一鳴丼食堂

同男友一齊幫襯過好多次隔離一鳴拉麵，一間大埔隱世日式小店。趁1000日拍拖紀念日👫舊地重遊決定黎試埋姊妹店，呢間就主打日本新鮮丼飯🍱同刺身🦑壽司🍣裝潢門面撲面而來滿滿日本風味，日式木趟門，加上門口兩塊藍色布簾，感覺彷彿置身日本居酒屋🇯🇵🏮🥚櫻花蝦玉子燒玉子燒每間日本店舖嘅做法各有唔同。佢哋嘅玉子燒偏甜，玉子入面有加入糖，本身睇落以為只有玉子燒上面會加上櫻花蝦但其實每層蛋入面亦都加入左滿滿嘅櫻花蝦去增加口感。一刀切落去已經見到好多櫻花蝦，食落蛋香濃郁，有少少甜味加上櫻花蝦嘅獨特香味整體配合得十分好👍🏼👍🏼🍱四重火焰盛 $138 米飯用左日本珍珠米，上面鋪滿火炙三文魚左口魚裙邊帶子同埋蟹柳，中間仲有一隻略略燒過嘅蛋黃令到蛋黃唔會過份流質。刺身炙燒嘅熟度恰到好處，令到每樣油脂豐富嘅魚類可以釋出油分提升香味，食材選擇夠新鮮，只有仿蟹柳係比較冇咁顯眼嘅食材。但份量就就略為少啲，如果係女性朋友去食就應該啱啱好🤓🦐北海五品盛 $178 呢個丼飯係一個刺身丼，材料主要包括帶子三文魚海膽一條海蝦同埋幾粒三文魚子醬油漬，新鮮程度亦都係幾好，食到食材嘅鮮味。但係份量我就覺得都係略為少咗啲，冇頭先嗰份火炙丼性價比高。🐂汁燒厚切牛舌 $56 🐥雞肉京蔥燒 $42 今晚嘅兩碟串燒都表現十分出色🤤🤤佢哋會針對每一款串燒用返唔同嘅醬汁，唔會好似某啲店舖咁清一色用同一種醬料令到食物嘅味道一式一樣，呢度係會針對返唔同嘅食材用鹽燒醬燒唔同嘅方法進行烹調，食物嘅生熟都掌握得十分之好。尤其要讚嘅係今晚嘅牛舌，厚切牛舌加上汁燒生熟度恰到好處，十分軟淋🥰🥰除左食物有水準，店員服務態度都好抵讚。我地原本坐緊二人檯，因為都嗌得多嘢食問可唔可以轉張大檯，店員都好好態度一有檯就幫我地轉，上菜都會向我地簡單介紹菜式，唔單止裝修食物質素拍得上日本，態度親切都係日本飲食文化好重要嘅因素😆👍🏼…Read More

話說果日晏晝食完一鳴拉麵，陰差陽錯夜晚食埋佢隔離嘅一鳴丼食堂🤣🔆究極甲羅盛$𝟙𝟡𝟠全蟹盛🦀有蟹腳、蟹鉗、蟹籽仲有蟹膏🤩其實係細細隻碗上要撈咁多野真係超有難度🤣呢個丼外表真係好吸引，但佢嘅蟹肉食落唔係幾新鮮無乜味，蟹膏撈飯就好鮮甜🙌🏼🔆四重火焰盛$𝟙𝟛𝟠原本以為係流心蛋，但個蛋黃其實係實心的，所以都係幾難撈😂配料有三文魚、蟹棒、左口魚裙邊同帶子，全部都火炙過，質素不算特別好但都唔錯的，好過蟹肉🔆汁燒厚切牛舌$𝟝𝟞燒得幾香，配上(我諗係?蘿蔔蓉好夾，但一串都幾貴呢🤣🔆燒河豚乾$𝟜𝟞好鍾意食魚乾😋食落似魷魚味，質感會較硬🔆唐揚雞軟骨$𝟛𝟠上枱果陣熱辣辣，數量都幾多，同朋友一路傾計一路食都幾襟食🔆蒜蓉牛油炒什菌$𝟜𝟚食串燒真係次次都要食呢d🤣有幾種菇類🤤又香又重蒜好欣賞佢提供飯素比客人撈落個丼飯，唔會食到底就得白飯好寡👍🏼整體食物質素係有好有唔好啦🤣…Read More

咁岩去開大埔，就諗住去支持下大埔啲小店，發現到呢間日本料理餐廳裝修得好靚，就入去試吓啦鋪頭唔算好多人，好快就入得去一坐低就比左兩杯熱茶我地啦由於都幾肚餓嘅關係，所以都叫左幾多嘢食首先係呢個角切魚生飯，份量比想像中少，但係勝在魚生夠新鮮，食落好香，加埋新鮮山葵同豉油另外重點左三款壽司，分別係八爪魚，燒左口魚裙邊，同埋蟹膏甜蝦軍艦。八爪魚覺得有少少乾，味道一般。反而另外兩款有驚喜左口魚裙邊燒完之後好香魚油味，而蟹膏就夠晒鮮甜值得一讚去親日本餐廳都要叫我燒芝士年糕食今次都唔例外佢比起坊間嘅芝士年糕偏甜同埋淋，反而少咗芝士嘅鹹香味。最後就另外在叫咗個燒牛舌，咬落幾多汁，比起出面食嘅濕啲，但係每一舊都有醬汁嘅味道，反而冇咁乾身…Read More

大埔墟火車站行出大概5分鐘 見到日本橫丁既門面 好有特色 原隻活赤背刺身 一啲腥味都無 肉質爽甜 新鮮度高 鹽燒雞頸肉 第一次見雞頸肉菜式 雖然係燒物 但係 肉質都好滑 無脂肪 帶少少雞皮 食落好香好脆 汁燒雞翼 皮燒得好香脆 内裡仲好滑 有汁 汁燒厚切牛舌 咬落爽脆仲好有肉汁 加埋 上面既醬汁 好好食好開胃 好有水準燒日本甜番薯 番薯味好出 仲好甜 唔會燒到好乾身鹽燒牛柳粒 外皮香脆 內裡仲好嫩滑 加上外面少少鹽味 整體味覺好好土佐豆腐 醬汁係帶少少甜味嘅豉油 豆腐食落好滑 豆味好濃 味覺好厚身 同其他豆腐好不一樣 好香濃北海五品盛 有帆立貝 海蝦 油甘魚 三文魚 三文魚子 同埋海膽 份量都唔少 而且 刺身嘅厚度啱啱好 太厚食落會好滯 太薄又無咬口 呢度就啱啱好 有咬口又唔會好滯 而且 唔會得一兩片 魚子數量都多 食落仲好新鮮 唔腥仲脆卜卜 海膽好新鮮唔腥 仲好甜 整體食材真係好新鮮 價錢一啲都唔價 性價比高 好有魚市場食舖既水準 燒物水準都好高 好有驚喜好值得食 …Read More