Dai Viet PHO Vietnamese Restaurant

成日喺OpenRice search沙田區都會見到呢間餐廳排頭幾位，但係因為位置唔係沙田市中心，所以一直都未去試過，今次終於去試，其實從沙田圍站行到餐廳，10分鐘內就到了，只不過附近冇咩好行，淨係去食嘢都OK的。我哋OpenRice訂座，其實六點幾去到，餐廳內只有好少人，完全不用訂位，不過訂座有嘢送。餐廳好大，都有好多位置，相信應該都唔使等位。我哋三個人，叫咗個二人餐，再另外加多一碗麵風味2人餐B $288 有以下椒鹽軟殼蟹法式蒜蓉牛油雞翼兩碗湯粉，有生牛肉、牛腩片、牛丸、扎肉、香茅雞翼、雞絲、香茅豬扒揀，我哋叫咗一碗香茅豬扒一碗生牛肉時蔬，有通菜、生菜、秋葵、蘿蔔、椰菜苗揀，個人覺得有秋葵都幾正仲可以揀魚露或者馬拉盞我哋就揀咗馬拉盞炒通菜椒鹽軟殼蟹熱辣辣炸起，好脆，入面仲有少少蟹膏，又juicy法式蒜蓉牛油雞翼新鮮炸起好脆，好香牛油味生牛肉河粉牛肉有三塊，都幾香，唔硬，都幾嫩的，牛肉湯都幾濃味，都飲咗好多香茅豬扒湯檬馬拉盞炒通菜炒得幾香，唔會太油另外單點一份燒豬頸肉好軟熟，夠香另外叫咗一碗魚餅檬粉OpenRice訂座送嘅蝦餅飲品我哋買咗幾件切餅去餐廳，老闆好好人一開始就主動話幫我哋雪起佢，去到最後我哋叫佢攞出嚟，仲喺餐廳入面食，佢都可以，唔使加任何錢，老闆仲主動俾啲膠碟我哋食蛋糕，好貼心…Read More

被牆上的的壁畫吸引了，一看原來是越南餐廳餐牌上嘅選擇好多，兩個人想吃飽啲，就點了一個二人餐，兩碗面加三款菜式，最抵食系椒鹽軟殼蟹，份量好充足，蟹肉炸得外脆內軟😋😋馬拉盞生菜，碟菜炒得好有鑊氣。生牛肉湯河湯河嘅湯底味道幾濃郁，河粉入口滑溜，生牛肉相當大片，河粉嘅份量尚算充足，一碗可以食到好飽牛腩片湯河另外值得一讚嘅係佢哋嘅蒜蓉牛油雞翼，蒜蓉牛油嘅味道好突出，雞翼嘅外皮炸得好脆，而且佢哋喺雞翼size偏大，入口啖啖肉菠蘿熱情果特飲食辣野一定要有返啲飲品解下渴兩個人食除翻開先至每人一百幾😚性價比高…Read More

話說同事Ｔ住附近發現左佢樓下新開左間越南餐廳，佢食完後不停向我和其他同事推介，講到好抵食所以和朋友走左試試。餐廳位於沙田圍和第一城之間，沙田圍港鐵站出行花5分鐘便到，前往尚算方便。餐廳環境光鮮，枱與枱佈陣密。牆角有梳化，坐位比較寬鬆舒適。望望餐牌見選擇甚多，新張期優惠各式河粉都只係三十蚊，其他小菜價錢唔貴，唔小心叫左成枱野，埋單都只係三百蚊，算經濟實惠。招牌生牛肉湯河粉 $30賣相吸引配料金不換芽菜都見，湯底色清但入口牛骨味很濃，牛肉呈粉紅薄身，肉質鬆化有肉香。河粉爽彈幼滑，三十蚊碗份量足，超值好食！香茅豬扒撈檬粉 $30豬扒厚度有番咁上下，而且份量多相當慷慨，大半碗都係豬扒。豬扒肉質鬆軟，輕輕一咬好易撕開，香茅味滲透肉內好香好入味。檬粉除左有生菜絲外，仲有甘筍絲、青瓜絲口感豐富，淋上碌冧青檸榨汁，成碗粉相當美味，大大碗又係抵食到你唔信。扎肉蒸粉包 $28賣相精緻，粉包兩件趁熱食，扎肉放面蔥花炸蒜片灑上面，粉皮厚咬落彈牙，內餡有木耳絲甘筍絲沙葛等，餡料爽口富口感。千島雞翼4件 $42平均十蚊隻雞翼不算便宜，難得侍應推介就試試。雞翼面層嘅秘製千島醬汁確係美味無盡，醬汁甜美味道豐富，幾乎沾上咩食物都變得好味，何況係雞翼，雞翼得四隻食完有點唔夠喉，侍應果然介紹無錯，唔點會錯過。椒鹽軟殼蟹 $128來了先知大份，份量啱四人食，比較重口味好惹味，齋食兩件會好溜，伴檬粉食比較合適。馬拉盞灼通菜 $28又係抵食好味之選，灼通菜無咁油夠健康，通菜撈埋馬拉盞異常地好味，陣陣鹹香唔係好鹹非常惹味，再飽我都食埋最後一條菜。菠蘿熱情果特飲 +$12味道甜甜地酸酸地，凍飲清甜可口，飲落幾開胃。椰汁珍多冰 +$12落了好多椰漿好多冰，味道唔算好甜，杯底好多條珍多，間中飲到有得咬下好滿足。餐廳暫時未見座位滿坐，剛開業應該無咁多人知，相信不久會客似雲來多人排隊等位，所以我都要介紹左朋友捉緊優惠，早食早享受。…Read More