阿里山台式美人鍋 (Closed)

當日最低氣溫14度，我們四個美人一起走到佐敦上海街 <阿里山台式美人鍋> 品嚐美人鍋！這裡地方闊落，亦設有貴賓房，最多可容納十多人！供應的火鍋配料繁多，應有盡有！桌上已齊備火鍋餐具及調味料！香脆的花生是必備的小食！桃膠美人鍋 $188所謂美人鍋，選用竹絲雞、桃膠、紅棗、龍眼肉及中藥材的湯底，滋補養顏！絕對是女生恩物啊！ 本身雞會出油，要撇走多餘油份，味清而鮮甜！酸菜白肉湯 $128酸香醒胃，兩者口味不同層次！ 白肉是雞肉，為了開胃起見，我比較喜歡在酸菜湯放入配料！香滑豆腐 $38見到豆腐的壓印 Logo，便知用上百福豆腐！勝在質感滑溜不腍散！鮮枝竹 $38似乎跟酸菜湯起了化學作用，酸酸地得來有點怪味！感覺似乎不太新鮮！後來，我轉去美人鍋湯底，感覺不一樣嘞！反而食得出其應有質感及吸收雞湯精華！ 更滋味吧！雜錦蔬菜籃 $68包括：唐生菜、油麥菜、白菜、菜芯...等，份量都幾多！羽衣甘藍 $58通常食到的羽衣甘藍，只會在沙律菜才食到！烚熟的羽衣甘藍微苦，個人認為烚至半熟口感微爽更易入口！:)南非鮑魚 $52 (每隻)鮮味又有嚼勁！馬刀貝 $98/6 隻我嚷著要食的海鮮！如果食海鮮蒸汽火鍋，蟶子及馬刀貝是必選！我覺得馬刀貝鮮甜飽滿，最討我歡心！她們還禮讓地讓我食兩隻！不容錯過的天然甜品：芭樂 (石榴)臨走，食剩了配料，女店員問我們打唔打包？貼心的服務，值得一讚！…Read More

阿里山台式美人鍋位於佐敦廟街， 由地鐵站行過去只需要五分鐘 ， 餐廳其實都算頗大， 除了有散坐卡位外 ， 原來內裏還有幾間廳房包廂， 想幾個人來吃還是一大班朋友來吃也是照顧周到 。食私房菜火鍋最開心莫過於這樣。供應5款鍋底：桃膠美人鍋、酸菜白肉鍋 、三杯雞鍋等等。桃膠美人鍋這次揀了能養生的桃膠美人鍋， 桃膠美人鍋有烏雞又黨芯，仲有南棗， 最重要係有大量桃膠，arm 晒女人又要食 又要滋補。 烏雞一大隻原隻上， 一睇就知材料十足。鵝肝墨丸手打丸鵝肝墨丸手打丸， 墨丸大粒又打得超爽口， 雖然鵝肝 分量唔係好多 ， 但以性價比的嚟講仍然十分推薦。安格斯肉眼肥牛油花均勻，口感不錯，而且安格斯牛味香濃，烏雞湯底的清甜味能吊出牛肉濃郁味道。白鱔片白鱔肉質肥美之餘，有咬口又不會太厚， 最喜歡係呢度師傅將鱔片打直切， 啖啖肉之餘更有口感。總括而言呢到用料新鮮，好吃！鍋底真材實料，價錢適中，推薦！…Read More

廟街附近多好嘢食就係人都知 但今次呢個美人鍋都幾有驚喜😛 晚市時間book咗唔使等位 裝修幾雅緻 有啲中式屏風同燈籠 卡位都相當闊落 隔離枱都有人係嚟慶祝生日🤓朋友話之前試過酸菜白肉鍋 幾好味 但舖名叫阿里山台式美人鍋喎 無理由唔試下個桃膠美人鍋啦🤣 落完單好快就到 上個湯嘅姨姨好熱情咁介紹話煲湯煲咗好耐好靚 叫我哋飲多兩碗😳 點知上配料個叔叔又叫我哋唔好係咁飲 飽哂就無位食餸😂 各有各道理啦 但個湯真係幾正 所以最多我聽咗姨姨講 係咁飲又食咗好多桃膠🙊👻 其實全程啲叔叔姨姨都服務得好好好 好留意我哋嘅需要 又讚我哋靚仔靚女😏 好友善😳個湯底真係超足料除咗桃膠整個仲有成隻烏雞 淮山 枸杞 紅棗 煮出嚟嘅湯感覺係超多骨膠原😂😂😂 即係嗰種有少少黏黏張張咁嘅質地 但絕對唔係黐立立 唔怪得知叫美人鍋🥰 同埋我好肯定佢真係煲咗好耐 因為誇張啲講句 連啲紅棗都差唔多入口即溶餸我地就揀咗羊仔肩捲肉 同兩款特別啲嘅丸 - 鵝肝墨魚丸同芝士牛肉丸😛 羊肉好有味(好羶?) 啱晒我🤤 我以為兩款都係會食到一大粒鵝肝或者芝士係入邊 點知原來唔係 係你會食到個味多過見到中間有一大粒餡🧐 鵝肝墨魚丸啲後勁幾勁 食完真係feel到有鵝肝味係口腔 芝士牛肉丸呢就冇咁濃味😆 但都好食 同埋兩款丸都係手打 一食就食到個口感唔一樣 墨魚丸仲食到一粒粒墨魚粒嘅口感添😚其他餸我哋都係叫咗啲普通打邊爐會食到嘅嘢 正常發揮😛食咗陣我哋又食埋啲烏雞 又係煲得非常之稔 用筷子輕輕一挑就可以撕開 仲keep到啲肉幾滑 超級好味👍🏻👍🏻👍🏻埋單700多少少 食完之後反省咗 其實我哋唔應該叫咁多餸 因為本身個鍋底已經勁足料 眼闊肚窄咗🤯 我哋仲叫咗一jar酸梅湯 飲咁多湯加飲品 都已經頂住晒個胃 最後食到勁飽 不過餐廳有送飯後果 (番石榴) 又稍為清一清喉嚨🤣…Read More