Yung Kee Hainan Chicken

而家喺香港周圍都好容易食到海南雞飯, 但有水準又性價比高嘅數來數去唔太多。呢間泰式海南雞飯算係我比較喜歡嘅一間。呢到整嘅雞做到皮爽脆，肉夠滑嫩，雞肉亦浸得相當入味，有水準。性價比亦相當高。 海南雞飯配椰子雞湯／熱飲 賣$55 ｡ 對一個好食嘅海南雞飯嚟講， 算係相當抵食。 話明海南雞飯,除咗雞外, 當然會有飯，湯，點雞食嘅醬汁。 呢度嘅油飯做到口感軟硬適中，粒粒分明，有雞油香但唔會太肥食到成口油, 味道亦夠。湯係椰子雞湯，勁香椰子味, 非常清甜好飲。 但呢碗椰子雞湯, 飲唔飲到要睇緣份，因為每日供應有限。至於醬汁係泰式酸辣汁, 味道酸甜辣齊晒。呢度有個海南雞椰香喇沙 ，我試過覺得都唔錯, 但當然唔可以跟專門正宗食喇沙嘅店相比, 不過唔想食飯, 想轉吓口味, 可以試吓。…Read More

29-7-2023 (Sat)因為同老公約咗晏晝去男友人MY屋企,我哋就乘機嚟呢頭食晏,老公話佢公司秘書推介呢間海南雞,於是我哋決定試呢間,上嚟睇吓佢開幾點,答案係1:15pm,而椰子雞湯係先到先得,於是我較啱時間嚟,我哋12:53pm嚟到,堂食同外賣兩條隊都各有3組客,有耐,老闆娘出嚟同我哋講呢日電飯煲有啲問題,飯中間仍有啲硬,如果介意嘅,就麻煩下次再嚟.我同睇,除咗飯之外,都有米線,喇沙同金邊粉選擇,於是決定繼續等,到1:00pm就開門俾客人入去喇.最後我哋要咗151.00嘅2人餐,有:5. 熱桂花烏龍茶(冇糖)同椰子雞湯中揀咗椰子雞湯見到有好多椰子,啖湯有晒呢兩種材料嘅味道,好對版,不過鹹咗少少.味道:4.7分2. 墨魚餅,香辣魚餅同泰式雞棗中揀其中一樣,老公揀咗泰式雞棗一客四粒,外脆內裡唔算太juicy,但都已經好好.味道:3分3. 麻辣手拍青瓜(小辣)呢個唔辣,OK冇問題嘅.味道:4分1. 半隻泰式去骨海南雞口感爽滑,都食到啲雞味,但又係鹹咗少少,唔蘸個醬食都夠味.味道:4.7分 4. 油飯同白飯中,兩個都要油飯油飯上加咗啲胱脆,增加口惑,佢唔係好油亦唔夠香,飯的確係硬咗少少,但真係好少,係接受到.味道:2.8分服務:除咗上面講老闆娘事先交代啲飯嘅問題外,所以員工都好有禮貌,而老公俾錢時,老闆娘再一次致歉.環境:雖然迫啲,但冷氣適中.衛生:地下有少少跣.抵食係2.8分…Read More

去完嘉里酒店staycation因為係九巴月票既死忠由呢度求其坐架巴士都可以出到去紅磡廣場而今日午餐就係食紅磡大熱既勇記海南雞位置就係紅磡廣場格離隆基樓條巷仔入面疫情先開既勇記一直都好難食到既就算開左上環分店都無咩點變先唔計根本排唔到隊佢餐廳本身就已經星期日同紅日唔開平日亦都只係開到夜晚七點半所以唔係區內人根本無咩機會食到咁難得今日星期一請左假仲要成三點先黎到係竟然唔洗排隊可以直入雖然咁出名而且老闆話係君悅酒店出身但價錢都真係好親民一個海南雞飯用半隻雞二人餐就有半隻四人餐就全隻望落就無特別抵食反而單點全隻就抵好多今次我就試下加錢轉雞脾果然我真係唔識食既我仲好天真咁以為會有成隻脾咁上都聽到有人話想要埋骨但做唔到比佢老闆話同以前君悅酒店一樣都係用三黃雞不過就由新加坡式既三色醬變成而家泰式既一款醬雞皮色水係好靚之前我只係食過一次外賣堂食就真係第一次雞就真係好滑而且脾位都係啖啖肉份量亦都好夠比全日雞多唔少但個雞油飯就唔算特別香個椰子雞湯就話一日有兩煲出晒就無野飲同湯之間我就揀左湯呢個湯係清甜既不過就唔似蘇山雞咁會有雞賢係湯入面個雞飯係好食既但環境就真係麻麻地方都幾細好多都係單丁位周圍都係擺左雜物地下仲好滑真係差d冼親不過唔知係咪我拎住部相機啦感覺就特別親切咁海南雞正價就五十五蚊轉全脾加十三蚊埋單六十八蚊呢個價真係好抵食啦諗下蘇山雞就算下午茶都仲貴過佢而且勇記份量真係多呢個質素係完全可以無視個環境真係日日黎食都可以…Read More

自從食過一次上環店覺得質素一般🥴 今日午餐時間心血來潮又想食海南雞🐔 於是試一試呢間出名既總店 開門前十五分鐘已經有一條隊係度好在第一輪入到🤣 座位方面老實比較迫唔算舒服 而且冷氣吹到正比較凍🌝 但係食物方面真係唔錯 海南雞既質素絕對搭夠💛 飲埋湯好抵食⭐️ 招牌去骨泰式海南雞飯 🇹🇭雞皮同雞肉一D都唔肥🥹 入口就算係雞胸位置都好嫩滑💪🏻 配上泰式醬汁調味同辣度啱啱好🌶️ 如果份量多少少就完美 雞油飯坦白說唔太濃雞味🍚 反而好在食完唔會太油⭐️ 去骨沙薑雞飯 🤎除左海南雞飯好食之外覺得沙薑雞飯同樣值得被注意🥺 沙薑調味鹹香🏜️更能凸顯雞肉既原味⭐️ 椰子雞湯 🥥終於試到另一樣名物🏅️入口清甜唔會太油 淡淡的椰子香好滋補…Read More

呢間餐廳係一條巷仔入面，位置本身唔太起眼，但經過眾多媒體介紹後，都好多人會慕名而來🫣其實佢明明係我屋企附近，但一直懶得去排隊🫠呢日終於的起心肝比起開門時間早左大概半個鐘到，已經排到第六張，小店關係都只係岩好做到第一輪入座🙏🏻▪️ 招牌去骨泰式海南雞飯 (油飯) + 椰子雞湯💲55海南雞幾有水準，雞皮薄身爽彈，完全唔會肥膩，雞肉就算係雞胸位都夠嫩滑，而且無雪味，配上個自家製既泰式酸辣醬🐔另一碟+$13轉全脾，不過感覺就無咩大分別😅個飯粒粒分明，但雞油香無預期中出色，以香茅味同炸乾蔥為主🍚椰子雞湯每日得兩煲，第一轉入座都應該勉強可以飲到，另一轉就真係睇緣分😌望落都知足料，的確幾有驚喜既，香濃得黎又夠清甜唔會成口油🥥🔎 整體評分（8/10）…Read More

聞名不如見面，朋友一年前返黎香港探親已經想試，但唔啱時間食唔到；我就試過上環分店(外賣)覺得極普通，唔明點解咁多人追捧，今次咁啱朋友又返黎，決定比多次機會試一試總店。依家勇記午市13:15開門，我哋提早大概15分鐘到，好彩一早決定去等開門，如果唔係就食唔到第一輪！坐低咗好快落埋單，我哋兩個都叫海南雞+喇沙，隔咗一陣就嚟咗碗招牌椰子雞湯，個湯真係幾唔錯，夠濃味又唔會好甜，到差唔多飲完湯主菜就上枱。啲雞望落係幾靚仔，雞皮「令立立」又唔覺有幼毛，整體雞份量算多，同埋處理得好；至於喇沙睇落都幾大碗，唯一唔中意嘅就係有生菜。食落啲雞都係同印象中同一問題——雞肉完全冇味，不過都冇雪味，肉質睇部位，雞胸都係嚡，其他部位算滑，雞雖然冇味但蘸辣雞醬係救得返，加埋係好惹味。至於喇沙就幾好食，麵底係米線，湯底濃得黎唔會太重椰奶搞到漿口，淡淡地花生味同埋辣味，仲有半隻蛋、芽菜同生菜，作為湯麵都幾出色。整體成個套餐係ok，主食連埋靚湯對得住個價錢，但齋focus係啲雞度的話我就覺得一般。同行朋友本身話為咗個喇沙值得再嚟，點知食完餐飯，我地兩個都超-級-口-渴！之後要狂飲水我甚至食完晚餐之後都覺得個口腔仲有辣醬陣味，其實都幾難頂。我好怕食完餐飯啲調味陰魂不散個感覺，唔知係咪味精問題，定係太重調味都會有呢種感覺。 我同朋友都認為勇記係可以再食嘅餐廳，前提係唔使排隊等一頭半個鐘(笑)…Read More

作為街坊，一食再食都食唔厭！果然係蠱惑的雞絕不滑稽今日同老公分別嗌咗：海南雞飯 $55 包飲品或湯（揀咗椰子雞湯）- 佢配嗰個醬汁好味🤤，食完一啖又一啖！- 佢個椰子雞湯，超足料好多一條條嘅椰子，我連渣食晒！！椰子超香必嗌！個人覺得抵飲過飲品，因為唔係度度有麻辣涼拌海南雞飯米線$55（+$5 轉左金邊粉）包飲品或湯- 金邊粉好煙韌，個醬汁幾香，但係希望可以再麻辣多少少🤏🏻- 雞：一如以往咁嫩滑！唔肥，個皮好薄有啲啫喱咸香雞翼尖$10- 我覺得太鹹，不過佢又真係講咸香嘅…下次唔會再嗌😂大小食拼盤- 4款小食、每款兩件，有款雞棗幾特別，墨魚餅都OK、其他沒有深刻印象。…Read More

大隻仔今次覓食嘅店舖就係💥 勇記海南雞飯💥傳聞勇記師傅以前係君悅酒店做過，而君悅酒店最出名就係海南雞飯，依家用$55就食到酒店級數 超級抵食，大隻仔之前食過幾次都係外賣，堂食今次係第一次。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️價錢 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥招牌去骨泰式海南雞（油飯）$55勇記既 slogan 《古滑的雞 絕不滑稽》嚟到見到已經好開心，啲雞皮閃令令未食已經知道有油香又嫩滑，咁啱咁好彩今次係雞髀位，超級嫩滑。勇記既海南雞就咁食都好夠味，再點埋佢自家製嘅泰式酸汁 簡直就係Perfect match，將雞肉既味道提升到另一個層次🤤🤤油飯 雖然睇落顏色偏淺色，但食落又好夠味飯上面嘅炸乾蔥就冇乜特別 應該係一般來貨。附送椰子雞湯 椰子味道唔太突出，今次煲既時間唔夠耐，但紅蘿蔔龍眼雞腳夠入味。…Read More

好多香港人都鍾意食海南雞飯，講到呢期最有人氣海南雞店，非「勇記海南雞」莫屬，由前君悅酒店廚師主理，每日限量供應，賣晒就閂門，所以每日開門前都已經有條長長既人龍排隊等買雞4人餐 招牌泰式去骨海南雞 1隻蝦餅 & 魚餅 8件生炸豬扒 1份麻辣手拍青瓜 1份油飯 2個，白飯2個椰子雞湯 4碗4人餐真係相當豐富，3款既小食，蝦餅、魚餅、炸豬扒都不錯，仲有泰式辣醬跟埋，當然主角一定係去骨海南雞啦，去骨後啖啖肉，肉質好嫩滑，蘸埋秘製雞醬汁就更加惹味椰子雞湯好香椰子味，味道清甜，飲得出係無加味精惹味椰香喇沙喇沙椰香味重帶甜，有隻流心蛋，麵既份量亦唔少古滑的雞，絕不滑稽，果然係眾望所歸，價錢又抵食，要食正野，排隊就真係少不免…Read More