Dondonya (Closed)

「丼丼屋」好早就會坐滿人, 如果過咗7pm先o黎, 直頭大排長龍添呀!!! 見到咁多人食緊, 我地又忍唔住去八埋一份...晨咁早, 餐廳入面嘅卡位已經冇晒, 得番餐廳中間呢個面壁位... 嘩!!! 個燈箱使唔使咁殘眼呀?!! 根本冇辦法mark大對眼!!! 見到附近有食客帶住鴨嘴帽食, 真係配服佢, 有備而o黎!!! 我最後要放個ipad袋再加個餐牌係面前, 遮住d光, 再用左手遮住對眼, 剩係用右手進食, lala聲食完lala聲走人, 真係「食而不知其味」!!! 究竟個designer知唔知咩叫「光害」?!! 使唔使光到咁呀?!!咖喱吉列豬柳飯--咖哩汁少得可憐, 根本唔足以撈晒碟白飯, 額外添加咖哩汁居然要加25蚊?!! 唔係呀嘛?!! 搶錢呀?!! 同埋個汁係似吉豬島10元店果d叮叮咖哩汁囉, 人地加咗價之後, 都係12蚊1包咋喎... 個豬柳都唔得, 好乾好硬, 一d都唔juicy, 我已經係特登要貴幾蚊嘅豬柳, 因為怕豬扒整得唔好的話會又乾又硬, 點知都係咁...汁燒牛扒丼--honey嘅牛肉飯係另外加錢轉定食, d沙律都ok新鮮, d牛肉話7成熟, 不過唔太熟, honey就叫服務員搵廚房整熟少少, 結果我食完個咖哩飯, 個牛肉飯都仲係失咗蹤, 問咗多個服務員之後, 終於有1個同我地講「因為要重新整過, 所以會耐d」... 嘩!!! 咁嚴謹?!! 再等多一陣, 終於有得食, 味道都唔錯, 牛肉份量都好多...埋單係大戶屋咁嘅價錢, 但係我覺得大戶屋好味d同埋份量大d, 所以決定都係繼續幫襯番大戶屋, 呢間試過就算, 間唔中食吓都無妨, 但係我一定一定一定唔會再坐呢個「光害」位囉!!!…Read More

呢排變了雞蛋控...見到用雞蛋造的料理, 雙眼發光..是日決定試一試這裡的招牌菜 : 滑蛋雞肉丼..同c6 坐叮叮由銅鑼灣到來..上了車才想起乘巴士較近..算啦....很久沒有坐叮叮..用了30 分鐘終於到達康怡..這間店比較難找, 又沒有寫1 期定2期..原來是在西苑的下一層..19:45分..店外已企滿輪候的客人..輪候號碼分2 種 : 3人以上 or 2 人拿了張2人桌, no. 291望一望果list, 要等10張桌 at least..想一想還是外賣回家吧! 那麼c6 還可以看20:30 的利物浦vs愛華頓..order: 滑蛋雞肉丼 $48汁燒牛扒丼 $78燒玉子卷 $28原來都幾多人外賣..等了20 分鐘, 終於有了..滑蛋雞肉丼 - 蛋和雞肉都很多, 雞肉嫩滑但味淡, 滑蛋經過45mins 後已經不滑了...(這是預期之內).. 可惜蛋味偏淡..飯用上珍珠米...而且份量很多...整體來說, 不算佳品..汁燒牛扒丼 $78 - 同樣飯面舖滿一件件切好的牛扒, 試吃了一件, 有點嚼口, 牛味算濃.., 可惜燒汁過少...乾爭爭..燒玉子卷 $28 - 這個一客4件, 附上白蘿蔔茸..除了那表面的柚子汁較為refresh... 就只吃到一口"甜味", 蛋味完全欠奉! 失敗之作!而且得知坊間的日本批發商有預先製作的燒玉子加工食物, 只須加熱便可..看著這客非常工整的燒玉子...是否真的當場用蛋液即煎呢?尤其見到侍應同一時間拿著 7-8 碟燒玉子上不同桌子時....要吃燒玉子卷, 還是去"一門" 吧!順帶一提:1. 收銀姐姐很好禮貌..可惜當人多結帳時, 她又要兼顧外賣(整理單子, 跟單分食物等...).人手明顯不足...2. 輪候2人桌明顯比3人桌慢很多..在等候的20分鐘, 2人桌才供應到2 張, 相反3人桌以上已經有10張以上可以入座..3. 外賣食物..時間相隔太耐, 我點的滑蛋雞肉丼, 5 分鐘就弄好, 兼放在cashier 桌後面, 但另外2 款要多等15mins..…Read More