The Cheesecake Factory

星期五收工六點半去到，等45分鐘就入得，餐廳食物份量大大碟，適合多人聚餐，今次一行四人坐底職員會比麵包，麵包有兩款，兩款麵包都係外脆內軟，配上牛油，好食，唔夠可以refill 的叫左水牛城香辣雞翼 Buffalo wings $192, 醬汁Mix雞翼比較酸同辣，可同職員講建議分開上，水牛城雞翼配上醬汁好惹味，每次嚟到都會叫芝樂坊粟米片 Factory Nachos $172,份量超大份好多塊，粟米片高上芝士醬及少量墨西哥辣椒，配上牛油果醬，紅椒茄醬及我最鍾意嘅Sour cream,可以mix 埋一齊食，又或者每塊配唔同既醬香辣路易斯安娜雞肉蝴蝶粉$228次次去叫蝴蝶粉，醬汁Creamy,辣味適中，雞肉炸到香脆，職員上菜時加即磨芝士，好正最後梗係叫兩件蛋糕做飯後甜品，蛋糕大大件好吸引，每次都會叫無敵紅絲絨芝士蛋糕，芝士味唔會好濃，出奇地同紅絲絨蛋糕好夾，另外叫咗Godiva朱古力芝士蛋糕，好食，蛋糕Muse入邊係有朱古力粒，有驚喜…Read More

好耐冇去 The Cheesecake Factory 啦，今次嘅用餐感受都好滿意👍🏼🎉。🌮 餐前麵包有三款，我最鍾意嘅系黑糖麵包🧉，因佢表面有燕麥🥣，咬一啖，黑糖嘅甜同燕麥嘅香融合得啱啱好😋，即刻好想再食吓一啖💥。🥗 前菜系燒烤風味雞肉凱撒沙拉🥗，燒烤味嘅雞肉配埋經典嘅凱撒醬汁，生菜清脆，口感唔錯而且開胃😃。🍗 水牛城香辣雞翼係我最鍾意嘅小食👍！可以選擇辣醬分開上，呢點好貼心👏。雞翼香且辣，外酥內嫩😜。🧀 層層煙肉芝士漢堡🍔都好出色😲！層層嘅煙肉同濃郁嘅芝士相融合，配搭嘅蔬菜同醬料都啱啱好，每一口都要有啲滿足感😜！🍄 釀蘑菇都算可以，蘑菇入面填滿美味嘅餡料，一啖落去，汁水流出嚟💦。🍰 甜品選擇繁多，超過 30 款。我哋嗌咗Godiva 朱古力芝士蛋糕同肉桂卷芝士蛋糕味道都 OK😋。🍫Godiva 朱古力芝士蛋糕嘅朱古力味同芝士味搭配得宜，口感細膩。肉桂卷芝士蛋糕嘅肉桂香氣獨特，同芝士味相得益彰，能帶嚟一啲幸福感🥰。由於呢度嘅食物份量都好大碟，所以我哋三個人都全部嗌咗小食。雖則系小食，但亦都令我哋覺得好滿足😜。🥰環境溫馨，柔和嘅燈光同舒緩嘅音樂，營造出唔錯嘅用餐氛圍🎶。👩‍🍳服務周到，令人舒心，上菜速度都好快，體驗感佳，係一個聚會必選的地方👍。…Read More

美式芝味🧀🧀🧀西餐廳開業至今仍然是人氣高企每次經過都見門外排隊等位嘅人龍是日大概傍晚時份到達幸運地等候15分鐘左右便有位了✌️✌️✌️熱門推介：水牛城香辣雞翼 $178炸雞翼、雞腿金黃香脆，配上特製水牛城辣醬和藍芝士醬，份外惹味，隨碟附有西芹條，為重口味覺帶來清新感，fresh 墨西哥魚肉夾餅 $182墨西哥軟粟米餅夾烤魚柳、牛油果、蕃茄、墨西哥乾辣椒醬、醃洋蔥、芫茜，配飯和黑豆甜品：鮮士多啤梨芝士蛋糕 $84大大粒嘅新鮮士多啤梨，配上濃厚芝味嘅蛋糕，入口即溶，加上士多啤梨香甜，perfect match 😋😋😋整體而言，餐廳佈置裝飾帶有懷舊情調，燈光柔和，座位舒適，有梳化枱、bar 枱選擇，食物種類多元化，芝士蛋糕款式多，加上份量大，性價比高，喜歡芝士蛋糕嘅朋友們有機會一定一定一定要試喔，重要嘅野要講3次😆…Read More

我地５個人黎左Cheesecake Factory，因為夜晚放工時間黎，等左個半鐘先有得入去，好既係等位唔洗企係佢門口，會比個咇咇機你，到你就會振，所以可以去行下先番黎。入到去環境有Ｄ暗，但係幾有情調先係一個凱撒沙律，依個算係咁多樣食入面最清既一個，因為其他野都有好濃既味道。所以依個沙律可以話係用黎中和用既。之後就係水牛城香辣雞翼，睇相睇唔出，其實佢好大碟！食落去有Ｄ辣椒仔既味道，當然仲有Ｄ好濃既芝士味，依個係好食既。旁邊有個芝士醬，怕你唔夠比你點。pepperoni pizza，又係好有分量既一個pizza，好似好普通咁，但又估唔到幾好食。有芝士味，但唔係話好濃，可能因為焗過，有少少拉絲咁又幾好食。Sweet  potato  fries，依個就真係即叫即炸，好脆好甜，唔點醬都已經好好食，下次都一定會再叫！烤蒜雞肉蝴蝶粉，又係好大碟，但係超好食，佢係每粒蝴蝶粉都有芝士味，依碟雖然幾濃芝士味，但係佢濃得黎唔太over，所以好想食完再食！士多啤梨芝士蛋糕，咁黎到Cheesecake factory點可以唔食Cheesecake，所以就叫左依個，咁不得不讚依到既Cheesecake真係好食既，大件得黎唔會太膩，幾個人share真係岩岩好，飯後甜品黎講一流。最後不得不讚下依個任食既包，真係唔錯。個面唔會太硬，入面又夠軟，加埋牛油真係好好食。因為太好食，我地食完之後叫左佢refill。…Read More

呢間餐廳日日晚上都好多人，等星期三去，大約都要等1個鐘，成間鋪燈光比較暗，我地坐左高圓檯，每一張枱都放有小蠟燭，好有情調。餐廳中英文，店員大部都是外籍人士，所以落單基本上英文溝通。我地2位總共點左3樣野食，本身想再點pizza，但店員好貼心同我地講，已經好多野食，先食左先，吾夠再叫。點知樣樣野食都好多份，好抵食雞肉香蒜檸檬忌廉意粉，必食，推介👍🏻👍🏻超多汁，個汁味道酸酸甜甜，十分開胃，吾會覺得好油膩，但雖一覺得雞肉 比較乾身，冇乜肉汁但整體個意粉，我好中意。水牛城香辣雞翼重口味之選，好濃醬汁，而且份量好多，唔怪之得店員叫我地食完唔夠先再下單，2個人食 我覺得份量太多。芝士安格斯漢堡配薯條漢堡包好好食，多肉汁，而且比較多酸瓜，薯條不是粗薯條，但都熱辣辣，不錯👍🏻由於今次太飽，沒有試皇牌cheese cake 下次一定要點，聽說是必食產品之一…Read More

相約一班老表happy friday，當然要搵一間好坐既餐廳，最後揀了每次經過都大排長龍的「The Cheesecake Factory」。由於餐廳不設訂位，兼且限時用餐，於是早放工的先到餐廳。晚上六點半到達餐廳，門外已有十數人排隊，取票時侍應指需等候約90分鐘，既然未齊人，兼且星期五晚到處都是覓食的人，最後決定等下去，取票後，就到附近逛逛消磨時間。一個多小時後，接到餐廳有枱的通知。餐牌的選擇很多，但因為要留肚食甜品，故每人選一款食物。🔶 餐前麵包三款麵包中，以黑糖麵包最好味，不用搽牛油都可以。🔶 凱撒沙律沙律菜頗新鮮，喜歡上面的芝士。🔶 炸芝士通心粉球老表推介的頭盤，上枱時，大家都被佢大大件既外表嚇怕😆 每人吃半件已覺得飽，宜襯熱食，否則凍咗會覺得好膩。🔶 德州墨西哥脆卷原以為是一般的墨西哥脆片，到食物上枱才知道是釀有餡料的春卷，不用沾醬都很夠味，食物微辣。🔶 水牛城香辣雞翼這道炸雞翼其實幾香口，但真係幾辣，結果食剩。🔶 雞肉蒜香檸檬忌廉意大利幼麵食意粉最怕冇乜汁，乾巴巴的，這碟意粉就冇呢個問題，個醬汁幾好味，不會很鹹。終於到咗甜品時間，望着餐牌上接近30款芝士蛋糕，覺得很困惑唔識揀，唔緊要，可以到甜品凍櫃望望實物才揀。不過見到實物應該會更難選擇，因為...真的眼花撩亂，有選擇困難症的人，應該唔知點算好😂 由於大家都很飽了，最後只選了2款蛋糕試試。🔶 鹹焦糖芝士蛋糕原以為鹹焦糖醬會怪怪的，但原來味道都幾夾。🔶 檸檬紅桑子忌廉芝士蛋糕相比焦糖芝士蛋糕，呢款較甜，雖然上面的紅色醬冇藥水味，但味道還是有點保留。…Read More

之前聽朋友講過cheesecake factory啲嘢食都好大份, 今日終於忍唔住同三五知己一次一齊嚟試下 今次夾埋我有四個人~ total叫咗四款菜式, 但最尾都食唔曬 因為真係好大份 依家就講下我哋叫咗邊四款菜式啦餐前面包 ($0)正式上菜前, 侍應送咗啲餐前麵包嚟, 食落去口感比較硬, 黑麵包比白麵包香甜, 外脆內軟~ 最尾我都係食黑麵包多 不過由於麵包分量都比較多, 最尾都冇食曬水牛城香辣雞翼 ($178)首先嚟到嘅係呢個前菜 水牛城香辣雞翼~ 雞翼去左骨, 方便進食 雞翼味道微辣&入味, 但有陣酸酸地嘅味, 就咁食個雞翼會覺得普普通通 但點埋個藍芝士醬就好食勁多 因為個藍芝士醬好香好好味 同個雞翼好夾~ 建議鐘意藍芝士既你一定要點醬食燒烤風味雞肉田園沙律($216)呢碟沙律一嚟到大家都嚇親 因為真係好大碟! 個沙律好似成座山咁高 咁嘅份量都真係幾抵食~ 個沙律真係勁足料, 有炸洋蔥,粟米,黑豆,牛油果,生菜, 番茄同雞肉~ 雖然聽落去好似好齋好多菜, 以為食落去會好清淡無咩味, 但食落去感覺好豐富 因為個沙律醬份量夠而且好好食, 調味出色, 同啲食材都搭配得好好, 係我食過最好食既沙律 十分推介 (可惜最尾都食唔曬)烤蒜雞肉蝴蝶粉 ($188)呢個蝴蝶粉都超好食~ 十分足料~ 食落勁香蒜味~ 鍾意食蒜嘅我表示滿足 十分推薦大家試黛安牛扒拼香草三文魚(310)有朋友想食肉所以叫左呢個組合~ 可以揀配薯蓉或者薯條 呢個set幾方便share食, 因為d肉都切好曬 不過肉既分量就唔算太多 牛肉好食, 香草三文魚幾香 可以一試 但如果想食多肉建議都係直接叫牛扒應該會滿足d~Typhoon punch($88)野飲方面面我自己叫左typhoon punch, 味道ok, 中規中矩~ 飲左啖朋友既oreo milkshake發現佢個個好飲d, 下次黎應該會試返milkshake系列總括黎講, 野食大份, 質素唔錯, 有機會會再黎試下其他菜式 (建議多人聚會先黎, 會試到多d野&無咁浪費食物haha)…Read More

#慶生 #尖沙咀美食The Cheese Cake Factory 真係每一樣野都好大碟🥰份量係超級豐富🍝烤蒜雞肉蝴蝶粉$188🍝呢個係超級值得有烤蒜😛再配合埋芝士一啲都唔油膩好夾😋我而家已經好想再食多次啦 🤤🤤我最鍾意就係呢一個😋滿分必食獵狗推介🍗水牛城香辣雞翼🍗味道方面偏酸 辣就唔算辣 可以叫半辣半唔辣相信唔係好食得辣嘅朋友都應該食得到份量係多過三個人都食唔晒🐮黛安牛扒🐮又係好大份 但無咩特別 建議留返個肚食甜品好過🤣🍰GODIVA朱古力芝士蛋糕🍰好rich ah本身我怕肥唔食cream 不過呢個一定要試！好似富豪雪糕車d雪糕咁既味吖🥰🍰因為朋友生日點之前偷偷地問可唔可以寫happy birthday 🥰好開心 職員唔單止幫我地寫仲唱生日歌😚🥰好sweet#尖沙咀晚餐 #慶生餐廳 #hkdinner …Read More

The Cheesecake Factory呢間餐廳都黎左香港一排，而且一直都好評如潮，前排終於同幾個朋友黎試一試😋因為係星期日既關係，都等左差唔多1個半鐘先有位。餐廳既裝修行復古路線，燈光柔和；一入到去就比佢充滿20幾款蛋糕既蛋糕櫃吸引住眼球，原來親自去睇比上網睇相壯觀好多！點餐後，侍應就奉上麵包，黑麥麵包外脆內軟👍🏻 本來想再refill，但餐廳人手嚴重不足，叫左侍廳兩次都係冇refill到，就忙於出餐，我地唯有食返主菜算～·香辣路易斯安娜雞肉蝴蝶粉蝴蝶粉軟硬適中，雞扒大大塊，炸得好香脆·乜都有pizza顧名思義真係好足料，餅底有別於一般pizza，比較脆·LUAU SALAD沙律菜同燈籠椒、洋蔥都幾新鮮，配埋雞胸肉、雲吞皮，味道好夾·水牛城香辣雞翼雞翼味道好夠濃，唔洗點芝士醬食都ok·特濃朱古力蛋糕濃濃既朱古力醬+朱古力蛋糕，岩哂朱古力控·青檸芝士蛋糕青檸cheesecake感覺幾fresh，但味道偏酸…Read More

一行3個女仔都係芝士控,好耐之前已經想嚟試,但實在太墟憾喇,難得今日大家早收工,就再嚟碰碰運氣,而且今日落雨,應該會少啲人卦6:30嗰陣係可以即刻入座,但我啲朋友未到,到6:50pm已經出現咗一條長人龍.最後我哋等咗大約20分鐘餐廳入面好大好多枱,燈光紅紅地好昏暗,搞到人好易眼瞓炸芝士通心粉球: 好大舊球!! 外層係炸過嘅麵包糠,配意式蕃茄忌廉醬,仲有好多芝士絲灑喺面,好味,食完好滿足!!水牛城香辣雞翼: 估唔到又係咁大碟!! 個醬汁幾辣好惹味,大大隻雞翼炸得好脆,配藍芝士醬丶西芹條,好好味!!檸檬紅桑子忌廉芝士蛋糕: 本來諗住share兩件蛋糕但實在太飽喇! 所以點咗呢個檸檬紅桑子蛋糕,蛋糕大大件,我哋幾鍾意個檸檬味同紅桑子味,yummy!…Read More

The Cheesecake Factory係來自美國的，之前已經聽過去左美國旅行的朋友強烈推薦呢間好好味😋其實佢都係香港開左一段時間，但都一直未有機會去試下！今日終於相約左朋友一齊去啦🥰我地大概六點幾七點到到，都係要係出面排隊等入座。等左一陣，店員已經安排我地入座了，用餐時間就有兩個鐘。其實我地仲有一位朋友未到的，但我地擔心等埋佢就要係出面等好耐，所以都係決定入去坐住等佢黎😂入到去個環境幾好，暗暗地幾有情調！同埋佢啲位都坐得好舒服，可以同朋友們密密傾🤣其實佢餐牌有好多頁，我都只係影左少少🙈之前一直都有聽過話佢呢度既份量好多，所以我地雖然有三個人，但都係叫左一個main，一個小食同埋一件甜品🙆‍♀️真係費事叫太多驚食唔哂又浪費咁🙃佢一開始就比左個啲餐包比我地食，其中有一款係黑糖麵包，真係好好食😊本身我地以為食完就冇，點知個店員有問我地要唔要添啲麵包，我地梗係話想再要啲黑糖麵包啦🤤因為真係好正好香黑糖味🤩-🎈水牛城香辣雞翼呢個水牛城香辣雞翼既份量好多，有五隻雞翼同五隻雞膇，我地三個不停食都仲係有🙈佢呢個雞翼炸得幾唔錯，配上藍芝士醬，味道酸酸地咁🤗-🎈小餐館炸蝦意大利麵呢個我地都覺得幾好味，配上炸蝦🍤、蘑菇、番茄等，不錯👍🏼同埋都好大碟，三個人食都夠飽🙆‍♀️-🎈朱古力碎曲奇麵團芝士蛋糕🍰呢個cheesecake其實都幾好味，好重芝士味，不過略嫌偏甜，如果自己食一件一定會好飽好膩，同埋佢一件蛋糕既份量真係比平時出面食個啲蛋糕係多！所以其實三個人食真係岩岩好，同埋因為真係偏甜，大家都唔會食到好多。-其實我都幾鐘意食呢間，覺得個味道真係幾好，同埋三個人食既份量又岩岩好！🤣我地走既時候仲見到好多人排隊入黎食，可見大家都想黎朝下聖🥰…Read More

Cheesecake Factory, 網上被瘋狂宣傳而本身自己鍾意食cheesecake就緊係要黎朝聖一下去到既時候門口唔算好多人, 但係都要等位, 店員就比左呢舊野作為等位既憑據到你既時候會震, 雖然睇落唔係好多人, 但係都等左差唔多一個鐘頭先有位蝴蝶粉係出面好少見, 配埋巴馬臣芝士忌廉汁一齊食的確係唔錯但係食食下都會覺得膩, 但係個汁的確係幾好食既水牛城雞翼配左藍芝士醬同埋西芹, 西芹我就冇食到個芝士醬都幾香既, 但感覺就同個雞翼唔係好夾雞翼個醬汁偏酸同辣, 醬汁太多, 令到雞翼既皮都唔脆自己都鍾意食牛油果, 見到係蛋卷好似幾特別就叫左佢好似春卷咁, 包住左牛油果及其他餡料, 個外皮食唔到蛋味牛油果味都唔重, 個人唔太識欣賞呢個菜式最後既甜品就緊係CHEESECAKE啦, 叫左一個士多啤梨味既有三大粒士多啤梨同兩大舊CREAM, 個CAKE唔算太甜, 芝士味都好香, 再配埋CREAM一齊食的確係唔錯今次朝聖既總結就係個CAKE的確係幾好食既, 但個雞翼同牛油果卷就可能唔太岩我口味食品既價錢都偏貴左D, 環境係唔錯既, 但係如果諗住傾計既就建議去其他地方啦, 因為限時既…Read More

早已聽聞這家餐廳，內容多是談及排隊時間很長，因此從未打算光顧。近日朋友提出來這裡吃飯，而約定時間前的個多小時沒事情做，先回家再出來也是浪費車錢時間，於是來排個隊也無妨。到步後服務員給予一個電子牌，輪候到我們電子牌會發出震動提示，由於離開餐廳超過15米收不到信號，我們只好一直站在餐廳旁邊等候，餐廳也沒有顯示輪候數字，要詢問服務員才能估計等候時間。餐廳晚上不設訂座，當日是星期三晚上，我們等候約40分鐘才能入座，估計星期五晚上及周末等候時間更長。餐廳入眼是一片黃，暗暗的環境下四處亮着黃燈，這種黃感覺特別顯懷舊，餐廳裡採用的花紋圈線也似是七十年代電視劇裡曾出現的裝潢風格。餐廳環境熱鬧，我覺得這裡像是什麼地方又說不出來，忽然朋友說像夜總會，我頓覺一矢中的! 這種環境頗有昔日夜總會格局或是舊賭場的氛圍。餐廳指定動作的餐前麵包設有兩種口味，一種是普通麵包，另一種疑似是黑糖口味，甜度很輕，我覺得還需要多一點甜才能發揮黑糖的味道。兩種皆是硬麵包，我平常也愛吃硬，然而這裡的有點硬過頭，不過配送的牛油挺香，厚厚塗着一層吃也不錯，但是胃口不大的人還是別吃，這個還不值得佔去僅有的食量。薯寶算是我兒時回憶的一小部份，反正就是成年後沒有印象再吃過，我本以為脆焗釀薯寶是當年吃到的那種，結果令人失望。我心目中的薯寶必須是掰開來薯粒分明，像薯餅的質感，這個薯寶卻是薯蓉的質感，而且口感很虛，咬下去馬上化出水來的感覺。薯寶釀入煙肉，由於薯蓉的味道與口感並不突出，吃起來都是煙肉的存在為主。我以"酸‧全部都係酸"作為這篇的標題是因為這裡的食物飲料十有七八離不開酸，比如脆焗釀薯寶正配上酸忌廉。雖然薯寶配上酸忌廉同吃沒有為味道加分，但是這種看着已感覺喉嚨發痛的食物，配着冷的酸忌廉同吃使我心理上覺得有下火作用😂水牛城香辣雞翼是經典美國菜，西餐吃過不少，但這才是我第一次正式吃到這道菜，看名字已得知它是辣的，可是我想不到它還是酸的。它的辣度不輕，平常只吃BB辣的人大概受不了，而且酸味很強，尤其當雞翼冷下來，那種酸是尖銳得帶攻擊性的感覺。我們當天有四個人，我也挺能吃酸和辣，但還是沒能把這道菜吃完。質感方面，雞翼皮厚而脆，火氣重，內裡肉嫩，吃起來是很美式的感覺，質感是我喜歡的，就欠個我喜歡的調味了。雞翼附上藍芝士醬與西芹，但雞翼本身已有強烈味道，我覺得不適合再添上醬料，只拿西芹蘸上藍芝士醬吃，感覺是又一下火用途😂檸檬蒜香大蝦拼黛安牛扒令人愛不上又恨不來，愛不上的原因是份量少價錢貴，這道菜眼看一大盤，其實沒多少東西。我原以為牛扒是一整件，實情是只有四小塊一口牛，所以這道價值$310的菜是四口牛加三隻不大的蝦而已，份量看起來多是因為給了很多薯蓉。對它恨不來則是因為味道不錯，為顧及朋友不愛吃生，牛肉要七成熟，我平常只吃四成，以為這次牛肉必然又乾又硬，結果卻比我想的好多了。牛肉表面雖然有點粗糙，但內裡中心依然呈現淺粉紅，不帶血水，口感挺嫩，火候掌控得不錯，有意下次再來嚐嚐整件牛扒。蝦只有三隻不夠分，我沒有吃到，只嚐了底下的醬汁，味道也是酸的，酸度較溫和，能嚐到一點甜。本來感覺薯蓉配酸汁吃有點奇怪，但多吃幾口又覺得挺新奇，而且酸味讓人吃多了也不覺膩。話說回頭，牛肉用上的醬汁疑似是美式燒烤醬的甜醬汁，個人覺得牛扒配甜醬汁妨礙了享受牛扒原本的鮮味。當晚最好吃必定是烤蒜雞肉蝴蝶粉，這也是所有食物飲料之中咱一不酸的東西，朋友吃過一口已大呼沖這個已經值得再來。芝士忌廉汁濃而不膩，質感不會太稠，芝士味道不算強烈，但是味道很香很夠，追吃性強。平常少吃蝴蝶粉，口感上頗有新意，比意粉硬一點點，嚼頭更多，一顆顆的吃着有點像零食。這道菜放入少量雞肉，雞肉質感粗糙，我都是盡量跳過不吃，但是單吃蝴蝶粉已經滿足。左是紅桑子味檸檬凍飲$55，右是颱風賓治$88。餐牌上寫着颱風賓治由Absolute Raspberry Vodka with Passion Fruit, Pineapple and Orange Juice組成，我第一口先喝這杯，感覺是中酸重甜帶着中度藥水味，再加入Vodka的苦。若沒有Vodka的苦壓着，酸甜與藥水味大概更令人難受，現在是難受中沒有太難受……我以為這杯已經很難喝，想不到紅桑子味檸檬凍飲更上一層樓，這杯是重酸喪甜，喪甜得我寧願投奔颱風賓治。點餐的時候朋友還猶豫着要不要點汽水類飲料，因為可以添飲，最終他點了紅桑子味檸檬凍飲依然達到同樣效果，他邊加水邊喝，差不多添了三杯才感覺順口了.......這一杯我沒有嚐到，朋友表示味道還不算過甜，它不像一般芒果，感覺像台灣的愛文芒果，整體味道一般，談不上好喝。有了前車之鑑，我覺得手調飲料中伏率高，點現成的飲料較安全，排除汽水啤酒這些平常在家裡喝到的東西，我點了氣酒Castellroig Brut Cava。可惜是福不是禍，是禍躲不過，氣酒竟然也是酸得很Orz，即使吃着大量重口味及油炸食物，甚至加進少量清水到氣酒，依然酸得我喝不完一杯目測只有二百毫升的東西。飯後選了亞當花生醬特濃朱古力芝士蛋糕作結，這裡的食物份量特別大，芝士蛋糕大概是平常的1.3倍，飯後戰鬥力大減宜3人分吃一件。蛋糕很甜，尤其尖端的部份全是花生醬朱古力，味道像Kinder賓X樂。後面芝士蛋糕的部份質感足夠硬，我就怕芝士蛋糕口感太軟，雖然味覺上能嚐到芝士味，但是花生醬朱古力的味道太重已把它大幅掩蓋。蛋糕過甜是真的，但以甜品來說並不討厭，質感也不錯，願意再嚐不帶太多糖分配料的口味。食物選擇很多，當中雞肉佔最多，感覺餐牌的頻率是每隔三四道含雞菜式才會出現一道沒雞的菜，我們點了四道菜，雞肉也佔上兩個。食物味道有好有壞，但壞的也不到勉強吃掉的程度，只是不會再點而已，而且挺有興趣再嚐一下其他蛋糕及牛扒，還有再吃蝴蝶粉。堅決不會再點手調飲料，也不會點紅酒白酒氣酒，我喝過的都難喝死了，要喝就喝汽水啤酒吧。這頓飯要是沒點飲料人均只需$230，飲料的錢佔上三成多，太不值得。來這裡吃飯最好持有三大先天條件，一能吃酸，二能吃雞，三是最重要的能花時間排隊，我最缺第三個條件，所以即使對某些食物仍有與趣，再來吃的機會也不高。…Read More

晏晝三點幾去，等左40分鐘先有枱。服務員態度好，一叫佢佢就會問你需要啲咩。食物好快就有，order完約10分鐘就到。Cheesecake有另外一個櫃，可以比客人出去睇，然後先再落order👍🏻食物全部都好大份，所以唔好叫咁多，無謂做大晒鬼🤣雖然佢哋出名cheesecake，但我覺得唔係特別出色，之不過佢哋有好多款式，得閒去試吓都OK。餐廳環境佈置雖然好高貴，但係食物比較似美食快餐，所以呢個價錢來講唔太值。…Read More

呢幾日更加熱爆嘅美式餐廳！前兩日買蛋糕半價，lunchtime 嚟，已經話兩日都訂 full 曬~ 連外賣蛋糕條隊都長到排曬出門口，於是我同家人都決定之後一定要試一試呢間餐廳！訂位要留姓氏同名嘅，咁就一定唔會混亂啦~入面個場都好大多位，有 bar 枱高椅位，有4人及6人卡位，仲有普通2人及4人枱，好方便呀~ 我地坐4人卡位，天花，隔板，燈都好有特色，都幾多外國人喺到食，加埋d職員嘅服務風格，好似去咗第2個地方旅行咁呀。職員問我地要唔要餐前包，我地當然話要啦！深啡色嘅係甜甜黑糖味嘅，上面有燕麥片。淺啡色嗰個係硬包。兩個包都有質素架，一定要食~ 本嚟平日食餐包唔食牛油嘅，不過見用碟上，食咗佢唔浪費，又好香喎。試一試巴馬臣芝士蒜蓉包，原來同平時見到嗰d唔同樣，係麵包入面有蒜蓉，會漏出嚟架，食咗好滿足，啱曬鍾意食蒜嘅人呀！個邊邊有芝士但無咩蒜味，可以用嚟點埋d醬汁試下，好特別嘅味道呢，出面食唔到呢d味~ 我就鍾意粒粒蕃茄嗰個醬~ 另外嗰個都可以試下架~ 呢個 Louisiana Chicken Pasta 嚟到已經好香，好大碟，不過轉眼間就俾我地食曬喇。蝴蝶粉軟硬剛剛好，唔太軟無口感唔爛，唔太硬要好出力咬，可以用叉食到，記得同個好有誠意嘅醬汁一齊食！仲見到粒粒三色椒，色彩好吸引！上面嘅炸雞扒，一d都唔油膩，食咗都唔覺邪惡，仲有空間繼續食~ 甜柑雞肉沙律上面嘅果仁同脆絲真係脆係可以食架，下面有新鮮嘅菜，柑片，同雞片。我自己覺得雞片可以加咗少味料準備，所以有雞味，不過我家人就好鍾意喇。無諗過呢個價錢得3件蟹餅，覺得唔抵食，不過都試埋個味同料才決定啦。入面係真蟹肉嚟，所以呢個價錢囉。嗰兩個沙律醬有分別架，兩個各有特色。職員收碟嘅時候，佢都會問你要唔要番d醬嘅，可以點其他嘢呀，所以鍾意就記得留番。Buffalo wings 又係一個必食之選！職員好細心問我地醬汁要唔要分開上，因為有d人會覺得辣。有炸雞中翼同脾仔，兩種嘅口感各有各好味，食咗幾件都唔覺油膩或飽滯~ d西芹喺中間食吓，好 refreshing。食炸雞記得點乳酪芝士醬同加dd辣醬食，好好味呀！Bacon-Bacon Cheeseburger 又係必試嘅，鍾意食煙肉就啱曬~ 有兩種煙肉，深煙色嗰種較硬身，重味d；淺色嗰種較軟身，不過好香口架~ 兩片包好軟好新鮮嘅感覺。d煙肉加埋片酸青同紫洋蔥，簡直係夾到暈~ 薯條唔好以為伴碟嘢，唔油膩之外，仲食都薯仔粉甜嘅味道架~ 食咁多嘢，當然要點番杯凍冰冰 Tropical Smoothie 或者 Frozen Iced Mango Smoothie 飲下，仲有 Vanilla Milkshake~ 個杯其實好大架，Milkshake 軟飽肚，如果鍾意朱古力味就要試 Oreo 嗰個，不過我地都想留番甜品位俾蛋糕發揮~ 今次都試咗 Caramel Royale Macchiato，都係正嘅~ 最後衝刺當然係蛋糕啦，我地本嚟打算點1件繼續開心 share 嘅，點知出去睇完個蛋糕雪櫃之後就選咗兩件喇。我地點咗 Linda's Fudge Cake 同 Black-out Cake。兩件大蛋糕同時上，職員好細心建議我地食咗 Linda's Fudge Cake 先，因食咗 Black-out Cake 之後就食唔到其他味道！ 咁我地試食 Linda's 先，上面同側面都係朱古力醬，唔係忌廉，好實在嘅感覺。中間係 fudge cake，都係朱古力味。食嘅時候加埋側面d堅果粒粒會好夾，更加引到朱古力味出嚟！呀，唔好 miss 咗 d 忌廉，食咗都唔覺飽膩，同個蛋糕一齊食都係另一番滋味~ 好喇，肚到頂到上心口都試埋 Black-out Cake！果然係 black-out，高朱古力濃度，感覺上應該有60至80度，少少甜，所以食咗呢個應該 Linda's 會無朱古力味喇。又係上面同側面都濃郁朱古力醬，仲有朱古力粒粒係側面同中間，完全滿足曬朱古力愛好者嘅胃口呀~ 蛋糕嘅質感都好濃密架，所以都飽肚架！呢個價錢食都呢個質素同份量嘅蛋糕，絕對抵食呀！我地4個人無食早餐，兩餐一齊食，所以好肚餓，而且試新嘢又唔知大碟成點，所以食出咁多，好 crazy！不過大家都好開心呀！除咗食物質素好同環境舒適之外，職員嘅服務都好好呀~ 飽到晚飯都唔洗食喇！眼見好多枱離坐嘅時候都攞住食物盒走，所以我估其他人都好珍惜同鍾意呢到嘅嘢食~ 如果食唔曬又攞唔走，就唔好點咁多呀，珍惜食物呀~ 我地會再嚟食！…Read More