Yuen Kee Dessert Cafe

今日同媽媽、阿囡去天后，主要去這間傳統好味足料甜品店，老店搬咗黎這邊，方便我哋😘環境乾淨又明亮，舒適坐位及設計簡潔，牆上面有不同圖畫及畫作；服務員哥哥及姐姐都好友善，有禮又細心，仲同阿囡講笑同佢玩。我哋點了主打桑寄生蓮子蛋茶、石磨合桃糊、新出品冰花馬蹄爽；小食：炸雞全翼、全蛋雞蛋糕、自家製蘿蔔糕桑寄生蓮子蛋茶這個桑寄生蓮子蛋茶真係深深俾佢嘅味道吸引，桑寄生味道剛剛好，蓮子是每日人手逐粒去芯，蓮子好軟又香、雞蛋顏色完全吸收了桑寄生茶入味得不得了；這個補而不燥，補肝補腎，更可幫助調經補血的聖品真的是男女老少都適合，必點甜品冰花馬蹄爽新品好適合熱氣又炎熱天氣，馬蹄一粒粒晶瑩剔透，好爽口好清爽，冰花好靚好滑，甜度剛剛好，阿囡喜歡這個清香合桃糊合桃糊一睇就知足料，是用原材料炒香烘焗再石磨，好香合桃味，足料香滑，補腦益智。全蛋雞蛋糕這個好靚好鬆軟，健康全添加，全用雞蛋、糖及麵粉製作，雞蛋香又甜度適中，又是阿囡最愛自家製蘿蔔糕我好喜歡食蘿蔔糕，特別係自家製，出面好多都加太多粉，這個厚身又煎得外脆香口，內面軟滑又多料，食到大大粒臘腸條條蘿蔔，口感一流炸雞全翼這個熱辣辣即點即炸，外脆卜卜、內面雞肉多汁嫩滑，加上雞翼醃仔得好入味，咸咸香香好惹味這間必會帶朋友家人再來，好傳統又健康，性價比極高…Read More

今日嚟到天后嘅源記甜品，以前喺薄扶林返工已經成日去食，見佢一排冇開，原來佢搬咗嚟天后。繼續食返經典嘅桑寄生蓮子蛋茶，一如以往嘅清香，老婆大肚安胎一流，呢排啲天氣咁潮濕去濕都一流，蓮子食落去冇芯，同老細傾完計發現原來係用人手逐粒逐粒去芯。今日試埋新出品腐竹蛋糖水，腐竹味濃蓮子煲到好林，正。朋友嘅合桃露真材實料，好似要整都好多工序又要炒又要浸，之後再用石磨磨。叫咗個清蛋糕比個女食，味道簡單，材料只係有蛋糖同埋麵粉，啱晒小朋友。另外仲叫左炸番蕃，番薯好足料夠曬厚，好甜👍🏻👍🏻蘿蔔糕都好足料，蘿蔔絲，正👍🏻👍🏻今日真係好開心，又食返以前嘅味道。新鋪仲要座位闊落又光猛，會再嚟食。…Read More

以前喺西營盤經常都念念不忘，食完飯都要去源記買碗桑寄生蓮子蛋茶，佢獨特之處有3方面:1茶無苦澀味,2蓮子鬆化3蛋有焦香味。但一個疫情，令世界好多嘢都改變咗，而喺新聞得知源記無聲無息咁執笠，都幾失落，之後食過其他糖水舖嘅桑寄生蓮子蛋茶，之後去其他糖水舖都食唔到呢個水準嘅桑寄生蓮子蛋茶。喺2024年11月29號，睇FACEBOOK知道有間叫做「源記甜品小食」嘅舖頭試業，資料顯示都係主打桑寄生蓮子蛋茶同清蛋糕，抱住極大期望去試吓。同以前一樣，門口賣雞蛋糕餐牌多咗幾款小食內櫳裝修簡約，企理光猛要食一定試匀蓮子加蛋蛋一樣係浸到入晒味，仲有茶葉蛋嘅焦香一睇嘅套傢生就知係以前源記先有一試就知，用番以前嘅配方，而且新人事新作風，侍應姐姐禮貌周到，唔似以前班串串貢嘅舊伙記。而且新舖座位濶落，食嘢都舒服好多。好開心傳統老店得以重開，味道不變，又多個食甜品好去處。…Read More