Coucou Hotpot‧Tea Break (NINA MALL 2)

每次經過如心廣場都可以見到煙霧彌漫嘅湊湊😍裝修十分古色古香 加埋特色嘅煙霧真係好似竹林 今次終於的起心肝去試試！🍲勵志鍋（台式麻辣鍋）💰198🍲暖心鍋（胡椒豬肚雞鍋）💰198我地嗌左兩個鴛鴦鍋底！分別係台式麻辣同埋胡椒豬肚雞😍台式麻辣入面會有預先滷好嘅鴨血豆腐 鴨血全部厚切 豆腐都好厚一舊 出面層皮超有風味 入面都入曬味😙會有店員行過來拎住個裝住鴨血豆腐嘅兜問你要吾要加 我地淨係加左一次已經好夠🤣胡椒豬肚雞都好濃味！一開始一定要飲一碗湯領略佢嘅鮮味😆雞都係比定你自己祿熟 所以全部都超級大舊 而且煮得好入味！豬肚撈極都仲有🥺仲要每塊都又長又大舊 好好味！🦑墨魚仔💰58🦑飛魚籽墨魚滑💰68海鮮方面我地嗌左呢兩樣！墨魚仔真係超級得意！同埋真係好多舊😍祿熟之後會收縮變身超級細舊 不過因為數量夠多真係超滿足！店員都會幫手落飛魚籽墨魚滑 落完一半我地已經覺得超足夠 可見佢份量勁大！可能加左飛魚籽所以整體會偏鹹 但係都覺得味道超讚 好彈牙👍🏻🥩美國特選級牛板腱💰118🥓毛肚💰68肉方面我地就嗌左呢兩款！牛肉底有好多塊大白菜墊得好高🤣唔係話特別出色 毛肚份量都好值得稱讚！食完好多都未食到一半🥺最尾要打包帶走🤣但係味覺上會覺得佢偏鞋 勝在份量多😮‍💨🥠魔芋條💰28🍄菌菇拼盤💰88🥬皇帝菜💰38🍠山藥💰38蔬菜同纖維方面我地嗌左呢四樣！魔芋條都真係又粗又長 感覺如果薄D會仲入味！但係白色嘅魔芋條真係超入味又有咬口好推介！🥰菌菇拼盤超推薦！包含曬金菇 海鮮菇 杏鮑菇 冬菇 木耳等等 唔鍾意食菜又可以試試咁多唔同嘅口感😌皇帝菜係我個人認為最適合打邊爐嘅蔬菜！莖部可以煮到好淋 葉都可以索足湯汁！山藥切得好細 好彩冇融曬仲撈得返🤣🧋珍珠奶綠（大：壺）💰27上到來真係嚇親 超大一樽 嗌左少甜都覺得好甜 可能大紅袍珍珠奶茶茶味重D會比較好飲！最後店員送左冰沙同梅子茶凍比我地😋冰沙係乳酪味 好有一種熟悉嘅味道！茶凍就唔甜 好解膩 但係食到中間粒梅子後會覺得偏酸另外自助個到可以自己調料😚仲有海蜇等兩個小菜可以無限攞 西瓜同哈密瓜都係當日水果！食到最後兩個人真係好飽用左$800+ 個人覺得如果唔想食咁飽其實可以嗌少D 因為湯底都真係好多配料😛同埋環境真係好舒服好清幽 但係燈光如果可以自己調較就好 一開始真係太暗 好彩火鍋上左之後先開始反射燈光亮返 唔知係咪設計特點來🤣…Read More

湊湊終於喺荃灣開分店，喺佢仲裝修緊嘅時候我同先生已經好想食，終於等到佢開張，當然要帶埋兩老嚟朝聖一下！店面超大，望入去枱同枱之間空間感好夠，我哋六點半嚟到門口已經迫滿哂人，好彩屋企人一早拎定飛，唔係實有排等。老人家唔食得太辣，我哋揀咗鴛鴦鍋——珍鮮菌菇湯拼老四川風味麻辣湯，菌菇湯底鮮味十足，又濃又厚，配上任何食材都非常百搭；麻辣湯底冇想像中咁辣，而且辣得嚟唔嗆鼻，媽咪平時唔係好受得辣都食到，香味好濃，令人胃口大增。湯底一上枱侍應就為我哋加入鴨血同豆腐，食完仲可以無限量添加，鴨血非常入味，入口質感嫩滑。豆腐質感較為結實，中間有好多窿窿，吸引哂湯底嘅味道，唔錯。海鮮拼盤非常豪華，林林總總嘅海鮮密麻麻咁塞滿哂成個盤，有大蝦、三文魚、北寄貝、鮑魚、肉蟹、扇貝、帶子肉、蟶子同蜆，除咗份量大，仲好新鮮，特別係大蝦、扇貝同鮑魚。鮑魚切咗網格，更容易熟，放落湯底焯半分鐘，味道鮮甜，肉質爽口彈牙。美國特級牛小排油脂分佈均勻，入口充滿油香，質感細膩，雖然份量唔算多，但級數相當高。海鮮滑其實係蝦滑，加入大量菌菇茸，口感偏向軟滑，入口香氣四溢。蔬菜拼盤驟眼睇以為係一大個花盆，超級大份，生菜、白菜、皇帝菜、金菇、粟米、鴻喜菇同南瓜乜都有齊，四五個人食都唔係問題。餐廳除咗主打台式火鍋，仲有台式手搖茶，當然要試下佢個大紅袍珍珠奶茶，茶味好香，伴上淡淡嘅奶味，佢嘅珍珠比平時食到嘅細粒啲，口感軟糯，但又唔會太腍，而且甜度適中，果然有驚喜。臨到尾聲店員送上乳酸味沙冰，酸酸甜甜，清新解膩。最後當然唔少得梅子茶凍，口感清爽，同樣清新解膩。湊湊俾人嘅整體感覺唔錯，食材質素高，特別係湯底同無限添加嘅鴨血同豆腐，雖然啱啱開張人氣超旺可能有少少亂，但相信吸收經驗後會越做越好。…Read More