Wah Kee Restaurant

次次行完山，終點係梅窩嘅話通常喺度食 。星期六下午三點幾冇乜客係正常，但老闆娘話出邊工程修路，生意大減，希望佢做得住啦🙏🏿椒鹽鮮魷：鍾意佢炸到唔會太燶，點埋佢個醋真係正，行完山最好嘅獎勵 。廈門炒米：正常發揮，雖然偏紅但唔會太甜，亦都唔會鹹 。煎蠔餅：其實我唔太鍾意食蠔，所以呢度嘅蠔無嗰種腥味（鍾意食蠔嘅人會叫佢做鮮味）我覺得反而好，我最欣賞係佢一啲都唔油膩，成個餅鬆脆輕飄飄。 老闆娘提我哋食完個蠔餅要飲涼茶。…Read More

當日，好姊妹為了慶祝她生日，而 Book 了梅窩銀礦灣酒店作為她的 Birthday staycation！ Check out 後，中午時候，我們3人沿海邊行，行到碼頭附近的梅窩碼頭熟食中心，好姊妹嚐過這裡兩間海鮮飯店，推介這間海鮮飯店 <華記海鮮飯店>！以家庭式經營，老闆站在門口，熱情招客，女女負責落單、送食物及收錢，年紀輕輕已經好幫得手！我們選擇坐在海旁的餐桌，除了可以望住海景，又可以吹著海風嚐午餐！餐牌椒鹽鮮魷 $118椒鹽鮮魷香脆卻不是熱辣辣！:(略為扣分，蘸上喼汁，別有一番風味！三絲炒麵 $70份量未及好姊妹預期的多， 炒麵金黃脆卜卜又惹味，配料有：肉絲、冬菇、芽菜...等！京都排骨 $98橙紅色的賣相，色香味俱全！酸甜平衡，啖啖肉，肉質柔軟入味！天時暑熱，令人開胃！…Read More

酥炸蠔餅，蠔仔大隻，但略然粉漿厚咗少少。椒鹽鮮魷，熱辣辣，炸粉脆，鮮魷嫩，仲主動比埋喼汁。柱侯牛腩煲，超大煲，牛腩入味又夠腍，仲有生菜墊底。魚香茄子煲，咸香，惹味，撈飯一流。小菜樣樣都夠份量，又夠鑊氣，唔錯唔錯。連埋藍妹大啤×2，白飯×3，埋單六百幾，勁抵食。…Read More

星期日天氣非常好，所以決定到大嶼山去行個簡單既路線，梅窩至貝澳。一心去梅窩食大排檔風味，點知無留意船期，去到送船尾，唯有食住小食等啦～最後1：45分先入到去梅窩。因在等船期間係咁食小食，去到華記都唔肚餓，但因為一早就諗住去，所以唔肚餓都照食，唯有叫少d野。兩個人坐露天位置，叫左椒鹽鮮魷同豉油皇炒面，佢味道唔錯，雖然餐牌價錢唔平，但係佢勝在無加一和茶錢，仲有海景，今餐200蚊有找，我覺得算係好優惠。值得去試！…Read More

自從上次食完個椒鹽鮮魷我就念念不忘！好想再黎食😩😩😩 難得又入開黎～ 一定要黎再食！位於熟食中心入面～ 一入去到兩間餐廳既姐姐都搶住叫我地入去佢果間～ 但我已經心牽呢間要再食椒鹽鮮魷 😋😋😋2個人嗌左3個餸～ 根據上次經驗⋯呢度份量都幾大～ 我齋食餸都夠飽～ 朋友就嗌多個飯～ 椒鹽鮮魷😋😋😋炸粉唔厚～鮮魷大大舊！嫩滑唔會韌～加上佢d椒鹽⋯成碟好香口惹味😋😋😋好快已經清左一半😝😝👍🏻👍🏻👍🏻避風塘茄子超大堆頭🙈🙈🙈🙈 茄子外脆內軟～ 有少少邊位過硬～略嫌避風塘炒得唔夠乾身⋯同埋黐唔到上茄子度～ 辣酒煮東風螺～呢道上次都食過～係朋友話要encore～ 又係份量好夠～ 食極仲有😂😂😂 唔會太辣～ 見到落左唔少黑椒去調味～ 螺肉好易撩到出黎～ 肉質爽口 👍🏻👍🏻價錢上隔離都平幾多下～ 唔知係咪關份量事～ 睇下我下次捨唔捨得放棄碟椒鹽鮮魷去試下😝😝😝…Read More