桻之燒 (Closed)

到筲箕灣探望友人，順道食晚餐。在天后廟旁有間串燒，我們又不太餓，所以就選了這間食店，食食串燒、小食，傾下計。 內裡不算大，但很有日本居酒屋feel。我們點了「三點漬物盛」、「汁燒鮮蠔燒飯團」、「秘制手打鮮墨魚棒」、「香燒自家浸制醉香雞翼」、「香燒黑豚六花腩」、「香燒脆皮豆腐」、「香燒澳洲椰菜苗」及店員推介的鹽燒鮮魚。三點漬物盛有：酒漬雞肝、牛蒡漬及秋葵。雞肝用slow cook 酒浸，似食鵝肝，入口即融；牛蒡漬爽脆，再配上日本醬油，開胃；我愛吃秋葵，當然好味啦 汁燒鮮蠔燒飯團，這樣設計很特別，非常惹味，口感豐富 當然少不了串燒啦！我們點了「秘制手打鮮墨魚棒」、「香燒自家浸制醉香雞翼」、「香燒黑豚六花腩」、「香燒脆皮豆腐」及「香燒澳洲椰菜苗」，款款都燒得香口，惹味 當然唔少得店員推介的鹽燒鮮魚，燒得香口，魚肉仍很嫩滑，不沾醬汁也很美味 真是值得推介！…Read More

因為係openrice入選之店，所以就同男朋友來朝聖，星期二晚七點半來已接近full哂。先來一條鹽燒石蚌，🐟表面佈滿粗鹽，魚鱗沒有擦走，所以燒完，魚肉仍充滿肉汁，質感細嫩，而且極道鮮美！超班嘅燒魚！磯燒雞泡魚干，基本上係必點之佐酒小食，魚干燒得十分香口但又不會太乾和太’銀’，燒汁入味不需要沾沙律醬， 調味已經足夠好吃。手打鮮墨魚棒中間穿了香茅，鮮墨魚滑有粟米口感十足，而且香茅入味，創新得來好好吃！鹽燒先雞皮有別於其他食店的燒雞皮，完全沒有多餘油脂，每塊都超香脆可口， 問店員才知道原來是老闆會印走所有油，才串起雞皮去燒，十分認真！令雞皮原本的味道完全呈現出來！燒雞中翼調味和雞皮一樣，不過肉汁就多好多而且燒得剛剛好！香燒脆皮豆腐，有燒乾腐皮的口感，一層層日本油揚豆腐質感，雖然烤乾但味道十足！芝士焗雙花，芝士極多極多，濃郁奶香，不過我喜歡西蘭花多個椰菜花🥦！必選蔬菜類難得有間燒烤店每一道餸都用心新製作，而且美味可口！店員服務態度一百分💯，一定要再返來！…Read More

每次行入東大街都會聞到誘人既香味，今晚落住微雨凍凍地，忽然好掛住日本既居酒屋，行左一圈之後就決定食呢間日式串燒。 一口生蠔 ($38) 一杯先黎幾個冷盤海鮮refresh下~ 一口生蠔原來唔係指蠔既尺寸，而係將生蠔放入迷你玻璃杯內，加入鮮蕃茄汁同紅椒粒等，令人想一飲而盡。豪氣地one shot，調味如想像中清新，生蠔亦新鮮嫩滑，啖啖肉好滿足。冰鎮深海游水八爪魚 ($88)醋八爪魚好幼嫩，配合底下清脆既青瓜片有多重口感，最特別係連少少吸盤位，咬落幾爽口新奇。 白醋味道溫和，中間仲有醋海藻，好開胃。松葉蟹多士 ($98) 4件超鐘意一入口松葉蟹滿瀉爆漿既creamy感覺，蟹肉好嫩滑鮮味，調味以蛋黃醬為主調，軟滑既松葉蟹同酥脆既多士配合得岩岩好，面頭仲有咬落卜卜聲既蟹籽，冇可能唔好食。成件都熱辣辣，尤其欣賞多士烘得恰到好處，鬆化到係口內散開。清酒煮日本沙白 ($98)開頭見到個心都沉左一沉，好怕係放題個種細細粒又冇味既蜆，點知撈出黎發現蜆肉成個五蚊銀咁大，漲卜卜好鮮味。識食一定飲埋個湯，除左清酒、紅蘿蔔同洋蔥外，個湯仲好重芹菜味，我就覺得好香喇，但未必人人岩。西京麵豉茄子 ($36)大愛茄子乾燒至熟透，茄子皮仲保持煙韌，燒得香氣四溢又乾爽，配埋鰹魚片好香口。厚燒牛舌心 ($48)老實講同我以往食到既高質厚燒牛舌差不多，反而係鹽燒同燒汁調味同最後擠上既檸檬汁係口內交錯，豐富既層次令我驚為天人，忍唔住encore左碟。香燒自家浸制醉香雞翼 ($36)酒味香濃唔苦，但第一次食到燒既醉香雞翼，都係覺得冷盤版本既嫩滑多汁岩我口味多d。香燒脆皮豆腐 ($32)外層香口煙韌，不過未去到炸個種脆皮。 我本身唔鐘意食豆腐都覺得冇怪味，大大塊幾抵食。秘制手打鮮墨魚棒 ($58)估唔到墨魚棒包住原條香茅咁霸氣，手打墨魚膠夠哂彈牙，重點係連香茅一齊燒，成塊都煙燻到濃烈既香茅味，色香味俱全。 汁燒鮮蠔燒飯團 ($68)單睇用料同擺盤已經覺得超值，食法亦幾有趣，先將飯團分開，然後連同燒蠔用脆紫菜包成飯團，我自己貪心包得多料其實有少少似食緊北京填鴨。食完一口生蠔其實已經對蠔既新鮮程度冇懷疑，最驚喜係飯團成塊都用左燒汁調味，表面燒得香脆唔會硬/痴牙，飯團既燒汁香、紫菜既焦香同燒蠔既鮮甜好夾，必叫！鋪頭細細只有幾台，牆身隨意貼左客人飲完既日本酒包裝紙做裝飾，樸實無華，反而有幾分深夜食堂既氛圍。感覺到兩夫婦用心經營，點菜時會推介當日限定菜式外，走個時亦有問我地意見，真誠態度令我好難忘。估唔到東大街會有咁高質用心既小店，港島過黎亦比想像中方便，睇黎要多d黎發掘下新世界喇~…Read More

讀書時經常到東大街食飯，幾年無來多了不少餐廳，今天來試試這間桻之燒今日慶祝朋友加人工，所以由朋友發板點菜巨型貴妃蚌貴妃蚌每隻有掌心般大，肉質爽口鮮甜，加上適量蒜末蔥花提鮮，將味道帶上一個層次，店家指所有海鮮每日入貨，所以保證新鮮岩燒原隻南非鮮鮑魚香港出售的鮮鮑魚仔屬養殖居多，當中以南非的質素最佳，所以只要用簡單的方法炮製：生熟程度拿捏恰到好處，下一點鹽、蒜、蔥調味，即成。一口咬下爽脆彈牙，鮑魚的鮮甜在細嚼後漸漸填充口腔松葉蟹多士香脆的多士上伴以蟹膏、蟹肉及蟹子，以沙律醬調合，入口先是粒粒蟹子的新鮮口感，再品嚐到蟹肉肉質軟滑，蟹膏的香濃最後慢慢出現，有層次的開胃小食醉香雞翼、醉香腩肉店家指是新餐品，腩肉前一晚自然風乾，再不斷抹上燒酒，所以入口先有香濃的酒味，然後半肥瘦的腩肉的油脂在口內徹底爆發，簡直是一絕鹽燒馬友原條馬友份量十足，魚味豐厚，油脂香濃，魚肉細潤如酥，以偏泰式的燒法，將魚脂鎖住，配以泰式海鮮辣醬，吃得大呼過癮鹽燒鮮雞皮燒雞皮先去掉多餘油脂，出品又薄又脆，入口不油膩，卻充滿雞油香氣，香脆滋味香噴噴臘味飯團燒香的飯團肉包有已切粒的臘味，中式材料配上日式做法，一咬下滿口臘味，齒頰留香汁燒鮮蠔燒飯團上枱造型吸睛，鮮蠔及飯團均以香濃燒汁燒出來，燒得夠香，鹹甜適中，不會過於濃膩，作為一餐的結尾最為合適…Read More

早聽聞筲箕灣的東大街很多美食，一直想試，這天跟男友放工來到這條著名食街，忽然串燒癮起，便選了這間小店啦入邊是小店格局，坐位不多，更覺親切。這道牆很壯觀呢。貼滿了日本酒瓶的招紙二人餐價錢和食物都好吸引，不過男友想散叫，惟有下次嘗試啦除了在泰式店，比較少嘗到泰式扇貝，尤其是日式串燒店大多都是蒜蓉扇貝。這道菜是一個驚喜呢。店員說扇貝不是急凍貨色，而是他們每天到街市新鮮買，果然吃下去很鮮甜，再配上恰到好處的泰式香料，微辛但不會太辣，很喜歡❤️男友點的，是不同的內臟，有簡單的黑椒調味，吃得出有腎和肝，佐酒一流吃到一半，店員來宣傳-只要like他們的面書專頁就可以獲得免費的汽泡酒這個誠意推介外面燒得少許焦，再配上濃味的鰻魚汁，飯粒十分黏口，好好吃！這個也很推介:)上面有兩隻蠔，一人一隻，再包紫菜吃，汁也是鰻魚飯團那一款，蠔又大又好吃，還加上沙律醬增加層次。先說豚肉，調味的鹽份量適中，豚肉肥瘦適中，不錯牛舌十分重牛味，調味也很出色，基本上不用落檸檬汁都已經十分夠味雞翼也是一大驚喜 串燒很少會吃到醉雞翼，很有新意！帶著淡淡的酒香，很好吃是用雞肝鵝肝醬調配而成，有少許咸，法包很脆吃了這麼多肉類，最後吃菜作結芝士有少許拉絲效果，入邊有西蘭花和椰菜花，熱辣辣的，十分溫暖埋單兩人接近三百，價錢合理，每一道料理都十分用心製作，十分有誠意，下次有機會一定再光顧…Read More

上個禮拜放工想食串燒，筲箕灣呢間餐廳已經聽咗好耐今晚決定試一試啦！早有聽聞呢間餐廳嘅老闆非常有善心，唔知食物質素會唔會又係非常高呢？點完嘢食之後，望一望餐廳嘅裝修就會發現充滿日本風，真係有去咗日本居酒屋嘅感覺啊！🤤👍🏽第一點上嘅菜係三點植物性漬物盛，顧名思義係三碟小菜，三碟都同樣開胃！其中一碟係生魷魚再配柚子味嘅粉末係自家製架！因為本人未試過呢個菜式所以覺得十分新鮮，柚子粉可以中和到魷魚嘅腥味添！另外，中間嗰一碟秋葵加木魚絲，仲有酸酸尾尾嘅汁好惹味呀！🤤之後係巨型貴妃蚌，同平時一樣，桻之燒嘅貴妃蚌都用咗蔥同埋我最愛嘅蒜蓉。咬落唔韌口，真係大大隻啊！呢碟松葉蟹多士我大推啊！每塊多士上面都塗滿左海量嘅蟹膏，蟹膏之上係蟹肉，蟹肉上面仲有蟹子點綴添呀之後嗰碟係另一創意之作，碟上鋪左四塊嘅紫菜，中間係一大舊汁燒飯團，飯團上面有竹籤吉左兩隻大生蠔。食法係用紫菜包着飯團再加生蠔黎食，賣相夠特別，菜式亦好有創意呢串雞皮係必食，連平時唔識雞皮嘅我都忍唔住想食多兩串！我平時唔識雞皮係因為好驚佢嘅口感滑得來又好油膩好似有好多肥膏咁，但係呢串鹽燒雞皮佢炸到所有雞皮都吹到好似薯片咁脆，但食落去好有張力感，真心真係好好味嚟到冇食過呢度嘅雞皮唔好話你黎過啊！跟住係脆皮豆腐，啲木魚多到遮住曬，完全睇唔出佢係乜嘢嘅菜式啊！個豆腐炸到非常之脆食落好爽口。而呢一啲嘅雞翼你可以想像佢係BBQ蜜糖雞翼crossover醉雞翼！識落有燒焦嘅蜜糖味加埋酒味好特別！我第一次食呢個泰國嘅椰菜苗，齋睇菜式名以為椰菜苗係大大個椰菜再切細粒燒成一串。點知原來椰菜苗係一粒粒好迷你版嘅椰菜好搞笑啊🤣燒完好有菜味再加小小苦味，幾特別喎！最後，係大馬有。老闆娘話呢條馬友嘅整發係特登唔起鱗，切開左啲皮之後擠小小嘅檸檬汁，肉質好滑好滑😚愛食魚之人一定唔可以錯過啦！…Read More

又食到間好地方，今次係筲箕灣衣間串燒店餐牌有多款選擇：有串燒居酒屋套餐、散叫都有好多款式(海鮮、串燒、意粉、乳鴿都有).....可算是非一般嘅居酒屋我哋選擇散叫一嘗佢各款食物主打海鮮類岩燒原隻大連鮑魚 $48/隻(時價)味道非常彈牙爽口，加上豐富嘅蒜蓉味簡直一絕應該係即叫即整，所以每款食物都係熱辣辣上枱，無失串燒嘅風味巨型貴妃蚌 $78/2隻又是新鮮滾熱辣上枱濃烈嘅海水味帶一點似有調配過嘅湯同貴妃蚌一齊食，男友即點名衣個好味聽到隔離枱想叫都已經沒有了！松葉蟹多士 $98/1碟4件 見到餐牌已經心心眼皆因本人對日本蟹非常鍾情，諗都唔使諗一定要試吓！咬落去果下嗰種蟹膏嘅味道，我已經即刻講左句‘好好味’多士上面嘅料真係好足，如果真係要挑剔一下，唯有說多士可以厚d同埋可以脆身d，咁就完美無瑕喇汁燒鮮蠔燒飯團 $68餐牌寫首創又有頂呱呱推介，又試吓佢啦賣相非常特別，一舊仔表面脆脆地嘅飯團加上面一舊充滿燒汁既蠔....碟上有3塊紫菜！我哋將飯團分開3份放在紫菜包住食，自創都唔知係咪咁食但味道都唔錯，蠔非常juicy,好多汁清酒煮日本沙白 $98響外面食好多時都得返啲殼，但依度d沙白真係每粒都有肉，冇花冇假都帶dd酒味，不是太濃烈，但起碼知道佢真材實料！響外面食永遠得個名有厚燒牛舌心 $48/串大大串，厚身多肉！不過有少少味道，但因表面有鹽剛好蓋過那味道鹽燒鮮雞皮 $28/串上枱時店員表示雞皮同一般外面的不同，係新鮮雞皮兼且已去油，所以食落一啲都唔油！的確食落一d都唔油立立，非常乾爽，脆卜卜又唔油膩，好獨特既方法值得推介香燒自家浸制醉香雞翼 $36一般串燒雞翼！味道不過不失啦！醉香雞翼有酒味？似乎要加重味道了！鎮店鹽燒原條鮮魚 - 金魷 $178 (時價)本人本身不太食魚，因為怕有骨！但依條金魷真係令我起埋骨都繼續食，食到冇晒一粒肉為止肉質真係非常滑滑滑，啖啖肉骨係大條粗身，完全唔怕哽骨！另外有個汁酸酸辣辣可以沾，不過意外發現沾鹽會更更更好味！衣條魚真係令我停唔到！極力推介，唔試真係損失依度消費雖然唔平，但勝在每款精又好味！食到最有質素嘅海鮮！皆因今次大部份都係海鮮類所以今次先貴咗啲！埋單加一後$831。物有所值…Read More

行開筲箕灣就梗係去東大街搵食啦經過個門口吸左我入去入到去望一望有咩正野食先今日我就最後點左以下食品三點漬物盛,香燒手打鮮墨魚餅,鹽燒鮮雞皮,汁燒鮮蠔燒飯團,香燒脆皮豆腐,燒脆香豬大腸,岩燒白鱔,香燒自家浸制醉香雞翼,法式鮮蟹肉虎蝦多士等野食既時候就當然四周望下,環境都幾舒服三點漬物盛--到底咩黎架呢???其實佢係三文魚軟骨,牛蒡,螢光魷魚三文魚軟骨--爽口清新牛蒡--咬落質感唔錯螢光魷魚--新鮮好味香燒手打鮮墨魚餅--埋到黎都聞到香,熱辣辣落口,外面煎到好香口,入面熱辣辣,好正鹽燒鮮雞皮--你以為雞皮咁肥就真係少年你太年輕喇佢應該以高溫炸過,食落有食薯片質感外仲加入雞既香味,幾特別.汁燒鮮蠔燒飯團--何為飯團呢,就係用紫菜包住黎食,隻蠔都幾好食,隻味唔錯,連埋個醬汁包落紫菜度食非常之夾香燒脆皮豆腐--外脆內軟,豆腐都好滑,外面熱配合起來好正燒脆香豬大腸--燒出黎好香口.冇街邊食個D怪味,唔錯,食落都唔油膩岩燒白鱔--超正呀,燒到熱辣辣,一口咬落去好有魚油既感覺,這就是鱔最正既感覺香燒自家浸制醉香雞翼--掩過既雞翼幾入味,同樣外脆內暖法式鮮蟹肉虎蝦多士--一個多士可以咁樣配合真係唔錯,隻蝦好實用冇雪味有蝦味,夾埋醬汁食真心回味…Read More

今晚收工約了弟弟晚餐，他說因為我生日所以吃精緻一點。他選了位於東大街的桻之燒，小小的一家店卻供應不同燒物和日本酒，尤如置身在日本的居酒屋一樣。牆上有好多酒label，原來這裡的酒都是店家在日本買回來的，尤其是十四代的系列，並沒有正式出口，所以算是獨市。平常不太好清酒的我都蠢蠢欲動要喝一杯，店員就推介了相對易入口的黑繩，香味清新，入口清甜帶點強烈，不過卻很順口/ 喉嚨，不會有灼熱或不適的感覺，改變了我對清酒的偏見。香燒脆皮豆腐不宜即食，剛燒起真的好熱！木魚片煙靭也增加了香味，豆腐薄皮脆，內裡滑溜柔軟，正店員另外推介了今天精選，燒苦瓜，我倆就決定豁出去一試。苦瓜本身其實不算苦又帶點甘香，加上頂層舖了焦糖脆脆的甜甜的，讓苦瓜更易入口，變得好吃。芝士焗雙花即椰菜花和西蘭花，每球大大的，非常新鮮爽脆。芝士汁份量多，混了忌廉，又能拉絲，味道又香又creamy，和雙花非常夾。牛舌一直都是我的最愛，不論厚薄也喜歡，不過當然厚燒更正！咬下去又香又爽口，中間部份比較軟身，牛味又重，是最高的享受這汁燒鮮蠔燒飯團感覺創新，要自己拆下來再分配都紫菜上。最好的就是一上菜就吃，紫菜才不會軟。蠔和飯團都燒的非常入味，尤其蠔的味道鮮甜，燒汁味道也濃郁，咬下爽脆的紫菜就感受到甜味，又是水準之作。老實說我未試過這樣吃牛骨髓，平常吃都是白色的，但這是啡紅色的，上面配搭的醬有鹹香味，已相當濃郁；而骨髓部分的味道更重，帶點肝臟的味道，感覺豪華，放在多士上吃就如吃鵝肝一樣。燒雞皮像炸的，非常香口，整個都是脆的沒咬到肥膏，好邪惡啊！但雞皮在居酒屋是必食的小食！大大隻雞翼上菜時已經聞到淡淡的酒香，味道既香且甜，外皮又脆，肉質又嫩又多汁，好想吃多兩隻香燒雞皮蝦膠卷也是一項創意料理，用煎得香脆的雞皮包著爽口彈牙的蝦膠，雞油滲進蝦膠中味道更香和甜，口感層次更為豐富不知不覺吃了好多東西，每款都好精緻，又好看又好吃，…Read More