大排檔小炒 (金豐商業大廈) (Closed)

朋友生日，book左星期五晚上8點，未夠8點就報到，報上電話後卻被門口肥男人用極差語氣話: 「打左幾廿次電話俾你都冇人聽，留埋言俾你啦，完全冇人聽電話，出門口等下先啦你!」第一: 佢話打左幾廿次俾我，但check返記錄佢只係打左一次! 香港地宜家唔使做呀? office hour聽唔到電話有幾出奇呀?仲話7點幾有打多次俾我但唔通喎...你都識講唔通啦大佬...唔係我唔聽丫!第二: 我係準時到架喎! 你話我遲到你交左枱俾人我都同你嘈就話姐~ 語氣使唔使咁L差呀?! 冇聽你電話好似殺左你老豆咁😒原本想搵第2間，但臨時都唔知搵邊間好，企左陣佢就叫我地入座，入到去仲要講話:「就係呢個姐姐打俾你架喇」，我心諗咁點? 係咪要我道歉? 都痴痴地~😒但好神奇地坐低之後個肥男人d態度又正常返，有講有笑好似精神分裂咁🙄講返食物，我地3個人叫左4個餸，2個白飯，2罐可樂，埋單$683，整體味道同份量都係水準之上，又真係吹佢唔漲...原本想blacklist佢都落唔到手~…Read More

椒鹽脆鮮魷 $108依個係👦🏽👧🏻食大排檔必點嘅餸🤣佢嘅炸粉可以完全包住舊魷魚，唔會一夾已經成個炸皮甩左，得返舊魷魚🤣🤣🤣 外皮好脆，魷魚keep住好彈好新鮮👍👍必食啫啫滑雞煲 $108上枱仲係超級滾😍雞件超級滑，而且豬潤都好新鮮，👦🏽見到好多舊豬潤表示超開心🤣整煲都好有鑊氣，而且味道都好夠，但又唔會話太鹹，餸飯一流👍🤤椒絲腐乳炒通菜 $68好有鑊氣嘅炒菜😍😍真係大排檔先食到嘅鑊氣，好正🤤🤤👍腐乳配通菜簡直係絕配，少少辣同埋少少鹹，食落又唔會好油膩👍一班人食仲可以食水煮魚同酸菜魚都得😍我哋得兩個人就要下次約埋朋友仔一齊試啦🤣…Read More

今日和朋有往灣仔大排檔小炒食晚餐, 我們點了蜜薯牛柳粒, 椒鹽脆鮮魷、瑞士汁乾炒牛河和可樂。上菜前侍應提供花生, 陳醋雲耳和酸青瓜, 花生香脆帶鹽香, 陳醋雲耳和酸青瓜食落爽口開胃, 酸甜惹味；蜜薯牛柳粒份量十足, 有牛柳粒, 薯仔、青椒和紅椒, 牛柳粒大大粒食落肉汁香濃, 切粒薯仔食落爽脆、青椒和紅椒食落新鮮爽口, 整份蜜薯牛柳粒配上蜜糖, 食落惹味, 口感十足；椒鹽脆鮮魷賣相吸引,炸得金黃香脆, 鮮魷新鮮惹味, 質感彈牙,配上炸蒜和特製甜酸醬汁, 口感豐富, 佐酒一流；瑞士汁乾炒牛河炒得乾身爽口而不油膩, 牛肉肉質鮮甜味美, 配上惹味甜度十足瑞士汁和乾蔥, 整碟瑞士汁乾炒牛河食落惹味, 爽口十足。大排檔座位闊落, 食物夠鑊氣, 惹味爽口, 份量十足, 我和朋友食了一頓惹味小炒。…Read More