Lin Heung Lau

老字號「蓮香樓」主打精緻嘅粵菜＆點心，匠心打造出高質又獨具韻味嘅中式料理。呢度係24小時營業，做埋宵夜🔥，而且仲見到傳統的點心車，真係好少有啦。🦢天鵝眉毛酥我哋叫咗幾款點心，印象最深刻係呢款天鵝酥，賣相真係好優雅，非常巧手，外皮酥香，入面係榴槤餡💚，不過榴槤味不重，甜甜地，就算唔鍾意食榴槤嘅人都食到。🥥椰皇燕窩燉鮮奶真係好滋補，鮮奶入邊都充滿椰子味，仲有唔少燕窩。🦐蝦子蝦球撈麵呢個撈麵真係好香又吸引，隔離枱見到都即刻叫返個！粗麵幾正，幾爽，仲有多隻大蝦，好高質。🦐蟹子百花蝦丸用鮮蝦打制而成，一碟有八粒大大粒，配落咗青瓜的泰式醬汁，好清新。🐥青介末雞腳根雞腳根係去晒骨嘅雞腳，幾特別的冷盤前菜。…Read More

近百年傳統粵式茶樓-蓮香樓登陸尖沙咀諾士佛台，大顛24小時營業🈺️！飲完酒再飲茶食點心🥧環境: 8/10穿越的時光隧道，上諾士佛台旁的斜路掛滿燈籠🏮，氣派十足！店入延續懷舊特色，保留推車仔點心同傳統茶盅✨食物: 8/10蓮香樓的點心全部都是自家手工製，除了最經典點心蝦餃、燒賣、仲有懷舊馬拉糕，菲林卷🎞️必食嘅花膠魚翅灌湯餃‼️燒味三拼$268燒味是蓮香樓的招牌之選，叉燒帶有濃郁蜜汁香，肥瘦適中。燒腩肉更是驚喜，入口即化，口感層次分明😋。椰皇燕窩燉鮮奶$52🥥椰香濃郁與燕窩滑嫩交織，鮮奶增添溫潤口感，大推‼️💰性價比 6.5/10 蓮香樓係傳統老字號，色香味俱全，所以價錢就貴少少啦💸，不過24小時營業🕛，就有宵夜menu ，任何時候嚟飲茶都咁chill…Read More

蓮香樓係中環既時候已經好出名，最特別既係佢仲少有地仲保留懷舊酒樓既元素，點心車、點心卡、仲有舊式點心雞札、金錢雞等等，連裝潢都非常懷舊。之前見啲遊客會推薦黎香港要黎呢度食，反而自己一路係香港就冇特別去食過😂最近開左黎尖沙咀，仲要24小時營業，終於搵機會去試下🫖佢地黎緊10點後仲會有宵夜時間，啱曬夜貓🤓1️⃣燒味三拼（$298）有小火爐熱住，叉燒半肥瘦，燒腩仔皮脆，雞肉軟嫩，幾個人一齊食叫翻份正👍2⃣️花膠魚翅灌湯餃（$58）湯底清甜，皮薄餡多，一上檯要即刻趁熱辣辣食😋3⃣️懷舊蓮藕餅（$138）食落好香口，入面有啲馬蹄粒增加口感。4⃣️點心（$48/1）攞住張點心卡就可以自己去揀點心，睇到咩想食直接指，比張點心卡姐姐吸翻個印仔就攞得！👉蝦餃👉小籠包👉鮮蝦腸👉炸鮮奶👉炸春捲👉豬潤燒賣👉鮮竹卷👉蟹籽燒賣皇👉雪山叉燒包👉咖喱魷魚5⃣️椰皇燕窩燉鮮奶（$52）燉奶滑身仲食到椰子既清甜味，食完點心仲可以食到個成個椰皇甜品好滿足。6⃣️西米焗布丁（$48）第一次食呢款甜品，食落奶黃味好香，啖啖都係西米粒粒，口感同味道都唔錯。…Read More

呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄‍🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞蛋，結實入味🫚💗西米焗布丁（$42）西米布甸焗至表面焦香，內𥚃綿密香滑，食落有濃郁蛋香同粒粒西米🍮💗椰皇燕窩燉鮮奶（$48）原個椰皇燉鮮奶超滑溜，啖啖奶香同椰香，再以燕窩點綴，夠哂滋補美顏🥥💗杞子桂花糕（$30）杞子桂花糕帶有桂花同杞子嘅馥郁清香，口感Q彈而且唔太甜🌼…Read More