Kam Shan Seafood Restaurant (Closed)

依到d海鮮寫明哂幾錢，唔洗每款問侍應，睇張餐牌就知，依一點真係好好！價錢平之餘，全部都好新鮮！！侍應全部都係老人家，服務超好，不停幫你換洗手茶換碟，見你無濕紙巾即刻俾一張你，仲幫你打開埋～好有濃濃嘅人情味～～～椒鹽中瀨尿蝦 $88一隻叫左三隻，好新鮮，入面仲有少少羔炸得好香～～果皮蒸班頭腩$128好滑蒸得岩岩好，餸飲一流，如果多多幾舊就更好馬拉盞海鮮豆腐煲 好香好入味，不過豆腐酸酸地唔係壞只係唔太新鮮…Read More

朋友咁岩由外國返嚟梗係要帶佢哋試吓香港地道海鮮好多人都知金山海鮮酒家好抵食，local得嚟又夠代表性！今日我哋就叫左最出名嘅賴尿蝦，呢隻賴尿蝦好巴閉七點鐘就已經沽清，$88 1隻隻隻都勁大隻，呢個價錢真係非常之抵！椒鹽味十足,食到朋友舔舔脷！跟住仲嗌左避風塘炒羔蟹，omg，爆哂羔呀！太正了！爆油亦無令蟹失去鮮味，火喉啱啱好！仲嗌咗焗蠔,d蠔焗得啱啱好，好惹味！朋友忍唔住食完一隻又一隻仲有出名嘅酥炸小棠菜🤤好酥好好味…Read More

本想打電話去訂位, 但唔通, 所以去到等. 點知一等就好耐, 仲要係無飛? 佢就咁MARK底你幾多人就當係MARK左, 好無安全感. 係咁追要等幾耐, 仲有幾多張枱, 只係知我地前一張係咩人等緊… 等我地諗住放棄食其他野時, 佢終於話下一張到我地. 最後仲有張紙仔俾我地, 叫我地唔好上住, 叫先上~守得雲開見月明, 終於等到~上左兩層, 原來上面幾闊落, 四個人叫左雲英雞, 4隻椒鹽瀨尿蝦, 豉椒炒蟶子, 墨魚餅, 窩貼鮮蝦小棠菜.雞我覺得普通左D, 無話真係特別嫩, SOSO.必食椒鹽瀨尿蝦! 好味! 大隻就唔係好大隻, 但勝在肉多, 鮮甜, 加埋YIP得好, 唔太咸, 非常滋味, 係咁啜隻蝦~~墨魚餅好正, 用料十足, 加上爽口彈牙, 外皮又炸得唔太油, 好味!窩貼鮮蝦小棠菜, 本身以為係小棠菜上面有D蝦, 結果大錯特錯, 係窩貼咁既樣炸左裡面有蝦肉同小棠菜, 賣相出人以表, 炸得脆, 肉都彈, 但唔係好食得出蝦味.豉椒炒蟶子豉椒味普通, 但係彈牙.食左瀨尿蝦大家都覺得等係值回票價~ 可惜沒有糖水, 因為送完了.今餐推介必食: 椒鹽瀨尿蝦, 墨魚餅~ …Read More

司徒先生團星期日又約實六人出發，今次係佐敦食海鮮﹗金山海鮮酒家，七點門口已經幾十人等位，真係誇張﹗唔係無book而等位，係有book都有排等﹗此店子雖然上年紀待應比較多，不過個個都相當醒目又有禮貌，笑容可掬，令我地等都等得開心0的﹗門外海鮮處理程序相當開放，俾你看得出的新鮮同埋即叫即劏﹗終於入座，海鮮明碼實價﹗燕京是最便宜的啤酒了﹗20蚊支﹗先來當隻呢度好出名既雲英雞﹗皮滑肉有濃烈雞香，唔蘸薑蓉味道更美妙，脂肪不多岩哂我脾胃﹗再來炒蜆，個汁夠濃夠惹味，有一兩隻有沙不為過﹗呢個嗜辣者必吃，辣酒花螺﹗睇落好似冬蔭公湯底，未吃已聞到酒香，內有金菇粉絲，辣度連食家都話夠哂勁﹗佢都話辣即係真係好鬼辣，頂唔順既千其唔好食0的粉絲，唔係自已攞o黎衰﹗螺就大隻又鮮甜彈牙，好味道﹗大大隻瀨尿蝦，我地六人吃了三隻share下﹗避風塘梗係惹味，蝦身軟，鮮甜味濃，大大舊肉，食完要啜哂每一隻手指回味呢﹗豉椒大蟶子，彈牙又鮮甜，之前睇住佢0係樓下即叫即劏即造，咁新鮮點會唔好食﹗鮑魚仔不貴喎﹗18蚊隻﹗有鮑魚香，肉質軟燸黐牙，一人一隻唔洗爭﹗扇貝六十八蚊份，味道清甜，不過普通一點，無大驚喜﹗黃金蝦，友人話上次食過回味無窮﹗蝦夠大隻，10蚊兩叫左十二兩有九隻﹗吃下有濃烈鹹蛋香，蝦身爽甜又多膏，超正﹗吃一隻已覺膩呢﹗蒸貴妃蚌﹗蚌夠大隻，相當鮮甜，全體讚好，食完再三回味再回味﹗咁多海鮮點可以少左炒蟹呢？最後來個薑蔥炒蟹﹗花蟹肉質夠實殼又薄啖啖肉，殼扑得易剝，一扯成隻肉走哂出來，食家吃得開心，我當然放心﹗吃左成十幾樣野，仲有菜等，埋單一人都只係200蚊，真係抵食到爛﹗發現呢間咁正既海鮮店，仲洗咩比百幾蚊人仔上樂園路呢？佐敦等啦﹗更多相:http://hk.myblog.yahoo.com/smallsmalllin/article?mid=17695…Read More