Sakuragi Omakase

Exam period好漫長， 考完第一科要好好慶祝下 ，食飽飽再上路！ 所以今日同咗阿媽去灣仔食好西，又係日本嘢， 本來覺得有啲悶， 不過我見呢間咁多選擇不妨試下。店員好有笑容有禮貌咁搵咗個寬敞舒適嘅位置畀我哋坐低， 仲好快遞上一條溫暖嘅濕毛巾畀我哋抹手， 好warm呀。去到已經八點好肚餓，立即叫啲飯填下肚先， 來了一客軟殼蟹牛油果卷！ 蟹籽粒粒卜卜脆，比一般壽司店食的新鮮得多 ，而且醃制和調味十分適中， 突出蟹籽本身的鮮味， 壽司卷裏面的軟殼蟹都係新鮮炸出嚟， 同牛油果係一個好清新嘅配搭！煙韌的珍珠米裏餡料十足！ 啖啖味道豐富！苦瓜炒蛋係家常便飯，但沖繩豚肉加埋一齊炒，又係咩效果呢？炒到接近半生熟嘅鮮蛋配合爽口嘅苦瓜口感十足， 細細件苦瓜入口帶有微甘， 頓時有生津的感覺， 整碟炒蛋表面再有些木魚絲， 添上更多日式風味！呢度採用嘅豆腐有極香濃黃豆味道， 好像在咀嚼黃豆般！日式韓式燒牛舌食得多，但配呢個麵豉醬真係第一次， 呢個像甜甜哋有啲mustard嘅味道，但又有幾豐富嘅麵豉香氣， 同又爽口又濃牛油香嘅牛舌有意想不到的效果， 之前食過咁多日本嘢都冇試過， 真心推介畀大家。軟殼蟹沙律呀柚子蝦沙律食得多，今次終於見到有新嘢， 有豆腐同芝士？係咩配搭嚟㗎？🤔答案就係好清新, 好獨特嘅日式風味！芝士同木魚係發夢都唔會喺埋一齊嘅嘢， 散發出陣陣鮮魚香的木魚絲入口即溶，跟口感軟滑的芝士粒融為一體， 奶香和鮮魚的甜味相互交錯， 有著意想不到的風味🎏🎌成個沙律跟芝麻醬配搭十分開胃 ，蔬菜和蕃茄都新鮮清甜， 入口卜卜脆， 好想推介畀大家！呢間日本野坐得舒服， 食物用料新鮮， 下次大家去灣仔尋覓高質日本菜時不妨考慮下…Read More

今日和太太往灣仔櫻木食日本菜, 我們點了玉子卷, 滑子菇味噌湯、鹽燒雞軟骨、沖繩苦瓜炒豚肉、醬汁煮鮭魚頭、天婦羅稻庭烏冬和野菜稻庭烏冬。玉子卷飯好軟綿, 玉子味好香好滑, 食落美味；滑子菇味噌湯鹹度適中, 滑子菇味道鮮甜, 紫菜爽口, 很暖胃的味噌湯；鹽燒雞軟骨即叫即燒, 雞軟骨食落爽脆, 調味粉味道適中, 食落惹味, 佐酒一流；沖繩苦瓜炒豚肉很有特色的菜式, 沖繩苦瓜味食落新鮮爽脆, 味道適中, 口感清新；炒蛋蛋味香濃, 食落香滑；豚肉咬落去好腍,味道適中有嚼勁；木魚絲鹹度適中能帶出豚肉的美味；豆腐食落豆味香濃, 入口香滑, 整份沖繩苦瓜炒豚肉材料豐富, 食落爽口味美；醬汁煮鮭魚頭賣相吸引, 鮭魚頭入口即熔, 食落肉質鮮甜美味；醬汁味道鮮甜, 食落更能帶出鮭魚的鮮甜, 配菜有冬菇, 紅蘿蔔、豆腐和玉米條, 配菜新鮮爽口, 加上配菜吸收了醬汁, 食落新鮮醒胃；天婦羅稻庭烏冬賣相吸引, 湯底清甜可口, 稻庭烏冬食落爽口, 天婦羅有2隻蝦, 茄子, 蕃薯和冬菇, 天婦羅蝦炸得香脆, 粉漿薄薄, 蝦食落鮮甜彈牙；炸茄子食落香脆；蕃薯和冬菇炸得香口之餘, 食落好腍保持蕃薯和冬菇的味道, 好足料的天婦羅烏冬；野菜稻庭烏冬野菜有冬菇, 蘿蔔和椰菜等, 食落新鮮爽口, 尤其是椰菜食落特別爽口鮮甜, 加上整碗烏冬熱辣辣, 冬天食落好溫暖。餐廳座位環境舒適, 食物新鮮,質素高質美味, 沖繩苦瓜炒豚肉和滑子菇味噌湯很有特色；醬汁煮鮭魚頭和天婦羅稻庭烏冬食落惹味醒胃, 我和太太食了一頓美味日本菜。…Read More

其實香港真係有好多日本野食，隨街可見，但真正好食既少之又少。今晚想過下口引，想食好食既刺身，又竟然被我搵到，嘿。🦐甜蝦 $50肉質肥美好鮮甜，作為一個甜蝦愛好者，滿足。🍴海膽 $100海膽肉較大片，淺黃色睇落似加拿大海膽。食落肉質豐厚幼滑，味道好似山泉水甘甜，非常清甜，十萬分好食！唔洗配青瓜已超好食，配埋一齊食就更加鮮甜。🍴左口魚 $50甘甜魚油緩緩滲出，層次豐富，爽口帶甘香。🍴油甘魚 $50入口甘香，油分豐滿，幾出色。🍴深海池魚 $50深海池魚同平時食開既池魚其實係無關係，兩種魚黎。池魚適宜簿切，而深海池魚較肥美，用黎做厚切刺身，肉質細緻爽口帶油份，味道甜美。🍴沖繩苦瓜炒豚肉 $75去過沖繩既一定吃過沖繩名物－苦瓜豆腐炒蛋，估唔到香港都有得食，真係第一次見。沖繩食親都係用午餐肉，呢度選用豚肉。豚肉炒得乾身，十分香，油脂四溢，令豆腐同滑蛋都入味。苦瓜甘甘甜甜，食落好清爽，整體味道不錯。若苦瓜切薄一點，同煮熟一點會更加好食，因為太生會帶有澀味。🍣金目鯛 $40魚肉呈半透明，十分漂亮。肉質甜味十足，口感柔中帶韌。🍴玉子 $10呢個普通左少少，勝在夠平，哈哈。🍴鰻魚 $20無諗過呢度刺身出色，鰻魚一樣甘好食，食落有彈性，肉質肥厚嫩滑，魚肉索滿醬汁既香味，好味！總結環境舒適，坐得舒服，刺身真係幾出色，整體食物質素不俗。呢度店員服務周到，亦感嘆奈何食親好食既日本菜偏偏都係港島區，偏偏本人住上水太遙遠，但有機會經過呢頭要再食先得。…Read More

話說，M佬聽日就要去大陸鄭州出Trip，一走仲走成個星期。返到大陸都唔知有無啖好食，就等我呢個善解人意嘅女友帶佢喺出發前食好西啦，一於去灣仔櫻木Sakuragi Omakase (其實我好食㗎啦，終於有藉口啦)。金目鯛壽司打開餐牌，見到矜貴嘅金目鯛，梗係即刻叫 (唔係間間餐廳有得食)。金目鯛輕輕火炙，肉質爽脆，清甜美味，正。鹽燒雞軟骨雞軟骨鹽味十足，燒到有啲燶，非常香口，加埋少少檸檬汁，好開胃。玉子燒玉子燒即叫即整，所以嚟到熱辣辣，蛋味特別香濃，加埋醬油蘿蔔蓉，真係無得彈。麵豉牛舌大根煮平時多數食牛舌串燒，今次見到煮牛舌就叫嚟試下。厚切牛舌，煮得好腍身，仲有濃濃嘅麵豉味。不過如果大根煮得再入味啲，就仲正。沖繩苦瓜炒豚肉沖繩出名苦瓜，入口都唔苦，麵豉炒豚肉，好入味，加埋豆腐同滑蛋，感覺幾清新。天婦羅稻庭烏冬天婦羅有兩隻蝦，仲有茄子、蕃薯同南瓜各一件。大蝦鮮味彈牙，蕃薯清甜。另外，稻庭烏冬煙韌有口感，吸埋昆布湯，非常入味。（記住Like同Share畀朋友）…Read More

響灣仔，去完朋友屋企，響附近搵野食，見到呢間座落於The Hennessy的「櫻木」，日本料理。環境清優舒服，安排二人坐一大座卡位，知道呢度出名刺身同壽司，先叫𩶘魚$25同油甘魚壽司$25，各有各的鮮魚甜味，本人較愛油甘魚，魚香鮮味較重，還有厚切既玉子壽司$10件咋，甜甜地帶出蛋的香味。滑菇大根炸煮鯖魚$75，鯖魚味道濃郁，配上濃汁煮，更帶出魚香味，秀珍菇超滑，爽口。醬汁燒鰻魚$30，好juicy 醬汁沾滿鰻魚肉，食入口黏住，厚身啖啖肉。七味燒雞中翼$30，折開串燒，容易食，七味粉夠惹味香口，燒至香脆微燶。帆立貝茶漬飯$55，超抵食夠大碗，帶子夠鮮味，天婦羅稻庭烏龍麵$105，麵質彈牙，幼稨易食，湯味清甜，有兩隻蝦，夠彈牙，炸漿唔會太厚，還有秋葵同茄子等。壓軸沖繩苦瓜炒豚肉$75，超愛，苦瓜微甘甜，上次到過沖繩一直念念不忘，炒埋蛋香氣撲鼻。面還鋪了木魚碎，豚肉片薄唔韌。最後甜品叫了芝麻雪糕$25，好香滑。同朋友暢談一個晚上，食物多款小碟為主，食完一碟再上一碟，份量剛好，可叫多啲選擇。…Read More