Seorae (Tang Lung Street)

🐮壹頭牛（$580）入面有喜來稀肉、牛五花、牛頸，牛肋骨肉同調味牛排骨，想一次過試哂唔同牛嘅部位嘅話，極度推薦😍肉好入味之餘，燒完仍然好juicy；配上生菜，泡菜及店裡的燒肉汁，好食到唔停口🍜水冷麵（$95）蕎麥麵幼細，原本諗住佢會唔會好腍，點知出乎意料地麵條食落好Q彈有嚼勁；配上由自己控制份量嘅米醋同芥末醬，酸酸味味，十分開胃，啱晒而家熱嘅天氣食消消暑🥘海鮮蔥餅（$90）好足料同大份嘅煎餅，不過如果佢薄身少少會更好…Read More

又嚟到銅鑼灣嘅喜來稀肉。呢度都係一貫正宗韓燒餐廳嘅裝修，座位非常闊落唔迫夾，一坐低店員就會幫你到爐邊蛋，有芝士同埋泡菜口味，無限添加。😋佢哋嘅爐邊蛋真係好好味～每次都要添加多一轉！（人多要添多幾轉🤣）出面自助吧可以攞生菜、生蒜、各種調味料同埋醃菜泡菜。都係任食㗎！🐮真雪花牛肉 $228 ⭐️推薦👍🏻食過佢哋咁多款牛肉，我最鍾意食呢隻真雪花牛肉😋 油脂豐富分佈均勻，肉質較嫩又重牛味👍🏻 一碟份量仲要唔少～ 伴碟有菇同埋翠玉瓜。🐷喜來韓豚五花肉 $180 ⭐️推薦👍🏻店員介紹新菜式🤩 呢款五花肉片有辣同唔辣，我哋叫咗唔辣嘅，醃味有少少甜甜地，冇傳統一條嗰種五花肉咁肥膩，肉質一樣軟嫩，加韓式辣醬夾生菜好好食！🍜水冷麵 $95韓國最傳統嘅水冷麵，呢度做得好好👍🏻 麵質唔會糊口，有蘿蔔絲青瓜絲同埋半隻烚蛋，跟埋芥末汁同埋白醋，如果覺得唔夠味可以自己加，不過我覺得都係就咁食最好食😋🍺慢活村韓國米酒 $95去韓國旅行必飲嘅瑪格麗白米酒，食韓燒梗係要飲返杯🍻店內經常做唔同嘅節日Promo優惠，我哋萬聖節呢就有得飲血🤣（係果汁嚟嘅）🥳而家仲做緊lunch買三送一優惠！只要五點前落單，叫四樣嘢就有其中一樣free俾你！🤩唔好錯過啦！…Read More

講到喺香港嘅韓式燒肉，喜來稀肉絕對係元祖級。今次約咗朋友嚟到銅鑼灣分店，再次回味道地韓國菜。 牛護心肉🐂脂肪比例啱啱好，唔會太肥，有筋道。 豬頸肉🐖厚切豬頸肉啖啖肉，腍甜嫩滑。 韓式烤豬皮睇韓劇就見得多😆豬皮唔係間間烤肉餐廳有，梗係要試下。豬皮肥而不膩，十分Q彈，係滿滿嘅骨膠原😂 海鮮泡菜餅 / 水冷麵燒肉以外，仲點咗泡菜餅，有大大粒魷魚同泡菜；冰凍嘅水冷麵好清爽，飲埋個湯真係好正👍🏻 餐廳有自助前菜bar，可以無限任添，fatgirl覺得喜來泡菜同醃蘿蔔最好食，而且最啱食燒肉時解膩😋…Read More

銅鑼灣登龍街有一間韓國烤肉店，烤肉店有任食韓式小菜，例如泡菜，醃蘿蔔，青瓜等等，而且用來包肉的生菜都是任食。最鍾意傳統韓式烤肉店就係爐邊有得食蛋🤭冇錯係蛋漿任加任食，勁開心🤭✌🏻美食推介：💛蟹籽紫菜飯糰：蟹籽紫菜非常多，配上麻油，再用手搓成波波，好玩又好食😋💛牛肋骨肉：非常好食，肉質鮮嫩，牛味足夠👍🏻份量也足夠2人食👍🏻加上包飯醬泡菜生菜包在一起吃，清新而不油膩☺️💛豬護心肉：護心肉必食之一，烤了很久肉質也非常嫩，而且沾上包飯醬及燒肉醬汁一起食，勁滿足☺️💛水冷麵：冰凍的水冷麵，麵質煙韌，湯汁喝一口非常清爽，加上肉及辣醬一起食，真心無得輸👍🏻韓烤必點👍🏻👍🏻…Read More

心血來潮想吃韓國燒肉，第一時間想到的便是登龍街來自韓國的過江烤肉店，多年來深受港人的熱捧餐廳環境闊落，不論是家庭還是朋友聚會都非常適合自助前菜區多款泡菜、醃蘿蔔、沙律、生菜、醬料等爐邊蛋可以免費添加，有芝士及泡菜味，伴上烤肉一起吃更為美味牛護心肉油脂豐厚，肉香濃郁，肉質有咬口蛋拌生牛肉入口嫩滑，配搭水梨及青瓜一起吃超滿足享受燒肉過後來一碗冰凍的水冷麵，可消解熱氣與油膩感藍色檸檬汽水夢幻的高顏值令人心心眼，直接飲用夠暢快…Read More

自從屋企買左個韓國鐵板後，都好一排無出街食韓燒了😂不過今日心血來潮想食韓國料理，就同朋友毫不猶豫揀左去食喜來稀肉🇰🇷沙 律 吧 (Free)太耐無黎都唔知新增左沙律吧，有無限任添嘅泡菜同前菜，重點係連包肉嘅生菜都有，夠哂自助方便👍🏻護 心 肉 ($158)燒到外層焦香內裏嫩滑，咬落juicy唔錯👍🏻喜 來 烤 肉 ($158)切成玫瑰形狀上枱好appealing🤩夾埋生菜一齊食都肉味濃👍🏻水 冷 麵 ($85)咁熱嘅天氣，其實最想食碗水冷麵降溫❄️個人中意落多少少白醋，咁就更加透心涼！…Read More

喜來稀肉🇰🇷🥩心血來潮想食韓國野，就決定去食喜來稀肉燒一燒😆沙律吧 、爐邊蛋有無限任添嘅泡菜、酸瓜蘿蔔同沙律，想食幾多攞幾多，包肉嘅生菜都係自助，唔洗每次叫店員refill，夠哂方便🤓爐邊蛋就有泡菜同芝士味，仲可以自己加多啲泡菜一齊食🫢護心肉 ($158)護心肉算係稀有部位，呢個份量性價比算高🤓燒到外脆內嫩就perfect ，咬落juicy又唔太肥膩，包埋菜食岩岩好😆喜來烤肉 ($158)見喜來烤肉係招牌菜就試下，牛肉薄切砌成朵玫瑰浸係醬汁之中，一上枱夠哂吸睛😝牛肉味濃肉質軟嫩👍🏻水冷麵 ($85)咁熱嘅天氣，食碗透心涼嘅水冷麵就岩哂❄️麵質口感煙韌，仲有青瓜絲、蘿蔔片、蕃茄同雞蛋作為伴菜加上少少白醋調味食落更加開胃呀👍🏻…Read More

食咗好多年仍然保持水準嘅喜來稀肉😋今次兩個女仔嚟食冇叫太多肉類，牛豬各一款，兩者都係我每次嚟必點嘅－先有招牌嘅喜來烤肉，牛肉薄切用秘製醬汁醃製，捲成花狀細細碟但其實逐塊燒份量都幾足，燒過後夠油香帶少少甜味。護心肉係豬嘅稀有部位，食落有嚼勁唔肥膩，最好味一定係用生菜包起，配埋韓式辣醬、泡菜、蒜片、洋蔥一齊食，特別滋味呢！食完濃味嘅燒肉就食個水冷麵中和番－蕎麥麵幼細口感非常煙韌，湯底冰涼酸味味特別透心涼，可以按自己口味加白醋同芥辣，仲有爽口嘅青瓜絲同蘿蔔片添～最後不得不提嘅當然有爐邊蛋，泡菜、芝士各一邊，無限refill食到飽😋…Read More

我一直都好想去食喜來稀肉，終於有一日book到位🤤係銅鑼灣個間，我哋滿心歡喜咁去到嗰陣真係好開心🤤佢哋仲咁啱咁比左個小小包間比我哋🤣入到去發現有好多選擇，我哋揀左好耐好耐決定要一個冷麵加一個海鮮拉麵作為主食。肉類方面，想試下拼生牛肉同埋佢哋套用咗餐廳名的牛肉同豬肉🤤喜來烤肉 $158係牛肉為主嘅，一上到嚟就係好有造型嘅牛肉花花🥰入面仲有啲結冰，未完全溶晒雪。但係都無乜大問題，因為可以從外面嘅牛開始食先！我哋唔敢燒太耐，因為係簿切牛肉🤤但真係超好食，肉汁配上一嘅醬汁，真係一試難忘！喜來五花肉配特製醬汁 $138呢個係以五花肉作主，唔單止脂肪比例同肉質十分滿意。一放落口都可以享受到入口即化嘅豬肉🤤再配上生菜同韓式小食，成個感覺就好似係韓國一樣蛋拌生牛肉 $160品質好啲牛肉不嬲都可以生食，但有韓國風味嘅又真係無試過🤤所以今次決定試下，點知真係無令我哋失望！佢個配搭方面真係好fresh，呢個留返你哋去試下啦！但就咁食定配生菜食都十分滿意！順便一提🤤佢d蛋同生菜小食，都可以無限仼添！…Read More

我記得讀書年代呢間舖頭人氣爆燈，估唔到過咗幾年之後依然人氣高企！（我仲好記得以前一定要Walk in排隊）而家呢種天氣啱晒食燒肉，今日同朋友嚟到叫咗兩款肉，一款主食👍🏻牛五花牛味顯著，油脂平均，不會太肥膩，薄片牛五花配上牛汁超惹味！真心好推薦！👍🏻辣護心肉由於呢個部位比較少見所以就叫左碟，口感比我想像中有咬勁，肉質淋軟，雖然叫左辣味但實際都唔係好辣！👍🏻水冷麵用黎解膩既首選，湯汁酸酸甜甜，配有爽口青瓜絲同蘿蔔片，食完燒肉熱辣辣即刻食返啖凍冰冰嘅水冷麵真係⼀絕！另外由於店舖可以任添兩款爐邊蛋和生菜，真係啱晒大胃王，其次，店員會定時換燒肉板，唔洗驚會痴燶底，服務質素亦都非常有保證！第三，餐廳用QR code落單，唔單止環保，仲可以隨時隨地叫嘢食添！我相信我好快又會再嚟幫襯！！溫馨提示：店舖既地下仲有得買韓國既小菜添！ …Read More

由於我係星期六去，所以一早book定位！去到已經滿晒😣見到出面仲有好多人walk in要等位，所以最好book定位先去！入座後開始計個半鐘要交枱！因為之前次次都叫過韓牛套餐所以今次想試吓散叫！牛五花(180g) $158牛舌 (180g) $148牛肉眼(200g) $150水冷麵😋😋$85個人比較推薦牛五花同牛舌，食落比較有油分亦有牛味唔會太鞋！佢嘅牛舌份量都好多雖然係薄切但有成碟勁多塊真係好滿足😋牛五花都好正超快熟然後包住生菜食真係一流，順帶一提佢提供免費嗰啲泡菜都超好食夾住啲肉係勁好味😋而牛肉眼個人覺得麻麻哋因為中間啲肉比較鞋所以建議可以試吓其他！而爐邊蛋食咗頭嗰轉已經冇加過因為實在太飽啦，侍應服務都好好見到生菜食晒會自動refill🤤去到最後男朋友次次黎都一定要食嘅水冷麵，其實已經超飽但食咗咁多肉之後食返碗水冷麵真係好清新😂感覺已經冇咁濟！個水冷麵啲面係勁煙韌超正☺️總共好似食咗六百幾蚊，食到呢啲質素嘅韓牛都真係唔錯！除翻開都係三百幾蚊一位同出面食嗰啲韓燒放題差唔多價錢但質素就好好多啦😉…Read More

喜來稀肉其實係好多地方都有，都食過好多次，我覺得係香港連鎖韓式燒肉店鋪比較好食既一間。黎自助燒肉店既樂趣就係可以自己燒，好玩又好食。而且所有前菜都可以任添，個人最中意鍋邊既蛋，燒到中間呈流心既狀態就最好食啦。2個人食其實燒肉叫2款都已經夠，今次叫左牛護心同真雪花牛肉。呢2款都係無咩點調味既，可以真真正正食到牛肉既味道。另外仲叫左個水冷麵，夏天食一流。尤其食完燒肉熱辣辣既時候食就仲正！價錢相宜，非常適合一班朋友黎食。…Read More

我好耐冇食韓燒，有少少掛住，所以今晚決定食韓燒。前菜有三款﹕泡菜、酸蘿蔔、沙律。泡菜好辣，我就專攻酸蘿蔔。我地叫左護心肉(豬肉)同喜來烤肉(牛肉)。上碟睇落細細份，以為會唔夠食，點知食極都仲有。護心肉比較厚實，喜來烤肉薄薄一片，兩者都唔鞋口。爐邊蛋有牛奶味同泡菜味，前者好香口，正。水冷麵有碎冰伴住d麵，仲有雞蛋、番茄、青瓜同酸蘿蔔，好開胃又解暑。馬鈴薯煎餅好岩澱粉控，幾好食，食完好飽肚，但有d油。…Read More

近排可能睇得韓劇太多，日日夜夜都想食烤肉，Kimchi + 辛辣麵所以決定去可以任食任refill kimchi & 生菜的喜來稀肉，可以盡情食到抱住個肚返屋企所有食物都好好味，一叫員工refill kimchi 或蛋佢地都好落力去做，唯一係因為又有韓國店員又有香港店員，有時唔知應該同佢講中文定英文…Read More

難得早收工，突然興起想食燒肉，食燒肉識食一定系食喜來稀肉，沒有之一，真係好好食。雖然市面上好多韓式烤肉但係真係對喜來稀肉情有獨鍾。由佢喺香港只係得壹兩間分店，食到佢而家開到咁多間，佢嘅品質依然keep到咁冇令我失望。同朋友黎到銅鑼灣燈籠街分店，因為夜晚7點就上到去，唔洗排隊，好開心。仲記得兩年前，喺尖沙咀夜晚試過排左成個鐘先入得去食。依家竟然係香港開咗咁多間分店唔使排隊，方便左咁多實在太好。揀咗個窗口位坐，落完單就等食小小美中不足嘅就係食食吓出邊竟然落起毛毛雨，好彩冇整濕到我哋同埋啲嘢食。見到佢出咗好多唔同嘅套餐，不過我最鍾意食依然係護心肉同埋喜來烤肉，由於套餐冇豬牛合一，我哋又怕食唔晒，所以最後都係單點。喜來烤肉，果然系有"手指公"推薦，肉質嫩滑有肉味，幾新鮮，薄得來亦都非常之嫩，唔會嚡十十好似食緊沙紙咁。配埋距提供ge醬汁同用生菜包住食,一流啊!!加碼牛肋骨肉,無雪味,依然正,配埋d洋蔥圈食,正正正。鍾意食有啲口感嘅牛叫牛肋骨肉就無錯啦。豬肉就叫了一份護心肉，朋友對豬肉麻麻，但經我極力推薦護心肉，佢覺得烤起黎食都好好味。個人認為原汁原味嘅護心肉比起醃過既更好食。特別贊距個牛舌，好鬼正真係，唔洗燒太耐，仲滑，而且肉感又好。而且個份量好足夠，同埋佢嘅醬汁撈埋鍾意食牛舌嘅人真係要嗌。仲叫了一個水冷麵，無落過距提供ge醬料落去，原汁原味品嘗，好正，因為我哋不嬲都相機食先，店員仲好貼心咁提醒我地快d食咗個麵距，因為d冰就快溶曬，好貼心另外仲叫咗個生牛肉拌飯，如果牛肉嘅份量可以在多啲就好啦。佢嘅用料好新鮮，有時係出邊食到啲唔好食嘅韓式拌飯會覺得d拌飯一pat野，但係喺呢度從來吾會食到呢個情況。當然，爐邊蛋係唔少得啦。應該係我點嘅牛舌同埋喜來烤肉都有醬汁，所以個爐好容易燒焦，一讚係店員時常留意到呢個情況，幫我地勤加換板，抵讚！一直以來，服務有質素，食物有質素，價錢又合理，係我對喜來稀肉既評價，韓燒對我地黎講佢真係不二之選。…Read More