Terrace in seaside (屯門市廣場1期)

[屯門．Cafe] 打卡able濟洲橘子cafe@Terrace in seaside | 卡米飯團 –．–．–．–．–．–．–．–．–．–💬：度假feel cafe，食物相當精美，好味之餘更啱打卡環境：8/10 | 味道：9/10服務：9/10 | 抵食：9/10————————————————同米菲去完donki，行出黎有d肚餓就見到濟洲橘子主題Terrace in seaside 韓國cafe 🇰🇷之前係元朗分店食過，覺得唔錯，今次係屯門再encore－▶️〈必點👍🏻〉韓國蜆肉紫蘇飯 呢個都算係招牌，見好多枱都有order碟上有一半是蜆肉，入口啖啖辣醬蜆肉，味道超濃味，炒飯底好香，每啖都充滿微辣蜆肉鮮味－▶️ 醬油五花肉飯卷 🐷新品上市嘅韓國飯卷，飯卷包住醬油五花肉，配上紅蘿蔔絲、醃蘿蔔、蛋大大件飯卷一口一件，十分香口－▶️ 水果忌廉三文治 🥝軟綿綿方包夾住厚厚香滑cream cheese。夾層水果餡因應時令會有不同，今次係奇異果、提子，仲有啖啖紫薯。－▶️ 綠油油蜜瓜窩夫 🍈外酥脆內柔軟窩夫，配上清新蜜瓜窩夫厚身，充滿蛋香。厚厚忌廉加上粒粒開心果碎，清甜柑橘襯托清新蜜瓜，味道好夾，擺盤好精美，好啱打卡-able－▶️〈必點👍🏻〉濟洲柑橘乳酪 🍊餐廳嘅signature 飲品，差不多每枱都有order，濟州柑橘汁加入乳酪，入口微酸帶有柑橘嘅清甜又解渴。飲品上有一個柑橘放係杯上做裝飾，啱晒打卡－▶️洋甘菊桂花茶 🍹入口充滿淡淡桂花和菊花香，味道清香————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍Terrace in seaside (屯門市廣場1期)地址: 屯門屯順街1號屯門市廣場1期UG樓UGK9號舖————————————————…Read More

今日朋友生日， 尊登出屯門搵佢， 順便約佢食lunch 慶祝.我朋友都幾鍾意食韓國野食，平時食開咗d 韓燒/ 石頭飯又好似冇咩特別， 上網搵到d間餐廳，裝修好清新，感覺乾淨舒服， 以橙為主題， 連職員戴住既帽都係橙我諗我朋友應該幾鍾意，所以就決定食d 間.~水果忌廉三文治$62: 上枱好靚， 水果新鮮多汁， d cream 好滑， 麵包鬆軟~Heart beat 士多啤梨窩夫$118: 面舖滿士多啤梨， 連個窩夫都有士多啤梨味，士多啤梨fan 必叫~泡菜豬肉芝士千層麵$73: 韓式千層麵， 特別， 唔流，少少辣， 好味~傳統飯卷$68-： 👍👍~濟州柑橘乳酪$68: 酸酸甜甜， 好開胃~熱情金融菠蘿沙冰$68: 杯沙冰上面放咗個菠蘿仔，打卡一流，味道清甜…Read More

今日終於同朋友去咗Terrace in Seaside 打卡餐廳帶點小清新, 每位店員都帶住柑橘帽子雖然餐廳係商場入邊, 但無論係啲擺碟, 同埋餐枱, 個感覺好似喺海邊咁🤣食物賣相同味道都無失望, 最有趣既係每一碟菜都有柑橘係到🤣前菜我地叫左個南瓜芝士沙律南瓜超綿密, 加埋蜂糖漿, 夠唒開胃🤣主食我地就叫左泡菜豬肉芝士千層麵同燒慢煮雞腿紫蘇拌飯第一次食呢個配搭嘅千層麵, 千層面入面超多肉醬, 口感實在, 加埋辣辣地嘅泡菜, 夠晒豐富👍而D飯就好香麻油味, 雞腿脾靚多汁🤣另外甜品就叫左水果忌廉三文治同士多啤梨忌廉窩夫, 2款既生果好新鮮😋窩夫脆口, 面頭超多士多啤梨, 清甜多汁, 賣相夠唒粉嫩😍飲品我就叫左佢地既signature drink 濟州柑橘乳酪, 同埋熱飄浮棉花糖朱古力咖啡乳酪賣相好cute , 有個柑橘係面頭 🍊 口感亦都好清新, 帶點淡淡的柑橘香…Read More

18.11.2022 星期五 Terrace in seaside (屯門市廣場)今晚到戲院看電影，先到Terrace in seaside 食個早的晚餐，五時半已到，想不到這個時候人流也不少，大家應該是食下午茶吧！餐廳在屯門市廣場UG中央，周圍行人真不少，幸好還有一些植物作圍欄，日式木系裝飾，另外在餐廳正中有兩張連著的四人看似榻榻米的座位，很有趣。餐廳以水果三文治和窩夫著名，第一頁餐牌就是清甜柑橘窩夫，之後就是各款窩夫，如士多啤梨忌廉窩夫、抹茶麻糬寪夫等；主食有飯卷、千層麵、紫蘇飯和紫蘇拌飯，如燒醬油黑毛豬白切肉紫蘇飯。還有兩款沙律和提拉米蘇Tiramisu等。飲品最受歡迎必定是濟州柑橘乳酪和熱情金菠蘿沙冰，因為整個柑橘和菠蘿在杯子上，很吸晴。水果忌廉三文治$62三文治精巧兩小件，用上時令水果，今期是士多啤梨和提子，吃起來白麵包鬆軟，配上水果和甜甜、微酸的忌廉，味道還可以，只是被吹棒得很高，期望太高，反而沒有甚麼驚喜，加上自己不喜歡忌廉，所以嚐過就算。蜜糖雞肉紫薯沙律$72這個沙律跟平常的沙律不同，很少沙津菜，主要是紫薯，份量很多，紫薯軟軟甜甜，配上柑橘、雞肉，還曬上香脆的果仁/花生，是個很特別口味的沙律。清甜柑橘窩夫 $98窩夫賣相很吸引，吃起來雖然不很熱，但也很鬆軟，點上酸酸甜甜的柑橘汁，也很好吃；惟一加了很多忌廉，喜歡的一定很高興，但自己不愛忌廉就怎撥也撥不走。餐廳有一個玻璃櫥窗，展示了各款美食的賣相，真的要讚讚，陳列品跟上枱食品基本上是一模一樣。因為自己不喜歡忌廉，兩款食品都多忌廉，所以不合口味，如果喜歡忌廉的就會適合些。…Read More

終於同frd子約到一齊去屯門市廣場搵間啲drinks有得打卡嘅餐廳🤩講左兩杯好吸精嘅drinks先啦😍🍊濟州柑橘乳酪有半個柑橘殼喺杯嘢飲上面好得意飲落酸酸甜甜 唔會因為稠而感覺好飽🍍熱情金菠蘿沙冰菠蘿味幾重幾香 甜過上面嗰杯少少又係有個"菠蘿蓋"喺上面一人攞住一杯扮下可愛先🙈🐷燒醬油黑毛豬白切肉紫蘇飯黑毛豬白切肉肥瘦比例適中而且燒醬油都好入味個飯就有少少泡菜味 推薦👍🏻👍🏻👍🏻🥪水果忌廉三文治提子同士多啤梨都好新鮮清清地 想輕食嘅叫呢個就好適合喇🥗蜜糖雞肉紫薯沙律初初以為會好甜 點知原來紫薯配蜜糖係啱啱好佢個紫薯唔會打成茸 一大粒咁樣可以有啲咬口雖然係沙律 但係食完都好飽🧇士多啤梨忌廉窩夫佢嘅窩夫可以話係必食外脆內軟 亦都好有蛋香味👍🏻平日夜晚人唔多 我地可以慢慢食傾返呢幾年無傾過嘅計😂😂…Read More

好耐無去旅行！行屯門市廣場見到呢間韓式餐廳幾吸引！見到個個都會窩夫好大份🤩夜晚去到排隊等5分鐘就有位。餐廳用柑橘樹做擺設，好可愛～🍊周圍有綠色植物包圍住餐廳，令人感覺舒服。 環境舒服，食物等候時間較耐。水果忌廉三文治賣相好吸引！😍 入面有士多啤梨同柑，生果好甜！忌廉口感幼滑唔膩！成個配搭好好食！雖然貴啲，但值得一試！👍🏻燒醬油黑毛豬白切肉飯芬香撲鼻既燒醬油黑毛豬白切肉飯，真係做得好出色！豬腩肉用火槍燒過，香味出晒嚟！飯壓平哂鋪滿個碟，醬油飯好惹味，一啖飯啖豬腩肉，幸福滿滿！😍濟州抹茶窩夫份量好大份，兩個人差啲食唔晒😆 窩夫外脆内軟，入面有厚厚嘅抹茶忌廉，忌廉口感軟滑，抹茶濃而唔苦，超級好食！🧇濟州柑橘乳酪一上枱覺得個賣相好可愛，用個柑橘插着飲管，飲下面乳酪既時候，會飲到香甜既柑橘味🤤 從來冇諗過柑橘同乳酪原來係咁夾！清新感覺又好開胃！👍🏻…Read More

雖然來到10月底，氣溫還是飄浮不定☁️趁未正式轉涼之前，繼續尋找夏天的口味🌞🌻過去的週末到訪了Terrace in Seaside 位於屯門的分店。餐廳主打以柑橘為主題🍊雖然香港分店沒有韓國的無敵海景，以淺木色調加上榻榻米設計，帶有庭園感覺🌿整體環境悠閒舒適，充滿度假風情🏝＊－。－。－。－。－。－。－。－。－。－＊🔘 #清慢煮雞胸紅菜頭沙律 $72桃紅色醬汁配上黃桃，顏色鮮艷、特別看似不應在食物出現的顏色，令我好奇紅菜頭含有果糖，帶微甜，質感爽口，味道不錯搭配慢煮雞胸， 絕不單調，健康之選🔘 #燒醬油黑毛豬白切肉飯 $128黑毛豬肥瘦均勻，油香洋溢，帶有少少軟骨炒飯平鋪滿半邊碟，加入韓式泡菜調味，惹味香口伴碟附送香橙，橙汁平衡了黑毛豬的油膩感🔘 #水果忌廉三文治$62風靡少女的打卡之選！橫切面一紅一綠，賣相不錯三文治中間夾着厚厚的奶油，很香滑士多啤梨和香印提子亦夠新鮮、鮮甜🔘 #清甜柑橘窩夫$98 餐廳提供六款口味窩夫，包括：士多啤梨/焦糖/朱古力/抹茶等，較為常見口味柑橘口味在外面比較少見，甜酸味清新，消滯解膩份量超巨型，適合2-4人分享厚厚的窩夫散發蛋香，帶濕潤感上層鋪滿大量香滑奶油，極為邪惡醬汁由柑橘調製而成，帶有果肉，有口感＊－。－。－。－。－。－。－。－。－。－＊飲品方面除了提供多款特色咖啡，亦有不少打卡特飲。其中揀來兩款餐廳大熱！ 杯上放着大大個金菠蘿和柑橘，造型可愛又吸引。🔘 #熱情金菠蘿沙冰 $68菠蘿的清甜可以解渴解膩，清新順口🔘 #濟洲柑橘乳酪 $68乳酪飲品口味偏向奶味多一點，口感會較沙冰厚身＊－。－。－。－。－。－。－。－。－。－＊📌 Terrace in Seaside 📍 屯門屯順街1號屯門市廣場一期UG樓 9-12號舖👉🏻 @terrace.in.seaside.hk＊－。－。－。－。－。－。－。－。－。－＊…Read More

一直好想試吓 ❥⧽𝐓𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞 ❥⧽, 今日終於有機會喇, 餐廳環境走韓風簡約路線,周圍都有綠色植物/ 柑橘裝飾, 感覺舒適。𓊈泡菜豬肉飯卷𓊉飯卷好多餡料呀, 有豬肉, 青瓜, 紅蘿蔔, 酸蘿蔔, 魚糕, 蛋同泡菜。d 飯仲要係充滿泡菜汁, 成個口感好豐富。𓊈燒醬油黑毛豬白切肉飯𓊉黑毛豬白切肉結合咗一層豬皮, 一層肥肉同一層豬肉, 肉質軟腍, 有入口即溶嘅感覺, 連埋泡菜飯一齊食, 好似食燒肉夾生菜一樣, 可以解油膩感, 好好食!𓊈水果忌廉三文治𓊉水果三文治喺韓國好普遍, 估唔到呢度都有, 時令水果係菠蘿嚟, 都幾大份。𓊈濟州抹茶窩夫𓊉個窩夫好大份呀, d cream 多到迫爆螢幕😂 窩夫好鬆軟, 連埋吉士醬, cream 同埋抹茶餅乾一齊食, 好有層次, 大滿足!𓊈濟州柑橘乳酪𓊉呢度嘅柑橘乳酪好特別, 大大粒柑橘放喺上面, 真係好 igable, 好香柑橘味, 甜甜地, 好好飲。𓊈熱情金菠蘿沙冰𓊉杯沙冰加咗紫色好夢幻, 菠蘿味好重, 酸酸地, 喺熱辣辣嘅天氣下飲沙冰真係好爽。✧✧ 整體食物飲品都好好食呀, 環境好簡潔舒適, 值得再去食呀。…Read More

太耐無嚟屯門市廣場啦，原來開咗咁多新嘅餐廳同品牌呢間餐廳近住donki ，下午2點幾已經有唔少人排隊。今日兩個人叫咗唔少嘢食😂呢個水果忌廉三文治外觀好靚好吸引佢啲忌廉唔會太甜太膩想點名講講呢個燒醬油黑毛豬白切肉飯，炒飯用咗韓式辣椒醬炒香過，燒醬油黑毛豬呢個三層腩肉好入味，一啖飯上面再放層肉，啲醬油豬油滲哂落啲飯度🤤🤤甜品就揀呢度出名嘅清甜柑橘窩夫，窩夫底加咗柑橘果醬，多咗啲清爽感覺少咗甜膩感而且佢拎嚟打卡好靚好吸引基本上呢度嘅餐點款款都可以拎嚟打卡顔色外觀味道都好吸引…Read More

呢間餐廳響韓國有分店，見到佢好掛住韓國旅行食嘢嘅味道，於是入去食晚餐😋🌟 水果忌廉三文治 x柑橘窩夫🧇($62 x $88)三文治好軟熟，有紫薯，水果鮮甜😋金橘窩夫🧇大份，柑橘🍊香甜，唔酸，窩夫好脆，配上柑橘醬，忌廉，生果一齊食，味道好夾，亦都唔會太甜，必點😋🌟 燒醬油黑毛豬白切肉飯 （$105）黑毛豬入口即溶，調味岩岩好，唔會太咸，配上有少少辣既飯，有種韓國既味道，必點😋🌟 清新牛油果飯卷 （$78）牛油果🥑新鮮，配上青瓜，雞蛋，醃蘿蔔，甘筍，蟹柳，好豐富嘅材料，用埋韓式紫菜包，同響韓國食既味道一樣😋🌟 慢煮雞胸紅菜頭沙律 （$72）紅菜頭新鮮，爽口，雞胸煮得好好，配上紅菜頭同埋紅菜頭沙律醬，好開胃😋🌟 濟洲柑橘乳酪 x 凍柑橘湯力咖啡($68 x $48)柑橘乳酪好特別，唔會太甜，味道好夾，再用上一隻柑橘🍊做裝飾，飲得亦都可以打卡、必點😋凍柑橘湯力咖啡，唔甜、好香金橘既味道，有薄荷既清新，配上咖啡原來可以咁夾，鍾意飲咖啡必點😋…Read More

好想念韓國旅行必去的打卡cafe🥹每樣食物都好靚好韓🇰🇷水果忌廉三文治入口超清新🍊絕配的水果同忌廉，又fresh 又多汁蟹籽雞蛋蘋果薯仔沙律 黃色嘅係蛋黃碎，沾上薯仔有蛋香得黎又好有飽足感，另一邊廂脆脆嘅蟹籽同蘋果切片清甜爽口，好開胃Menu上都有好幾款kimbap選擇，呢款 清新牛油果飯卷 簡單得黎又幾好味~ 壽司飯軟硬適中，餡料爽脆又清新🥑，紫菜仲有薄薄一層麻油，好香口😋燒醬油黑毛豬白切肉飯 用嘅類似五花肉物體真係好出色！😋入口即化，表面仲有小小脆！飯無乜味，所以一啖肉一啖飯味道啱啱好招牌飲品 濟洲柑橘乳酪 嘅柑橘係用每星期空運到港嘅新鮮濟州柑搾汁，再混合柑橘果蓉同希臘乳酪，打成呢杯濟洲柑橘乳酪，入口順滑又清甜，啱曬夏天飲~ 難怪每枱客人都叫一杯🍊濟洲綠茶梳打 又係一杯refreshing 嘅飲品~ 小小甜比較清淡黎到cafe點可以唔食甜品🧇云云窩夫之中揀左個鹹嘅- 煙三文魚芝士窩夫，估唔到又幾有驚喜😯厚厚嘅窩夫夾住一層芝士火腿，配cream或配煙三文魚都一樣好味😋順帶一提，每碟食物都有一小塊柑橘🍊 好cute🫠…Read More

水果忌廉三文治🥪好大件好厚身，好多cream，有士多啤梨🍓，柑橘🍊，奇異果🥝 平衡返個飽制感，夏天食呢個係幾refresh。💜夢幻紫薯牛奶🥛賣相唔夠精美，奶味幾香，紫薯味就唔係好夠，不過飲落去都唔會太膩。🍓士多啤梨提拉米蘇賣相不錯，層次分明，上面係奶油忌廉，中間係士多啤梨慕絲，最底係蛋糕同士多啤梨士多啤梨，蛋糕鬆軟，不過忌廉同慕絲落咗太多魚膠粉，太硬太實，如果可以做到入口即溶嘅奶凍效果會更好。…Read More

終於約到屯門好友來試試韓國過江龍cafe，地方光鮮，美食賣相吸引，忍唔住要試多幾樣，食完超飽~蟹籽雞蛋蘋果薯仔沙律 $68薯仔沙律來得清新，夾雜了蘋果蟹籽雞蛋，口感豐富。燒醬油黑毛豬白切肉飯 $105邪惡的黑毛豬豬腩肉肥而不膩，以火槍燒過焦香撲鼻，塗了醬油非常好色，配以泡菜炒飯份外惹味。傳統飯卷 $78飯卷包住軟滑的牛油果、爽口的紅蘿蔔絲和蛋絲，配搭簡單但口感味道都發揮到極至。濟州抹茶窩夫 $82超大件一定要食，甜品足以餵飽我另一半大食B，忌廉多到爆，抹茶抹茶粉都好足，窩夫脆卜卜，啖啖都好窩心，熱辣辣超好食，要俾足佢一百分。水果忌廉三文治 $62麵包咬落口感幼滑軟棉棉，好多忌廉但食多多都唔覺好甜膩，配以新鮮生果出奇地夾。濟州柑橘乳酪 $68酸酸甜甜飲啖好醒神，賣相好搶眼。夢幻紫薯牛奶 $48好重奶味，都仲有淡淡的紫薯味，熱飲都OK。…Read More

小清新渡假風韓式café - Terrace in seaside屯市Donki個層最近真係開咗好多新嘢除咗長期排隊店Beans之外 仲開咗間韓式café次次行完Donki都聞到陣陣好香的窩夫味當日假日去到都好多人排 不過唔算等咗好耐 大概20分鐘左右店內係半開放座位佈置 但環境唔嘈都幾舒服燒醬油黑毛豬白切肉飯 $105五花腩好juicy 肥肉部分夠油潤 瘦肉部分好淋嫩滑 加埋醬油好野味配埋泡菜飯好夠味又唔會油膩清新牛油果飯卷 $78香港好多韓式飯卷都好伏 一係好重麻油味 一係紫菜好難咬依個就一啲都唔伏 味道剛剛好 有大量紅蘿蔔絲 口感豐富配埋牛油果令飯卷更加清新 水果忌廉三文治成個造型勁吸睛 打卡一流特別一提柑橘味道好清甜 平衡返忌廉的甜膩蟹籽雞蛋蘋果薯仔沙律 $68味道清新 蘋果好新鮮 加咗蟹籽令口感更特別Lotus 焦糖窩夫 $82窩夫表面有滿滿的lotus焦糖餅碎 下面舖咗大量忌廉 超級邪惡!另外有一塊完整餅乾同焦糖醬窩夫外皮好脆 入面質感似甜甜地的蜂蜜蛋糕鍾意甜食同忌廉愛好者一定要試下 大推!濟州柑橘乳酪 $68清新乳酪飲品 有淡淡的柑橘味 唔甜配甜品好啱 打卡一流熱情金菠蘿沙冰 $48造型好靚 有淡淡的菠蘿清香 都係唔太甜 好fresh…Read More

✿✿ 鬧市中的人氣韓系餐廳 ✿✿📍Terrace in seaside (#屯門市廣場) (#屯門)屯門屯順街1號屯門市廣場一期UG樓9-12號舖🔺🔺🔺🔺🔺🔺🔺🔺🔺🔺🔺🔺🔺Terrace in seaside就正正係Donki 同GU隔離可以想像餐廳附近既人流係幾多•••🍴基本上星期六日都預左要排隊😆 不過好彩餐廳都幾大 坐位又多 所以都好快入座鋪面以木色作主色調座位旁亦有草叢裝飾 感覺休閑又舒服(๑˃̵ᴗ˂̵)而且 #海港城 都有分店👏🏻❣️#燒醬油黑毛豬白切肉飯 💰$105頗邪惡既主菜 旁邊既係泡菜飯 味道不辣燒腩肉頗油膩 上邊有用火槍燒香過感覺香口 配泡菜飯也頗好吃❣#清新牛油果飯卷🥑 💰$78總共有十件飯卷 份量十足 飯卷材料有牛油果、青瓜、蘿蔔、蛋等好食 而且感覺幾健康🤓 ❣#慢煮雞胸紅茶頭沙律 💰$72健康之選 第一次咁樣食紅菜頭沙律🥗感覺幾特別 紅菜頭軟硬適中 亦無草青味雞胸肉唔鞋口 食完呢碟沙律感覺都幾飽❣#水果忌廉三文治🥪 💰$62水果三文治已經受歡迎左一段時間！ ！咁多人鐘意食都唔係無原因(о´∀`о)打卡靚之餘 味道都好食😋 忌廉好滑 不算甜唔會太膩 不過水果頗酸😆❣#Lotus焦糖窩夫🧇 💰$82 （推薦‼️）全餐亮點🥰 窩夫外脆內軟 感覺厚實 總共有四塊 ~本身已經飽 好味到忍唔住食得哂😆Lotus餅不嬲都好食！ 配埋厚厚忌廉 忌廉好厚實 口感好滑溜 簡直係一流加上忌廉上面有好多焦糖醬 整體係幾甜嘅 不過叫得焦糖就預咗甜😝所以好好食❣#濟洲柑橘乳酪 💰$68柑橘賣相好特別 杯上有柑橘作杯蓋🍊令人好有記憶點。不過味道較酸（◞‿◟）對於我怕酸既人不太適合❣#夢幻紫薯牛奶🥛 💰$48紫薯牛奶上有層薄薄既cream 亦拌有少許紫薯粉整體紫薯味不太突出 主要都係淡淡既牛奶味…Read More