Wagyu Yakiniku Ichiro (MCP CENTRAL)

今次同屋企人一齊食主餐B🤤有舟•盛合，盤•盛合，另外仲有超過102款小食，熟食，豚肉，雞肉及海鮮。用QR code落單，簡單使用，order左咩都一目了然。舟•盛合及盤•盛合大致上有主要QR code落單食材，我特別鍾意牛肋條肉味濃郁，網燒後外脆內Juicy，而且厚身肉質，每啖都超滿足。推介薄炙蔥花牛舌(鹽味)，薄切牛舌燒到少少香脆，入口軟滑，油脂感十足而且牛味回香；極上厚切牛舌網燒後依然非常淋，大啖大啖更加滿足。海鮮類推介牛油燒蝦，網燒蝦頭非常香口，蝦肉厚身又彈牙。仲有重點必食和牛壽司卷，軟芝士十分夾和牛，香軟極致。放題餐廳來講，飲品多元化，另外所有雪條都係日本🇯🇵入口。而自家製甜品更是非常出色，雖然只有五款，但真心每款都好味，特別係檸檬忌廉杯，玉桂青蘋果芝士杯，酸甜清新，解滯解油膩一流。…Read More

#和牛燒肉一郎 係 #將軍澳 #新都城 開咗分店有一段日子，我地一直都好想黎試試。今日我哋order左B餐, 包括店家精心挑選嘅特選牛同嚴選牛，並以一隻木船同木桶上枱，夠晒氣派。除此以外，仲有其他肉類同海鮮放題任食，加埋都有102款😱舟·盛 入面有 牛肉、豚肉、雞、海鮮同埋野菜，而當中嘅牛有牛筋肉、牛筋條同埋牛里脊肉。而桶盛就包括：#牛肋肉 、 #牛里脊肉 、 #豚肉、雞，最特別係個桶係由座位旁邊既 #燒肉新幹線 路軌傳送，新幹線到達時會有音樂響起黎，如果30秒都唔打開門就會送走。除左以上食物，其他都係任食任飲，客人只需要透過QR code去佢地網頁order。而外面另外有沙律吧、飲品吧、醬料吧同甜品吧，包你食到飽～整體黎講牛肉質素都唔錯，自己就較為喜歡另外點嘅 #大判壽喜燒牛里脊肉、#特選薄炙牛里脊肉 、#特選薄炙牛肋肉。可能是#薄切 關係，口感就更加軟腍，而且兩邊只需要燒幾秒就得，時間上容易控制。除左燒汁，海鹽都十分適合，咁樣牛嘅味道就更為特出啦～ 另外仲試左佢地 #特上牛舌棒 、#BBQ風味牛肉角切一口牛 同 鹽味薄炙蔥花牛舌，我就覺得鹽味薄炙蔥花牛舌略嫌有少少膻味，其餘牛舌都唔錯呀。因為生牛肉唔係度度有得食，所以見到有 #炙燒拌生牛肉 就即刻要點！如果怕生可以考慮我呢份炙燒拌生牛肉，我諗都有三成熟嘅，加埋生雞蛋都幾好味，未試過嘅朋友都值得試下。食左咁多牛，你可能會諗唔膩咩？答案係會架，而我嘅解決方法就係：食泡菜！😆係真架… 酸酸辣辣嘅#泡菜 係會令你舌頭refresh一下，唔信你可以試試～另外，食之前係沙律吧夾個 沙律打打底，冇咁熱氣之餘，都可以令你胃口大關。而佢嘅沙律菜夠新鮮夠凍，幾好。佢地嘅 #海鮮 都幾高質，船入面嘅帆立貝同大蝦好鮮甜，所以再encore4隻 #蒜蓉牛油帆立貝 。加左蒜蓉同牛油就更為鮮味。另外佢地個 #青口 都唔錯。燒到最後二十分鐘，當然要試下佢地嘅甜品啦。其實一黎到已經好想食雪條，但冇理由咁喧賓奪主嘅係咪？😂雪櫃一共有五款雪條，由上至下係波子氣水味角十棒、藍莓味乳酪棒、水蜜桃冰棒、雲尼拿雪條、南國風雪條。我五隻都試晒，最好食係頭兩條🤭和牛燒肉一郎 (新都城中心2期) (將軍澳)將軍澳貿業路8號新都城中心2期1樓1040-41號舖…Read More

見呢到新開張，兼且被佢門口隻牛所吸引，一於入黎食下燒肉😜呢到雖然係做放題任食，不過都係行高質素路線，而且有唔同COURSE可以選擇，豐儉由人。我地揀左COURSE C 美國牛肉及日本產豚肉及雞肉放題(WEEKDAYS $398/每位)，一共有62款食物可以ORDER，同埋有一份牛肉特選拼盤，90分鐘任飲任食裡面座位空間都好闊落呢到有提供圍巾，咁就唔使驚食到成身污糟😛出面好多款自家製水果茶可以飲，喺後面都見到職員切緊生果不斷製作中仲有沙律BAR可以自取，咁就唔會淨係食肉食到好膩😄呢到係用手機掃QR CODE自助落單，然後會用自助運輸帶送上食物，幾方便又特別😉涼拌豆芽、青瓜泡菜、白蘿蔔泡菜：先點D前菜黎食，開一開胃😃落完ORDER一陣，D食物開始送上😍SRF極牛肉特選拼盤：拼盤一共有4款牛肉同埋D蔬菜，見到SRF牛肉顏色粉嫩，D油花分佈都好靚，淨係睇都知夠高質😍佢有件肥膏等你燒下個網，咁就燒肉時唔會太癡網😉D牛肉唔使燒得太熟，輕燒2邊就食得，入口肉質嫩滑唔會韌，而且牛味都好濃郁🤤SRF肩胛小排：食完拼盤就另外追加SRF牛肉繼續燒，質素KEEP住同樣高質，唔會再落ORDER就變差👍🏻帆立貝、蝦、墨魚：海鮮種類選擇唔算多，但勝在質素好，肉質彈牙爽口而且鮮甜😋墨魚記得要得閒郁下佢，如果唔係好易癡網😉日本豚里脊肉：切得薄身，所以燒一燒好快食得，少少肥燒完夠香口😋豚肉腸：燒下腸仔黎食夠方便男爵牛肉薯餅、吉列蝦：炸物熱辣辣，夠香脆，唔會太油膩薯仔沙律：食落好軟滑，簡簡單單但幾好味大分雞肉天婦羅壽司卷：卷物唔會太大件，ORDER黎食下過下壽司癮香蔥海苔溫泉蛋拌飯、汁燒牛肉溫泉蛋飯：食到臨尾都唔係太飽，所以決定叫D飯黎食下，呢到D飯份量都幾多，唔使驚會唔夠飽😜香蔥海苔溫泉蛋拌飯就比較香口惹味，汁燒牛肉溫泉蛋飯就多份肉味濃味D😋最後當然要食甜品啦，呢到有自家製甜品、雪糕、日本雪條可以任拎，咁先夠滿足🥰要留意返呢到淨返半個鐘就LAST ORDER落唔到單，記得記得臨尾點定多D野食，咁就可以繼續燒肉食埋佢😉食物水準高，個網開始多焦嘅時候，職員都會幫忙換燒網同收碟，唔會成枱都係碟，夠細心👍🏻補MENU…Read More

行過見到新開燒肉店，好大隻牛好吸引，未開已經有好多人等緊位，但係餐廳環境好大，所以我哋好快已經等到位。我哋揀咗套餐B，特選美國牛肉放題，食物種類都有好多，有齊牛肉、豬肉、雞肉、海鮮、其他熟食同甜品雪糕等等，90分鐘放題，時間都算充足。特別推介牛肋肉：脂肪比例好，好有牛味，有入口即溶嘅感覺，燒出嚟好Juice。薄切牛舌：好容易燒，口感幾好，牛味充足。雞肉：連埋雞皮燒好香脆，雞肉柔嫩滑口海蝦：新鮮，肉質Q彈日本牛奶雪條：奶味香濃個爐頭仲可以自己揀大中細火，配合唔同嘅食物調教大細，中途仲可以請侍應幫忙更換網，抽風系統做得幾好，唔大油煙。用輸送帶傳送食物，幾有趣。出邊飲品吧同埋沙律吧都有好多唔同選擇。甜品有三四款，雪糕都有三四款。…Read More