Origin Healthy Rice Noodle

👨🏻‍🍳原作養生湯米線 (紅磡)📍紅磡必嘉街120號黃埔花園三期翠楊苑地下34號舖 「健康又好味既米線😋小食都吾錯😝」 紅磡覓食，想食下雞湯米線，見到呢間勁多人排，又去湊下熱鬧😝 🍽️桃膠椰子雞湯米線 $68吾系四季椰林既味😝不過雞湯好清甜，感覺無乜味精，成碗連湯食哂🙈桃膠好似配糖水/甜品夾D，系呢個湯到反而無乜味，同埋好腍🙈米線正常🤤 👍🏻🍽️桂花蜜糖雞翼 $32/5隻微甜脆皮，好惹味！！😻雞翼都醃到好入味，吾錯！！‼️味道似曾相識，但系吾記得系邊到食過🙈 👍🏻🍽️黄金炸魚皮 $35脆得黎好香口🤤又吾會好咸！！ 👍🏻🍽️油醋海蟄花 $58吾會太酸，但系又好開胃🤤同平時食開既海蟄吾同，呢個有D似日本柚子醋D漬物，未到惹味，但系開胃，而且海蟄微脆爽口👍🏻 …Read More

大隻仔今次覓食嘅店舖就係💥 原作養生湯米線 💥 大隻仔好鍾意飲椰子雞湯，唔太鍾意食重味精食物，餐廳名字叫「原作養生」正合大隻仔心意。😋😋「原作養生湯米線」係黃埔知名餐廳，午市、晚市都長期排隊，大隻仔當日就排咗半個鐘多。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 桃膠椰子雞湯米線 $68椰子湯底好好飲，冇落味精，食完米線可以飲埋碗湯，椰子湯底比較清甜，有椰子味，飲落覺得應該有落椰漿。配料有蟲草花、杞子、桃膠同雞件。雞肉未去到好嫰滑但不乾不柴，桃膠不夠淋，大隻仔覺得唔落桃膠會好食啲，米線煮得岩岩好，不會太淋，幾好食，值得推介。🔥 黃金炸魚皮 $35炸魚皮夠脆，鹹蛋醬汁夠多，可以包滿每塊炸魚皮，味道夠濃烈，幾好食，少少可惜係鹹蛋醬汁冇完全煮溶，有幾塊炸魚皮會食到硬硬細細粒鹹蛋黃，影響口感。🔥 重慶水煮魚鴨血米線 +小食 + 飲品 $108相比之下，重慶水煮魚米線比較普通，味道偏淡，麻同辣味道都唔太夠。😋 小食 - 桂花蜜糖雞翼 $0雞翼炸得香脆，配上桂花蜜糖醬，甜甜地幾好食。😋 飲品 - 凍檸檬柑桔 $0檸檬柑桔味道比較淡。溫馨提示：餐廳座位比較逼夾，顧客眾多，比較嘈吵，而且大隻仔當日有漏單情況，不過好快補返食物。…Read More

睇YouTube見YouTuber介紹呢間既招牌海龍皇泡飯好正咁，本身自己好鐘意食龍蝦，於是就去試吓啦～ 桃膠椰子雞湯米線 $68好香椰子味！ 湯底清甜，對比招牌海龍皇泡飯個湯底，呢個湯底較淡味～ 飲晒成個湯都唔會覺得口渴👍🏻 入面有杞子、蟲草花、雞肉同桃膠，好滋補！招牌海龍皇泡飯 $138龍蝦爽口彈牙，有鮮味！😍個湯底好味到不得了！蝦湯底非常濃郁，一上枱就聞到好香嘅蝦味～佢地加咗脆米落泡飯到，幾特別～黃金炸魚皮 $35大大塊即叫即炸既魚皮，超級香鹹蛋黃味！食落超脆口！好岩同朋友share食🤤環境舒服，店員服務態度好好👍🏻 本身仲想試個海蜇花，晏晝去到已經冇晒～店員話下次想食嘅時候可以打電話嚟問吓先，可以叫佢哋預留定當日你嚟食～…Read More

防疫世界下，在外用餐次數減少，難得外出試食。 食店地區：黃埔花園 - 百寶坊光顧日期：2021年8月29日 光顧時間：14：05 當時人流：人客6成滿，可能因為2點來用餐所以客人也不用排隊等位直接入座。店內環境：3個樓面服務員，還有老闆親自幫忙點餐，一般忙，環境整理乾淨。 (2位水吧和1位收銀)點選食物： 1. 黃金炸魚皮 ($35)2. 滋補黃酒煮雞湯米線 ($66)3. 桃膠椰子雞湯米線 ($68) (本人) 4. 桂花蜜糖雞翼 (免費) (親切的老闆在用餐途中突然送上免費小食)食物味道：黃酒雞湯有小量藥材味但不太濃，是好味的湯底；椰子雞湯濃而不膩，米線是那種飽滿型，如果不立即吃應該放太耐會脹。每碗米線也有非常足夠份量的雞件，雞件大也很厚肉，但卻非常入味也很腍，一點都不乾柴。整體是高質的米線。小食黃金炸魚皮是預想中的味道，有足夠蛋黃， 分量合理(再多就會腻)。免費小食是老闆推薦，的確好吃，新鮮上碟，很熱很脆，蜜糖和桂花香味很夾。價錢總合： 35+66+68 = $169每塊魚皮也有蛋黃，很好的口感。米線很快到來但也很熱，湯和米線加上配料把鍋都填滿了。沒有很多椰子，但湯還算濃，是很好吃的雞。(有雞腿!!)是老闆親自送上的免費小食! 蜜糖一點都不吝惜。場內有空間感，不算迫。小意見： 很久沒來黃埔，因為想吃米線剛好看到有一家，在GOOGLE和OPEN RICE上找店舖的地點有困難(因為本身不熟黃埔)。兩點去吃午餐人流還算多，幸運不用等就能進店，店內氣氛輕鬆，播放著廣東流行歌(有很很久沒聽的又再聽到了)，沒有問店員所以不知道有沒有水供應。可能我用餐時拿了相機出來拍照，老闆在用餐中途突然送上免費小食，是店裡最人氣的桂花蜜糖雞翼！不是因為免費才讚賞，而是它真的很不錯，能感受到店主用心做菜，老闆還跟我說他們是用了很多桂花浸蜜糖和醃雞翼。這是一家適合坐很久的食店，因為店裡座位不算很密，也不會很吵，店員也不會煩著示意你離開，是一間推薦和值得再去的店鋪。…Read More

扮工周二嚟試試午餐，有6個選擇，配小食同飲品。我今次揀咗桃膠椰子雞湯米線，配黑松露溏心蛋，同埋羅漢果茶。食所有麵類第一件事，都係要先飲湯！椰子味濃郁，略帶甜味，好味，亦都欣賞佢加蟲草花做配料😋桃膠連埋啲湯食，有少少好似食糖水咁😂反而主菜就中規中矩，正常發揮但唔出色：雞件唔鞋，但亦冇好嫩滑同鮮味；米線軟硬適中，但冇好滑溜嘅感覺。好在食完成碗粉冇好口渴嘅感覺，呢點好重要。 溏心蛋配黑松露醬都係第一次聽，配搭有趣，溏心都恰到好處，不過蛋白調味太咸，有啲扣分。羅漢果茶味道就唔錯。…Read More

最近日日出街食，吸收左唔少嘅味精，令到個人好燥底，對皮膚又唔好，呢間米線專門店主打冇味精湯底，用新鮮材料熬足8小時，小編同同事都話要去補一補、急救一下😌《蟲草花膠雞湯紅薯粉》🐛🐔 $78先講份量，真係無可挑剔，花膠同雞都大大件，而且雞件肉質一啲都唔鞋口，厚切啖啖肉大快朵頤🙈湯底嘅色澤看似比較清淡，但味道意外的非常鮮甜、順喉，冇半點油膩感，明顯有用心處理過，真係可以飲晒成碗湯。🙈《桃膠椰子雞湯米線》🥥🌴 $78椰子雞湯一個字形容：香！一上菜，陣椰子香味真係連隔離位都流晒口水！🤤🤤湯底比蟲草花膠雞湯甜得多，椰子味好濃。湯底有補腎健腦、補血養神、滋潤肌膚嘅功效，可以講得上男女都啱飲！《酸辣炸醬牛魔王米線》🌶🐮 $78相比之下，呢款米線就相對普通🙉不過食得出佢啲牛肉係新鮮牛肉，一啲雪味都冇，都抵讚！啱晒啲無辣不歡但係又要陪同事食健康嘢嘅人🙈😂午市套餐仲會包一款小食同埋一杯飲品，小編就點咗黑松露糖心蛋同埋原味脆魚皮，味道質素都好滿意。總括嚟講，以呢個價錢，真係街坊價同良心價，性價比高。…Read More

又到左養生時間🙃呢間主打無味精湯底香濃嘅米線，見到menu都想即刻飲湯🤫🔆桃膠椰子雞湯米線$68湯底清甜帶有椰子香，有少少雞油但飲落唔會油膩，可以一直飲無口乾😚入面仲有杞子、蟲草花同桃膠，即刻覺得自己年輕左10年呀😇雞有四件，分別係雞翼同雞髀位置，所以都好多肉😋喜歡滋補嘅我仲用$24加左兩件花膠🥰一件好淋同算滑，另一件就無咁滑🔆桂花蜜糖雞翼$32 原本以為會係蜜汁果種，但其實佢擁有香脆嘅外皮再澆上桂花蜜糖汁🍯唔係全炸食落都唔會太heavy，蜜糖汁就一定係無得輸嘅🙌🏼…Read More

去紅磡尋找養身美食，就嚟到呢間原作養身湯米線。Lunch set有六款湯米線，配六選一嘅小食加飲品，勁多選擇。我揀左少見嘅桃膠椰子雞湯米線，桃膠椰子呢個超級甜品嘅combo搭上雞湯米線後竟然毫無遺和感，好有層次咁先嚐到清甜椰子味再嚐到鮮雞湯，湯底比同事揀嘅蟲草花膠雞湯米線杰身，骨膠原十足。桃膠有嚼勁，蟲草花爽口，雞肉滑嫩，無論湯底、配料、米線嘅水準都非常好。小食揀左脆香魚片頭(二件)同原味脆魚皮share。魚片頭落鍋走油後好香口，魚皮就可能擺耐左唔係好脆。飲埋自家製羅漢果茶同檸檬柑桔，為養身美食之旅畫上完美句號!…Read More

最近加入了面書的米線關注組,偶然見到有人推介一間在黃埔的米線小店,主打養生湯底,趁著今晚星期五晚一試,確實值得介紹。桃膠椰子雞湯米線  68元湯底明顯是採用大量椰子製成,非常清澈,加入打碎了的桃膠和蔥花,很易入口!四大件雞件滑過滑嘟嘟,應該是雞脾位吧?拍得住海南滑雞~便宜又好飲好食的選擇!油醋海蜇花  58元此店幾乎每桌都會點的小食,超級爽口的海蜇花,原來海蜇花是比平時街邊吃到的海蜇不同,比較高成本的食材,果然爽到彈起,難怪要58元~原隻紅蝦龍皇湯麵  98元店員介紹的龍皇湯麵, 用了新鮮蝦/蝦子/花蛤/龍蝦烹煮8小時而成的湯底。香濃充滿龍蝦的鮮味,另一樣很不錯的主菜!黃金雞翼  25元/3隻熱辣辣的蛋黃炸雞翼, 炸得恰到好處,外皮薄脆,跟蛋黃汁好夾!檸檬柑桔水&凍豆漿  16元清甜開胃的檸檬柑桔水與少甜的凍豆漿都很解渴。晚上七點左右到達,等了10分鐘入座,八點離開, 期間都是座無虛席的,證明此店受歡迎的程度,原來香港人很喜歡養生湯底的米線呢!…Read More

本身諗住食個米線，點知變左做飲湯😆。椰子雞湯真係要比好高評價，好味之餘仲好好營養，皆因湯底原材料經過多種烹調工藝，經過8️⃣小時反覆熬製，令養份溶於水中，更易被人體吸收。🌕桃膠椰子雞湯米線 $68呢個椰子雞湯飲落真係超級順喉，超❗️舒❗️服❗️一上枱已經聞到超香椰子味🥥，入口更加不得了，真係老火湯咁好味，一滴味精都無！未開始食米線已經比我飲左一半湯，食完成碗真係半滴湯都無剩。配合女士至愛嘅滑嘟嘟桃膠完全唔覺突兀，平時食甜品先會有桃膠，但甜品就係等如肥😂，但而家可以係正餐時就養顏埋，仲唔洗吸收多餘糖份👍🏻。米線上面嘅雞肉超嫩滑又唔太肥（好好彩食到脾位位置🤪），嫩滑得黎骨位又唔會滲血影響湯底味道。唯一建議走青，青草嘅味道太強烈，會掩蓋左椰子雞湯嘅味道。🌖原隻紅蝦龍皇湯泡飯 $98一黎就飲啖湯先！招牌龍皇湯由蝦🦐、蜆、龍蝦🦞等熬製8小時而成，味道比椰子雞湯濃，適合海鮮狂熱者。記得記得記得，海鮮湯一定要趁熱飲，咁先享受到最美味嘅一刻。泡飯配料包括原隻紅蝦、蜆、扇貝，每樣都係勁新鮮，另外仲配有澳洲脆米加添口感👍🏻～不過脆米係預先加入泡飯之中，如果可以另上，讓食客自己加入泡飯之中，咁會更顯香脆。🌗油醋海蜇花 $58有別於平時一條條嘅海蜇，呢個係好似珊瑚/雪耳嘅外型，食落嘅質感似係爽脆同厚身版嘅雪耳，調味微辣中帶少少酸，清新醒胃。🌗桂花蜜糖雞翼 $25（3隻）好似第一次見呢個組合🤔，桃膠以外另一創意之作。雞翼表面焗得香脆而內裡keep住多汁，桂花蜜糖清香甜美，抵消雞翼嘅油膩感，相得益彰。🌗洛神花茶/檸檬金桔 $18洛神花茶味覺較甜，記得搞勻；檸檬金桔味道偏酸，醒神開胃。因為湯底實在太好味，所以食完成肚湯，其實唔太洗叫飲品🤪；枱邊仲有味道濃烈嘅辣醬、菜甫、醃蘿蔔等，我全部都無加，免得影響湯嘅滋味。另外雞、雞翼、紅蝦、蜆都會有骨/殻，有埋骨碟咁就夠曬衛生同perfect💯勒。…Read More