Lane Noodles (Hennessy Apartments)

朋友介紹我巷仔見麵館嘅二人套餐好抵食，而且點心都唔錯。餐廳裝潢充滿經典港式大排檔風格，從馬賽克瓷磚、大紅罩燈同菜式牌可以完全感受到呢一份經典🤩我同女友叫咗一個暖love love二人餐🥰，仙氣冰鎮咕嚕肉、脆脆鳳尾蝦多士同馬拉盞時菜炒牛肉煲。二人套餐包括酥皮焗花膠雲吞雞、櫻花蝦臘味煲仔飯同兩杯飲品。- 酥皮焗花膠雲吞雞酥皮好脆，估唔到酥皮同中湯味道幾夾🤣，入面有半隻雞，肉質唔會話好「嚡」，雲吞皮簿餡靚。- 櫻花蝦臘味煲仔飯飯粒夠乾身，入面有大量櫻花蝦、臘味同芋頭，口感豐富。另外豉油香甜，不過略嫌飯焦唔夠多。- 仙氣冰鎮咕嚕肉賣相幾壯觀，好似仙女下凡咁。肉質外脆內熱，而且無咗一般咕嚕肉嘅油膩感。- 脆脆鳳尾蝦多士一共有三件，多士炸到金黃香脆，上面嘅鳳尾蝦肉質彈牙，加上少少沙律醬，整體脆口惹味。- 馬拉盞時菜炒牛肉煲馬拉盞加通菜係我嘅飛佛，通菜爽口，加上口感滑溜嘅牛肉，送飯一流。飲品方面，我哋叫左仙氣冰鎮奶茶同白桃玫瑰果茶，飲品選擇幾多，以上兩款都唔錯。總結而言，巷仔見麵館真係好抵食，暖love love二人餐簡直係糧尾既恩物😍…Read More

朋友就住喺銅鑼灣，佢話屋企樓下開咗一間性價比極高嘅餐廳，佢就帶咗我哋嚟呢間巷仔見麵館。店員推介話呢個燉湯做緊優惠價$18，所以我哋先嚟一人一個燉湯。椰皇姬松茸燉湯充滿着椰子嘅清香，而且真材實料，$18一個咁高質嘅燉湯真係夫復何求。呢度嘅出品都甚有特色，其中酥皮焗花膠雲吞雞就非常創新，未試過中式湯上加酥皮，原來都可以好夾。入面除咗有鮮甜嘅雞湯，仲有雲吞同花膠，再混入酥皮，真係口感豐富。朋友仲推介火炙芝士雞扒包，佢話每次嚟都會點呢個。一分為二之後我就明白點解朋友會力推，雞扒係勁厚而且外皮非常香脆，仲有半溶嘅芝士湧出嚟，大啖大啖咬落去，食完真係好滿足。皇子乳鴿新鮮炸起，皮脆肉滑，由頭到腳都咁好味。馬拉盞時菜牛肉煲上枱時仲係滾熱辣，馬拉盞風味帶點微辣，通菜沾滿馬拉盞就非常惹味。牛肉份量極多而且夠厚身，口感仲滑一滑。呢個櫻花蝦臘味煲仔飯一放上枱就已經聞到好香嘅櫻花蝦味，再加上有臘味同芋頭，而且入面仲充滿飯焦，簡直係煲仔飯嘅極致。最後仲食埋甜品，三色芋圓腐竹糖水夠清甜，三色芋圓又大大粒，呢個價錢真心抵食。原味豆腐花都算滑，簡簡單單就已經夠好味。總括來講，呢度係結合左大排檔、茶餐廳、甜品店嘅元素，仲要性價比極高，真係一站式滿足哂唔同嘅願望。下次再嚟銅鑼灣，一定會再嚟呢度搵食。…Read More

去銅鑼灣行街，比我揾到間完全合符「平靚正」要求嘅港式風味餐廳＜巷仔見麵館＞，港式麵類如牛腩麵、雲吞麵等當然有，就連煲仔飯、小菜、小食、台式珍珠奶茶、豆腐花芋圓甜品佢哋都有供應，呢種百搭模式確係吾錯，港台風味嘅混合，好啱乜都想試嘅我。<清湯牛腩河>牛腩炆得好軟腍，又大件，入口啖啖肉。河粉好滑，仲配兩件大大塊嘅白蘿蔔，味道清甜。<櫻花蝦臘味煲仔飯 $63>櫻花蝦臘味煲仔飯材料非常豐富，有勁多櫻花蝦，同埋有勁多炒得好香嘅臘肉，仲有芋頭粒同花生，飯底帶有微脆飯焦，味道有焦香感，入口非常之惹味。<無骨海南雞 半隻 $108>海南雞入口非常之嫩滑，而且已經去曬骨，肉質好鮮好嫩，肥瘦適中，值得推薦。<蜜汁燒豬頸肉 $58>豬頸肉好厚好大塊，肉質入口彈牙爽口，蜜汁味道突出，烤得幾香口，微甜好食。<芝士雞扒包>雞扒包非常之大個，成個巨無霸甘，雞扒非常之大塊，而且仲好厚肉，炸得非常香脆，仲有濃郁嘅芝士香，好好食呵！<冰鎮奶茶>奶茶非常香滑，而且茶味夠濃。<脆脆鳳尾蝦多士 $34>估唔到鳳尾蝦多士係原隻蝦咁放上多士上面炸，蝦肉彈牙，而且仲炸得金黃香脆又好食。<黑糖珍珠奶茶>黑糖味道都幾突出，而且珍珠份量好多，又彈牙又好味。<豆腐花三色芋圓 $12>食完主菜，見呢度嘅甜品都係十幾蚊就有交易，甘抵食當然要試下！！豆腐花做得非常之滑，而且佢嘅芋圓唔會過甜，又煙韌又彈牙，真心抵食又好食。整體嚟講，我覺得呢間餐廳絕對值得再嚟幫襯，不但選擇豐富，而且食物嘅質素都好好，有水準得嚟，價格絕對抵食又親民，而且餐廳嘅環境都唔錯，坐得非常舒適又闊落，絕對值得再來呀！！～…Read More

今日下班與友人沿時代廣場的路途中，驚喜發現原來軒尼詩大廈都有不少餐廳選擇。被廣告牌的飯後甜品巷仔見面館吸引著，自己對中式糖水都挺喜歡的，如果一間餐廳吃完飯可以點中式糖水也是挺吸引的。走到餐廳前，原來是新開張，前台姐姐落力地推薦，著我們看看餐牌，本以為餐廳只有麵吃，也有不少選擇，而且價錢很平民；驟眼看裝潢新穎特別，座位都算闊落，於是我們便隨著姐姐入餐廳進食。餐牌上的價錢的確很貼地，侍應姐姐服務很好，不時推介菜式，雖然很多東西都想吃，但胃得一個，我們點了幾樣咪走寶推介，最後當然不少得飯後糖水🤤《仙氣冰鎮咕嚕肉》賣相吸引，上碟時仙氣效果十足，咕嚕肉冰鎮完入口皮仍是頗脆的，建議要盡快吃，若冰慢慢融化時，咕嚕肉皮的口感就沒有那麼脆了；套餐價加$18有白飯和老火湯，我最喜歡喝湯了😍，點了姬松茸杞子瘦肉湯，很鮮甜，用料十足，讚！👍🏻《酥皮焗花膠雲吞雞》份量剛好，雞肉質非常嫩滑，雲吞有4粒，花膠吸收了雞和雲吞的味道，整體味道很不錯。《櫻花蝦臘味煲仔飯》色香味俱全，配料十足，還有我喜歡的潤腸粒，吃上來非常香口。《頭抽乾炒牛河》味道適中，個人覺得可再濃味一點，驟眼看牛河色澤略欠缺，吃不出鑊氣的味道，但牛肉頗嫩滑的。糖水意外之外的抵食，最平價$12有一碗😱，我們點了熱芋圓紅豆沙湯圓($16)，湯圓和芋圓各兩粒；另紅豆豆腐花($14)，飯後喝碗糖水絕對是幸福感滿滿的。總括來說，這間餐廳平民貼地，值得再光顧，下次巷仔見再吃其他飯後糖水😇…Read More