Fong Wing Kee Hot Pot Restaurant

沙嗲火鍋湯底勁好食勁濃郁個湯底好神奇，加左幾次水但個湯底都仲好濃郁！估計餐廳係鍋底落足沙嗲料沉底，所以加幾次水都完全唔會溝淡個沙嗲湯底基本上落咩落去個湯底都係好食，沙嗲味重之餘，仲唔會蓋過食材本身既鮮味！特別鐘意落菜同響鈴索曬d沙嗲湯😋😋$58有成30粒珍珠蠔仔，抵玩又好食😍😍星級牛肉唔使$300但有勁多塊！高質第一次聽大光麵，緊係要試下佢，可能我自己口殘，覺得同其他公仔麵冇咩分別。特登唔加水落埋個大光麵諗住大光麵索曬d沙嗲湯會好正，點知太鹹同太濃味😅下次加左水先落麵就岩岩好😍…Read More

香港地道食品越來越少，租金高企，人力流失，唔希望地道嘅食品消失，方榮記沙嗲牛湯底出色，實在沒有餐廳可以取代，雖然湯底少少較油，但湯底非常惹味，加上手切本地肥牛，本地肥牛肉質有質感，牛肉味強烈，有返咁上下厚度，真係不得了，象拔蚌厚切有口感，我多數用作刺身食，魚卜我致愛，可能多數人覺得有魚腥味，但加上沙嗲湯底，完全蓋過腥味，魚卜養顏，補充骨膠原，生蠔不算大隻，但夠實淨，桂花蚌份量不少，爽甜，我較喜歡貝類及蚌類食品。…Read More

方榮記(11/6) 星期六 下午5點左右特式：呢間火鍋店係九龍城應該無人唔識，佢既沙嗲湯底應該都遠近馳名，火鍋料種類又多又新鮮又有特色。食物：沙嗲湯底 - 佢講湯底都應該好出名，鍾意打邊爐嘅朋友都應該唔會未聽過，我食過幾次，次次都keep到，每一次都係咁濃，用嚟打邊爐真係fit晒，我仲見過有人食到無乜湯，佢直頭換過一個鍋底俾佢而唔係加水，值得一讚。火鍋配料- 今次叫左手切牛/柏葉芯/珊瑚蚌/黃鱔/牛脷/豬腰。手切牛-今次食d牛好瘦，所以有點un，但肉味係有既。柏葉芯-好特別，又爽口，又掛汁，好襯個沙嗲湯底。珊瑚蚌-好新鮮又唔腥，推介之一。黃鱔-都係好新鮮，爽口又無骨，仲要唔貴，平時如果要自己整好麻煩，所以都推介。牛脷-普通貨色冇特別。豬腰-我本人好鍾意食豬腰，加上都係自己處理麻煩，所以都推介大家試。飲品 - 正常啤酒汽水，冇乜特別好介紹。環境：餐廳環境正常，但就唔好預會好好坐，但勝左有feel，因為有好多港產片都係呢度取景，另外建議如果食晚市既話要早d去，夜左真係好多人，到時會好嘈。服務：服務態度正常，早去既話d職員會多d時間招呼下你，如果係爆場個時就唔好指有d咩服務。價錢：人均3~400，睇你叫咩。總結：呢間真係算係九龍城出晒名既人氣店，但價錢就真係唔平，所以兩三個月先食一次都ok既，同埋佢d火鍋料都唔算細碟，如果多人可以叫多d款式應該會開心d。…Read More

方榮記平日夜晚去食唔使排隊就可以入去 但作為火鍋店 店內位置甚至坐位都有啲窄 四人位可能會好啲 兩人位就大啲更加好因為真係有菜放喺枱面（問都冇問） 姐係要逼你一定要食🙂$60 沙嗲湯底 非常濃郁 撈一下湯底甚至會見到好多沙嗲醬係底 用匙羹飲一啖都食好到好多碎花生 完全滿足左我對佢嘅期望 冇名過於失 比喺慈雲山食嘅 好食好多 $388頂級牛肉 失望 可以牛味不足 導致浸落湯底 啲牛味完全比沙嗲庶晒陣味 （唔建議叫）（性價比低）$280 聖子王 見店員推介就叫四隻試吓 結果完全唔伏超出預期 好大隻（差唔多好似筷子咁長）仲要烚完都冇縮水 好甜 而且有膏 正！就係有啲貴 $48 炸魚皮 少見唔係普通炸魚皮 而係非常少見嘅有骨炸魚皮 高質！ 真係好少見到有火鍋店會提供得到 因為通常都好難買埋同好快賣曬 $15 大光麵 同普通公仔面差唔多 但就真係必食 非常掛汁 完全食曬沙嗲湯底啲味 正 必食必食必食 $88骨腩 同平時食曬嘅素質差唔多 脆 但冇爆油 可叫可不叫整體來講 火鍋食材同湯底高 除咗牛肉 其他都算高質 特別係連骨炸魚皮同埋湯底濃厚沙嗲味豐富 非常加分 雖然服務態度麻麻 但啲店員收盤非常快 如果未試過香港嘅沙嗲湯底 佢算係仍可一探的名店…Read More

「沙嗲係好味既，牛肉就...」以呢個做標題，因為牛肉真係會令你失望沙嗲湯底火鍋🍲兩個人點得太多🤣🤣有炸魚皮，豆腐，魷魚，雜丸，響鈴，雲吞其中雲呑同魷魚 good主角之一湯底好正🤤 超濃厚為左沙嗲 點都要黎試一次既！當然唔少得公仔麵主角之二牛肉因為唔係薄切 好厚 唔適合火鍋但係價錢都唔平 所以都幾失望應該點肥牛🤡 蠢左了店員又無提醒一下 天大的誤會呢～Btw 星期日夜晚大把位甚至有點冷清 係咪熱潮已過呢？利申係早排好凍的日子去…Read More

鑱咀萬萬歲!🙌🏻🐭 “方榮記”萬歲！..🐭方榮記喺九龍城屹立多年，主打沙嗲湯底火鍋，亦有小菜，充滿港式大排檔風情！..🐭沙嗲湯底價錢大眾化，只係$60一煲。真材實料，超級濃郁！味道方面，食神鼠覺得其實比較似擔擔面湯底多於沙嗲，因為裏面有大量花生醬及麻醬味道，超級惹味。但亦有個壞處，由於真係好”杰”，所以好快會癡底，要不停搞住。..🐭火鍋食材方面，由於價錢真的很大眾化，所以並不能與高級火鍋店嘅食材相提並論。最優秀當然係大光面！即係即食麵，配上沙嗲湯絕對係港人最愛！另外，粉絲丶菜類，呢啲比較能索湯汁嘅食材都非常匹配。手切肥牛有啲失望，冇牛肉味，肉質較硬。海鮮類有少許沙，新鮮程度一般。..🐭食神鼠到方榮記滿足一遊，拜拜👋🏻…Read More

呢一間頂頂大名既九龍城邊爐相信好多人都識啦，聽講佢個沙嗲湯底好出色所以過嚟試試佢。·七點幾食飯，人流唔算多，唔知係咪如果質素又差咗呢🤨·是但啦，四個人食咗千幾蚊，但係性價比就一啲都唔正😰同大家分享一下自己個人嘅感受，令大家唔好盲目咁跟風。·首先當然係佢哋最出名嘅沙嗲湯底，聲稱非常之濃郁，配埋肥牛一齊食責任。但係，事實上，假㗎！我沙嗲湯底一啲都唔出色，而且味精味好出。濃得來非常之頸渴，根本就唔值得特登過嚟食😟覺得塘牛嗰個沙嗲牛肉仲好食啲🤔·配料方面，價錢唔平但係勝在單品入面都有幾多份量。最好就叫多啲人嚟食啦，如果唔係兩條友食就一定叫得好少野～呢個可能係營銷策略不過我就覺得有啲貴啦～·質素方面，肥牛、竹笙、生根、炸魚皮、餃子就中規中矩，唔會有一樣令我覺得嘩好味喎嘅感覺🙃應該係我期望太高搞到而家失望太大🥵·總結來講，只可以當佢係一般打邊爐嘅街坊質素，同酒樓打邊爐嗰啲有少少似。如果你係超級鍾意食沙嗲湯底嘅人，可以一試。但係對於我唔係沙嗲同埋來講，我只可以話唔使特登行去或者搭車去食，浪費時間。-沙嗲湯底美國肥牛竹笙炸魚皮豬紅餃子生根-方榮記香港九龍城侯王道85-87號地下-…Read More

方榮記都有咁上下歷史早輪唔少社交媒體都有再特別報導佢見佢沙嗲湯底好似幾吸引咁咁岩個個月同朋友有飯聚決定前來一試一早訂左位 黎到門口有個叔叔話只招待會員其實只係拎個名同電話 之後你就係會員啦黎到方榮記 梗係食沙嗲湯底佢個煲唔算大 同埋望到D顏色 看似都幾濃味上菜啦講下個湯底 其實比想像中淡同幻想既好濃味有D出入但佢既味道比起平時食開既沙嗲湯底會香口一D朋友係馬來西亞食過既沙嗲湯係真係會濃到好似醬咁 好惹味所以對呢個湯底都有少少失望星級牛肉值得一試 油花靚 好有牛味 又有油香味魚皮浸沙嗲湯又係好好食最後梗係要食返個公仔面等到個湯煲到結身少少我地就落面 掛埋D沙嗲湯真係超級好食其實全晚令我印象最深刻就係個公仔面可能因為個湯底煲左一段時間夠結身夠濃香!正!題外話 之前聽人講話方榮記職員態度麻麻但我地當日都有同D叔叔嬸嬸有講有笑 大家都好friendly又唔覺好無禮貌喎…Read More

呢間火鍋店食左好多次都唔會叫人失望因爲個沙嗲湯底真系濃到不得了！由其是食響鈴真系好出色佢間鋪賣既魚皮同出面既好唔一樣，較為硬身啲要浸耐啲先食，個人覺得一般，同老人家食就要小心啲門口有人代泊車，留電話有得做vip，咁就可以坐格黎間鋪，冷氣涼啲。最特別系魚皮，同平時出面食既普通魚皮唔同，要浸耐啲先無咁硬沙嗲湯底，好濃好出色。配響玲或者菜都好出色左上系必叫既牛肉粒，比平時出面食貴小小，但勝在牛味濃同埋唔老…Read More

六月一，星期日。第二日唔駛返工，又想食宵夜，於是去左方榮記。兩個人黎方榮記其實幾好，因為湯底平，沙嗲湯底只係三十元正，而且味道一流，唔會水流流，有d花生粒係到,正。叫左手切牛，魚，水魷，響玲同生麵。先黎響玲，我第一時間食，由於湯底正，響玲吸曬d汁，好好食。之後到魚，望上去似頭尾位，食落都麻麻，好腥。水魷唔錯，加埋湯底，正。之重到手切牛，面果幾片都無野，下面果d好似碎牛禁，點打邊爐。叫呀姐換過份黎，佢話「手切牛係禁嫁喎」，我心諗「你當人未食過手切牛呀」，我食開既手切牛係如下圖（新明記手切牛）。之後叫佢換過碟，佢話無，得機切牛，又聽到隔離叫手切牛又話無。我當堂明曬，原來我地叫果份係最後一份。之後佢都換左碟機切牛比我地，但做生意禁唔老實真係令人卻步。生麵，15蚊，禁大份，好似唔駛錢，抵食，加上湯底正，緊係好食。補返黎既機切牛好厚，淥唔熟，要煮一段時間，好似紙皮禁，失望。之後呀姐加水，個湯底馬上淡曬唔好食，我都停手埋單。總結，湯底好出色，但加水之後完全唔得。響玲好食，生麵好食抵食，水魷個格。機切牛、手切牛唔合格。如果可以外賣湯底我會外賣湯底，如果無，吸引啊到我再黎，因為火鍋料好差。…Read More