LOF10 Bar Dining (Closed)

前牌同朋友們食飯揀咗一直有聽過但未有機會試嘅辦館，新開無奈嘅分店開咗係銅鑼灣嘅商業大廈入面，主打fusion麵食。不過食物份量認真平平😣，亦都唔系真係咁特別😶，主要係性價比😨真係唔合格。似乎都係食輕食比較抵風乾火腿蒜片辣椒意粉 ❤️ ($128)評分：7/10.其實味道真系可以的，辣得嚟唔嗆喉嚨，意粉炒得乾身，同 一般creamy 意粉有啲對比。不過份量我唔接受蒜香明太子意粉 ❤️ ($138)評分：6.5/10.明太子意粉當然係點整都好食啦，結合咗蒜香味炒嘅明太子意粉都比較乾身，其實我鍾意 creamy 嘅明太子意粉多啲，但份量完全又系敗畢位 😥 實在太少喇和風海膽意大利飯 ❤️ ($148)評分：7/10.Risotto 多數用白汁忌廉汁蘑菇汁，海膽做主調嘅令我好奇味道會係點，食得出有海膽鮮味嘅其實 🤓 所以都算係成功嘅菜式啦，不過份量都系小得可憐沙嗲安格斯牛肉撈丁❤️ ($88)評分：7/10.最後一個主菜叫咗呢個港味濃嘅撈丁，沙嗲醬其實幾好食嘅，都幾濃郁，公仔麵一份反而份量比較正常 (?) 🤔 但安格斯牛肉實在太 gimmicky 喇，冇人食得出，😅 亦都冇幾多舊，似安格斯肉碎多啲巴馬算芝士松露薯條 ❤️ ($78)評分：6.5/10.薯條炸得幾脆嘅，份量都還好啦，但真係冇咩特別嘅地方，薯條都係用出面小食店嘅普通薯條，黑松露味道唔明顯惹味雞軟骨餃子 ❤️ ($68)評分：7/10.餃子點日式醬幾惹味 👍 雞軟骨有啲爽爽哋嘅咬口唔錯 😌 價錢最實際一亦都一定係佢…Read More

之前有個星期五晚想嚟依到飲嘢，但嗰時full左，未有機會試今次就星期日晚7點左右嚟到就有位之前就係比佢門口依個牌吸引左望落去既裝潢都幾有心機入面空間感好大，仲有個bar枱，環境嚟講真係一流餐牌只有兩頁，最後揀左兩樣嘢食同兩杯飲品沙嗲安格斯牛肉撈丁($78)牛肉軟腍，沙嗲配上蛋黃撈丁，無得輸仲配左青瓜可以解一解膩野菌黑松露意大利飯($128) 一上枱已經香味撲鼻兩個人share啱啱好，唔會太膩用料豐富，而且飯粒粒分明有嚼勁嚟依到主要為左飲嘢今次揀左兩杯mocktail Nojito比一般既mojito多左桃味，味道唔會太甜，夏日炎炎解渴一流Mind Moisten用上龍眼、紅棗依啲中式食材調配既飲品，夠晒有創意同特別味道亦唔錯，出奇地好太肚餓既關係，秒清左兩碟嘢食，仲食得好乾淨😂😂😂每日二百蚊左右，有杯嘢飲有個主食:)價錢正常，環境加左唔少分…Read More

情人假後回港因工作實在繁忙，閒日都只能抽空於歡樂時光短聚，週三晚碰巧其公司喺銅鑼灣區搞活動，所以就去咗學長曾經介紹過o既「辦館」度，搵清仔飲番幾輪。樓底高高、間隔通爽o既酒吧餐廳先以可愛o既清嫲接待，感覺極之親切。店內店外o既大小清仔都手持著兩碗麵，細問下先知原來一邊係拉麵、另一邊係公仔麵。話明係酒吧餐廳喎，當然係唔少得高櫈吧位啦！埋位後，兩口子先應哥哥仔推介要咗兩杯招牌雞尾酒。酒品跟隨電子杯墊上，喺餐桌上閃出不同彩燈，很是吸睛。YNOT（$98）：小肥所點o既YNOT以氈酒調出，因內含蜜糖及橙皮碎，故飲落清新得黎好潤喉，愛滋補o既朋友不坊一試:)。飲完靚酒先發覺杯中o既冰塊原來呈完整o既球狀，明顯製作非常認真。坐下不久，甜心兒就接到消息話當晚o既活動將延遲舉行，嘻嘻，眼見店子七點前o既歡樂時光優惠為$7第二杯、$6第三杯、$5第四杯喎，咁咪等於$18有成三杯，既然可以坐耐啲，咁就要好好享受咁經濟o既優惠啦！結果由價低者青島樽裝啤酒勝出，嘩哈哈，一飲就要飲夠四輪！是日小食之炸燒賣（另加 $20）：凡惠顧歡樂酒品即可另加$20要一客是日小食。蒸燒賣同叮燒賣就食得多，XO仔都係第一次食炸燒賣。炸至金黃o既燒賣皮層巧薄香脆，個心則煙煙韌韌，點上微辣o既秘汁都幾得意討好，亦為送酒佳品。細佬咁錫身，絕對唔會空肚飲酒o既，所以就加多碗撈丁同一客餃子黎食。沙嗲安格斯牛肉撈丁（$78）：黎清仔主場喎，唔食「出前一丁」都覺得對佢唔住。撈丁煙韌爽潤，配上香辣o既沙嗲汁最為醒神，牛肉仲要用上軟腍o既安格斯牛喎，加埋隻香滑無比o既流心蛋蛋確真係冇得頂呀！煎餃子配自家製招牌醬汁（$58/六件）：餃子皮薄餡嫩，黏上辣辣o既招牌醬汁已夠惹味。銅鑼灣「辦館」環境開揚，歡樂時光o既7、6、5優惠可謂超值過人，加上送酒小食香口味佳，清仔、清嫲，約定你下星期再見！…Read More

A姐：M佬呀! 你話我今晚著旗袍好唔好?M佬：嘩! 發生咩呀? 有Halloween Party呀?A姐：作死呀你? 今晚你約咗去邊都唔記得?M佬：Errr.... 我今晚好似約咗你食飯咋喎......A姐：咪係囉，今晚去銅鑼灣辦館Lof 10吖嘛。我勁畀面囉，特登著懷舊啲，你今晚著中山裝襯番我呀!!好啦!! 去到銅鑼灣辦館Lof 10就知舐嘢!! 上環嗰間懷舊味重好多，銅鑼灣嗰間係走文青優閒路線。餐廳喺世貿商場隔離新開嘅商業大廈一樓，樓底高，加埋木色系，勁relax，係鬧市嘅綠洲。好彩仲有嗰大押霓虹燈牌，有番老香港嘅感覺。Prunella Collins：小二，唔該畀杯夏枯草!! 呢度嘅Cocktail真係好特別，加入中式材料，玩Fusion。呢杯Prunella Collins就係Gin加夏枯草同薑，入口較甜，有明顯嘅夏枯草同薑嘅辣味，幾特別吖!沙嗲安格斯牛肉撈丁：M佬成日話去茶記識食梗係食沙嗲牛啦!! 辦館嘅沙嗲牛撈丁係用安格斯牛肉，牛味香濃。聽店員介紹嗰沙嗲醬用咗8種香料製成，一啲都唔馬虎，所以食落口真係唔同啲。不過隻蛋有啲over cook，無咗一拮就流心嘅效果。雙重滋味雞蛋仔：嗱，我A姐就最食雞蛋仔㗎啦，外脆內軟嗰啲就正啦! 辦館嘅雞蛋仔加埋脆卜卜嘅煙肉，朱古力醬同蜜糖，又咸又甜，好口感。蜜糖仲係有花香味，好細心呀!! 如果嗰雞蛋仔熱啲，配埋嗰凍冰冰雪糕，就Perfect啦!雪糕曲奇三文治：雪糕曲奇三文治雖然唔係港式甜品，但係港式奶茶味雪糕即刻令件事香港晒。不過，港式奶茶味雪糕，只有奶味，無咩茶味，似牛奶味多啲囉，有少少失望。另外，紅豆好甜好香，其實同嗰雪糕都幾夾嘅。…Read More