Bar B Q

Soy Egg 🥚同9 Flag 🏳️去新蒲崗食宵夜，講到宵夜點小得串燒，配埋啤酒真係一流😋 是但總結: 氣氛好 野食好食 宵夜唔錯選擇😋是但食評🌟💬✰環境😋 無華麗裝修 但氣氛加分😋小店格局 無咩特別裝修🏡 但勝在乾淨企理 播住唔同流行廣東歌 聽住歌仔 飲下酒🍺放鬆自在 🎵✰鹽燒馬友 ($98) 🐟 Juicy😋燒到剛剛好，鎖住晒肉汁係入邊，一夾開塊皮，肉眼都見到D魚汁🐟食入口，feel到嫩滑，魚油味濃🐟如果唔驚咸，個皮都食得，夠脆口個泰式汁夠開胃，甜甜酸酸，蒜味夠🧄，好似有d魚露味同青檸🍋個汁有解一解個魚既油膩感，好夾😋✰椒鹽燒賣 ($12) 椒鹽雞軟骨 ($38) 🌶️🍗 椒鹽惹味 炸功一流😍一定要趁熱食一上枱 咋一聲食晒實在太好食😍椒鹽夠惹味🌶️ 平均包住每粒燒賣同雞軟骨配埋啤酒真係一流🍺燒賣好好食 炸到剛好 外脆內軟 熱辣辣🔥本身粒賣有小小偏甜 但椒鹽個咸度又cover 到可以煙韌小小 但整體已經十分之出色😍雞軟骨夠爽脆，仲要有肉汁同帶小小肥肉🍗肉汁加埋椒鹽味，濃郁有厚度既配搭😍✰鹽燒厚切牛舌 ($28) 🐄偏腍 麻麻地🙂牛脷偏腍，一咬就爛應該係煮過再燒 牛味夠 夠入味但果人偏向爽身既🙂✰照燒白鱔($25) 🐟燒鰻魚既風味😋燒得岩岩好 魚味香 魚油多嫩滑🐟照燒汁剛好，冇遮住魚味，夠肥美食落有D似燒鰻魚🐟如果可以爽身小小就更好😋✰燒茄子 ($38) 🍆蒜香十足😋茄子保持著嫩滑既質地🍆可以一梳梳夾起，運埋蓉蒜一齊食🧄蒜香既微辣同茄子既嫩滑相互融合超級好送酒✰燒鮑魚仔 ($20) 🦪 不過不失🙂有小小老 小小韌 但未到咬唔開唔係好鮮甜但20蚊一隻，CP值其實ok🙂✰燒韭菜 ($15) 🥦 正常🙂味道係濃郁既 有調味好得意既係，佢睇落乾 但食落又唔會wo🙂✰炭燒豬頸肉 ($52) 🐷 太腍 太甜😟完全唔推介首先豬頸肉既爽度無左，咬落下就係一塊腍既豬片🐷然後無咩炭燒既味，唔知點解叫炭燒🔥調味都太甜，似食緊超薄切叉燒應該係先烚熟，再燒，令到無咩油香同口感🔥仲要52蚊，唔推介…Read More

新蒲崗多小店，今次就試下食呢間泰式串燒「爸B燒」。佢唔止有串燒，仲有泰菜主食可以揀，一次過食埋串燒同泰菜都得！ ～～～～～～～～～～～～～～～～～～～～～～～見個椒鹽燒賣係呢度嘅熱門菜式，一於就叫咗碟嚟試下。點知碟燒賣真係幾有驚喜🤩燒到外脆內軟，再加埋面頭嘅辣椒粉，真係會食唔停口😋～～～～～～～～～～～～～～～～～～～～～～～見個蟶子都幾抵食，我地都叫咗嚟試下。隻蟶子都幾鮮味，燒得啱啱好，唔會太乾👍🏻～～～～～～～～～～～～～～～～～～～～～～～多數燒茄子都只係用蒜頭去燒，呢個上面放埋麻辣肉碎去燒，食落去仲更加惹味😚佢啲串燒全部都燒得好好，調味都好夠😋～～～～～～～～～～～～～～～～～～～～～～～整體呢間串燒店都好高質，食物同飲品款式都多選擇，好適合都朋友同事放工之後嚟聚下🙌🏻…Read More

呢間爸B燒我已經幫襯過10次以上，每次想約朋友食宵夜，我都會選擇呢一間，而且營業時間去到凌晨三點👍🏻啱晒我哋呢啲夜貓子🐱🐱串燒款式很多，尤其椒鹽燒賣、椒鹽鴨舌、金菇肥牛卷我每次必點！佢哋嘅肉類會先醃味再燒烤，即點即燒，做法完全唔求其。店舖職員很友善，每次我過嚟幫襯都會同他們閑聊幾句。除咗串燒之外，可以試吓佢哋嘅炒粉絲、蒜蓉雞翼尖、蒜蓉烤茄子👍🏻佢哋有大中小辣可以選👍🏻👍🏻未試過嘅朋友，即管一試！…Read More

串燒真係成日食以前去開慈雲山，鳳凰村，牛池灣食今次去左新蒲崗食！好有驚喜冇預約Walk in入去餐廳普普通通尚算企理衛生一睇餐牌驚喜就嚟啦！！竟然串燒有燒田雞食😍係我至愛😜係咪我孤陋寡聞？但我平時真係成日食串燒都未有見過😅唔使諗即刻落單！抱着希望越大失望越大嘅原理隻田雞我唔敢期望太高！點知～係咪無令我呢個田雞怪失望嘅🤟🏻🤩🤩好好食呀第二驚喜-椒鹽燒賣皮薄兼鬆脆勁香口入面QQ彈彈😂有少少韓國年糕口感食完即刻encore😜仲有椒鹽粟米都值得一試👍🏻基本上全部食物都好食唔會有一般串燒舖頭嘅陋習 『燒到乾晒燶晒脆晒苦晒』串燒舖嚟講算係做得好好！不過始終我食開嘅串燒舖唔算夠都係圍繞着黃大仙區附近！所以唔敢講嘅係最好食嘅一間！但暫時食過黃大仙區來講算係最高分數⭐️…Read More

一大班朋友食飯，通常選擇餐廳都係最令人頭痛嘅事，唔係打邊爐就韓燒放題，今次我地一行9人試左呢間開張冇耐嘅串燒店，順便預祝朋友嘅生日。餐廳位於新蒲崗，雖然家住新界西，但旺角有車可到，落車亦唔係行好遠，總算方便。因為睇過之前嘅食評，話店內位置唔多，所以我預先訂位，都花左一輪時間，因為店方留俾op嘅電話係冇人聽嘅，最終喺fb搵到正確電話，成功訂位。都好感激店員嘅安排因為本來只有7位，臨時加多左兩位，要麻煩店方嘅調動。小店一間，位置唔多，估唔到平日晚上客人不少，慶幸有先行預約。雖然未至於逼狹，但空間感一般，所以貼心地安排左可以放置個人物品嘅圓櫈，方便客人。燈光稍暗，帶點工業風嘅裝潢，水泥色牆身地板、木枱、好靚嘅吊扇，加上播住8、90年代嘅流行曲，我地就真係一邊食一邊哼唱，首首都識，相信同店員生於同一年代吧。餐牌選擇豐富，一般嘅串燒都有，定價就唔係特別平，但個人認為亦都冇特別貴，喺香港有個鋪位食串燒本來都係差不多價位，總唔能夠同國內相比。串燒 $8起，例如雞翼$13/串、雞軟骨$12/串、台灣腸$12/條等，另有佐酒小食、涼菜、海鮮，怕齋食串燒唔夠飽，亦有飯麵供應。星期一至日一款優惠串燒，例如當日週四雞腎串係4蚊串 (厚價 $12)。椒鹽雞軟骨、椒鹽魷魚鬚、椒鹽雞翼尖 $38/份、椒鹽多春魚 $36/份一律都係椒鹽味，份量唔多，但香口美味，特別係魷魚鬚、多春魚送酒一流雞翼尖因為炸過，不易離骨，偏硬身椒鹽燒賣 $10/6粒燒賣咁樣整真係幾好食！我地足足點左4次雞腎串 $4/串 (星期四特價；原價 $12)因為特價所以點左廿串，其實都燒得幾爽口，而且特價咁抵係冇得唔食。不過個人認為有點過鹹朋友們就話可以接受。鹽燒海蝦 $6隻 (好似都係特價)食左16串，海蝦都唔算好細隻，食落都唔會霉呀，推薦香蜜燒雞中翼 $13/串點左10串，一串冇記錯係兩隻，燒得香口，皮脆唔老，推薦香燒臘腸 $15串、燒豆卜 $12/份、爸B豬仔脾 $22/隻燒茄子 $24/條食左3條，條條燒得質素穩定，唔會太生太熟，加上蒜蓉嘅份量充足，茄子入味又腍身，接近國內食到嘅燒茄子味道香港好多串燒店都做唔到，可能茄子體積大，阻住個爐，往往太心急，燒都未燒好就上枱，一係就燒過龍，一陣燶味。台灣腸 (蒜蓉/黑椒/蜜糖) $12/條、雞肉腸 $12/2條、章魚餅 $12/份因為大家都係腸控，所以點左勁多腸仔，全部都燒得香口，時間剛好。章魚餅正常，冇乜特別，如果有泰式醬點下應該會幾好食。燒翠玉瓜 $8/串、醬燒雞脾菇 $12/串多汁唔乾身，推薦燒韭菜 $12/份燒娃娃菜 $8/份佢地嘅娃娃菜冇好似國內嘅串燒咁，撕開一片片串，反而一份係兩棵仔，個人認為燒得太乾身而且太少娃娃菜點都要搽少少醬油先好食，唔太推薦呢款。雞軟骨串 $12/串、雞皮串 $12/串、雞扒串 $13/串、墨魚丸 $8/串雞軟骨單串係12蚊，個人會建議點一份椒鹽雞軟骨取代，味道差不多，份量驟眼睇都見到係多啲。雞皮都燒得幾香脆，唔會好油膩。錫紙包金菇 $28/份泰式炒金邊粉 $52椰香咖喱炒飯 $56泰式香辣蜆 $52用上嘅係普通蜆仔，份量唔多，吐沙乾淨，配以金菇菜，但冇乜泰式感覺。古法燒鰂魚 $98店員推介嘅原條魚燒，都等左一段時間先上枱，想食記得早少少點。魚都幾大條，肉多肥厚，燒到魚皮香脆，肉質唔算嫩滑，但都保留到少量水份，唔乾唔鞋，配上泰式醬汁，都幾正呢啤酒 $22/26樽；汽水 $8/罐；鹹檸七、薏米水 $18/杯；烏龍茶 $12/枝整體食物質素都不俗佢地嘅串燒偏鹹少少，孜然辣粉份量唔會好多，可以自行添加，唯獨部分食物份量較少。最終人均消費200蚊唔洗，切埋蛋糕先走，朋友們都幾滿意環境唔大，客人不少，人多都建議提早預約，店員服務都好好呢，我地成晚係咁跌筷子都唔好意思餐牌：…Read More