Fat Kee Seafood Restaurant

今日成班老友出黎食飯，又冇BOOK枱好鬼HEA，有人提議食海鮮。西貢，布袋澳，鯉魚門我地都有諗過，最後揀左布袋澳。我都係第一次黎，我地一行5人揸車入去，一去到已經有哥哥帶位泊車，好方便，又好服務。我地眼見有2間海鮮餐廳，第一間已經有姐姐係度SALE我地入去，我地兩間都冇咩所謂，所以就跟左佢入去。海鮮全部都出去出面自己揀既，但係係海鮮價，都唔知大約幾錢就要揀，好冇安全感，我地都大概見隔離枱叫咩我地就叫類似。上菜速度係勁快，10分鐘就有得食咁濟，好誇張!!!椒鹽瀨尿蝦 3隻大大隻 $540揀既時候已經覺得佢地好大隻，又活躍!! 佢幫我地每隻剪開一半，再比埋把膠剪我地自己剪黎食，好方便，完全唔使幫佢做熱身，一黎就剪!!!椒鹽超好味，未剪蝦已經係咁舔啲椒鹽，瀨尿蝦雖然肉唔多，但係配上了椒鹽真係好野味，食完又想再食。可惜價錢唔平，如果每人一隻都貴貴地蒜蓉粉絲貴妃蚌 $200呢個又係完全唔知價錢咁叫，最後睇返單先知除返開$40一隻!!超值!! 貴妃蚌超新鮮，又大舊，配蒜蓉簡直係可以再帶出佢鮮味!!但係粉絲就唔多得，好粉又碎!!好在冇影響到個蚌既味道。我地都覺得呢個貴妃蚌下次可以每人兩隻都唔過份。豉椒炒聖子 $218聖子好似有6條，都好大條下，啲肉仲好大舊!! 豉椒炒聖子係最好既選擇，超MATCH!!! 偏咸，一定要叫埋白飯!!!椒鹽鮮魷 $78明明大家都係椒鹽，但呢個椒鹽同瀨尿蝦個椒鹽完全唔一樣，失色左好多!!點解會咁架呢!!?? 呢個鮮魷好似冇咩味咁，真係麻麻地。薑汁炒芥蘭 $60最難食就係呢碟油菜，我地啲海鮮差唔多食晒佢先黎都算，仲要啲芥蘭超老!!!好難食，個芯都仲好啲，啲菜葉係完全唔想食!!!!雖然我張相影到佢綠油油，全都係FILTER既功勞!!!同埋完全食唔到薑汁味!!最後提提大家，廁所環境非常惡劣，如非必要都係忍下好啲！…Read More

已經係第二次去食，都幾遠，但有小巴係門口落。今次都無令我失望，四個人食2xxx，我覺得唔算貴，真係好好食物有所值，現場都好人，可能因為係假期😏坐正海邊枱，好涼爽，唔駛冷氣👍🏻店員都好友善，發記前面仲有石灘，好靚😁會再去！…Read More

有同事今日last day，為祝佢前程順利，一班同事一齊去左佈袋澳既發記食海鮮。通常提到食海鮮，都會聯想到去西貢、長洲同南Y島。除左呢幾個地方 佈袋澳都有得食，而且環境幾好，好靚，海天一色，風和日麗，好似去左濟洲咁。交通不太方便，最好駕車前來。我地19個人食，大約食左8千蚊。服務態度好，海鮮好鮮甜，好多野食。一般海鮮酒家既格局，係海邊。炒飯一般，有d似陽洲炒飯。個湯好正，好海甜，飲左好多碗，入面有菜有豆腐，好健康。鹽焗雞就麻麻，好老，好鹹。石班好正，好有鮮未，肉既質感好好唔識食，好難折，食得好少龍蝦伊面黎講，呢度既算唔錯，龍蝦肉好好味，勁鮮甜。椒鹽味好香好濃烈，好惹味魷魚好香脆，唔錯，不過剪得太碎很鮮味喵喵: 我唔食得嫁~!!…Read More

在咸豐年時被各大傳媒及昔日戰友攻陷後，自己才第一次到布袋澳食海鮮。五點還未算多人，好不容易選擇了近海邊兼當風位置，比起強勁冷氣及冰凍啤酒好十萬九千七倍。小菜有人負責，而我及部份人出去選擇海鮮，當點到一條要四舊水，大家異口同聲話唔駛，我差的想講「多舊魚」。九個男及女共點了九道菜，約十分鐘後就陸陸續續送上。以下是各菜式的簡評：椒鹽鮮魷：粉漿厚度不一兼不脆，鮮魷比較鹹，唔知係唔係出完一身汗的問題，還是汆水時都落鹽；沙薑雞腳：味道剛剛好，不太硬，不點沙薑粉都可以；白灼蝦：這些都是養蝦，七元一兩，太約點了斤四，蝦頭有苦味，我諗貴三蚊一兩的海蝦或者好少少；豉椒炒聖子：每人一條，炒完後都係好大條，與鮮魷一樣都係偏鹽，咸的是肉質本身，而不是汁醫；椒鹽瀨尿蝦：是幾道菜中最好的，少少辣，多多脆，脆的是指殼，肉質爽脆；蒜泥蒸帶子：蒜泥、粉絲及帶子各自各精彩 (三層味道係分開)，尤其粉絲最不夠味，蒸得幾乾身，不過都係不好食太鹹；椒絲腐生菜：不夠腐乳味，同埋有點兒乾身；豉油王炒麵：色水滿分，豉油味零分；揚州炒飯：有人想點海膽炒飯，但已經賣曬，唯有點另一款。一睇就知飯煮熟無耐，及比一般的細粒，配料都幾多下，食落沒有平時一粒粒的層次分明。 加埋糖水後大家傾了一陣計便埋單離開，每位都係161元，比想像之中平，如果超過 200元就只得 OK 臉。…Read More