一朝早來到紅磡想搵野食，結果間間都12:00先開門🫠，路過呢間台灣餐廳，收銀姨姨好熱情招呼我地，因為太肚餓所以就入左去坐低🤣餐廳裝修好清新，座位都算闊落，落單係好似車仔麵店禁自己✅落張單到，都幾方便👍🏻我地叫左幾款人氣食物，試下好無食～1️⃣正宗滷肉飯🍚滷肉飯賣相好吸引，滷肉好多而且有足夠ge 汁撈飯，醬汁偏甜但唔會好濃味，飯粒係珍珠米，咬落好煙韌，每一啖都有滿滿ge 滷肉汁，好滿足🥰2️⃣鹽酥🐣乾拌麵🍜Openrice好多人推薦呢間d 鹽酥雞，果然無令我失望，每一粒咬開都好多肉汁，表面ge 椒鹽好平均👍🏻👍🏻👍🏻麵條方面係好似食日式拉麵果種麵質，偏硬身但好彈牙，醬汁平均分布每條麵條，味道偏甜，同樣唔會好濃味👍🏻👍🏻3️⃣滷蛋🥚滷蛋味道偏甜，無咩花椒八角味，可試可唔試😝4️⃣涼拌滷豆腐滷豆腐都係偏甜，唔濃味，做前菜開下胃唔錯👍🏻5️⃣有機低糖豆漿🥤最初見$22一杯豆漿以為係自家製，點知來到見到係膠樽裝豆漿，即時覺得$22好唔抵🫠點知一飲落去好有味覺ge 衝擊，首先豆味好濃，而且有淡淡紅豆味，豆漿質地偏濃厚，令人飲完想再飲，無諗過豆漿可以禁出色👍🏻👍🏻整體餐廳性價比都好高，食物質素好好，但價錢貼地，而且坐得好舒服😌進餐其間見到有客人落錯單仲要賴收銀姨姨做錯，但收銀姨姨都好有禮貌向客人解釋及更換食物，非常讚賞姨姨工作態度👍🏻👍🏻👍🏻👍🏻（如果係我應該會忍唔住黑左面🤣）…Read More
