Skewer Kitchen

朋友住荃灣，佢話呢間串燒好食，呢一日就去咗試！🥰🫶🏻餐廳都幾大間幾多座位～Menu選擇多，日、泰、港、川、西、新疆、韓式！！好多都好吸引，仲有幾款係佢哋自家創作嘅食品😍叫咗呢堆嘢食😍🤭🤭#豚肉節瓜波板糖 （附月見） $38/串用豬肉包住節瓜，一層一層，好有層次同口感，點埋燒汁+黑松露+蛋黃，又香又滑！#焦糖青蘋果鵝肝多士 $108/份鵝肝大嚿又厚肉，同蘋果肉係絕配🤤焦糖蘋果肉甜甜哋解漏，又香口🤤#紫蘇雞皮蝦 $48/串個雞皮燒得好脆，包住紫蘇葉同好彈牙嘅蝦，我本身都幾鍾意食紫蘇葉，呢個唔錯～#惹味蜜糖燒三黃雞全翼 $28/隻呢個一擺低就聞到勁香，少少辣加上甜甜哋好香口，味道真係同個名一樣咁惹味👍#雞皮墨魚滑 $38/串墨魚滑彈牙雞皮燒到脆脆地#柑桔鹹蛋黃卷 $28/份呢個幾得意，原來係炸物嚟～鹹蛋黃味唔會太咸，仲甜甜哋！#蒜蓉燒生蠔 $48/2隻夠肥美，脹卜卜👍#黑糖燒菠蘿 $20/串成個面都係焦糖脆脆的，食串燒鍾意點呢個🥰另外仲叫咗呢啲～孜然燒西蘭花苗 $22/串 鹽燒淮山 $18/串鹽燒秋葵 $16/串鹽燒白鱔 $48/串秘制燒羊架 $48/隻鹽燒豚肉荔枝卷 $22/串厚切鹽燒牛舌拖羅 $48/串鹽燒鮮三黃雞腿肉 $28/串汁燒鮮雞肝 $28/串汁燒免治雞肉軟骨棒（付月見） $38/串SAPPORO $48/杯 做緊買一送一，食串燒飲啤酒爽丫丫🥰餐廳地方夠大，環境坐得舒服，嘢食款式又多又特別，仲有個火爐熱住啲嘢食，非常適合約埋朋友一齊食，推介🙌…Read More

主打特色燒烤 手工串燒食材高品質 每一串都驚喜滿滿🥰 最欣賞店員嘅細心位就係為食客提供保温爐🔥就算同朋友一邊飲兩杯傾下偈都唔驚食物會凍哂🥰👏🏻 大力推薦（限定🍢）✨✨✨🍢汁燒免治雞肉軟骨棒  （付月見🥚）新奇之選🍢雞皮墨魚滑      外形脹卜卜 ，燒到外脆內爽彈🍢鹽燒牛舌拖羅     厚切牛👅相當Juicy, 生熟程度岩      岩好 海鮮🦪🦐🦑🐟蒜蓉燒廣島蠔 兩隻🐟日式燒白鱔🐟手釣墨魚鬚🐟鹽燒牙帶魚🐟麻辣黃花魚春 🌟燒海鮮種類多，而且配唔同調味，令鮮味更出， 特別係燒白鱔、 墨魚鬚！ 估唔到係宵夜時間都可以食到 新鮮彈滑嘅口感🤩 小妹食過返尋味之選😋🍡焦糖鰻魚芝士玉子燒🍡鹽燒豚肉荔枝串🍡汁燒煙韌年糕卷🍡燒萵筍伴蟹膏🍡明太子淮山燒 🌟咁多新穎特色串燒真係花都眼亂， 以上幾款小妹全部都好鍾意！由其是焦糖鰻魚芝士玉子燒面層嘅焦糖燒到脆脆，夾住鰻魚玉子燒都唔會散開， 一啖食曬！滿足🤭荔枝串、年糕卷、明太子淮山燒都係小妹鍾意嘅食材，創新嘅配搭食落好有驚喜，真係好欣賞餐廳廚師嘅用心🥰 ✨特色燒烤🔥❤️串燒蒜蓉茄子❤️明太子燒飯團❤️檸蜜牛油包❤️黑糖燒菠蘿（冷）必試！！！❤️❤️蜜糖燒菠蘿（熱） 🍹 百香果桔仔梳打🍹 青檸菠蘿梳打 …Read More

燒烤堂真係香港串燒嘅天堂🤩回訪左幾次，每次都好滿意，款式夠多又好食，今次去近我嘅荃灣店，放工約埋三五知己一齊夜消磨▪️日本生啤$48生啤有買一送一優惠，飲品最抵係佢，食串燒必備🍻▪️鹽燒赤雞頸肉$22鹽燒不錯，雞頸肉部位較有口感▪️鹽燒日本雞胸軟骨$22呢個每次都點，骨脆，唔會太細粒之餘又食到少少肉👍🏻▪️汁燒免治雞肉軟骨棒 $38雞軟骨棒食串燒多數都有佢份，蘸蛋漿啖啖肉又滑溜▪️明太子雞腿肉$28 佢地嘅明太子系列都好好食，個醬調味剛剛好，雞腿啖啖肉▪️鹽燒原塊雞皮$22 雞皮成隻手掌咁大塊，唔油，脆卜卜好似薯片咁薄▪️鹽燒和牛牛小排$48鹽燒和牛上面灑滿黑椒，油脂分布均勻，牛小排有口感，加少少檸檬汁更好食▪️中切鹽燒牛舌芯$28之前試過厚切，今次見到中切所以試吓，感覺中切更加香口，厚度剛好，肉質爽口▪️牛油果豚肉卷$28串燒出現牛油果幾新奇，口感軟滑，可以一試▪️海苔黑豚肉鵪鶉蛋$28有肉有蛋，一啖有幾種唔同嘅材料，係咁多款豚肉款式入面幾好食▪️紫蘇雞皮蝦$48蝦肉大大隻，配搭幾有心思，雞皮夠脆，味道多層次▪️香蒜鹹蛋黃燒墨魚滑$38食過佢地嘅墨魚滑就知正，爽口彈牙，鹹蛋黃醬味道濃淡適宜▪️明太子燒厚揚豆腐$28之前食過都好like呢款，燒得偏乾身，滿滿明太子醬😋▪️鰻魚炒飯$58之前嚟都係食佢嘅飯團多，未試過炒飯，估唔到呢個咁大碟，整體帶甜味，和風感重▪️明太子燒飯團$38推薦必叫！一嚟到就要食紫菜就會淋，飯團外層微微焦脆，入面飯粒軟身，加埋明太子，所以大受歡迎▪️川燒蒜蓉茄子$36呢款茄子帶點辣度，建議食得辣先叫😆佢上面嘅辣椒粉都偏多，加上炸蒜同大蔥，勁惹味▪️糖不甩燒芝麻湯丸$22之前都未食過呢款，外皮微脆，加上花生同糖，偏甜▪️泰式豬頸肉$28▪️鹽燒豚肉露筍卷$32▪️鹽燒豚肉豆苗卷$28▪️鹽燒雞中翼$20▪️鹽燒秋葵$16▪️鹽燒芥蘭頭$16新店環境唔錯，冷氣超強😂店員幾好服務，就算叫咁多野食上菜都好快手…Read More

我係燒烤堂嘅老顧客🤣 每次都滿座，人氣爆燈～荃灣新分店嘅裝修好靚好舒適，啱晒約埋朋友一齊🍻🍡 燒烤堂嘅調味好適合我，勁香但又唔會太重味精✨ 款式勁多，而且性價比好高～⭐️ 汁燒免治雞肉軟骨棒（付月見）（$38）平時唔食雞軟骨嘅朋友都好鍾意食。肉多汁好軟身，加埋蛋汁無法抗拒～⭐️ 蜜糖燒雞中翼（兩隻）（$18）蜜糖燒雞中翼係BBQ必點🤣 淋上蜜糖燒勁香甜～⭐️ 鹽燒A4宮崎和牛（$58）A4宮崎和牛，名副其實極致嫩滑，鹽燒更突出牛肉本身嘅鮮味。⭐️ 中切鹽燒牛舌芯（$28）牛舌芯爽滑嫩口得黎又充滿韌勁，口感好好⭐️ 焦糖青蘋果鵝肝多士 （$108）主角菜✨ 焦糖、青蘋果同埋鵝肝燒香後放上多士，可以想像到呢嘅組合幾perfect💗⭐️ 孜然豚肉韭菜花卷（$24）⭐️ 孜然豚肉莞茜卷 （$22）兩款都係豚肉卷菜，都係好出色，豚肉外層勁香口，內層嘅菜中和返油膩感，加埋孜然嘅香氣✨ ⭐️ 蒜蓉燒廣島蠔（兩隻）（$44）廣島蠔新鮮肥美，再配搭香濃蒜蓉，味道濃郁⭐️ 孜然燒蒜蓉茄子 （$36）幾乎每台都會叫嘅蒜蓉茄子，有著孜然嘅香氣，好開胃又健康！⭐️ 明太子燒厚揚豆腐（$28）豆腐外脆內滑，上面鋪滿香濃明太子醬汁，口感好豐富✨⭐️ 黑糖燒菠蘿 （$20）菠蘿份量都幾多。香甜多汁嘅菠蘿淋上糖漿，作為甜品最佳🤣⭐️ 日本芝土年糕 ($36)⭐️ 鹽燒白鱔 （$48）⭐️ 明太子雞腿肉 ($28)⭐️ 鹽煮枝豆 ($28)⭐️ 鹽燒萵筍 ($18)⭐️ 即打芒果乳酸 ($28)⭐️ 即打士多啤梨乳酸 ($28)…Read More

在香港食串燒，一定要找間質素好的，起碼清楚肉質的來源地。餐廳環境寬敞舒適，完全沒有任何油煙味，高級的串燒餐廳就能做到格調高雅的用餐體驗。而「燒烤堂」絕對是近期最出色，集中日韓式串燒於一身的專業串燒店。⮫ 1. 汁燒免治雞肉軟骨棒(付月見)雞肉和軟骨完美結合，肉質鮮嫩多汁，軟骨Q彈入味,搭配日本生雞蛋醬汁，為整個口感增添了層次。⮫ 2. 鹽燒A4宮崎和牛、鹽燒和牛牛小排、厚切鹽燒牛舌拖羅燒烤堂的和牛堪稱一絕！A4宮崎和牛肉質細膩，油脂分布均勻，入口即化。和牛牛小排肉質亦是鮮嫩多汁。厚切牛舌拖羅亦燒得柔軟Q彈。餐廳的和牛絕對是串燒店中的頂級佼佼者！⮫ 3. 鹽燒豬肋肉、雞皮墨魚滑、手切墨魚鬚鹽燒豬肋肉肉質鮮嫩，帶點微肥感，口感自然更豐富濃郁。雞皮墨魚滑滑嫩順口，手切墨魚鬚鮮嫩彈牙，很難在串燒店能夠食得出如此滑溜的墨魚串。⮫ 4. 蒜蓉燒廣島蠔、鹽燒白鱔大顆飽滿的廣島蠔，大大顆又鮮嫩多汁，完全沒有一絲澀味。蒜蓉醬汁亦為蠔肉增添了鮮香味道，十分飽滿。其他串燒店的燒白鱔經常有柴澀感，但燒烤堂的鹽燒白鱔卻完全沒有這個問題。白鱔表面帶有適度的焦脆，內裡卻能保持嫩滑。⮫5. 味醂魚干、鹽燒雞軟骨餐廳選用優質的日本魚干，經過調味和燒烤後，濃郁的味醂香氣和魚干的鹹香完美融合，配酒一流。雞軟骨燒得恰到好處，沒有一絲老澀感，而是入口即化的柔軟口感。⮫ 6. 明太子雞腿、肉鹽燒淮山、燒萵筍伴蟹膏雞腿肉彈牙爽口，明太子醬料帶來份外微辣鹹香的味道，與雞肉的鮮美完美融合。淮山爽口，搭配鹽味恰到好處。燒萵筍清新爽脆，伴上濃郁鮮美的蟹膏，讓人感受到層次豐富的感覺。⮫ 7. 黑糖燒菠蘿菠蘿本身鮮甜多汁，黑糖醬汁再讓表面帶有適度焦脆，用來解膩一流。⮫ 8. Sapporo Premium Draft 生啤(買一送一)啤酒搭配各種串燒實是絕配。特別是買一送一的優惠，實在是非常抵飲。要食串燒，一定要去到近排人氣十足的燒烤堂。…Read More

今次去到荃灣搵朋友，就揀左朋友屋企附近新開的燒烤堂，因餐廳的串燒類型五花八門，目測餐牌都超過100款選擇，而且價錢又抵食，所以很快就決定來這間人氣串燒專門店食晚餐。🍢🤤🥢🌟 飲品 🤛🏻🍋🍹🍍✨ 爆打香水檸檬茶（$32），這杯飲品的質素不會比外邊買到的茶飲專門店遜色，因勞苦功高的水吧小哥用力地將冰塊和檸檬打在一起，令到香水檸檬的味道更突出。✨ 青檸菠蘿梳打（$32），青檸菠蘿的配搭夠晒果香味濃，而且為食串燒同時清清熱氣做好準備。🌟 燒鳥 🐥🍳✨ 汁燒免治雞肉軟骨棒（付月見）（$38），餐廳推薦嘅no.1，雞軟骨肉質嫩滑，沾埋生蛋真是濃香滑溜。✨ 明太子雞肉（$28），整條雞肉棒塗滿了明太子醬，為雞肉加上鹹香鮮美的調味。🌟 燒牛 🐮🤤✨ 鹽燒A4宮崎和牛（$58），宮崎和牛出名是油份重，最能做到入口即溶，而且牛肉細嫩，食完真係有種幾滿足的感覺。✨ 鹽燒和牛牛小排（$48），牛味香濃，肉質柔軟嫩滑，牛汁豐富，簡單的鹽燒已經突出了牛肉的味道。✨ 厚切鹽燒牛舌拖羅（$48），每片的牛舌芯好厚身，爽口彈牙，幾有嚼勁，加埋檸檬汁，一流的配搭。🌟 燒豚 🐷🍢🔥✨ 韓燒泡菜五花腩（$28），五花腩中間脂肪的位置燒得油香味濃厚，還有泡菜汁醃過五花腩，粒粒香蒜頭，都很刺激味蕾，夠哂惹味。✨ 豚肉日本蘋果卷（$24），豚肉包住粒粒的清甜又多汁嘅蘋果，味道幾特別，肉類加水果是幾創新的配搭。🌟 海鮮 🦪🧄✨ 蒜蓉燒廣島蠔（兩隻）（$44/份），廣島蠔很滑身，整隻蠔放滿了蒜蓉生蔥，蠔汁都幾有海水味，咸香回味。🌟 得意作 🪿🐟✨ 焦糖青蘋果鵝肝多士（$108/份），這份鵝肝多士是全個餐牌最貴的食物，鵝肝的油份豐潤，配上黑醋、爽脆多汁青蘋果和烘到金黃色的多士，中和了鵝肝油膩感覺，不論是味道還是口感都令人難忘。✨ 焦糖鰻魚芝士玉子燒（$28/串），綿密蛋味濃香的玉子燒包住芝士和鰻魚，玉子燒的外層還整上了一層薄薄的脆脆焦糖，味道豐富，好有層次，真的做到外脆內軟。🌟 穀物 🍚🐟✨ 鰻魚炒飯（$58/份），抓鬆了炒飯，其實份量真是很多，而且內裡好多的鰻魚塊，夠哂足料，用燒魚汁、日式醬油炒飯，粒粒珍珠米帶點濕潤，夠哂好食。🌟 甜品 🍍🍊🌮✨ 蜜糖燒菠蘿（$18/串），食開串燒最喜愛點燒菠蘿，清甜又多汁又幫助消化。✨ 柑桔咸蛋黄卷（$28/串），脆脆的外皮包住柑桔，食落幾有橙香味，而且有咸蛋黃的粗糙口感和味道，是一款味道特別的炸物。…Read More

燒烤堂出名串燒好味，今次試試荃灣分店依間，都有咁上下水準。百款串燒選擇，地方寬敞食客唔多，行入去就有位，好方便。味淋魚干 $48魚干口感煙韌而甜美，沾上沙律醬美味。焦糖青蘋果鵝肝多士 $108鵝肝肥厚入口即溶，配搭青蘋果片清甜，多士厚身外脆內軟，有點貴但值得，有種幸福感。鹽燒豚肉荔枝卷 $22薄薄的豚肉燒得剛好，荔枝果味香甜，配搭好味。鹽燒和牛牛小排 $48牛味濃郁，以鹽燒和黑椒調味，肉質細緻有嚼勁。汁燒免治雞肉軟骨棒 (付月見) $38雞肉棒口感鬆軟，撈蛋黃汁食，蛋香味美。福岡味噌松板豬 $28口感爽脆，油脂豐富，味噌甜美好味。孜然豚肉韭菜花卷 $24豚肉捲起一扎韭菜，孜然風味十足。唐揚池魚仔 $38魚肉鮮美，魚骨少少刺口，炸得一般。鹽燒白鱔 $48魚皮焦香，啖啖肉口感，鹽燒惹味。蒜蓉燒廣島蠔 $44蠔身肥美多汁，蒜香惹味。浜燒活元貝 $58元貝新鮮，原汁原味有海水鮮味。孜然燒蒜蓉茄子 $36茄子大條有櫻花蝦，蒜香味濃，加埋孜然粉惹味。牛油果豚肉卷 $22牛油果軟滑，燒香的豚肉捲住食，口感特別。明太子燒淮山 $26淮山爽脆，加上明太子增添鹹鮮味，簡單好食。黑糖燒菠蘿 $20外層脆口，菠蘿甜美多汁，凍食好正。甘草柑橘蜜 $18飲啖好潤喉，配串燒好夾。…Read More