HOT POINT

周五晚，兩公婆都唔想煮，出街食就乾手淨腳，近近哋過到嚟太子試吓啲點心店，都無特別刻意搵，隨心晌彌敦道就遇到「熱點點心專門店」，我記得5、6年前到訪過一次，今次算叫做故地重遊，哈哈！餐廳話大唔大，話細唔細，喺柱位多，格局都可以一眼睇晒，左右兩邊喺啲四人卡位，中間就喺啲活動式二人散枱，裝修簡潔，環境四正，牆上就有好多本土風情彩繪，都喺百姓日常場景。雖然全院滿座，人手又似乎唔多，但幾個阿姐都好快手快腳，亦好有禮貌。一張點心紙就羅列晒所有款式，大部分會喺見慣見熟嘅款式，數數吓，都有超過50款之多，睇落定價都算相宜，外賣自取仲有88折添。順帶一提，茗茶每位收$6，全日無加一，只喺標示咗繁忙時間用餐50分鐘，一般而言，食呢類點心專門店都差唔多喺呢個時間左右。楊枝甘露糕 $24打算點嚟當飯後甜品，點知第一道點心就喺佢，所以，就當冷盤啦。入口清甜嘅芒果味都幾濃，糕身本身做得幾挺實，混入西米自然令口感唔錯，最正裡面有唔少柚肉，冰冰涼涼，當前菜冷盤都OK喎！虎皮煎釀尖椒 $29呢個喺老婆至愛，一客有4件，有啲辣，有啲唔辣，無樣睇，煎得好香口，有少少辣勁喺好食啲，而且釀入好多鯪魚肉，打得彈牙，全晚最欣賞嘅點心。何解叫「虎皮」尖椒，因為以高溫油炸後或煎過，青椒嘅表皮焦乾得嚟似虎紋，但似唔似就見仁見智喇。蒜蓉墨魚頭 $36少有食呢款點心，亦非常見，所以，專登點一客試試。相比起其他點心，佢份量唔多，不過，又真喺幾好食，一來啲墨魚頭（其實有唔少喺墨魚鬚）咬落爽口煙韌，二來滿滿蒜香，下面仲熱咗少少粉肚絲，當要唔好錯過啦。香茜牛肉腸 $27腸粉相信喺嚟得飲茶嘅人都會必點菜式，幾款選擇中揀咗香茜牛肉腸，睇落唔覺，但食起嚟腸粉皮有少少厚，不過，都幾滑，至於啲餡料，牛肉落得一啲都無手緊，塞滿晒牛肉，非常足料，有相你睇，而且，加咗芫荽，更添一份清香味。蒜蓉開邊蝦籠仔蒸飯 $48正諗緊嗌盅頭飯定籠仔蒸飯，最後，都喺後者有啲特色，蒜蓉開邊蝦喺老婆較心水嘅口味。其實就唔喺咁覺啲荷葉味，但食落啲飯粒，感覺都有少少荷香，加上飯粒軟熟，淋上秘製豉油，再撈埋啲蒜蓉，齋飯都好好食呀！而啲開邊蝦雖然細隻咗啲，但份量多，個飯都好抵食。薑汁千層糕 $22最後，點都要嗌番個甜品食，就後加薑汁千層糕。一層又一層做得細緻，唔難做，但都喺功夫嘢，入口糕身煙韌而有彈力，又唔黐牙，薑味非常突出，但就唔會重到焫口嘅感覺，幾合小弟胃口，老婆就更鍾意佢夠薑。普遍上，點心專門店嘅定價點都比去酒樓抵食，所以，是夜見咁多捧場客。加上地理位置好，晌太子嘅大街之上，咁旺場都不無道理，服務又唔錯，人少少嚟過吓點心癮都幾唔錯。…Read More

臨近9點仲有一間營業緊嘅點心，真係好感動！位置好方便，食完過對而就有巴士站店入而嘅壁畫非常吸睛，環境乾淨，店員好有效率！選擇唔多，想食都但樣樣都係我想食嘅野，最基本嘅嘢食都齊雪山叉燒包上邊脆皮超級脆，入邊嘅叉燒夠熱，夾埋一齊簡直完美依家好難食到芋角，仲要係新鮮滾熱辣，好大舊超滿足第一次食楊枝甘露糕，有少少似芒果布甸但入邊有齊柚子西米等等蝦卷入邊有芒果，加埋一齊食有啲日式風味～呢間點心最值得讚嘅就係迷你燒賣同蝦餃，每籠都有兩粒兩個人食啱啱好一人一粒，又可以留肚試多一樣點心啦春風得意腸意外地好用心，上面竟然仲有蟹子，加埋一齊食好正雞紮好飽滿，入面超級足料，首先有卷左2圈嘅腐皮，包住入面有芋頭，仲有一大舊冬菇，當然仲有雞，好大份好抵食！…Read More

其實而家想食點心，都唔一定要日光日白去茶樓食🤣🤣今次介紹大家一間超抵食，質素又唔會比茶樓差既點心店😋茶位$4，仲要全日免加一有88折(本身都冇留意，埋單自動折左😍）兩個人叫咗9樣野食，食到超飽，人均都係$100。真係唔使去食點心放題啦，呢度選擇又多，即叫即蒸所有野包括炸野都係熱辣辣👍🏻👍🏻✨✨✨📍春風得意腸 $34呢款腸粉算係腸粉入邊比較多工序，入面有一層脆脆包住大蝦，粟米，仲有少少芫荽香😍跟住再用蟹籽點綴，不論顏色味道都值滿分💯📍香芒炸蝦卷 $28開頭以為係入邊只有一堆沙律醬，點知咬落去芒果同蝦嘅比例各半，非常足料。最衰個肚已經冇位，如果唔係都想encore🤪📍蝦餃 $15/2粒 📍燒賣 $13/2粒👍🏻一見到點心紙可以叫兩粒燒賣或者蝦餃就已經覺得一定要俾個like呢間餐廳。可以叫兩粒，岩晒我呢d咩都想試，人少少一人一粒岩岩好👍🏻蝦餃用料十足，淡淡彈牙蝦肉。燒賣亦都咬到肉粒，唔係用攪肉冇晒口感👍🏻📍燒汁百花釀茄子 $28呢個高級版既煎釀茄子，超級大件🤭仲要個蝦膠同茄子比例1:1⋯⋯配燒汁同木魚碎，好味過豉油之餘，賣相又新潮d👍🏻📍豬麥紫薯流沙包 $26豬仔漲卜卜，做型得意 😍😍個包都做得好鬆軟，可惜唔夠流沙，唔知係唔係因為我玩得太耐🙈🙈另外我地仲叫左魚翅灌湯餃、豉汁鳳爪同埋楊枝甘露糕，全部都好味，有水準👍🏻👍🏻而且每枱除左一壺茶仲有一大壺熱水，方便自己加水唔洗等👍🏻✨✨✨#YummyLifeKat…Read More

兩老鍾意飲茶，但其實平時飲茶茶芥連加一都唔係平，朋友就介紹我去位於太子嘅呢間熱點，佢係一間點心專門店，但唔使加一，計計埋埋真係慳唔少。嚟到見到佢嘅點心紙，基本上選擇同一般酒樓冇分別，但佢嘅定價相對地就平一截，如果仲唔使計加一的話真係好抵食！瑤柱菜苗餃有三粒，上面鋪滿瑤柱絲，菜苗亦都好有菜味，非常優質！蟹籽燒賣皇有四粒，肉質亦都彈牙，質素絕對唔差。香茜牛肉腸份量就好似比起平時嘅腸粉短啲啲，但佢嘅餡料爆滿，皮薄餡靚，絕對值回票價！蜂巢炸芋角本身已經係我嘅至愛，呢個芋角仲要非常香口，芋泥夠滑，入面嘅餡料亦都夠惹味，絕對係我心目中嘅No. 1。鮑汁鮮竹卷有三件，腐皮索晒鮑汁非常好食。紅油抄手有六粒，辣油香而不辣，上面灑上炸蒜、葱花、芫荽，合埋一齊食非常香口。家鄉炒米粉雖然只係簡簡單單嘅一道菜色，但絕對高質，佢嘅米粉都充滿米香，入面都有好多椰菜絲、火腿、蘿蔔絲、葱段等等，完全唔使加豉油都已經好夠味道。最後仲食埋甜品，呢個楊枝甘露糕軟硬度適中，入面充滿好多柚子、西米同芒果肉，以此作結真係非常完美嘅一餐！呢間熱點真係要極力推介，食物質素比起某啲酒樓仲更加高質，位置便利，茶錢都只係$4/位，仲要唔使加一，性價比真係好高！…Read More

朋友推薦在太子站附近，有間超抵食又好食嘅中式點心店<熱點>，全日供應新鮮熱辣，即叫即蒸靚靚巧手點心，難得有機會飲夜茶，當然要試下新野啦!!~一睇點心紙，供應嘅點心有好多選擇，蒸點、炸點、蒸飯、燉湯和甜品都有，茗茶每位$4，仲要免收加一，未食都已經覺得好抵。<香煎蓮藕餅 $22>蓮藕餅外面金金黃黃，煎得非常香脆，入面既蓮藕同肉餅爽口又惹味。<蜂巢炸芋角 $23>炸芋角吾係間間酒樓都有，所以係必試之選，呢道嘅炸芋角炸得香脆可口，咬落去好鬆化，有啖啖芋蓉和肉碎，邪惡得來不覺油膩。<原盅煎蛋牛肉飯 $27>牛肉飯份量不少，牛肉餅厚厚的亦夠嫰滑，飯亦夠香夠綿。<熱點蝦餃皇 $29>蝦餃皇非常大隻，而且粒粒都十分晶瑩通透，就連蝦餃皮都又滑又嫩，入面嘅鮮蝦大隻得來，咬落去又爽口又彈牙，絕對係必食之選。<蟹籽燒賣皇 $26>燒賣皇入面有大蝦，又有蟹子和豬肉，入口非常新鮮，蝦肉亦非常彈牙，新鮮出爐，即叫即蒸，入口啖啖肉，非常好味。<鮮蝦韭黃腸 $29>腸粉外皮非常嫩滑，入面嘅鮮蝦肉非常大隻，而且隻隻都爽口又彈牙，配埋甜豉油一起吃，口感一流。<雪山叉燒包 $18>叉燒包上面嘅雪山係微甜嘅味道，入面嘅叉燒餡料充滿住好多叉燒肉，而且叉燒肉嘅蜜汁味道都非常濃郁好味，飽滿嘅叉燒配料，同叉燒餡都醃得非常惹味，外甜內鹹嘅感覺，特別得來又非常好味，絕對值得一試。<楊枝甘露糕 $23>楊枝甘露糕入面，有好多西柚肉同芒果肉，口感細滑，亦不會過甜，值得一試。整體來講，<熱點>呢間點心小店，供應嘅點心選擇非常之多，點心食物全部都係即叫即製，新鮮熱辣，吃得出全部點心食材都用料新鮮，真材實料，上枱碟碟都非常新鮮好味。餐廳環境亦十分企理，有卡位雅座，價格亦十分親民，真心抵食，下次飲夜茶，一定要再來吖!!~…Read More

呢間點心專門店感覺外賣比堂食更好店內環境較擠迫冇酒樓坐得咁舒服而且外賣自取滿$100有7折更抵食！所以建議外賣會好啲🚩熱點蝦餃皇🦐💰價錢：$14.7/2粒點心之皇一粒接近40克重😍皮薄餡多 蝦肉爽口彈牙🤤飽滿既內餡 一口咬落去好滿足☺️好食👍🏻🚩 鮮蝦菜苗餃 💰 價錢：$14/2粒size好大粒🤩一粒50克重 約有7-8cm餡料豐富味道正常好食👍🏻同蝦餃一樣都係皮薄餡多🚩 紫薯流沙包💰 價錢：$21/3個重量約55克/個外賣其中唔好處就係食物容易凍哂食個陣已經唔係熱辣辣☹️唔知熱辣辣個陣紫薯餡係咪流心狀態因為我食個陣係略帶微溫紫薯餡稱唔上流心但可以形容係「爆漿」？😂但味道口感都係唔錯👍🏻🚩楊枝甘露糕💰價錢：$21/份一份3件重量約有200克冇錯！味道exactly係楊枝甘露😂可以想象將一碗楊枝甘露整成一件布甸既味道每件都充滿柚子肉、小西米、少量芒果肉甜度適中 整體有水準！…Read More

以前飲茶食點心就要晌朝早去酒樓先嘆到，都唔記得何時，啲酒樓就加設夜茶，即喺晚市都食到點心，但近呢10年左右，點心專門店就越開越多，成行成市，真喺由日頭到夜晚都可以食嘆到點心。疫情緩和咗好多，但仍然唔可以掉以輕心，所以，約食飯都只喺約番啲相熟嘅一個、半個。今回友人話點心癮起，就約出嚟幫襯吓啲點心專門店。最近，試咗一家晌太子新開無耐嘅點心專門店「熱點」，整體感覺唔錯，就同大家分享吓。打開門入到去，第一眼喺近門口位左邊嘅外賣「廚房」，當然，唔喺晌呢度製作食物啦，只喺熱住啲點心等人買外賣，呢個時勢，外賣喺一家店佔幾大比重嘅收入來源。再行入啲，成間餐廳嘅格局就一眼睇晒，左右兩邊喺啲四人卡位，中間就喺啲活動式二人、四人枱，裝修簡潔，環境四正、整潔。店員嘅態度亦好有禮、勤快，一來我諗依家飲食難做，當然要加強啲招呼，二來有限聚令，又喺閒日，始終未到餐廳接受最高嘅人流量。一張點心紙就羅列晒所有款式，大部分會喺見慣見熟嘅款式，數數吓，都有成40、50款之多，睇落定價都算相宜，如果有留意嘅話，就會發現所有點心都改成5個字。順帶一提，茗茶每位收$5，而星期六、日、公眾假期全日需要加一，所以，閒日嚟試就可以慳少少。鮮蝦菜苗餃 $7/件甚少見啲點心斷隻賣，「熱點」就有幾款喺咁嘢，並用上細啲嘅蒸籠，睇起嚟唔會太肉酸。近件蝦餃以外，都幾鍾意食加埋菜苗嘅鮮蝦菜苗餃。件成品可謂皮薄餡靚，外皮夠晒晶瑩，入口唔黏牙，頗軟熟；鮮蝦與菜苗嘅比例恰好，入口既有鮮蝦嘅鮮爽，但又有菜苗嘅清香。山竹牛肉球 $20一客3球喺基本常態，墊咗少少鮮腐竹，牛肉球肉質結實卻甚彈牙，加入點點芫荽及馬蹄粒，增加口感及香味，喺好四平八穩嘅出品。蘿蔔千絲酥 $21件蘿蔔千絲酥絕對證明到啲點心喺即叫即製，入口熨熱辣，外皮非常酥香鬆化，更完全無油膩感，師傅炸功了得。而裡面塞滿蘿蔔絲，更喺清甜多汁。雪山叉燒包 $18外層「雪山」皮焗得香脆，但又唔易散，唔會食到一枱都喺碎碎，而包身鬆軟，入面嘅叉燒餡煮得惹味，更喺少肥，啲汁又啱啱好，最怕就醬汁過多。紫米脆網卷 $20今回無點蝦腸呀、叉腸呀，因為見到腸粉類有呢款紫米脆網卷，加入紫米做腸粉皮，裡面捲住脆網蝦膠，效果唔錯，可以講喺變種炸兩，所以，甚具口感，唯挑剔位喺今次啲網卷有少少油。楊枝甘露糕 $21最後，嚟一份甜點「些牙」吓，等今餐飯有個好結尾。雖然食嚟食去，都喺只食到西米同芒果肉，柚肉就唔喺好覺，但冰涼，又好足芒果香甜味，加上確喺有唔少清甜嘅芒果粒粒，整體而言，確喺幾好食。綜合而言，食物做得有一定水準，定價亦合理，加上地方又就腳，招呼到位，人少少想過吓點心癮，「熱點」都可以喺考慮之列。…Read More

好耐都冇去飲茶了，呢間之前收藏咗好耐，今日去試下！這間店位於太子地鐵站A出口，行幾分鐘就到，位置非常方便，容易搵到！我點了一個楊枝甘露糕， 係今日點的覺得最好食係隻款🤣見到呢款甜品比較少有，楊枝甘露就食過，楊枝甘露糕就第一次食，裏面有芒果，西米再加上西柚！雪山叉燒包：一上枱已經係不熱的，突然想起添好運的雪山包仲好食😬蘿蔔千絲酥，都是暖暖的，我只能夠說賣相不錯蝦餃：大家可以望下相片，有一件皮已經散了，諗住推介應該會好食😅臘味糯米包：呢個不錯，不是好多地方有，而且都足料仲有燉湯，聞落去幾香…Read More

呢日中午去太子買古早蛋糕，順便喺嗰邊嘆杯茶、食個點心🥢。唔駛行到去花園街嗰邊就已經有選擇「熱點」，門口不乏買外賣嘅人。午餐時段點幾嗰陣坐滿人，學生妹自己一個都坐低慢慢食😍。我哋獲安排坐喺卡位，算幾闊落。一坐低店員就問我地飲咩茶，佢仲推介我哋試玄米茶，茶位每位$5。點心選擇種類正常，我比較欣賞佢部份點心可以逐粒嗌(兩粒起跳)，而唔係固定一籠👍。兩個人飲茶嗌嘢食好蝦人，有時想食多款又驚食唔哂，而家免卻唔少煩惱。蟹籽燒賣皇($9/隻)，燒賣餡同時有豬肉(無乜肥豬肉)同蝦肉，比例剛好，上面仲有蟹籽添🦀。熱點蝦餃皇($9/隻)，蝦餃皮厚薄適中，唔會一夾就穿，🦐蝦肉新鮮彈牙，好食就係咁簡單。鮮蝦菜苗餃($7/隻)，呢個相當有驚喜，菜苗餃皮較蝦餃皮煙韌有嚼勁，入面包棵超多菠菜，口感一流，又大隻，正啊😋。紫米脆網卷($22)，呢款點心可能係餐廳獨家，夠哂特別又好食。外層係紫米皮，有啖啖紫米香，內裡就包住脆網春卷，成個組合好過癮😛。XO醬蘿蔔糕($28)，蘿蔔糕切粒上，用XO醬炒得好香口，🌶微微辣好惹味，外層就煎至脆脆的。家鄉炒米粉($20)，唔好睇個樣好似好單調咁，食落唔錯㗎。炒米粉偏幼身，並唔易斷開，所以每條都好完整，無碎濕濕。味道就算唔駛落豉油都夠味🍜。雪山叉燒包($18)，叉燒包有兩大個，呢個係新派做法，並唔係用上傳統饅頭包皮，🐷叉燒餡滿滿的。薑蔥牛柏葉($22)，佢係壓軸出場，因為蒸嘅時間要耐啲。牛柏葉爽口入味，薑蔥味濃，另外仲加入麵筋索汁🤤。楊枝甘露糕($21)，糕品有三件，食落似將糖水變成糕狀嘅形態，有西米、芒果同柚子等元素。估唔到點心舖有賣呢味呢😳。總括嚟講，餐廳幾好啵，係吔一盅兩件嘅好去處。傳統點心整得好味，又不乏自家菜式，一家人嚟食或情侶撐枱腳都適宜。店員服務態度幾好，百忙之中都不斷幫我哋收碟、加水🙏🏻。…Read More

限聚令之下要搵朋友同我一齊出嚟飲茶其實都幾困難，所以今日決定自己一個都要飲茶，食返餐好嘅，下次仲可以打包啲點心返屋企添，咁就可以一大班一齊食啦第一次係茶樓見到有得食日式鰻魚飯，依家做茶樓影真唔簡單，連日本菜都要提供埋嚟得飲茶必定要嗌蝦餃試吓呢度嘅手勢，呢度最好嘅地方就係一籠真係可以得兩件，唔使我一次食四件，咁我就可以試多啲款啦，仲要呢度嘅點心係即叫即蒸，所以大家要耐心等候蝦肉爽滑彈牙，仲好大粒添，呢個價錢真係算唔錯燒賣都大大粒，不過不失菜苗餃脹卜卜，裏面仲有唔少菜同蝦蝦米腸有成九大條，我都差啲食唔晒最後就梗係要叫返個甜品先夠完美啦…Read More