甜悅

Open Now

Now Closed

旺角周圍都係甜品店。但係見到呢一間選擇多，即使我覺得晏晝應該唔算多人食糖水，入面都坐滿晒人，所以選擇咗佢。🥥 椰皇燉蛋白椰汁雪燕芋圓椰皇入面係滑溜香甜嘅燉蛋白，加上椰汁同雪燕嘅清新口感，仲有煙韌嘅芋圓作點綴，每一啖都好滿足！食完仲有種養生嘅感覺～🥭 芒果窩夫配豆腐雪糕芒果控必試！就算影相影咗一陣，窩夫依然保持香脆鬆軟，配埋甜美多汁嘅芒果肉同清新嘅豆腐雪糕，口感同味道都超豐富～豆腐雪糕仲帶有淡淡嘅豆香味，唔會太甜，食完一啖又一啖停唔到口！💚 開心果雪糕糯米糍呢款真係甜悅嘅 *hidden gem*！💎 即叫即整嘅 「開心果雪糕糯米糍」- 糯米皮煙韌細緻，包住濃郁香滑嘅開心果雪糕，入口即化，果仁香氣爆棚。重點係，仲可以睇住師傅即手工製作，食得更有儀式感！

🐯終於知點解人會有甜品胃🐭 ⭐️按「更多」睇詳細食評😋 懶惰二人組好少專登搵甜品店食甜品～ 今次去左旺角呢甜品店。估唔到既果幾樣甜品都有啲驚喜！1️⃣蝶豆花富士山奶凍 $42見到富士山，終係會有重衝動想試試！賣相好靚，藍白色既富士山～絕對係經典配色！質感望落係有彈性，不過其實質感好滑，拮開個橫切面都好滑，冇乜餐具留低既紋理。藍色奶凍入口味道奶味香濃。雪山頂係厚身既牛奶蓋。整體味道唔錯，不過同另外兩個相比，呢個似乎相對貴左少少。2️⃣ 椰皇燉蛋白椰汁雪燕芋圓 （凍） $69燉蛋白熱食食得多，呢個凍嘅。原本以為凍食會好鞋，出乎意料滑！椰汁味重，不過芋圓略嫌硬身。而椰皇都有啲老 中，刮唔到啲肉出嚟食😆3️⃣ D24榴槤水晶珠珠冰 $52係一座雪山呀！榴槤控必食！！！先試一層層既棉棉冰，重奶香，唔會溶晒雪，等啲雪水味既冰。而且啲榴槤蓉都算大嚿同埋好好味，超級香！一定要最尾先食，因為榴槤味好重，有可能會蓋過椰皇同埋奶凍嘅味。不過真係好食～鍵🌟🌟 🌟🌟 🌟🌟 🌟🌟 🌟🌟 ❤️如果有點榴槤嘅話，記住最後先食啊，榴槤味道太濃，會蓋過其他食物嘅味道💚整體甜品質素都唔錯，用料足💛唔同類型嘅甜品都有Rating：懶惰鼠

呢間餐廳裝潢簡約清新，甜品種類非常多，中西式新派舊派都有，啱晒想食飯後甜品嘅你😍💗椰皇燉蛋白椰汁雪燕芋圓($69)椰皇燉蛋白口感滑嫩，淋上椰汁一齊食令椰香味更加突出🥥面頭舖滿雪燕，夠哂美顏滋潤👸🏻再加埋煙煙韌嘅芋圓同蕃薯圓🍠💗D24榴槤水晶珠珠冰（$52)榴槤冰用上D24榴槤製作，綿綿冰口感好似棉花咁入口即化，榴槤味夠哂香濃甘甜，再淋上香滑奶蓋❄️上面仲放咗一整球榴槤蓉，絕對令榴槤控欲罷不能，配上爽脆水晶珠珠，口感又升多一個層次💛💗雜果芋圓仙草($46)Q彈嘅仙草加上時令生果包括西瓜🍉、芒果🥭、蜜瓜同哈密瓜🍈，夏天食夠哂消暑，再配埋煙煙韌韌嘅芋圓同珍珠，口感好豐富🍡💗冰糖雪耳燉木瓜($38)冰糖雪耳燉木瓜飲落清潤養顏，木瓜同雪耳份量多，仲有南北杏，夠哂足料，最重要係唔會太甜🧡