Kam Kau Kee Restaurant

三個人食晚飯，點了蠔仔粥，兩隻賴尿蝦，兩隻奄仔蟹，炸湯圓，醬油吊桶。好滿足，好好味！好想推介給大家！先介紹咗兩隻奄仔蟹，多肉，多膏，鮮味，好好食。仲要大細適中，連腳都有肉食！椒鹽賴尿蝦，勁大隻筷子咁長，外殼香脆，肉質鮮甜有汁，肉唔會痴殼，連個配料都超正，有豆豉及炸香脆的香葉，如果同啤酒一齊食，會超開心，超推介！蔥油吊桶，個蔥油醬汁好香濃，真係可以點一份，加碗白飯食，都好開心。個吊桶鮮味唔會比醬汁搶走，仲要有汁，彈牙的同時又好易咬，好好味😋。必試！蠔仔粥，相對較為普通，但食到尾凍了，都唔會有腥味，用料新鮮。甜品炸湯圓，一定要食，一粒外脆內軟嘅芝麻湯圓，唔會癡呀，唔會太甜，有芝麻香味，食完會再想食。而且湯圓的由來是一個充滿父愛嘅故事，想知就真係要去試吓啦！最後，一杯看似普通的茶，原來是有用心的調制出來，是用幾種不同的茶葉混合而成，飲落有香片的清香，但係又有青鐵觀音嘅味，所以都真係要飲，不要只用來清洗餐具！整體而言，好滿意，推介！…Read More

今日平安夜黎食，一早訂左檯，四個人七點到無乜人，坐低老板娘就埋黎介紹食物，叫左唔少野，樣樣名物都想試下：雞腳好入味，唔太咸，唔錯。蟶子好爽口好惹味。蝦幾大隻，開隻好入味，豉油味濃。雞有雞味，唔似冰鮮貨，沙薑味夠無使點都好入味。吊桶好新鮮，好爽口，唔怪得檯檯都叫。魚肉好滑，剛剛熟，正。蝦好新鮮，肉爽口。蟹肉味濃，但唔太實肉。薑汁味唔太夠，但菜好脆口。仲有鮑魚同豉油王炒麵唔記得影，其實四個人食咁多野真係幾誇，不過每樣少少，樣樣都試到。總括黎講樣樣食物都好新鮮，味道亦好好，調味唔會太濃蓋過海鮮味。埋單千七蚊，一次過試晒咁多樣名物，都算相宜。…Read More