Luxe Garden Chinese Cuisine (Laws Commercial Plaza)

地方唔算大，但都算寬敞，枱同枱之間有一段距離，唔會覺得迫。一張張圓枱，有軟墊嘅座位，坐得舒適。湖水藍色地顫加白光管，感覺企理光猛。以飲茶來講，比較多特別的點心，特別介紹以下三款。紅袍荔枝呢個紅袍荔枝令我食完又想食，外表似荔枝，其實係煎堆，煎堆個皮香脆有煙韌，裏面加入奶皇同荔枝肉，荔枝肉嘅清甜中和奶黃嘅膩，成個配搭清新又好味。櫻花蝦脆蝦腸粉滑滑嘅腸粉皮裏面包住鮮蝦春卷，春卷炸得香脆，蝦肉彈牙！腸粉上加入一堆堆小櫻花蝦，將腸粉提升到另一個層次，口感一流！羊肚菌牛肉球呢道點心好特別，牛肉球重牛味，加入清香又甜嘅羊肚菌，味道出奇地夾，好味！…Read More

哩間野系荔枝角，食評系非常好，但價錢真系比較貴，所以都無考慮過，系以前鴻星個位，吾知道系眯同一個老闆，因為都幾中意整公仔點心。優點- 位置好近地鐵站改善點- 大部分野都多鹽多油，尤其是個招牌炒飯。- 午市都真系幾嘈。- 性價比比較低- 可能有人等，好似成日叫你埋單咁。太極蝦餃（56）2分- 黑白各兩隻，皮吾算薄，蝦吾算好爽，都有蝦味。燒賣皇（56）2分- 以一般燒賣皇比較，哩度吾系大隻，肉吾彈口，無乜鮮豬肉味，仲吾明系佢落好多類似美極的醬油，搞到味道非常奇怪。潮州粉粿（$30）3分- 普普通通，合格腐皮卷（$38）3分- 除左多油，皮薄都炸的幾脆，櫻花蝦脆蝦腸粉（$50）4分- 櫻花蝦幾多同埋炸得幾香脆，腸粉皮都夠薄，但另外脆蝦就真系吾知道系乜，搵吾到。荔枝奶黃煎堆（$44）- 睇來哩度都系做公仔點心比較適合，一來外型吸引，味道又幾好，好似哩個就系用來應節，外脆而內涵有真荔枝同幾香的奶黃，值得一試，下次要試埋其他公仔。窩貼金蠔（$88）3分- 吾知道點解叫窩貼，吾系應該系窩巴眯？anyway, 窩巴有一半系脆，一半系硬到比較難食，但個金蠔用蝦膠包住炸，又幾好味，但真系吾少油。招牌炒飯（$168）2分- 以份量來講，有差不多8碗，以油量來講，簡直多到無朋友。配料吾多，蝦又小又細，大把茶餐廳炒得好過佢。…Read More

今午到了一間較高級的粤菜酒樓，名字有點似樓盤的，叫碧儷苑，我一到，就叫了些點心，然後飲啖壽眉熱茶，慢慢享受一刻的恬靜。究竟我點了什麼? 開估啦，我點了外面少有的干蒸牛肉燒賣及懷舊馬拉糕，外觀及味道均水準之上。隨後有櫻花蝦脆蝦腸粉，外面有很多很脆細少的櫻花蝦鋪在腸粉面上，再加上用腸粉皮包裹住的脆蝦肉，真的令人無法抗拒，並且一試難忘呀。最後，我童真的心又被挑動了，我叫了冰凝小企鵝 (見圖)，牠們外型很可愛呀，上枱時配有乾冰圍繞小企鵝，有冰極涼快的，入口品嚐時，先知道是豆蓉包，我認為小企鵝包的觀賞度是滿分，但味道可再提升，畢竟包是趁熱食呀，看多兩眼就已凍咗，咁就冇咁好食了。另一有趣點真的很想同大家分享的是紅袍荔枝 (見圖)，這點心其實是有荔枝味的奶皇煎堆，外型如真的和荔枝分別不大，而入口是一個小球體的煎堆再配上荔枝味餡料蓉，觀賞和品嚐都有水準呀。多謝碧儷苑廚師們的用心精緻製作，我會再去的。…Read More