Ganso Tsukemen

終於有機會品嚐這家人氣十足的沾麵店，聞說是陳奕迅最愛的拉麵店呢！長長的巷子深深處有數張枱而已，坐位不多，店子地方雖小，但就不減食物的美味。熱湯沾麵給人驚喜，石頭鍋的熱力足以令熱湯滾瀉，全因夠熱食起麵來份外好食。而且湯喝完後，可免費再添木魚湯，讓人感到滿足。極上芝士海膽沾麵 $168金黃色的芝士熱湯濃稠適中，芝士味道濃郁，加上原板鮮甜的海膽，令人倍感幸福。芝士味和海膽味道原來好夾的，口感creamy，一食下去，就會愛上這款沾麵，實在超好味。配上日式叉燒拉麵，麵條粗身有嚼勁，浸泡在熱湯裡，完美地吸收了湯汁的美味，配上半肥瘦叉燒和溏心蛋都好有水準的。元祖龍蝦沾麵 $99同樣是日式叉燒拉麵，熱湯換成了龍蝦湯底。另一番味道比前者毫不遜色，湯底質感濃稠，濃郁蝦味，啖啖充滿鮮味，湯中有清爽的龍蝦肉相當好足料，百元之下的拉麵相當抵食。以上兩款沾麵名有千秋，二擇其一的確難以取捨，兩款同樣出色，平民價錢享用如此美味，此乃厚福街之口福也。…Read More

位於尖沙咀厚福街的元祖沾麵專門店，門外打燈到地上及招牌的可愛達摩吸引了我的視線。餐廳的格局是細長形的，有日本小店風味。沾麵、拉麵、飯類及小食一應俱全，但既然這家是元祖沾麵專門店，當然首選吃沾麵啦！他們家最特別的地方是有不少沾麵汁用料都非常豪華，以伊勢海老、黑松露、龍蝦、海膽等名貴食材入饌，怎能錯過！選了極上芝士海膽沾麵及元祖龍蝦沾麵，上菜時兩個石鍋內的沾汁都是滾燙的冒著蒸氣，很有視覺效果。極上芝士海膽沾麵 ＄158海膽愛好者必點！除了沾汁裡有超大塊的兩片海膽外，還有份量十足的原板海膽，價錢只是＄158，我沒有打錯，真的那麼抵食！用附上的脆身紫菜包著海膽，就算很豪氣地包一大堆都沒問題！亮橙色的海膽每塊體積不大，但入口充滿鮮甜的味道，質感creamy濃稠，值得仔細品味。沾一點點豉油更能提升鮮味。麵條都是粗身的很有咬勁又掛汁，上面還有用醬汁烤過的半肥瘦叉燒，既焦香又惹味；溏心蛋則蛋黃晶瑩又濃厚充滿蛋香。淡黃色的芝士海膽沾汁內的海膽相對大片，肥美肉厚，沒那麽creamy但鮮味十足！入口還有角切叉燒，配料量多。芝士汁十分稠身，在濃郁的奶香中帶點鮮甜，配著掛汁的粗麵條吃最夾。元祖龍蝦沾麵＄99偏橙啡的沾汁顏色，相對流質的質感，十足十西餐的龍蝦濃湯，蝦頭、殼都用盡，啖啖龍蝦精華，我覺得可以當湯直接喝。沾汁藏著滿滿的配料，除了既清甜又爽口、啖啖肉的切粒龍蝦肉之外，也有大量角切叉燒，好多肉大滿足，只需不到＄100！麵底和配料基本都一樣，又是非常掛汁，鮮味十足。兩款沾麵的用料都很有誠意，肉量及份量十足，平民價錢吃到如此精緻豪華的沾麵實在太抵，絕對要再encore！…Read More

好耐無食過沾麵 見到又海膽又龍蝦又鮑魚 好矜貴咁 鋪頭唔大間 位置都有啲窄 不過 預你食個麵都合理嘅嗌咗個極上芝士海膽沾麵，一份超抵嘅午市套餐 特制八代海赤海老叉燒拉麵 同一個炸芝士年糕。先講個芝士年糕 好味 一咬啲芝士流出嚟 年糕又軟糯 有三大舊 跟住係性價比爆燈嘅海赤海老叉燒拉麵 好似至到1700咋 49only 唔好以為佢好細碗 同平時啲份量係一樣架 仲要湯係勁濃又杰身架 個麵係幼麵嚟 軟硬適中 仲好多添 而且叉燒燒得啱啱好 仲有燒汁喺面 有兩塊 仲要原隻溏心蛋 平時好多俾得半個仲要至少98蚊以上喎 喱度仲係高水準架 啲蛋黃汁流心出嚟 好好味 佢啲配料櫻花蝦同竹荀都有好多 總之成碗麵超豐富 又飽肚 如果喺我屋企附近 我實日日幫襯 抵到不得了到個海膽沾麵 哇一上枱 已經好想食 用個熱石鍋裝住個濃稠芝士汁 口水都流埋 仲喺度滾緊 個麵係粗身嘅 硬度係我好鍾意嘅硬身麵芝士汁內有大量叉燒粒同。。。海贍呀熟咗嘅海膽真係好得意 粒粒爆開咁 但當然最吸引係原板海膽上 勁鮮味 仲包埋三塊叉燒同半隻溏心蛋 成碗179蚊 都勁抵 又好味 總體而言，絕對值回票價，高質美味，性價比爆燈，一定會再幫襯 讚 …Read More

今日見到好有特色嘅拉麵，係芝士湯底啊😍🌟極上芝士海膽沾麵🌟食沾麵最重要湯底！侍應送上枱面時見到芝士湯滾熱辣，將拉麵放入浸一陣溫度剛剛好。湯底芝味超濃郁，裏面仲有日式叉燒和海膽碎，加上粗身拉麵真係超掛湯，可以食盡芝士既精華！食剩一半時叫店員加木魚湯又可以解一解膩。呢個餐有原板海膽🤤份量好引人注目，連隔離枱都忍唔到問店員個餐叫咩😂海膽好鮮甜，沾豉油反而遮蓋本身的味道，但作為芝士控，將海膽放落芝士湯裏一齊食另有一番「芝」味…Read More

係尖沙咀行完街想食野，去左呢間厚福街既沾麵店。由於所有沾麵都即叫即整，所以都等左一陣，見到對面有一對情侶食緊龍蝦麵，搞到我都想食。我就叫左海膽主打既味道。極上芝士海膽沾麵 $158呢款麵有原板海膽，極上芝士湯，搭配叉燒沾麵、溏心蛋。個芝士湯入面有煮熟既海膽，芝士味香濃，原本沾麵係好軟身，將沾麵放入仲熱辣辣既芝士湯，會令麵質感更軟，而且好好味。原板海膽好幼滑，入口即溶，幸福感滿分。叉燒都幾肥美。個溏心蛋都幾好食。整個份量都好足料，抵食。…Read More

之前第一次元祖沾面就覺得好正，成日心思思想再返黎食元祖沾面仲係同以前一樣都會係坐爆上次食完龍蝦，今次就試下佢地既海膽我哋叫咗個極上芝士海膽沾麵（$158）同埋濃厚豚骨叉燒拉麵 （$79）豚骨叉燒拉麵就咁望落去已經好豐富，上面鋪滿左叉燒仲有溫泉蛋、木耳絲、筍條等等嘅配菜不過我始終都係鍾意極上海膽沾麵多啲，海膽沾麵嘅叉燒仲係輕火炙過，更加香口個海膽見到已經流晒口水，一睇個樣已經知道係高質嘅海膽非常鮮甜，味道濃厚，個湯底都好濃味，入面仲有豚肉粒，真係幾正又係會返轉頭食嘅系列…Read More

店舖長形設計，有2/4人枱或者吧枱嘅設計。想食真係要早啲嚟，七點都要等一陣位。好細心，每台都會準備一包紙巾同埋濕紙巾，有需要可以用。.🔸極上芝士海膽沾麵($158)分數: (7.8/10).“極上”係有原板海膽，佢呢個海膽都鮮甜，最怕食啲有陣怪味既海膽，呢個食唔到果陣怪味。.石鍋熱辣辣，黎到咋咋聲，裝住滾哂既芝士汁。石鍋除咗有芝士汁，仲有熟左既海膽同肉粒。.食沾麵前，可以係麵上加入青檸汁同七味粉調味。將涼麵沾上熱辣辣嘅芝士汁，除咗芝士惹味，仲有淡淡海膽味。喺麵落左青檸汁，能夠微微減輕芝士既滯膩感。.食晒之後可以加木魚湯飲哂，就食完喇！…Read More

係社交平台經常見到人哋😋食呢間啲芝士🧀沾麵🍜，今日終於輪到我一試佢有最霸氣嘅極上芝士海膽沾麵！但係應該真係太多人，📝order完等咗成🕧半個鐘先有嘢食🥺，同埋入面真係幾迫🙈。🤤極上芝士海膽沾麵🍜配有成板大海膽😍，而且都幾新鮮、甘甜🥰！沾麵湯🥣夠熱👍，湯底好香濃🧀芝士味，而且入邊仲加咗海膽🤩，但可能芝士🧀味太濃變咗海膽味唔太突出😂。拉麵軟硬👌適中，日式叉燒、半熟蛋🥚同埋荀片都有一定水準😋，下次可以再來試埋佢其他款式嘅沾麵🤤！…Read More

尖沙咀厚福街這一帶黃店林立，今次約了靚女foodie👩🏼去了一家吃沾麵的黃店🍜。💛 極上芝士海膽沾麵 (180g) $158💛 特製八代海赤海老沾麵 (180g) $99一上枱個沾麵湯已經很香而且在沸騰，過了一會，職員看到覺得不夠熱就幫我們換湯，十分貼心。我們按照它建議的享用方法，首先將青檸汁和七味粉加入麵中，然後夾麵到沸騰的沾麵湯中，浸一會便可吃。兩個湯都相當濃郁和厚實😋，麵條放上去好似搽上一層醬，尤其芝士湯。海膽有點迷你，夾上去都很易散，不過味道還不錯。麵量比我們想像中要多，十分滿足🥰。最後其實有木魚湯，不過我吃得飽飽都忘了請店員加上去，大家去的話要記得了📝。我們八時半來到都很熱鬧，有些人在等位，幸好也不是等很久就可以進去。一進去的感覺就是很「黃」，在櫃檯有些關於抗爭的紀念品可自取，而牆身和桌面都是連綿不絕的連儂牆🗒。坐位主要是傳統的單座，也有一些二人桌。這是一間值得去吃的沾麵店和黃店之選✅。…Read More

很久以前已聽過元祖沾麵，而且想試很久了！趁著happy friday想吃好點，就和朋友來試試。雖然已經是8點幾9點，店內都依然非常熱鬧，好彩等了一會兒就有位，今晚有口福了和朋友都很喜歡吃海膽，所以一入去就點了個極上芝士海膽沾麵～很吸引的海膽而且一整版滿滿的海膽連面和湯都只是$158，很值得吃！湯底的芝士味超超超濃，很香，每一口麵都非常滋味海膽非常鮮甜，將拉麵沾上芝士湯底後再加上鮮味海膽，為味覺帶來多重享受，邪惡得來非常難忘每一口都好幸福最驚喜的是湯底還有很多熟海膽，最適合我這個海膽迷！我們還點了魚介豚肉沾麵，湯底很香魚味，拉麵面質也很好，非常享受。而且豬肉片是煎過的，很香呢！極上芝士海膽沾麵算是我吃過最好吃，最鮮甜的沾麵～一定會再來吃有時一頓飯，除了和喜歡的人吃很重要外，味蕾的享受也很重要，真的非常難忘的食好西夜…Read More

.家姐番半日😂 3:00接佢收工 同佢去咗食沾麵呢間三點幾都依然幾多人下👍🏻.極上芝士海膽沾麵 $158係超級濃郁嘅海膽 佢本身個湯底已經有海膽 當啲面沾完個湯底 再加啲新鮮嘅海膽 加少少芥末 超級幸福😆 .豚肉魚介沾麵 呢個相對起嚟比較清淡 好香魚介味 唔會死咸 而且臀肉嘅份量好充足 整體份量啱啱好 面偏彈牙同粗身 而叉燒肉油脂分布好平均 唔會好肥 亦都唔會好柴 而且你唔夠湯底 可以在額外添環境方面好有香港特色 香港人支持黃店💛…Read More

剛好有一天路經尖沙咀, 看看厚福街有D咩好食啦. 正好我想食沾麵, 又見到呢間元祖沾麵專門店就急不及待入去試. 我那天去大概差不多六時,所以鋪裡面還有很多位置. 我就點了一個極上芝士海膽沾麵 +加大(好似系$30 多100G 拉麵). 黎到會一個碗拉麵上面有一塊紫菜+ 筍+ 蔥+2塊叉燒 ; 另一個石鍋滾熱辣的芝士沾麵湯+ 多一板的海膽.1)個沾麵湯好香芝士味而又唔會好漏, 裡面仲有D豬肉，但味道麻麻，應該系用黎煮個湯的。　我將拉麵放去芝士湯到再將麵放上匙加海膽一齊食，好好味。　個海膽都好新鮮2)佢同時都有附上點海膽的汁＋WASABI 你可以就甘點黎食/ 用紫菜包住海膽食都得3)佢地的叉燒都唔錯, 肥瘦適中最後, 建議女生可以點正常麵量就可以(180G), 我當時好肚餓又怕唔夠食,所以好快點時叫左加大,最後係食唔哂,太飽真係好多麵. 😂😂而且佢地餐牌上有注明如果沒有點飲品，會加收綠茶費用＄５一位. 同時店裡都好貼心, 每個位都有口罩收納袋+ 紙巾+濕紙巾.…Read More

因為疫情以下，搞到我好少出街食飯。眼前疫情好似越來越好咁，所以就比自己放鬆出一出街，但當然要做好清潔衛生保護自己！我跟友人在尖沙咀行街，行完街就行到附近是但揀餐廳，我地睇左呢間餐廳既餐單，就睇中左佢個龍蝦沾麵，仲要免費加湯，所以就揀左佢地黎試下我地拎飛都等左半個中先有得入去食，待應好有禮貌同我地探針同帶我地入位，佢地張桌一定會有經消毒處理，所以都會安心些我地就叫了元祖龍蝦沾麵、極上芝士海膽沾麵以及元祖奶蓋芝士萊莉綠茶。我就食龍蝦沾麵。我食落去的時候，個腦出現：喵的喵的，點解咁好食既！我食過咁多間沾麵，第一次覺得咁好食！隻龍蝦沾麵好濃郁既龍蝦味，已經不斷飲佢啲湯，飲極也不厭！再來是麵，呢隻麵好一般，沒什麼特別。再來是流心蛋，嘩，食落去既時候有種酸酸的，酒酒的，味道特別啊友人則叫了極上芝士海膽沾麵，看起來很吸引！還附上原隻的海膽板！我的眼睛一直望海膽板，然後一邊吃自己的龍蝦沾麵，然後忍不住想食幾舊海膽來試啦每一塊的海膽味道很不同！好鮮甜，沒有腥味，十分難得我食到麵食到一半，啲龍蝦湯已經無哂，我打算叫難力既待應妹妹幫我加少少湯比我，點知廚房就加滿左比我，免費加湯呢樣嘢超吸引！最後食飽了後，飲了奶蓋芝士萊莉綠茶，一飲腦海又出現左喵的喵的，點解咁好飲既！個奶蓋入面有粒粒芝士好好飲！下次會再食…Read More

中午同夜晚成日排長龍嘅「元祖沾麵」，之前幾次成日麵食唔到，今日一早就過去，終於唔使等就入得喇。嚟得依度，當然係食佢哋最出名嘅元祖龍蝦沾麵同埋極上芝士海膽沾麵啦。每碗沾麵都有半隻蛋、四片火炙叉燒同埋竹筍。元祖龍蝦沾麵當然係附上一鍋龍蝦湯啦。龍蝦湯內仲有豚角煮同龍蝦肉，湯充滿龍蝦嘅鮮味。麵條浸落去，掛滿龍蝦湯，好正。極上芝士海膽沾麵更加興奮，因為除咗鍋芝士海膽湯，仲有一份原板海膽。芝士海膽鍋同龍蝦湯一樣，都有豚角煮，入面仲有好多嘅海膽。麵條浸落去，掛滿芝士海膽湯，跟住一啖熟海膽，一啖新鮮海膽咁，滿滿嘅幸福充滿住整個口腔呀。「元祖沾麵」另一個特色，就係有昆布酢提供，依樣係平時較為小見嘅，而佢哋嘅茶一點都唔普通，因為係宇治抹茶嚟嫁。…Read More

元祖極上芝士海膽沾麵，作為芝士控加海膽控嘅我一定要去試下啦閒日嘅晚上七點，門口竟然已經好多人在等位，我和男朋友兩位，立即拿拿聲去攞張張飛先，大約等左15分鐘就有位，店內有bar枱，二人枱至六人枱都有，唔怪得之咁多人等位也不算等太耐極上芝士海膽沾麵，芝士海膽湯味超濃，湯內亦有海膽和大大舊嘅叉燒，沾麵亦非常煙韌，叉燒肥瘦均勻，亦有燒到焦香嘅叉燒味，海膽味亦非常鮮甜，另有原板海膽奉上，再加埋半熟嘅糖心蛋，超滿足❤❤❤150蚊嘅價錢簡直係超值…Read More