Thai Palace Restaurant

暑假就快到來, 同Honey帶囡囡去九龍仔游泳池游水降温, 十分涼快寫意!做完運動遊過水後, 肚子在打鼓的, 很肚餓!有主見的囡囡要去九龍城食泰國嘢醫肚餓我們步行到啟德道近富豪酒店之前的一條街 發現這家泰國菜, 一於吃過痛快的!餐牌如下:芒果沙冰 $28這個沙冰有驚喜, 呂宋芒果香味樸鼻, 不太甜剛剛好, 這便是炮製成功沙冰的要訣天然的椰青是我的至愛, 新鮮清甜透心涼, 椰肉幼嫩滑溜海南雞半隻以往是星加坡唯我獨專的海南雞, 今時今日很不同了, 泰國菜館的海南雞已經叮噹馬頭, 黃雞皮同肉一樣滑捋捋, 新鮮雞味濃郁, 醬汁也能到位! 忽然愛上海南雞泰皇閣招牌炒飯Honey是很有要求的,尤其是嘴刁刁, 他對這個炒飯讚不絶口, 他說一個大廚能夠把簡單的炒飯煮得好, 是一個不簡單的大廚, 個飯炒得香噴噴熱辣辣同埋很特別, 大蝦非常甜美, 可以說得是一個色香味俱全我們三個都很喜歡吃魚的, 叫了一條燒鰂魚, 沒想到原來燒鰂魚是這麼滑溜的, 很鮮甜, 骨是大大條同容易揀出來, 以往很喜歡吃烏頭魚, 相信從今天起要改為吃鰂魚了!等三哥去完旅行回來, 一定要帶他來這家泰國菜館食食食…Read More

今年同媽咪慶祝生日，選擇媽咪最喜歡的泰國菜。 今次她指定要黎九龍城的泰皇閣，話係朋友推介比佢。 泰皇閣位於啟德道，就在酒店的對面，十分容易找到。 門面跟一般的泰國餐廳一樣， 門外有一座泰國木制公仔。 一看便知是泰國菜館。 店内陳設簡潔整齊。 店子分了兩層， 我們坐樓下, 大约有三十多個座位。 牆身貼满了各式各樣的菜式，琳瑯滿目。我們在看餐牌時，老闆便來到幫忙落單，還問我們喜歡吃什麼， 媽咪説想吃蝦，他便推介我們吃胡椒粉絲焗蝦煲及燒元貝，這两款我們也合心意，另外再點了柚子沙律及椰青。先來第一道份量不少的開胃菜柚子沙律($70) : 其他食店的通常是柚子碎，但裡竟然是一梳梳的，賣相已滿分。柚子味道清甜又沒有苦澀味，蝦球大大隻又佷爽口, 加上有花生碎, 乾椰絲及蝦仔乾, 口感很豐富。椰青($30) : 我食泰國菜嘅指定飲品, 新鮮清甜，甜到落心，一個好快就比我飲完胡椒粉絲焗蝦煲(細 $198):  食店將蝦切開兩邊, 方便食用之餘, 更加入味。蝦肉質結實味道鮮甜。幼身的粉絲，完全吸收了醬汁, 但仍然爽口彈牙, 有口感之餘又好味, 而且粉絲份量也很多, 足夠二至三人食。燒元貝($35/只): 元貝本身肥美又彈牙, 火喉控制剛剛好, 把元貝燒得很鮮嫩，加上舖面的特制泰式燒醬, 非常惹味, 少少辣跟元貝配搭很好, 令人回味無窮。媽咪習慣吃完咸的食物後要吃一點甜品, 我們選了比例少食的芒果糯米飯。芒果糯米飯($50): 芒果好新鮮，芒果味道好濃郁，肉厚多汁，糯米飯也不甘示弱，透著濃濃的椰香味, 甜甜的, 煙煙韌韌的 非常有口感。媽咪和我都非常滿意今次的生日飯, 雖然沒有豪華的食物, 地方, 但味道卻比這些更重要。 …Read More

六月頭去泰國旅行, 仲有兩個星期, 未去泰國之前都要食下泰菜先. 九龍城出名食泰菜, 朋友又住九龍城, 所以就來左朋友家附近的泰皇閣. 泰皇閣近富豪酒店, 出面好多巴士小巴, 我放工坐巴士來都十分方便, 食完回家又有小巴. 來到七點, 都已經有幾枱食客, 地方不算大, 坐底之後見到食客來話十位, 我心諗唔夠坐啦喎, 原本仲有二樓雅室, 多人來食都唔怕. 打開餐牌, 非常多野食, 牆上貼滿食物相, 想睇下賣相先點菜既, 不妨抬起頭四圍望下.柚子沙律 $70 酸酸甜甜好開胃醒神, 柚子粒粒都好新鮮飽滿, 蝦球肉滑彈性生蝦剌身 $95 蝦好鮮甜, 入口軟綿黏口, 比好多地方食的都大隻同厚肉, 口感及質感比較強冬蔭功 $72 味道香濃, 酸酸辣辣好醒神, 陣陣香料及椰汁飛撲鼻, 好足料, 蝦頭有肉多膏明爐青檸蒸烏頭 (滿$300送的, 原價138) 入門口時見到大塊牌寫滿$300送的, 沒有因為是送的而偷工減料, 先飲啖青檸魚湯, 好香滑鮮甜, 一飲就知足料泡製, 魚肉鮮甜入味少骨, 非常之好味又抵食沙嗲串燒 半打 牛/雞/墨魚丸 75  牛同雞醃料好入味, 墨魚丸比較普通泰式濕炒海鮮金邊粉 65  味道不算好出色, 但大碟之餘配料好足,有蝦球, 鮮魷, 西蘭花, 椰菜花, 芥蘭, 紅蘿蔔條, 菇及露荀馬拉盞炒芥蘭 60 馬拉盞落足夠味不會太咸, 可惜芥蘭未到時令, 所以不夠爽椰青 30 : 都幾大個, 味清甜潤喉, 椰肉都算易刮出埋單三人 $497, 好味又抵食…Read More

講食泰國野當然會即時諗起有小泰國之稱的九龍城，呢度大大話話有成廿幾三十間的泰國菜，要吸引客人踏步進內店家還是要出盡法寶的。泰皇閣位置是位於九龍城區較後的那條街，老實講平時是少有行經，但是朋友極力推薦於是又來探個究竟。店子小小還是坐滿人的呢！馬拉盞炒椰菜苗 ＄65色：炒得翠綠，又夠亮身香：一奉上枱已經聞到滿滿的馬拉盞香味 了！味：馬拉盞固然香和野味，但又冇蓋過椰菜苗本身的椰菜香，小小的澀是源自菜本身根莖的啦！椰菜苗是比較幼嫩食起來很爽脆！芒果蟹肉炒飯 ＄70賣相100分！！一眼看上去大大舊芒果加上啖啖蟹肉已經冇得輸了！而炒飯內都充滿着啖啖肉的芒果，每口飯中間都夾着芒果的甜咸甜交替又很夾味很泰～飯炒得夠乾身，沒油膩感，此乃師父的功力喔！！芒果沙冰 ＄28夏日炎炎還是來杯冰涼沙冰消下暑啦！沙冰打得非常幼滑，入口即溶而家陣陣鮮芒果香甜度適中，清涼解渴泰式燒元貝 ＄35/1隻好大隻！！！好厚肉！！！視覺與口感我已經得到了！！味道方面，帶子燒得夠鮮嫩，火喉控制剛剛好！原來是老闆每天親自到街市挑選的，保證夠新鮮和靚仔！特式在於面層的泰式燒醬，味道香辣野味又不會搶了海鮮的話鮮和元貝很夾得來呢！檸檬燒牛肉 ＄98牛肉原件燒燒過再切片放在碟上盛載，牛肉含有豐富鐵質、鈣、旦白質等非常適合男女老幼享用，大大碟份量一定多分！牛肉外層有輕烤過微焦的口感內層則是比較姣滑的部份，別看它仍是紅紅地色，放心是剛剛好熟的，咬下去除了牛肉的香帶小許肉汁外還有小小青檸的青新，嫌它乾身，還可沾點附上的泰醬，很泰again~明爐蒸烏頭魚 ＄0你冇睇錯，的確是＄0蚊！吾洗錢！！適逢泰皇閣開開2週年，店家很大方！只須惠顧滿＄300元，便會送上價值原價＄138的明爐蒸烏頭！！吾好以為送既冇好野，絕對童叟無欺！！魚肉鮮味嫩滑，非常新鮮，絕不欺場！！！除了魚的鮮嫩外，要帶出泰的風味重點還有呢個用來浸熟魚的湯，真是不得之了！入口口感非常豐富，一飲就知有多款香料餚成的，很是傳統的泰國味道～椰青 ＄30別看只是一個小小椰青，因為平時中得太多伏了，不得不提呢個椰青：大大個，水多，青甜多汁沒有青澀味，肉厚但易刮！好耐沒有遇上過如此高質的椰青。絕對是為呢餐添上個完美的句號！老闆又好好人！又好好傾！招呼得非常週到！嘻嘻！真是室雅何須大花香不在多！…Read More

好彩有訂位服務, 假日晚飯時間, 門口有人龍, 而我地就唔使等位可以直入第一次黎呢度食飯, 是因為有朋友介紹泰菜呢間做得唔錯是晚帶埋鐘意食泰菜既老豆黎試試, 一行3人看過餐牌後, 又望過貼在牆上的彩色食物照後好多都想吃呀~~~不過也不忘叫老闆介紹有什麼招牌菜, 因為我家皇上在嘛 先來一煲泰式煲仔翅, 呢個係小號, 一煲可有4碗, 內容不能講少, 眼看有2大梳魚翅, 都係百多圓咋喎記得多年前在曼谷唐人街都食過, 都無咁大排, 當然都係比緊平民價錢啦~而今晚食呢煲, 內裡仲有蟹肉, 冬菇, 金華火腿, 芽菜, 好多料一排翅就不少得獻給我家皇上先啦湯身濃味帶杰, 是金華火腿的味道我飲完一碗都飽飽地, 不過一場來到, 又點可以唔試試食物的水準呢~ 每餐總會點的蔬菜, 一定不能少馬拉盞抄椰菜苗, 是泰菜必吃的!椰菜苗有咬口, 因為是嫩苗的關係, 所以唔會好似食老菜咁有渣, 老人家都啱食其實大家又知唔知咩叫"馬拉盞"佢係用蝦仔發酵而成, 做法同常吃的蝦醬和蝦膏都很相似, 所以味道都夠濃呢味菜都加入唔少辣椒, 唔太吃得辣既, 可以叫師傅小辣呀~為了解解辣, 平時吃開小辣的我要加個冰凍椰青邊食邊飲, 真係"又美麗又涼快", 唔使比人見到滿頭大汗既尷尬樣, 哈哈椰青既肉好嫩滑, 老人家吃時小心會滑入喉嚨呀!白灼螄蚶原本我是不吃的, 相信很多人同我諗法一樣, 就是打開殼後, 見到血淋淋的畫面不過男友見到牆上那幅相後, 立即起動心心眼, 皇上又無所謂, 2比1, 點就點啦~記得熱愛吃螄蚶的表姐說過, 螄蚶是補血的, 她勁愛吃, 有人喜歡生吃不過對於初嘗者又或者腸胃不好的人, 最好先灼後吃, 灼的時間要調得適中, 煮得太耐的話, 蚶本身的肉質會流失隻隻開口的螄蚶好像在對我們唱歌, 好得意, 它的殼也被刷得乾乾淨淨男友不停叫我試, 直程剝埋遞到我口中, 可能是經快灼過關係, 唔算太血淋淋, 又附上泰式辣汁一齊食, 感覺良好喎, 比我想像中無血腥味, 最後我吃了5隻, 下次會試多d佢既肉係肥美, 多汁, 好似食蜆咁, 不過呢個凍左就會有少少腥, 建議即食比人薰陶後, 我變得不抗拒!以下呢個係老闆介紹, 泰式鰂魚沙律嘩....黎到, 連後面檯既人客都望過黎, 我都有少少嚇親, 因為老闆在點菜時話份量唔係好多架咋造型非常有心思, 一望就知唔係簡單野, 廚師既工驟非常多魚身炸到彎彎的, 後面用了一條香茅來支撐著魚身將魚肉切片起骨, 中間窩形就是裝著炸魚塊, 唔好話少, 有咁大條魚, 魚塊都唔會少得去邊, 面頭再舖上大量青芒果沙律絲, 當中更有好多超大粒泰國腰果, 老闆真係無介紹錯, 我地3人都好鐘意炸魚塊混入左酸酸辣辣既泰式沙律汁後, 吃落去好似甜酸魚塊咁, 最初我仲擔心, 鰂魚會唔會好多骨呢?!我係唔識食魚既人, 只食無骨或大骨既魚我食左超過6片都無骨, 魚塊外邊仲炸到金黃, 是即時炸起的青芒果沙律唔會好酸又唔硬又唔會太辣, 最初我仲以為你木瓜絲來的食到是正宗的泰國味道~食到尾, 看到是整條魚拎去炸, 見到骨架!呢個真係推介!! 必食最後的燒牛肉, 我見隔離檯都有點架, 即係招牌菜啦~嘩....份量都唔少喎, 望落去個樣有少少乾, 以為會好韌夾起一片, 仲有少少血氣, 咬一啖, 一d都唔韌, 唔會好似趙香口膠咁側邊有幾片青檸, 可以加少少汁起面, 食落有fresh既感覺牛肉無加特別調味, 都係附上泰式辣汁, 個底仲墊左好多白灼嫩芥蘭點解強調係嫩呢?! 因為我見老既菜柄都切走左, 所以皇上都食得好滋味食過幾味都係辣既, 燒牛肉可以中和番3個人吃剛剛好, 喂....呢度都係唔收加一服務費架合乎經濟原則之餘, 真心推介呢度既食物好味!…Read More

以前有段時間係呢頭返工，成日來食lunch，啊媽話想食泰菜，我想再次回味下呢度d泰菜，所以帶左啊媽來。我地叫左個豬手煲、招牌炒飯同燒元貝個豬手煲d味食落好惹味，豬手好滑同夠入味，份量都幾多下，好似食極都有咁。見呢個炒飯話係招牌，就叫來試試來到，個賣相真係好吸引我地第一次食呢類帶少少甜味gei泰式炒飯，感覺好特別。個汁係有d似西炒飯咁，食落好開胃，入面d料都幾豐富，d泰式香腸好好食，加左d提子乾所以有d甜味，整體個飯炒得夠乾身同有鑊氣，yummy yummy老闆推介我地試秘製泰醬燒元貝，呢個超級有驚喜!個醬真係好唔簡單，超超好食，食落有少少脆口添，個元貝好大隻啊！雖然我地每人只係叫一隻，但食完真係好滿足! 問過老闆個醬有無得賣，佢話無，oh。。。。有d可惜，不過唔緊要，叫呢個燒元貝就可以試到。老闆好好人啊！請我地食蝦片，即炸熱辣辣超脆話就話怕熱氣，但我地兩個好快就k.o.晒，真係好開心。野飲啊媽例排都係龍眼冰龍眼味未算好濃，但幾夠甜。我就列牌叫椰青，呢個超級甜，飲完真係覺得好爽啊！埋單每人大約$150食到飽飽，價錢方面都幾抵食，我地捧住個肚，好滿足咁離開。…Read More