King Cafe (Closed)

今日去開荃灣有點野做，係荃灣有時都非常懷念果時食既椒鹽豬扒飯，之後決定去皇茶冰室，其實間餐廳都幾時尚，而且價錢又唔算太貴，所以之後會再去。【厚切椒鹽豬扒飯$50+奶茶紅豆冰($6跟餐價錢)】椒鹽豬扒非常厚肉，但估不到肉質咁鮮嫩多汁，又不會乾，入口又非常軟淋，椒鹽香味令我食慾大增，不錯。奶茶紅豆冰的奶茶味真係好香濃，茶同奶調較剛剛好，又不會奶味蓋過茶味。再加上紅豆一同吃，十分滋味。不錯不錯。【鮮茄焗豬扒飯$56】個焗豬黎喇，餐廳將原個焗盤餸上，見到盤邊的醬汁仲熱滕滕，再將飯面鋪上了一層芝士，令鮮茄汁味道又不會太酸，厚切豬扒嘅肉質非常嫩滑，又不會太乾仲要有肉汁。值得推介!!【椒鹽雞翼$30】我見有人叫椒鹽雞翼，賣相唔錯，我們立即叫來食，來到之後真係好大隻，炸得非常香脆，又不會好油，外皮又炸得非常乾身，內裡非常多肉汁流出來。…Read More

今日和朋友聚會, 我們於荃灣皇茶冰室食下午茶,我們點了焗芝士雞扒飯,香草雞扒撈公仔麵、椒鹽雞翼、公司三文治伴薯皇(烘底)、奶茶紅豆冰和雪山朱古力。芝士焗雞扒飯上桌時熱辣辣,賣相吸引,雞扒食落鬆軟啖啖肉, 肉質鮮嫩,而且雞扒有濃香芝士混合在一起,非常惹味, 而焗飯的米飯本身有爽軟, 加上有芝士, 炒蛋的蛋香和雞扒混合在一起,味道食落滿足；香草雞扒撈公仔麵和焗芝士雞扒飯賣相好靚, 雞扒是超大塊的,可以把整碟麵蓋著,份量十足,真是要給個"讚",用叉子叉著鬆軟略帶少許的脂肪的雞脾肉食落更加有口感, 而且雞扒又香草香味, 食落不感到油膩,加上用豉油雞汁的撈麵, 食落乾身又爽口,令到香草雞扒撈公仔麵味道更惹味；椒鹽雞翼有椒鹽蒜香的味道,經過油泡的雞翼沒有多餘的油膩, 食落乾身香脆,雞肉食落會有肉汁流出,肉質鮮嫩味美"外脆內軟"；公司三文治伴薯皇(烘底) 賣相吸引, 色澤鮮豔。三文治有餐肉,火腿、雞蛋、鮮茄、青瓜、生菜沙拉。用料十分之足料(第一次見餐肉在公司三文治材料內, 有驚喜!),份量十足，三文治囗感豐富,有鮮茄,青瓜及生菜沙拉的配搭,食落新鮮爽脆, 餐肉和火腿味道適中, 食落美味, 雞蛋有蛋香, 配上烘底的三文治, 食落爽脆並不油膩,, 配上薯皇用了田園風味醃料烤制，十分惹味, 而且脆薯皇茄醬, 食落醒胃；最後雪山朱古力十分精緻,賣相很好, 朱古力味道香濃,冰塊適中, 飲落不會太甜口乾, 而且配上忌廉, 飲落去十分香滑好飲。餐廳座位舒適, 食物有特色,美味又足料, 我和朋友食得很滿足, 我們食了一頓高質味美的下午茶。…Read More

最近冰室有愈開愈多的趨勢不知道是否潮流興復古懷舊今次去拜訪一家在荃灣的冰室主打焗飯正合我河車不考慮就點了鮮茄焗豬排飯等了十多分鐘終於上場新鮮焗制果然零舍不同上面鋪上了微溶芝士炒飯底更香口更惹味豬排肉質嫩口軟腍是十分高質的焗豬排飯加九元可配一杯凍檸茶你點了最愛的福建炒飯配料特多更有蠔豉魷魚等海味不消十分鐘就把全盤KO掉意猶未盡再加點椒鹽雞翼即炸熱辣辣非常燙口冰室潮未有減退跡象期待更多新兵加入戰團造就百花齊放的繁華盛世…Read More

網上有人話過希望女朋友有劉心悠嘅面孔、陳法拉嘅笑容、雷凱欣嘅身材、何家淑女嘅後台......而我家嘅A姐當然就有齊以上嘅所有嘢喇，雖然後台就無何家咁勁，但都叫做有我M佬幫佢撐腰架！而更好嘅係去邊食飯佢都無所謂，就算叫佢陪我食茶餐廳快餐店大排檔，佢食嘢個樣都好滿足架（當然我就知佢最鍾意日韓菜啦），而今日我哋就去咗荃灣食皇茶冰室，試吓久違嘅港式味道。鮮茄焗豬扒飯焗豬扒飯可以話係港式餐廳必有嘅名菜，即叫即焗，上枱熱辣辣，而份量一啲都唔少，豬扒夠腍又唔會焗到乾晒，而茄汁味夠開胃，唔錯！法蘭西多士除咗焗豬扒飯，西多士都可以話係港式餐廳嘅另一代表作，又係即叫即炸，食落好香口又唔會話油淋淋，正！椒鹽雞翼雞翼表面好脆口，椒鹽味夠晒，不過，肉質就相對較淡，可能要醃耐啲喇。龍鳳檸樂以前去冰室茶記都離不開奶茶、咖啡同鴛鴦，但近年就多咗好多花款，好似龍鳳檸樂，酸酸甜甜，係我的最愛。熱奶茶呀爸教落，冰室茶記留唔留得住客人，最重要就係杯奶茶，鍾意茶味夠濃嘅我，呢間絕對留得住我！…Read More