Inada Shokudo

放假同媽咪去葵芳街市買餸, 順道係附近食個lunch。經過呢間餐廳門口, 見menu上有唔少便當、丼飯, 款式吸引, 價錢唔貴, 就入咗去食個lunch。餐廳地方企理。黑松露三文魚壽司:三文魚壽司上以黑松露點驟, 魚香中帶點松露清香, 不錯。沖繩便當:便當款式豐富而且份量多!吉列千層芝士豬扒, 吉列皮香脆, 入面卷住嘅豚肉片嫩滑, 沾咗熱溶了嘅芝士汁, 更為香甜, 帶出鮮肉味。汁燒金菇牛肉表面煎得帶少少焦香, 肉汁滲於包住嘅金菇入面, 口感層次豐富又富有肉香, 正!自選了咖哩飯, 個咖哩甜甜地, 咖哩味好重, 撈飯食超正!便當配有味噌螺肉同埋三款刺身各二, 包括有三文魚、帶子、甜蝦, 每款都好新鮮冇腥味。套餐 +$24 追加唐揚魷魚鬚:估唔到追加嘅份量都咁多, 炸皮薄而酥脆, 魷魚鬚爽口彈牙, 配千島醬食, 味道更提升。特選三色丼: 集合了三文魚、蟹籽同埋帆立貝嘅刺身丼飯, 帆立貝鮮甜, 將蟹籽混入珍珠米飯食, 每啖更鮮味更有口感層次; 套餐更附有口感滑嫩、味道鮮美嘅茶碗蒸同埋小食味付螺肉。…Read More

呢間稻田食堂出名食日式便當、海鮮丼等我看了餐牌發覺款式很多，有多款便當，仲有好多款不同的刺身丼、拉麵、烏冬等等，價格相宜。我看到仲有很多顧客會外賣自取的。我跟爸爸深深地被一系列不同的便當吸印著，簡直是花多眼亂，便當款式多，每一款便當又有不同組合的食材，揀選食物而花上了一段時間。爸爸點了沖繩便當，十分吸引，食材有吉列千層芝心豬扒～千層芝心豬扒相當有特色，中間的芝士滿滿香濃美味，芝味無窮。汁燒金菇牛肉卷～牛肉跟金菇好夾，又好咬口質感好，又多汁又惹味。刺身（有三文魚、甜蝦、帶子）～刺身都相當出色，刺身肉厚、鮮甜，好好味的。主食方面可以點咖喱飯或燒汁飯，而且仲可以加錢配拉麵、烏冬等等，十分多元化。咖喱飯份量充足，啖啖咖喱又香又濃，咖喱內仲有蘿蔔和薯仔粒相當足料。我點了一款阿久根便當，食材有芝麻雞翼兩隻～芝麻雞翼外皮金黃香脆，中間肉質嫩滑多汁，正。流心芝士魚餅，芝味無窮，中間好多流心芝士，而且魚餅相當彈牙煙韌，好好吃的。日式圓蔥魚餅～蔥味香，咸咸香香的，又有另一種感覺，魚餅都依然是彈牙煙韌，好好味。主食方面加上了$12點選了芝士咖哩撈烏冬，賣相吸引，滿滿的咖哩汁仲有一整片芝士，拌勻後，芝士咖哩撈烏冬啖啖惹味，又香又濃，令人愛不釋手。烏冬又滑又彈牙，味道超好。便當超吸引超好味，性價比高，又飽肚。吃飽飽當然少不了加返件甜品食～福崗芝士蛋糕～yummy~芝味無窮，被美味芝士包圍。…Read More

丫媽今晚做無飯主婦, 叫我收工買埋外賣返屋企開餐。係仁芳街附近行咗個round, 見到呢間日式餐廳供應多款便當配搭, 於是就入去點咗兩個便當外賣。 所供應嘅便當每款都好吸引同豐富, default為咖哩飯, 亦可加錢轉湯烏冬/芝士咖哩撈烏冬。 沖繩便當:包括有三款刺身 (三文魚2件、帶子2件、甜蝦), 雖算不上厚切, 但每款都很鮮, 仲有螺肉做前菜小食, 可算過下口癮。便當外賣盒都放得整齊, 吉列千層芝心豬扒內嘅芝士餡料溶化, 外脆內軟嫩;汁燒金菇牛肉卷, 金菇牛肉卷吸了鹹甜汁燒醬, 美味又有層次, 所配搭嘅咖哩飯有甜甜咖哩香, 咖哩汁中有少少好林嘅蘿蔔同薯粒。 鹿兒島便當:同樣有刺身三款 (三文魚2件、帶子2件、甜蝦) 、螺肉呢款便當我仲加咗$12將飯轉芝士咖哩撈烏冬, 整片芝士佈上面層再火灸, 食之前撈埋一齊食, 芝士令烏冬更為creamy。便當配搭4件汁煮豬軟骨, 肉林得可以梳梳撕開, 軟骨好林, 不是爽脆口感果種, 另有兩隻吉列大蝦, 不過吉列皮稍為厚咗d。 另外單點咗----辣油油燒三文魚加州卷飯卷包住了青瓜、蛋、蟹柳, 食落好有層次。面層佈上火灸三文魚片, 不但滲出了魚油, 再加咗辣油炸蒜, 令味道更為香口惹味。…Read More

早幾日「香港航空」出啲零票價機票，諗住短短哋走一轉日本，可惜都喺唔夠人搶。橫掂今晚兩公婆都唔想煮，做一晚無飯夫婦，就過到嚟家住葵芳嘅老友所推介嘅「稻田食堂」，食返個日式便當，因為佢話店家嘅便當款式多，而且配搭豐富，食咗就當去過！拉門內進，裝修喺好日式食堂嘅感覺，全木系傢俬，一邊牆上掛咗好多推介嘅食物相，另一邊就有好多日本動漫照片。 餐具簡單嘅調味料就放晌枱側，要落單採用二維碼，今次就無影餐牌俾大家參考， 因為選擇實在太多，所以，只喺截圖番有啲咩大類別；而飲品方面，叫咗主食，跟餐嘅話有平$6嘅優惠。另外近門口亦都掛咗一張螢光餐牌，一邊喺創意刺身壽司，另一邊喺人氣推介，如果太多選擇唔知揀咩好，不妨喺呢個位度著手:)！安格斯牛肩胛蕃茄濃湯烏冬 $80一打開個點餐程式，就見到一款全新爆茄蕃茄稻庭烏冬系列，唔使多講老婆一定晌呢個系列埋手，但佢平時好少食牛，估唔到佢會揀牛肩胛，原來佢之前食過一次牛面頰肉，覺得好正，今次揀牛肩胛其實喺記錯錯咗喺牛面頰肉，哈哈！不過，佢都話啲牛肩胛肉好嫩滑、好好食，但喺最得佢歡心嘅喺個爆茄濃湯，酸香濃郁，蕃茄味鮮活，打個滿分俾個湯；另外，佢都大讚啲稻庭烏冬入口滑漏，有煙韌嘅口感，而且唔會有啲平價貨嗰陣酸味，加埋高質素嘅溏心蛋、伴菜嘅粟米粒、紫菜、鳴門卷，成碗烏冬真喺搵唔到挑剔位。熱柑桔蜜 $12帶有蜜糖香嘅飲品佢就最鍾意喇，所以選咗杯熱柑桔蜜，聞落去已經有陣陣清香既柑桔香味，飲落鹹鹹地又帶陣陣清甜味，柑桔嘅香味都好突出，加上喺熱飲，飲完你會覺得生津、滋潤！沖繩便當 $96嚟之前都稍稍上網睇過其他人嘅食評，確喺有唔少人讚呢個沖繩便當，成份便當超級豐富，可以講喺日式4餸飯，有刺身三點、味附螺肉、汁燒金菇牛肉卷及吉列千層芝心豬扒，單睇呢個牌面已經好吸引，送到嚟最意外嘅就喺咖喱飯超多。刺身三點有三文魚、帶子及甜蝦，擺得賣相精緻，一啲都唔馬虎，而幾款刺身都食得出好夠鮮甜味，以帶子更有一片薄薄嘅櫻桃蘿蔔墊住，睇啲細節位都好有心思:)。味附螺肉相信大家都食唔少，尤其喺啲日式放題，都會攞少少試下，啲螺肉煙韌幾有咬口，作為食吉列豬扒時間下場，幾唔錯。汁燒金菇肥牛卷有兩大件，厚厚嘅捲住好多金菇，最好喺切開咗方便食，一口咬落去肥牛好嫩滑，夾埋爽口嘅金菇、配以燒汁去煎，食味唔錯。本身都好鍾意食西式嘅哥頓豬，而呢一款吉列千層芝心豬扒跟哥燉豬有異曲同工之妙，再加埋脆炸，真喺無得輸，外層非常之脆口，唔油膩，裡面豬肉好鬆化，加上芝士嘅鹹香，的確好好食！最後講到啲咖哩飯，因為喺日式做法，所以帶少少甜味，對唔食得辣嘅人絕對喺對上胃口，而飯粒軟熟，淨喺配個咖哩，齋食都好味。 荔枝椰果梳打 $16諗住有吉列、又咖喱，所以專登搵杯冰凍嘅梳打嚟涼一涼，雖然知道都喺用糖漿開沖，但杯梳打嘅荔枝味確喺好突出，入口冰涼清爽，而底下亦都有唔少椰果，邊飲邊食。本來，都打算叫個甜品作結，不過，估唔到個咖喱飯份量咁多，其實有得揀少飯嘅，但無估到正常嘅份量喺多得咁交關，兩款主食，唔單止啱口味，仲好好食；此外，又唔收加一，連埋嘢飲平均每人都喺一嚿水左右落樓，加上招呼又幾好，性價比高。…Read More

價格唔貴，有咁多款餸的便當，都推薦可以試一試，餐廳有卡位，所以坐得都舒服沖繩便當 $98呢款便當勁豐富，要刺身有刺身，有牛有豬仲有咖喱🍛，當中吉列千層芝心豬扒最yummy，外層脆卜卜，內層有啲芝士夾心，熱辣辣咁，點埋沙律醬食一流，另外，仲有金菇肥牛、三文魚、帶子、甜蝦，小小一個便當🍱，有咁多款選擇，認真唔錯👍 咖喱偏甜，岩哂唔食得辣既人😈特選五色丼（三文魚，北寄具，帶子，赤蝦，海膽) $96呢款赤蝦好大隻，咬落都幾新鮮，口感都幾有彈性，帶子都大大粒，五色丼份量都幾足，另外，仲有足料麵豉湯，放左少啲三文魚、蘿蔔～…Read More

試試叫日式餐廳的外賣，又擔心吃了不乾淨的魚生會肚瀉。這食堂大部分的顧客也好評，便試試看。如收到外賣員送來的食物，外賣一點也不馬虎，就像拆禮物的一樣。價錢相宜，成枱也是食物，十分感動🥹。刺身新鮮，算合格。三文魚籽不是太新鮮，可能巳吃慣了好嘢😜。日本米煮得剛好，濕度適中，豬肉是豬肉片捲着芝士，金菇肥牛的肥牛炸得太乾。燒汁正常，芝士漢堡扒有流心。炸雞ok，魚餅新有啲淋😅。餃子皮好硬，拉麵也是未夠淋。麵豉湯有三文魚，十分驚喜，但太鹹。送貨也很快，食物也是暖的。…Read More

葵芳新開左間日式小店，門面雖然細細間，但都好多選擇，有便當、刺身、壽司、卷物、炸物、串燒、拉麵etc.----------沖繩便當 $96可以滿足綿羊既胃口🤗吉列千層芝士豬扒好特別，用左豚肉片夾芝士做成卷，再以吉列方式去炸👐刺身有三文魚、帶子、有頭甜蝦，另外仲有汁燒金菇牛肉卷同味付螺肉做前菜👍蟹味噌甲羅燒 $88蟹味噌即係用味噌調製過的蟹膏，甲羅即係蟹蓋🦀一片紫菜，加上白飯，連同鹹香又creamy既蟹膏，好有幸福感😍…Read More

稻田食堂😋😋😋曰式chill便當葵芳新開幕的曰本料理專門店「稻田食堂」、充滿曰式和風味、裝修簡約而清雅Chill 🍱😃😃便當以日本地區命名、配合適宜、有心❤️思、沖繩、福岡、鹿兒島、秋田、清森、本州、名古屋、奈良、宮崎、佐賀👍🏻冲繩便當$96內付四個格仔、分別裝上吉列千層芝士豬扒一件、咖喱飯、味付螺肉、汁燒金菇牛肉卷兩件、仲有刺身三種口味、三文魚兩件、帶子兩件、有頭甜蝦一隻、真係細心分隔、唔怕影响味道👏🏻👏🏻豬扒醃得好入味、以吉列、內層包住芝士、炸得甘香鬆脆、香濃芝士、口感不油膩、日本便當最緊要係咖喱飯、冇得輸、完全和風味道yummy yummy 😋 牛肉卷以曰本燒汁烤燒、肉嫩香甜、三文魚肥厚鮮甜、帶子爽口彈牙、甜蝦新鮮超甜、仲有味付螺肉、有嚼口、爽😊⋯⋯整個便當、口感豐富、味蕾超級享受😋😋炙燒🔥壽司🍣灸燒帶子壽司$32/2件灸燒左口魚裙邊壽司$29/2件醬燒三文魚壽司$20/2件靜岡辣油燒三文魚壽司$24/2件壽司以曰本米、粒粒有質感、配上唔同新鮮魚類、鮮甜可口、合味道yummy yummy 仲有好多選擇、真係要再encore #葵芳#日式料理#和風味#多款式#稻田食堂葵芳仁芳街2-14號美豐大廈地下6號舖港鐵葵芳站D出口、步行約6分鐘…Read More