LOF10 Corner (Grand Plaza) (Closed)

趁放假去開雅蘭中心買嚟緊嘅露營用品，行到攰攰又喺時候搵食。行上一層見到辦館喎，上次喺銅鑼灣食過都相當唔錯，再望望A姐攰到黑面嘅樣，唔理喇，為求自保，即刻坐低開餐。黑松露油芝士多士：拎埋位已經聞到香噴噴嘅松露香味。食落口，芝士味相對較淡，但咁樣反而唔會搶走松露嘅味道，兩者配合得啱啱好！加上麵包烘到好鬆脆，作為下午茶嘅選擇相當唔錯。沙嗲安格斯牛撈丁：沙嗲牛肉麵成日都食到，但沙嗲安格斯牛撈丁，你又聽過未？上枱一刻已經被麻油味深深吸引住，而切成粒狀嘅牛肉，牛味濃又夠嫩滑，沙嗲汁同半生熟蛋撈埋一丁，直頭係享受，不過就略嫌沙嗲汁相對較少。棉花糖多士：直頭係邪惡首選！將多士同棉花糖放入焗爐，微焗至棉花糖輕焦，再淋上朱古力醬，對於A姐嚟講，簡直係人間極品！紅豆菠蘿油：A姐話我食菠蘿油好麻甩，但鬆軟嘅菠蘿包夾上厚切牛油，再加埋大大粒紅豆，其實每一啖都係邪惡嘅化身呀！紅豆鮮奶抹茶：濃濃嘅抹茶香，再加埋大大粒紅豆，配合得好好，又唔甜，十足十飲緊宇治金時！…Read More

之前喺銅鑼灣嗰邊都見過呢間餐廳，記得佢個招牌，幾搶眼，但一直都未有機會試行過旺角雅蘭，先發現有間分店係到，但用左cafe 形式，我地行行下真係有少少餓，少少口渴，見無乜人就去試下我地揀完野食野飲後，就坐左係bar 枱，但張bar 櫈幾高，其實入d仲有d四人枱，不過見有人坐緊，我地就無入去坐呢到以輕食為主，我揀左火腿溫泉蛋芝士多士賣相幾好，多士上蓋住芝士，撒上香草黑椒感覺有d似 eggs benedict多士脆而不硬，芝士拉絲，溫泉蛋質感掌握得好，蛋漿濃郁，整體味道唔錯如果多士可以再厚D既話，同價錢比會更吸引另外朋友叫左沙嗲安格斯牛撈丁沙嗲汁香濃，牛肉切成粒狀，雖然牛肉唔算軟腍，但幾有咬口，牛味突出撈丁麵質適中，仲食到原裝麻油味我地食少少補充能量就夠，但大熱天時，真係幾口渴，叫左青檸梳打 & 凍朱古力兩杯飲品夠凍夠爽，用外賣杯裝，如果食完未飲完，拎住外賣杯隨時行得凍朱，味道濃郁味道唔算太甜 而青檸梳打同出面飲開既唔同，味道偏酸重檸檬味但醒神…Read More