桻之燒 (Closed)

星期六早上做完運動出咗去筲箕灣一趟， 一場嚟到梗係會去東大街覓食。 唔想太heavy我哋去咗一間有all day breakfast hea吓。 餐廳本身或者晚市係做串燒，居酒屋或食日本嘢。 牆壁貼滿清酒嘅招紙， 簡約中見心思。 店舖雖小有落地玻璃 陽光透落，非常有假日 悠閒feel.英式早晨全餐 $88好豐富嘅樣子， 蒜蓉包焗得鬆脆。 松露炒蛋， 炒蛋又滑又香， 加上少許松露醬更顯惹味。 更香口嘅係佢嘅煎煙肉， 其貌不揚但係整得好好味， 不肥不瘦又唔乾， 仲有好香嘅肉味。德國香草雞肉腸， 肉質唔會太鹹外皮香脆。 番茄汁焗豆同蔬菜沙律同吃， 完全感覺到有健康的一天!法國鵝肝配安格斯牛肉漢堡配薯條 $98賣相精美， 沙律顏色鮮豔爽脆又清新。 鵝肝份量少少哋都煎得幾香， 安格斯牛肉漢堡做得好厚， 佢嘅肉質好滑， 甘香有肉味，唔似一般漢堡扒会嚡。 非常推介， 因為份量都很足。汁燒雞扒配豬骨濃湯稻庭烏冬$88 稻庭烏冬滑溜溜， 盡吸濃濃嘅豬骨湯。 雞扒輕輕略煎外皮脆口， 還有仍然脆身嘅紫菜碎， 口感豐富又美味!跟午餐/套餐可以加8蚊升級特飲。水蜜乳酸桃梳打 巨峰乳酸梳打 荔枝乳酸梳打各款梳打味道唔錯，fresh 夠氣唔会太甜。 荔枝乳酸味道尤其出眾。因為假日唔需要提神冇飲㗎啡，下次再嚟嘆下其它咖啡小食 同all day breakfast.…Read More

週末訓醒又到左搵食既時候，東大街出名多好西食，呢間桻之燒係佢當年開張既時候已經好吸引我，今日終於的起心肝入去食！店內環境好有日本居酒屋既味道，除左有大大既酒櫃，可以見到水吧位都放左好多唔同既清酒，牆上有寫左唔同既燒物推介，排得好整齊，睇落好療癒。一拉開個趟門，侍應妹妹已經好熱情咁出黎招待我，坐低之後，侍應妹妹簡單介紹左今日既午市餐牌，推介我今日可以試羊排，然後再簡單介紹下餐具位置等，十分貼心同窩心阿。頭先侍應介紹左羊排，所以我地就叫左招牌串燒拼盤(A)配紫心蕃薯蓉同埋汁燒雞扒配豬骨濃湯稻庭烏冬。汁燒雞扒配豬骨濃湯稻庭烏冬＄68首先嚟到嘅係雞扒配稻庭烏冬，雞扒嘅份量都幾大塊，切咗六大舊，雞扒用左燒汁一齊燒，味道甜甜地，雞皮有小小脆，皮薄肉厚，淡淡肉阿！豬骨濃湯飲落都好易入口，除左好濃既豬骨味之外，仲有d麻油香。湯入面仲有好多娃娃菜，令到個湯會有鮮甜味，我係咁飲佢d湯阿！！。稻庭烏冬係扁身，食落會比平時普通粗個d烏冬軟食。招牌串燒拼盤(A) 配紫心蕃薯蓉＄98串燒拼盤入面有鹽燒雞中翼，香燒黑豚六花腩，紐西蘭羊扒。仲有沙律同紫薯蓉。鹽燒雞翼燒得岩岩好，外表十分脆，內裡多肉汁，簡單既調味已經好好食！羊架口感偏爽口，一d都唔騷。另外六花腩爽口，油份十足，但一d都冇油膩既感覺，紫薯蓉冇咩特別既調味，更加食到紫薯本身既甜味，我就一淡六花腩一淡紫薯咁食特別夾。總括黎講，今次既用餐好滿意，服務態度我最欣賞，比我一種窩心既感覺。串燒好味！下次黎食晚餐既話我一定會試下佢既燒酒！…Read More