不時有去吓啲工廠區嘅廠廈搵食，因為價位實惠，又有不少喺卧虎藏龍。雖然食自助餐都唔少，不過，晌工廠區嘅酒店食自助餐呢，印象中今次都應該喺第一次喇。不過，近年，都發現有唔少酒店進駐入工廠區，為工廠區帶嚟多一點生氣，位於新蒲崗嘅香港九龍貝爾特酒店就喺其中一家，今晚同親友嚟到酒店中嘅「潮食街」食自助餐，認識吓呢股工廠區嘅新食力
。由地下酒店大門，以至大堂，都睇到一股本土嘅型格，極富香港文化元素，一睇就勾起啲細細個嘅回憶。餐廳嘅前方原來喺酒店嘅入住登記大堂，唔怪得咁多人，仲貫徹番酒店嘅型格裝修，最搶視線喺放咗一張美式桌球枱，可惜嚟食飯，未有機會顯醜篤番兩Q！入到餐廳內，原來都幾大，一字打橫以「鑊鮮」、「輕型營」、「烤吧」、「籠點蒸」、「面對麵」作為幾個食物分區，設計帶少少本土大排檔風情；而座位就穿插晌各食物區之間，地方蠻寬敞，而最近就喺做緊海鮮煮「意」自助晚餐，主打一系列意大利美饌，讓客人體驗意大利風情。
沙律、冷盤
晌「輕型營」區提供沙律、冷盤及刺身，先介紹吓前兩者，長枱上擺放2款沙律菜、10款配料及5款醬汁（蜜糖芥末醬、法汁、千島汁、凱撒汁、意大利黑醋），以及2款預製好嘅沙律（意式海鮮沙律、紅菜頭沙律），絕對夠晒砌出一道美味沙律；此外，多款意式冷盤，包括燒牛肉薄片、蕃茄水牛芝士、煙三文魚、風乾火腿伴蜜瓜，都非常吸引
。再邊邊，有3款冷盤切肉腸及2款芝士：巴馬臣芝士、哥根蘇拿藍芝士，備有克力架及提子乾配襯，不過，小弟就喜歡搵麵包伴芝士，所以，一陣飲西湯時先嚟切肉腸、芝士伴麵包
。小弟慣於先由沙律落肚，開開胃，堅可以加強「食」力。少少沙律菜再加所有配料，淋上至愛嘅醬汁之一蜜糖芥末醬，搭多件燒牛肉薄片及蕃茄水牛芝士，組成小弟嘅完美沙律拼盤
。沙律菜好爽脆，個蜜糖芥末醬濃香夠挺身；燒牛肉薄片亦都好食，軟腍有肉香。刺身、壽司再介紹埋啲刺身，陣容都唔弱，足有7款刺身：甜蝦、北寄貝、醋鯖魚、八爪魚、吞拿魚、鯛魚、三文魚，比一般自助餐只提供兩、三款依度算喺多，不過，就只有少少壽司卷，而無壽司，唔緊要，反正小弟食自助餐都好少食。隨意拎咗少少刺身試試，甜蝦、八爪魚、吞拿魚，質素不過不失咁啦，但應足夠滿足到大部分食客。是日燉湯食咗兩輪生冷嘢，嚟一碗熱湯暖暖胃就最好不過，呢度嘅中湯提供燉湯，而且眼見不斷有供應，無斷過貨，至於今晚嘅燉湯喺瑤柱節瓜花菇燉螺頭，更用上紫砂燉盅，保溫力更強。晌邊度有得拎，就喺「籠點蒸」區喇！依家好多自助餐都有燉湯飲，而且，水準不賴，今晚呢盅又點？兩個字：好掂，一打開你就知用料無欺場，湯色清澈，飲落清潤，秋涼飲就更窩心:)。溫馨提示，啲燉湯好熱吓，早少少開蓋攤吓會易入口。是日西湯、麵包籃除有燉湯， 仲有一款西湯：意大利瓜薏米雞肉湯，側旁放有麵包籃（意式香草包、小麥包、餐包），不過，款式較大路，唯一心水啲喺意式香草包，如果，加番把熱燈暖住就更好。再食喺一道小冷盤拼餐湯，有切肉腸、風乾火腿伴蜜瓜、芝士伴意式香草包，啲香草包拼藍芝士或莎樂美腸都好夾
；碗雞肉湯都好多料，但味道較清，唔似常見嘅意大利雜菜湯咁濃，讓客人有多一個較清淡嘅選擇。蒜粒薑蔥蒸鮮鮑魚本來打算準備去拎凍海鮮，突然間侍應送上每人一隻原隻鮮鮑魚，原來凡於星期五至日及公眾假期幫襯自助晚餐，每人都會獲贈蒜粒薑蔥蒸鮮鮑魚，呎吋有10到12頭大細。落刀已感覺到嗰份彈力，入口煙韌咬口，有鮑味，亦充滿蒜香，
！即開生蠔、海鮮冷盤食自助餐嘅人大部份心態都喺想回本，但又唔食得多，所以，向貴價食材落手就理所當然。晌「鑊鮮」區有即開生蠔，自然喺搶手貨，仲標明喺法國蠔，就更多人排，為免輪候太耐，每人每次限攞4隻，當然無限任食。此外，凍海鮮仲有翡翠螺、凍蝦、青口及長蟹腳。一次過拎晒所以凍海鮮，啲蠔真喺幾正，肉質爽脆，帶豐富海水味，卻又唔會過鹹；題外話，啲蠔即開，師傅仲好有心機沖洗乾淨奉客，高峰時段，更有兩個師傅駐場。其他海鮮，翡翠螺柔韌好食，凍蝦爽甜，長蟹腳就一貫嘅超鹹，唧咗檸汁都喺鹹。講到熱盤，擺放比較分散，幾個區域都有，先介紹吓有啲咩款式。晌「鑊鮮」區，就有乾燒伊麵、避風塘炒中蝦、油鹽水沙白、冬蔭公海鮮、四川口水雞、咖喱魚蛋、蒜子上湯浸菜、XO醬海鮮炒飯，都喺比較中式或飽肚嘢，對小弟嚟講吸引度唔太大。「烤吧」區就較為吸引我，因為有香煎鴨肝配黑醋汁，兩款烤肉（烤羊架、燒澳洲M5和牛，配燒汁或黑椒汁，仲有薄荷醬、英式及法式芥辣），而且，仲有好多選擇，包括：燒粟米、烤菠蘿、牛仔骨、焗意式海鮮錫紙包、鹽焗原條海鱸、咖喱雜菜、咖喱羊肉、印度胡椒餅，另一邊位就喺日式茶碗蒸、意式焗茄子、炒什菌，以及香脆巴馬臣芝士炸雞、3款自家製薄餅（海鮮蕃茄 / 四式芝士 / 卡普雷塞），一次過真喺試唔晒
。熱盤（一）先嚟一碟以烤肉為主，烤羊架、燒澳洲M5和牛，再搭香煎鴨肝、鹽焗海鱸，伴伴燒粟米、烤菠蘿，立時變得有種巴西風味，羊架甚討人歡心，軟腍帶微羶，沾一點法式芥辣實在喺一種享受，而和牛極富肉香，燒得啱啱好；鴨肝配一小片嘉拿餅，雖然細細件，一樣煎得外脆內嫩，滿滿油香，配黑醋汁，減膩效果立見；不過，海鱸就實肉啲，卻喺好有魚味，加多一份焗意式海鮮錫紙包，有魚柳、蜆隻、大蝦，底下仲有飯粒，味道頗鮮甜。熱盤（二）第二道熱盤就大雜會啲啦，拎咗7款菜式，計有炒中蝦、沙白、炒什菌、咖喱羊肉、自家製薄餅、芝士炸雞、焗茄子。最得我心喺炒什菌、咖喱羊肉同焗茄子，尤其啲茄子，又腍，且滿載芝士；最唔得喺啲芝士炸雞，大概因為炸起後只用射燈烘熱住，效果一定大打折扣，唔及新鮮炸起即食。即叫即煮意粉檔順便介紹埋晌「烤吧」區嘅即煮意粉檔，4款麵條（意大利粉、長通粉、大通粉、螺絲粉）、8款食材（帶子、蜆、青口、蝦、墨魚仔、火腿、魚柳……）、4款醬汁（蒜香蕃茄、香蒜橄欖油、松露忌廉、意式香草醬），可以隨意自由配搭，據師傅講，麵條有時仲會轉款，如天使麵、大貝殼粉，但每日總有4款供應，其實都想試，不過，親友又唔多好意粉，自己胃納又有限。燒味粉麵檔唔食意粉，仲有個燒味粉麵檔，就晌「面對麵」區，雖然有叉燒、自家製燒腩仔及白切雞，不過，對本地客可能吸引唔大，外國客就應該幾喜歡本土燒味。除有燒味，仲有啲點心，印象中好似喺珍珠雞、魚肉燒賣。自選生滖粥檔意粉、粉麵，仲有個自選粥檔，同樣晌「面對麵」區，鮮濃鰂魚湯底配生菜手刴鯪魚肉喺店家嘅推介，而配料仲可以加柴魚花生、龍蝦、冬菇、免治牛肉、螺肉，佐料就包括薄脆、榨菜、花生、蔥花，相信上年紀嘅客人會幾鍾意。甜品、生果尾聲又喺甜品時間，全部甜品都放晒晌餐廳近尾嘅位置，包括有雲石芝士蛋糕、芒果子慕絲蛋糕、香草芭芭露、咖啡朱古力奶凍、焦糖布甸、雜莓拿破崙、朱古力慕絲蛋糕、杯子蛋糕、綠茶紅豆卷蛋、半熟芝士撻、暖心朱古力蛋糕，後面仲有啲本土懷舊零食，如嘉應子、山渣餅……等等，意大利芝士蛋糕初初影相時見到，後尾無出添，兜吓兜吓發現雪耳紅棗茶、自家製豆腐花、焗椰汁西米布甸放咗晌「籠點蒸」區一角。是晚新鮮水果就有西瓜、火龍果、哈蜜瓜，唔食甜品嘅客人，可以食啲飯後果。小弟同親友都嗜甜，所以，大家都有留肚試甜品。一口氣拎咗11款甜品，實行甜品拼盤大放送，雖然以款式以言，唔喺好有特別，但講味道，整體嚟講，真喺比預期好喎，當中最得我心喺雜莓拿破崙、朱古力慕絲蛋糕、芒果子慕絲蛋糕、雲石芝士蛋糕、綠茶紅豆卷蛋、半熟芝士撻、咖啡朱古力奶凍、焦糖布甸，逐樣逐樣寫真喺可以寫多一大段，長話短說，好有水準:)。Haagen Dazs雪糕雪糕有晒成個Haagen Dazs專櫃，只喺提供3款口味：士多啤梨，朱古力，雲呢拿，雖然喺HD品牌，但略嫌口味普通，此外，櫃內仲有雪米糍，並有朱古力醬、士多啤梨醬、花生醬、煉奶、花生碎、杏仁片、七彩糖作配料添加。食住甜品又點可以無杯咖啡，餐廳提供啡茶、檸水、檸荼、汽水自助，不過，好得意，咖啡及紅茶要7:30pm之後先開始供應。如想飲其他嘢都有得揀，例如特飲、酒精飲品……等等，不過，喺額外嘅付款項目！自助晚餐嘅定價喺$418+10%（成人價，星期一、三及四，公眾假期除外），$498+10%（成人價，星期五至日及公眾假期），因為，Openrice提供7折優惠券，實價唔使四百，以今晚所試嘅質素，比起出尖沙咀、過銅鑼灣真喺慳一大截。服務方面又好，基本嘅收碟、添水、食物補充……完全到位，侍應又有禮貌，就連啲師傅都幾好傾，有問必答，感覺呢度啲侍應、廚師都好年輕。不過，既然喺做緊意大利主題，不妨晌主題菜式嘅名牌上加入意大利國旗做底紙色，以聚焦主題，又或加少少意大利名勝小擺設，如比薩斜塔、羅馬鬥獸場或威尼斯嘅貢多拉……，都可以突出番意大利呢個主題。…Read More
。由地下酒店大門，以至大堂，都睇到一股本土嘅型格，極富香港文化元素，一睇就勾起啲細細個嘅回憶。餐廳嘅前方原來喺酒店嘅入住登記大堂，唔怪得咁多人，仲貫徹番酒店嘅型格裝修，最搶視線喺放咗一張美式桌球枱，可惜嚟食飯，未有機會顯醜篤番兩Q！入到餐廳內，原來都幾大，一字打橫以「鑊鮮」、「輕型營」、「烤吧」、「籠點蒸」、「面對麵」作為幾個食物分區，設計帶少少本土大排檔風情；而座位就穿插晌各食物區之間，地方蠻寬敞，而最近就喺做緊海鮮煮「意」自助晚餐，主打一系列意大利美饌，讓客人體驗意大利風情。沙律、冷盤晌「輕型營」區提供沙律、冷盤及刺身，先介紹吓前兩者，長枱上擺放2款沙律菜、10款配料及5款醬汁（蜜糖芥末醬、法汁、千島汁、凱撒汁、意大利黑醋），以及2款預製好嘅沙律（意式海鮮沙律、紅菜頭沙律），絕對夠晒砌出一道美味沙律；此外，多款意式冷盤，包括燒牛肉薄片、蕃茄水牛芝士、煙三文魚、風乾火腿伴蜜瓜，都非常吸引。再邊邊，有3款冷盤切肉腸及2款芝士：巴馬臣芝士、哥根蘇拿藍芝士，備有克力架及提子乾配襯，不過，小弟就喜歡搵麵包伴芝士，所以，一陣飲西湯時先嚟切肉腸、芝士伴麵包。小弟慣於先由沙律落肚，開開胃，堅可以加強「食」力。少少沙律菜再加所有配料，淋上至愛嘅醬汁之一蜜糖芥末醬，搭多件燒牛肉薄片及蕃茄水牛芝士，組成小弟嘅完美沙律拼盤。沙律菜好爽脆，個蜜糖芥末醬濃香夠挺身；燒牛肉薄片亦都好食，軟腍有肉香。刺身、壽司再介紹埋啲刺身，陣容都唔弱，足有7款刺身：甜蝦、北寄貝、醋鯖魚、八爪魚、吞拿魚、鯛魚、三文魚，比一般自助餐只提供兩、三款依度算喺多，不過，就只有少少壽司卷，而無壽司，唔緊要，反正小弟食自助餐都好少食。隨意拎咗少少刺身試試，甜蝦、八爪魚、吞拿魚，質素不過不失咁啦，但應足夠滿足到大部分食客。是日燉湯食咗兩輪生冷嘢，嚟一碗熱湯暖暖胃就最好不過，呢度嘅中湯提供燉湯，而且眼見不斷有供應，無斷過貨，至於今晚嘅燉湯喺瑤柱節瓜花菇燉螺頭，更用上紫砂燉盅，保溫力更強。晌邊度有得拎，就喺「籠點蒸」區喇！依家好多自助餐都有燉湯飲，而且，水準不賴，今晚呢盅又點？兩個字：好掂，一打開你就知用料無欺場，湯色清澈，飲落清潤，秋涼飲就更窩心:)。溫馨提示，啲燉湯好熱吓，早少少開蓋攤吓會易入口。是日西湯、麵包籃除有燉湯， 仲有一款西湯：意大利瓜薏米雞肉湯，側旁放有麵包籃（意式香草包、小麥包、餐包），不過，款式較大路，唯一心水啲喺意式香草包，如果，加番把熱燈暖住就更好。再食喺一道小冷盤拼餐湯，有切肉腸、風乾火腿伴蜜瓜、芝士伴意式香草包，啲香草包拼藍芝士或莎樂美腸都好夾；碗雞肉湯都好多料，但味道較清，唔似常見嘅意大利雜菜湯咁濃，讓客人有多一個較清淡嘅選擇。蒜粒薑蔥蒸鮮鮑魚本來打算準備去拎凍海鮮，突然間侍應送上每人一隻原隻鮮鮑魚，原來凡於星期五至日及公眾假期幫襯自助晚餐，每人都會獲贈蒜粒薑蔥蒸鮮鮑魚，呎吋有10到12頭大細。落刀已感覺到嗰份彈力，入口煙韌咬口，有鮑味，亦充滿蒜香，！即開生蠔、海鮮冷盤食自助餐嘅人大部份心態都喺想回本，但又唔食得多，所以，向貴價食材落手就理所當然。晌「鑊鮮」區有即開生蠔，自然喺搶手貨，仲標明喺法國蠔，就更多人排，為免輪候太耐，每人每次限攞4隻，當然無限任食。此外，凍海鮮仲有翡翠螺、凍蝦、青口及長蟹腳。一次過拎晒所以凍海鮮，啲蠔真喺幾正，肉質爽脆，帶豐富海水味，卻又唔會過鹹；題外話，啲蠔即開，師傅仲好有心機沖洗乾淨奉客，高峰時段，更有兩個師傅駐場。其他海鮮，翡翠螺柔韌好食，凍蝦爽甜，長蟹腳就一貫嘅超鹹，唧咗檸汁都喺鹹。講到熱盤，擺放比較分散，幾個區域都有，先介紹吓有啲咩款式。晌「鑊鮮」區，就有乾燒伊麵、避風塘炒中蝦、油鹽水沙白、冬蔭公海鮮、四川口水雞、咖喱魚蛋、蒜子上湯浸菜、XO醬海鮮炒飯，都喺比較中式或飽肚嘢，對小弟嚟講吸引度唔太大。「烤吧」區就較為吸引我，因為有香煎鴨肝配黑醋汁，兩款烤肉（烤羊架、燒澳洲M5和牛，配燒汁或黑椒汁，仲有薄荷醬、英式及法式芥辣），而且，仲有好多選擇，包括：燒粟米、烤菠蘿、牛仔骨、焗意式海鮮錫紙包、鹽焗原條海鱸、咖喱雜菜、咖喱羊肉、印度胡椒餅，另一邊位就喺日式茶碗蒸、意式焗茄子、炒什菌，以及香脆巴馬臣芝士炸雞、3款自家製薄餅（海鮮蕃茄 / 四式芝士 / 卡普雷塞），一次過真喺試唔晒。熱盤（一）先嚟一碟以烤肉為主，烤羊架、燒澳洲M5和牛，再搭香煎鴨肝、鹽焗海鱸，伴伴燒粟米、烤菠蘿，立時變得有種巴西風味，羊架甚討人歡心，軟腍帶微羶，沾一點法式芥辣實在喺一種享受，而和牛極富肉香，燒得啱啱好；鴨肝配一小片嘉拿餅，雖然細細件，一樣煎得外脆內嫩，滿滿油香，配黑醋汁，減膩效果立見；不過，海鱸就實肉啲，卻喺好有魚味，加多一份焗意式海鮮錫紙包，有魚柳、蜆隻、大蝦，底下仲有飯粒，味道頗鮮甜。熱盤（二）第二道熱盤就大雜會啲啦，拎咗7款菜式，計有炒中蝦、沙白、炒什菌、咖喱羊肉、自家製薄餅、芝士炸雞、焗茄子。最得我心喺炒什菌、咖喱羊肉同焗茄子，尤其啲茄子，又腍，且滿載芝士；最唔得喺啲芝士炸雞，大概因為炸起後只用射燈烘熱住，效果一定大打折扣，唔及新鮮炸起即食。即叫即煮意粉檔順便介紹埋晌「烤吧」區嘅即煮意粉檔，4款麵條（意大利粉、長通粉、大通粉、螺絲粉）、8款食材（帶子、蜆、青口、蝦、墨魚仔、火腿、魚柳……）、4款醬汁（蒜香蕃茄、香蒜橄欖油、松露忌廉、意式香草醬），可以隨意自由配搭，據師傅講，麵條有時仲會轉款，如天使麵、大貝殼粉，但每日總有4款供應，其實都想試，不過，親友又唔多好意粉，自己胃納又有限。燒味粉麵檔唔食意粉，仲有個燒味粉麵檔，就晌「面對麵」區，雖然有叉燒、自家製燒腩仔及白切雞，不過，對本地客可能吸引唔大，外國客就應該幾喜歡本土燒味。除有燒味，仲有啲點心，印象中好似喺珍珠雞、魚肉燒賣。自選生滖粥檔意粉、粉麵，仲有個自選粥檔，同樣晌「面對麵」區，鮮濃鰂魚湯底配生菜手刴鯪魚肉喺店家嘅推介，而配料仲可以加柴魚花生、龍蝦、冬菇、免治牛肉、螺肉，佐料就包括薄脆、榨菜、花生、蔥花，相信上年紀嘅客人會幾鍾意。甜品、生果尾聲又喺甜品時間，全部甜品都放晒晌餐廳近尾嘅位置，包括有雲石芝士蛋糕、芒果子慕絲蛋糕、香草芭芭露、咖啡朱古力奶凍、焦糖布甸、雜莓拿破崙、朱古力慕絲蛋糕、杯子蛋糕、綠茶紅豆卷蛋、半熟芝士撻、暖心朱古力蛋糕，後面仲有啲本土懷舊零食，如嘉應子、山渣餅……等等，意大利芝士蛋糕初初影相時見到，後尾無出添，兜吓兜吓發現雪耳紅棗茶、自家製豆腐花、焗椰汁西米布甸放咗晌「籠點蒸」區一角。是晚新鮮水果就有西瓜、火龍果、哈蜜瓜，唔食甜品嘅客人，可以食啲飯後果。小弟同親友都嗜甜，所以，大家都有留肚試甜品。一口氣拎咗11款甜品，實行甜品拼盤大放送，雖然以款式以言，唔喺好有特別，但講味道，整體嚟講，真喺比預期好喎，當中最得我心喺雜莓拿破崙、朱古力慕絲蛋糕、芒果子慕絲蛋糕、雲石芝士蛋糕、綠茶紅豆卷蛋、半熟芝士撻、咖啡朱古力奶凍、焦糖布甸，逐樣逐樣寫真喺可以寫多一大段，長話短說，好有水準:)。Haagen Dazs雪糕雪糕有晒成個Haagen Dazs專櫃，只喺提供3款口味：士多啤梨，朱古力，雲呢拿，雖然喺HD品牌，但略嫌口味普通，此外，櫃內仲有雪米糍，並有朱古力醬、士多啤梨醬、花生醬、煉奶、花生碎、杏仁片、七彩糖作配料添加。食住甜品又點可以無杯咖啡，餐廳提供啡茶、檸水、檸荼、汽水自助，不過，好得意，咖啡及紅茶要7:30pm之後先開始供應。如想飲其他嘢都有得揀，例如特飲、酒精飲品……等等，不過，喺額外嘅付款項目！自助晚餐嘅定價喺$418+10%（成人價，星期一、三及四，公眾假期除外），$498+10%（成人價，星期五至日及公眾假期），因為，Openrice提供7折優惠券，實價唔使四百，以今晚所試嘅質素，比起出尖沙咀、過銅鑼灣真喺慳一大截。服務方面又好，基本嘅收碟、添水、食物補充……完全到位，侍應又有禮貌，就連啲師傅都幾好傾，有問必答，感覺呢度啲侍應、廚師都好年輕。不過，既然喺做緊意大利主題，不妨晌主題菜式嘅名牌上加入意大利國旗做底紙色，以聚焦主題，又或加少少意大利名勝小擺設，如比薩斜塔、羅馬鬥獸場或威尼斯嘅貢多拉……，都可以突出番意大利呢個主題。…Read More
