒,所以我哋係較遲至食,差唔多最後至食佢哋.跟餐嘅蜆湯,啲蜆嫩滑冇渣,唔太鹹,OK嘅.味道:3.3分放題自己舀嘅日式泡菜湯,我試一啖,覺得佢係加咗泡菜嘅羅宋湯.味道:3分牛舌豚肉湯呢?由於好早舀定,所以有好多牛舌,呢個味道好夠,亦好味,之後再舀已經冇乜牛舌,只剩返豚肉.味道:5分食吓日式燒鰻魚先,好彈牙,但係係生嘅彈牙,我要放喺石上再燒熟至食,而佢本身冇乜點調味.味道:2分豚舌口感OK嘅,但冇味.味道:2.5分M7和牛盛合呢?佢有5種牛肉,分別係M7黑毛和牛,澳洲穀飼牛扒,極上厚切牛舌,安格斯牛肩胛同黑安格斯漢堡扒各60g.印象中極上厚切牛舌同黑安格斯漢堡扒係唔錯,其他嘅唔知邊樣打邊樣就好一般.味道:3.5分講返黑安格斯牛隔肌盛合:美國Prime黑安格斯牛隔肌口感好正好彈牙;味道:5分雞肉啱啱好嫩滑;味道:4分西班牙極豚肉唔會乾柴.味道:4分而日本珍珠飯都普通冇乜特別.味道:3分沙律就有粟米粒,青瓜,車厘茄同紫椰菜,都新鮮嘅,不過鍾意佢哋粟米粒入面有蒟蒻;沙律醬就有由下而上嘅生薑燒肉汁,柚子醋同胡麻醬.其他:點餐時,可以俾客人揀要或剔走邊隻肉,都幾靈活.呢喥湯,日本珍珠飯同沙律放題都要自己攞,呢喥環境唔算好闊落,店只要拎門火嘅石燒行,咁人來人往,其實有啲危險.價錢:有加一服務費,紙本menu內原來冇傳統~M7和牛盛合,而o家睇返張單,原來冢舌串係$9.00,咁傳統~M7和牛盛合就係$148.00.而我因為經OR book位,叫主菜餐牌石燒就有89折,最後,只有黑安格斯牛隔肌盛合連日式燒鰻魚有89折,唔明點解傳統~M7和牛盛合冇.呢餐俾咗$337.00.…Read More
