Thai Sparkle Food

今晚約了朋友出葵芳，很久冇行，到達後就去這間小巷位餐廳吃晚餐，之前經過看了門口餐牌食物不錯，入了去，座位寬鬆，看了一會餐牌叫了椰青  大個，打開蓋滿滿椰水，飲一口好鮮甜椰子香味龍眼冰  杯面舖滿龍眼肉，龍眼肉爽口，特別清新甜龍眼香味，甜度適中全日餐-泰式乾炒肉片河  幼滑粉身，炒得好乾爽，獨特多了一種泰式香味，肉片好軟霖爽滑，濃鮮香肉味馬拉盞炒通菜  細條嫩菜身，炒得好爽脆口，一吃除有新鮮菜鮮味配了濃蝦醬香味，另一種菜味口感泰式拼盤  炸魚餅/炸蝦餅/炸春卷/炸雞翼每件都炸得好脆身，入口脆卜卜，魚餅同蝦餅有厚度，彈牙滑肉，好鮮香魚味同蝦味，春卷同雞翼軟霖，好鮮香肉味同雞香味沙嗲串燒 (4串)  選配了豬肉同雞肉，肉烤得脆嫩彈滑，好鮮豬香味同雞香味，肉點配沙嗲醬一起吃，多一份層次微辣香味道芒果白糯米飯  特色口感，晶白飯身煙煙軟滑，面舖有濃香椰奶味，芒果清香甜味，甜味剛好…查看更多

聽朋友講呢間泰國菜抵食又好食，所以專程過嚟葵芳試吓。雖然地方細細，簡單裝修，同茶餐廳冇乜分別，但也放了些泰式公仔，掛了幾幅比較有泰式風情的畫，都幾有喺泰國食嘢feel，而且價錢非常平民化！冬陰功明爐烏頭（蒸/炸）（$178）佢嘅冬陰功真係好開胃，飲落口酸酸辣辣，香茅味同埋啲香料嘅味都好出，條烏頭同埋雜菇吸收晒啲湯汁，好食到停唔到口!生菜包（ $78 ）肉碎好香口，肉碎用咗洋蔥，辣椒，魚露去炒，少少辣辣地，啱晒鍾意食辣嘅人，十分惹味！生菜份量十足，兼且夠哂新鮮，食落好爽脆，包住肉碎同食，超級夾！海南雞飯（ $68 ）海南雞配油飯份量超級多，海南雞仲要係無骨，食落啖啖肉，而且啲肉好滑，點埋佢嘅秘製醬汁一齊食更加香口。啲飯食落淡淡油香而不膩，亦都可以用海南雞醬汁撈飯，點樣配搭都好食！馬拉盞炒通菜（ $68 ）食泰國嘢絕對唔少得馬拉盞炒通菜。落完單好快上，用馬拉盞炒好惹味，唔會太油，大廚快炒所以每條菜都保持翠綠色，食落爽脆非常！芒果糯米飯（ $48 ）糯米飯軟糯加上淋咗啲甜椰汁，再配上大大嚿又甜到入心嘅芒果，簡直係絕配👍椰青（ $35 ）甜、清涼。一路食辣嘢一路飲，解渴又解辣。全部食物嘅份量都係大大份，而且好食又唔貴，一定會搵日再嚟試其他嘢。…查看更多

今日返咗娘家執屋，夜晚就約咗老公喺娘家附近食晚飯🍴。天時暑熱☀️，我同老公都特別想食泰國菜，上網搵到哩間泰國餐廳🇹🇭，唔使諗咁多，即刻去試。（住咗喺葵芳咁多年，身為泰菜粉絲嘅我，竟然去到今時今日先知附近有哩間餐廳，真無知😵‍💫，同時有種「相逢恨晚」嘅感覺。）餐廳環境四正整齊，雖然地方唔算大，但勝在清潔企理，價錢相宜，食物選擇同種類繁多🤩，多到唔知點揀好，樣樣都好似好好食咁。最後我哋叫咗以下幾款：1️⃣ 泰式芒果絲脆炸鱸魚🥭🐟 $188賣相非常吸引😍，色彩繽紛，聞落香噴噴，真正嘅色香味俱全。鱸魚原條去骨再切片炸，酥脆香口，食落啖啖肉，唔使𦧲骨啱晒懶人同小朋友。芒果絲清新爽口，酸酸甜甜超開胃，加入紫洋蔥，醬汁更香濃，好啱大熱天時進食。另外裡面仲加入腰果，健康可口。2️⃣ 香辣肉碎煎蛋飯🌶🐖🍳🍚 $68我老公超鍾意食！肉碎炒得好有鑊氣，九層塔清香帶甜，味道更添層次，加咗豆角之後口感更豐富，調味濃郁，香辣可口，餸飯一流。煎蛋🍳係我最愛嘅太陽蛋，蛋味好香。3️⃣ 椰青🥥 $35每次去泰國餐廳都必定會叫。椰青大大個，椰青水香甜清新，一解夏天嘅悶熱。最後食埋啲椰子肉（餐廳幫手起埋肉，方便食客，抵讚👍🏽），清爽甘甜，清熱解渴。4️⃣ 龍眼冰🧊 $25清甜清爽，消暑一流，龍眼肉起碼有十粒以上，真材實料，好飲！5️⃣ 芒果白糯米飯🥭🍚 $48最後當然要叫埋甜品先圓滿啦！芒果白糯米飯，簡單好食，老闆話係即叫即製，十分新鮮！椰汁好香甜，質地濃稠唔會水汪汪。芒果清甜多汁，仲要係一整個芒果嘅份量🥭，非常大方，絕無欺場。白糯米飯仲係熱辣辣㗎，煙靭有嚼勁，正！真係估唔到小巷裡面有間咁高質嘅隱世餐廳，食物質素相當高，味道正宗，街坊嘅福氣！我同老公都食到舔舔脷😋，下次會同埋爹哋媽咪一齊嚟支持。最後，要讚一讚服務，員工有禮貌有效率👍🏽。…查看更多

今晚同爸爸來葵芳食晚餐，黎左呢間泰國餐廳。餐廳入面有十張檯左右，食客不少，而且仲有好多人叫外賣，生意不錯。食完先見到openrice book位係指定時段會有折，可惜我今晚係即興walkin…冇折了。不過呢間餐廳都好抵食，平民價，正。點了個泰式炒金邊粉，呢碟粉份量好多，我同爸爸兩人都吃了好多碗似的，好足量。另外，味道都好惹味，濃濃既香茄味，好惹味好開胃，入面仲有好多配料，如豆腐乾、蝦米、又有爽口彈牙既蝦，啖啖肉，正。呢個金邊粉又大兜又惹味，好抵食。另外仲點了一些小食，我同爸爸都好鍾意食泰式串燒，所以點了四串。串燒有雞、豬、牛可供選擇。我們點了兩豬兩雞。啖啖肉好好味，沾埋個沙嗲醬好好味，又香又濃味，唔錯。食下呢d香口小食，十分開胃。另外，呢款小菜，真心超推介。泰式芒果絲脆炸鱸魚。鱸魚起肉再脆，有好多件香炸鱸魚球，啖啖肉好香脆好好味，脆卜卜。呢個餸仲好岩小朋友食，因為炸魚好香口，又冇骨，食起來好方便又好味。我仲超鍾意個堆芒果絲，因好fresh,好香，酸酸甜甜好清新開胃，夾起了芒果絲再夾埋舊炸鱸魚，一啖放入口，香香甜甜酸酸，脆卜卜又啖啖肉，口感同味道都好正。所以呢個餸真係好開胃，岩曬熱辣辣既夏天食。連魚頭、魚尾、魚骨都炸了的，所以鍾意食魚骨既朋友都實好鍾意呢個餸。仲點了兩款消暑泰式飲品。椰青，清爽又解暑，好正，夏天飲椰青一流另一杯是鹹檸七，咸咸酸酸好解渴，正。呢間餐廳平民價，質素高，唔錯。…查看更多

🌸葵芳泰國菜🌸泰星匯泰國菜🍽想吃泰國菜不一定要到九龍城！今天我便相約好友到了葵芳一間主打正宗滋味泰國菜的餐廳-「 泰星匯泰國菜」品嚐是日晚餐❗餐廳鋪面寬敞，裝修簡約❗店員十分親切殷勤有禮，店員細心為客人下單及不時收拾碗碟。我們一行2人點了晚餐E另加以下餐點：1️⃣晚餐E 包括以下餐點 $348🌟冬蔭功海鮮湯冬蔭公湯即叫即製，海鮮配料非常之豐富，包括鮮香肥美的鮮甜大蝦、開胃蕃茄及香菇等，味道鮮甜，酸中帶辣，十分開胃❗🌟生菜包生菜包是清新爽口的生菜配搭粒粒滋味泰式豬肉碎，還配搭紫洋蔥及辣椒，味道帶點微辣，豬肉肉質鬆化，以生菜包裹肉碎一起食甚有風味。🌟炸蝦餅 （細）炸蝦餅非常足料，口感彈牙，外皮炸得黃金香脆，非常滋味，配搭滋味泰式辣醬及沙爹醬，十分滋味❗️🌟馬拉盞炒通菜通菜以經典泰國調味料馬拉盞作調味，搭配爽脆通菜，通菜充分吸收馬拉盞精華，味道帶點微辣，非常惹味❗️🌟海南雞一份海南雞肉肉質香嫩，配合餐廳秘製的海南雞醬，配搭油飯一流，十分滋味！2️⃣沙爹串燒 $64我選了2串雞肉拼2串牛肉，雞肉肉質香滑幼嫩，牛肉肉質鮮嫩，口感不會韌，帶淡淡焦香，配搭香濃沙爹醬，十分惹味！3️⃣椰青 $35椰青非常大隻，份量十足，椰青水鮮甜可口，絕對消暑解膩的不二之選！🌟為是次餐廳用膳的推薦菜色❗🔖整體評分美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物質素高，食物即叫即製，絕對是葵芳一帶高質精緻滋味泰國菜之選❗ 📍泰星匯泰國菜 (葵芳)：葵芳信芳街40號…查看更多

平時去開葵廣都係掃街，但今日想搵一間餐廳坐低食，所以就行出左葵廣，搵到呢間餐廳。我地入去餐廳既時候都未有好多人，但愈食就愈多人，係坐滿晒成間餐廳添！！呢個柚子沙律真係要讚一讚，首先佢真係好足料，除左有大量柚子之外，餐廳仲加入左D腰果、蝦米、洋蔥，腰果同蝦米令到呢個沙律多左口感，配埋個酸酸地既泰式汁，好醒胃！呢個泰式炒通菜，因為媽咪唔食得辣，所以叫左佢走辣，最欣賞佢唔會太咸太重口味，雖然話泰國野係會重口味D，但始終蔬菜都想清淡少少，所以呢道菜岩晒我地心意呢個芒果蟹肉炒飯碟頭都幾大，佢唔會用好多油去炒，而且芒果同蟹肉既數量都非常之多，令到呢碟飯食落好fresh，有驚喜！至於呢個鹽燒鰂魚，以呢條魚既size，係出面真係食唔到呢個價錢，抵食條魚燒得非常之香，因為係鹽燒，所以肉身帶點咸味，點埋個泰式醬汁，酸得黎又有少少辣，好有泰國菜既味道整體黎講呢間餐廳既性價比都幾高，價錢合理，份量夠大，味道唔錯！…查看更多