Bolton Cafe

一行入保頓冰室就好似穿越🚀7 80年代香港咁！周圍都貼滿懷舊海報，裝修以復古瓷磚及木製為主連播放既都係香港經典懷舊金曲🎶超有ꜰᴇᴇʟ！大部分傳統冰室既食物呢度都有齊，夠晒地道～✿ 椒鹽豬扒煎蛋豬油撈飯 ✿呢度既豬油撈飯係冰室招牌🌟一共有八款，每晚都會有一款限定精選$38豬油撈飯～我地就揀左椒鹽豬扒煎蛋，切件豬扒煎得外脆內軟，椒鹽味超香口，自助形式加埋豬油同豉油一齊食，每一啖飯都充滿油香，超邪惡😈✿ 紐西蘭西冷牛扒鐵板扒餐 ✿鐵板餐係冰室必叫❤️上枱侍應淋汁炸落鐵板果下真係回憶返晒黎😆香噴噴令人食指大動！牛扒揀左七成熟，嚼勁十足口感啱啱好🤘🏻沾上黑椒汁食超惹味😋✿ 華田脆脆西多士 ✿傳統煉奶花生醬西多士加上滿滿阿華田粉同脆脆😍口感層次更豐富，絕對係童年回憶升級版！華田控必食💯✿ 蝦多士配薯條 ✿冰室黃金ᴄᴘ✨飽滿蝦膠加上酥脆芝麻多士，配撘波浪紋粗薯條，下午茶食一絕👍🏻✿ 紅豆冰 ✿懷舊飲品精選✨椰汁底+綿蜜紅豆🫘甜度剛好！✿ 西冷紅茶 ✿食冰室點可以唔嘆返杯奶茶！錫蘭紅茶底+黑白淡奶，入口冰凍順滑，經典之作☕️…Read More

去尖沙咀搵餐廳食飯，行過見到呢間店舖，裝修得好有特色，完全好似搭咗時光機返去八九十年代。推門入去已經聽到八九十年代嘅流行曲，仲有好多懷舊嘅茶餐廳座位擺設等等，好適合打卡同埋約會。// 西冷牛扒薯菜兩個人撐枱腳，一定要叫塊鐵板牛。完全係還原茶餐廳鋸扒儀式感，有鐵板同埋上菜先淋汁嘅咋咋聲。塊牛扒好厚！完全唔係薄片牛扒有真鋸牛扒feel，煎得剛剛好三至五成熟！黑椒汁亦都唔會過分辣同濃烈，唔會蓋過牛肉味。唯一薯條一般般，雪藏出嚟炸，唔夠熱，炸得唔透、唔夠脆。最正最正係佢送餐湯羅宋湯，完全係真材實料，用唔同蔬菜煮出嚟，超好飲！微辣。好耐冇飲過呢種高質港式茶餐廳鋸扒湯。// 椒鹽豬扒煎蛋豬油撈飯見到OpenRice好多人叫豬油撈飯，本身好糾結叫唔叫好，始終豬油撈飯都偏肥同唔健康。點知！！！原來豬油、豉油都可以自己選擇落幾多同落唔落實在太貼心了！椒鹽豬扒好大塊，十分入味、煎得夠香，再淋滿美味嘅洋蔥汁、少少甜酸醬，十分惹味、送飯一流真係好可惜個肚完全冇空位，未試食佢出名嘅雪糕菠蘿包，下次嚟到一定要試食！另外有位男服務員完全好似發緊夢、新嚟，完全唔熟悉餐牌，邊啲跟餐有湯有嘢飲、邊啲要加錢。原本餐牌話加錢先有嘢飲，我哋就話唔需要，佢卻返轉頭又問我哋飲咩，我哋就再一次話唔需要、唔加錢，然後佢好似出咗去同收銀問，返嚟同我哋講話免費俾埋我哋，咁好啦就叫埋。。。點知最後出咗門口睇返條數，先知加咗我哋錢，我哋被收多咗錢。。。本身有個阿姨好掂、好細心體貼服務，又講解豬油撈飯、又講食鐵板留意事項，對成餐飯嘅滿意度十分高。。。真係比嗰個男員工整嬲咗。…Read More

間唔中都會想去食下懷舊冰室，懷緬一下港式情懷！尖沙咀亞士厘道不嬲都多美食，無意中搵到呢間保頓冰室 ！餐廳鋪面簡約低調，但內裡裝修則充滿住滿滿嘅港式懷舊，又播放住港式嘅懷舊金曲，真係超有懷舊氣氛啊～招牌牛柳大蝦鐵板餐配薯菜💰HK$168牛柳牛味濃郁，牛柳嘅表層喺鐵板上變到帶有微微焦香，而內裡仍然保持柔嫩多汁！大蝦鮮甜彈牙，淋上咗惹味嘅黑椒汁去增添風味，正啊～椒鹽豬扒煎蛋豬油撈飯💰HK$88份量超多，面頭有一大隻荷包蛋，仲有脆脆嘅豬油渣、香蔥、西蘭花等等‼️椒鹽豬扒肉汁鮮嫩，味道辣辣地帶點甜味，風味十足！呢到最特別嘅就係豬油同埋甜豉油係另上嘅，可以按照個人喜好添加來撈飯，真係令人忍唔住想食晒成碗飯～雪糕菠蘿包💰HK$38外層係暖笠笠嘅菠蘿包，內餡係雲呢拿雪糕，菠蘿包嘅香甜滋味同雪糕嘅清涼感完美融合，一冷一熱，口感極其豐富多層次～凍檸檬可樂💰+HK$3…Read More