/ ʜɪᴅᴅᴇɴ ɢᴇᴍ ғᴏʀ ʟᴏᴄᴀʟ ғᴏᴏᴅ /꧁禤師傅小廚꧂今次係同事好介紹!! 主打新鮮大隻海鮮嘅私房菜位於長沙灣嘅巷仔內 好地嘅feel 地方細細 只有幾張枱 由禤師傅兩夫婦二人打理不過海鮮真心好食而且價錢好reasonable👍🏻掛住食無碟碟菜都影相😝一行十五人試左超多菜式 除左海鮮仲叫左小菜同大大碟炒麵以下就介紹一下必點之選☀︎︎ 椒鹽瀨尿蝦 ♥︎♥︎♥︎♥︎♥︎半隻forearm咁長嘅瀨尿蝦你食過未!!我就真係未見過😂 平時麻麻地瀨尿蝦因為成日俾佢拮親個咀LOL肉又唔太多又實咁但呢度嘅真係超誇張 首先殼無咁硬 比較易處理 牆上仲有QQ instruction教你剝然後蝦肉係晶瑩光澤 爽口有彈性 雖然係椒鹽味但無蓋過蝦嘅鮮甜味但啲殼就比較鹹☀︎︎ 豉汁蒸蟶子皇 ♥︎♥︎♥︎♥︎♥︎可能因為蒸而唔係炒 火喉控制得perfect 大大條你一啖一定放唔哂入口 不過超容易咬得開 完全唔會韌味道方面 雖然係蒸但不會比炒嘅失色 仲更保全到鮮味添！☀︎︎ 蒜蓉粉絲蒸扇貝 ♥︎♥︎♥︎♥︎♥︎呢個真係大滿足🥺🥺🥺𧝁太話扇貝係英格蘭貨 個殼比一般香港賣嘅孤形啲殼有手掌咁大 肉都大過五蚊銀😍又係勁鮮甜 美中不足係豉油有啲少粉絲有點乾☀︎︎ 黃酒煮雞 ♥︎♥︎♥︎♥︎♥︎另一個非海鮮嘅招牌菜用花雕、紅棗熬成嘅雞湯酒味唔太重 雞湯夠清 又甜又暖胃雞肉仲keep到好嫩 唔係一般煲完湯啲雞殼咁嚡☀︎︎ 胡椒蝦 ♥︎♥︎♥︎♥︎♡︎新加坡名物 香港就唔多餐廳有味道雖然唔能夠同新加坡媲美 不過都係惹味帶胡椒香最緊要係蝦本身就夠好食☀︎︎ 黃金鮮魷 ♥︎♥︎♥︎♥︎♡︎最鍾意食邪惡黃金乜乜乜😈不過鹹蛋黃未炒到起沙 有點太濕太油雖不至於令到魷魚變淋 不過我prefer乾身脆口啲💬 另外仲有點其他小菜 例如咕嚕肉、金銀蛋白菜等等 質素就正正常常啦 15人點左8個小菜、炒麵同人頭量扇貝、蟶子、瀨尿蝦 埋單都係around $350 以呢個質素嘅海鮮黎計真係幾抵食 ⓄⓋⒺⓇⒶⓁⓁ: 8.5/10…Read More
