壽喜・關西

Open Now

Now Closed

之前bookmark 左呢間壽喜燒好耐，放假就出黎銅鑼灣搵食🤭！！見人推介過好正咁，呢個價錢食到咁高質嘅關西風壽喜燒，性價比好高▪️極上肉眼壽喜燒套餐 大盛$288肉眼油脂較多，雪花紋更細緻，先放牛油，再加入壽喜燒汁以半煎形式煮熟牛肉，每一塊都吸滿香甜醬汁，肉眼口感軟嫩，入口即溶，味道濃郁▪️特選肩胛壽喜燒套餐 大盛$238肩胛同樣都好嫩滑，油脂相對肉眼會少啲，搭配蘭王蛋食口感更滑溜。食完就可以加入昆布湯、野菜同烏冬，風味十足▪️白桃清酒梳打$58桃味唔算太突出，比提子更加fresh，梳打感較重▪️巨峰提子清酒梳打$58果汁味蓋過左清酒味，酒味較淡，整體比白桃甜▪️甜品抹茶同黃豆粉蕨餅各一，口感軟糯

一家壽喜燒專門店，標榜使用北海道十勝產A4和牛及蘭王蛋，吃後十分認同食材優質。菜牌上標註了每款肉的油花和肉味濃度，我們鎖定了必點特選肩胛壽喜燒套餐，喜歡它中庸的油花，另一個餐選了極上肉眼壽喜燒套餐，初時怕油花五星會太油膩，但從來都相信定價高應該代表美味，因此還是選擇了它。為了比較二者的分別，我們各弄一片同吃，發現二者同樣富牛味，也同樣軟嫩，唯一不同的是極上添了一份脂香，對於向來怕油膩的我，也覺得美味，絕不會滿嘴油脂，極上的確稍勝一籌！隨餐的野菜也十分新鮮，至於蘭王蛋更不用多說，滑溜且富濃郁的蛋香！整體非常優質！另想一提那生啤，上枱時整個杯是被冰包裹著的，原來那杯子被雪至零下20度，夏天喝的話應該特別暢快、特別透心涼啊！在餐桌的當眼處貼有烹調的程序，跟著做就可以，不難的，店員經過時也會簡單講解一下。店舖空間偏小，幸好慣了每餐都早吃，才即時有枱，其實已幾近滿座，看來相當受歡迎。

📍銅鑼灣友人話想食壽喜燒，見到銅鑼灣有間關西風壽喜燒就想試下該店採用北海道十勝產A4和牛，唔同部位分別唔同價錢；我哋就點咗極上肉眼壽喜燒套餐，配以前菜，蘭王蛋，日本米，野菜同甜品；本身呢個價錢都算幾吸引甫上枱都覺得幾唔錯：牛肉雪花分布均勻，亦附有食法和步驟；枱上已放好兩支自家製壽喜燒汁和昆布汁自行調味其實如果要求唔高的話，又可以DIY確實係幾唔錯，不過關西風壽喜燒理論上應該係一路煮，然後一路調味，而唔係一支醬汁過；以前食過師傅手勢（例如Mori和伊勢熊）同我哋自己玩真係兩回事，亦唔可以保持到每片肉嘅水準都一樣😅 （當然要請個專業師傅即席幫你煮就唔係收呢個價錢）總括嚟講呢個壽喜燒都算係抵食嘅，又可以DIY；不過要有個心理準備：油煙非常大，食完出嚟會聞到成件衫都係

滋～嘶嘶⋯⋯店員利用牛脂開鑊，簡單解說醬汁及煮法。和牛下鍋，伴隨着噼噼啪啪的聲音，香氣一湧而出。(1) 極上肉眼壽喜燒套餐有regular(120g)和大盛(180g)。邊爐小隊奉行有大食大的原則，喜迎6大片十勝產A4和牛切片(肉眼)。油花霜降，紋理均勻悅目。脂肪含量豐富，肉質嫩滑。至於套餐包含小醬菜、野菜盛合、白飯/烏冬二選一、無菌蛋，以及日式蕨餅。個人認為卡位的弊處是兩人共用一鍋，除了醬汁濃度喜好各不相同，亦有被偷豆腐的可能性。🐂

「Suki Kansai」係一間喺銅鑼灣耀華街新開嘅關西風壽喜燒餐廳！餐廳採用北海道十勝產 A4 和牛🥩而且每款套餐用嘅都係唔同部位及份量（女仔可以揀120 g，男士可以揀180 g），各適其適，全日仲免收加一服務費添！餐廳入面裝潢以傳統關西風格為主，鮮艷嘅紅色作主調，再搭配簡約嘅日系木材，真係有啲似坐喺心齋橋入邊嘅小店到食Sukiyaki一樣🥰揀好心水牛肉之後，廚師會即場喺吧枱度將牛肉切片，優質嘅牛肉一片片放喺碟上面，真係令人急不及待想即刻試吓😋餐廳仲好貼心咁提供壽喜燒嘅煮食步驟，只要跟住指示去烹調，有得玩又有得食😊🥩極上肉眼壽喜燒套餐 (120g)，取自肋骨上方嘅部位，霜降般嘅油花豐富又平均，肉質柔軟細滑，滿嘴都係濃香甜美嘅肉汁！濃厚香醇嘅壽喜燒汁帶甜味，更顯鮮味呀！蘸上「蘭王」蛋液，平衡咗醬汁嘅鹹甜，又增添咗順滑口感！🥩特選肩胛壽喜燒套餐（120g) 肩胛肉嘅油脂冇肉眼咁澎湃，但雪花紋路分佈均勻，肉質比較結實又多肉汁，兩款牛肉都各有特色👍🏻每張枱都提供一枝「自家製壽喜燒醬汁」及一枝「自家製昆布湯」醇厚嘅壽喜燒醬汁，甜中帶鹹，完美地滲透進肉同蔬菜中，讓每一啖都充滿濃郁風味。清甜鮮

呢間餐廳主打3款親民價嘅關西風壽喜燒套餐，最平$168就可以歎到北海道十勝產A4和牛套餐，仲要免加一🇯🇵💗極上肉眼壽喜燒套餐 （$288/ 180g）先有2款清新開胃嘅前菜打開序幕，分別係涼拌菠菜同涼拌蜆肉🥙今次揀咗十勝產A4和牛肉眼，脂肪較豐富，油花呈霜降紋路。先煎香和牛，再倒入壽喜燒汁燒煮，最後將和牛沾上蘭王蛋液一齊食，口感柔軟膩滑，肉汁香濃🥩食完和牛後，就可以加入剩低嘅壽喜燒汁同昆布湯煮野菜，蔬菜拼盤入面有芋絲、娃娃菜、冬菇、紅蘿蔔同豆腐，煮得香甜入味🥘最後煮埋個鳥冬，咁就夠哂飽🍜最後仲會配埋甜品，就係綠茶同黃豆粉味嘅蕨餅，會整餐畫上完美句號🍡