Hoiyou

觀塘區勁多唔同類別嘅食肆，但係講到美食，就要行番去商業區果邊先搵到。响觀塘嘅熟食巿場就可以搵到五星級嘅美食。長假期約家人出嚟食lunch，我地去咗海悠食，呢間店由一個年青人經營，黎過好幾次，今次趁人多，食啲我一直都好想食嘅菜式。桂花蟹肉炒粉絲 $58可以食得出鑊氣嘅炒粉絲，調味剛好，蟹肉嘅份量都夠多，但唔知點解我覺得啲蟹肉有啲似瀨尿蝦。開心果脆脆蝦球 $158（新菜式）新推出嘅菜式，作為開心果控我一定唔會放過。呢道絕對有驚喜嘅菜式，估唔到蝦同開心果醬可以配答埋一齊，而且味道係咁出色，好值得試！新鮮長腳蟹腳蝦湯海皇燴飯 $298呢個係我一直都好想食嘅菜式，人少嘅話係食唔哂，份量都幾多，佢烚得乾濕程度岩岩好，啖啖蟹肉，呢個都係其中一個必食嘅菜式，雖然貴咗啲，但值得！芝心咕嚕肉 $128一如既往既好食，佢個醬汁唔係一般嘅「橙色」嘅汁，味道似有山渣加士多啤梨調出嚟嘅汁，非常惹味同開胃。今次伴菜有桃肉，幾特別；豬肉好淋同中間加上極邪惡嘅芝士，呢個係我食過最好食嘅咕嚕肉，真心值得試！蜜椒脆鱔球 $188家人鍾意食鱔，但我就一般般，但我竟然都食唔少，同埋炸得夠脆，連啲細骨都可以食埋，蜜椒好惹味，估唔到令到我會去食鱔，真係覺得好味，正！紅顏炸子雞 $138海悠必點嘅大熱菜式之一，好少做到炸子雞係皮夠薄，而且皮脆肉嫩，連雞胸肉都可以好滑，愛食雞嘅人必點。去開觀塘，又唔想來來去去都係食商場嘅連鎖店，不如行遠小小，去呢度試下，我嚟好幾次，都發揮得好好。…Read More

在觀塘熟食中心的繁忙午餐時間，我發現了一家隱藏的寶藏，一家名為「海悠」的餐廳。我點了蟹肉炒粉絲，炒得香口的粉絲配上鮮甜的蟹肉，每一口都讓人愛不釋口。蟹肉炒粉絲絕對是一道令人垂涎的美食，尤其是對於喜愛海鮮的人來說。最後，我嘗試了他們的紅顏炸子雞。這道菜讓我驚喜不已！雞肉外皮酥脆，內部卻保持著多汁和嫩滑。每一口都充滿了雞肉的鮮美和香氣。這道紅顏炸子雞不僅外觀誘人，味道也絕對令人滿意。它結合了香脆和柔嫩的口感，給人留下了深刻的印象。如果你正在觀塘一帶，我強烈推薦你來品嚐這些美味佳餚。…Read More

每次經過熟食中心都會諗起網上推介海悠嘅炸子雞好好食～今次嚟到炸子雞賣晒所以叫咗其他小炒試吓😋估唔到都有驚喜！⭐️芝心咕嚕肉一開始上菜見到佢顏色咁紅其實有啲不安🤣咕嚕肉外皮酥脆又好薄 咬落有空氣感🫨醬汁亦都酸甜開胃～然後入面包裹住芝士醬🧀非常邪惡但唔會膩！味道融合得超級好😋非常推薦！💓⭐️桂花蟹肉炒粉絲桂花蟹肉嘅存在感唔高😵‍💫不過味道有啲似pad thai其實幾好食🤣而且炒粉絲嘅份量好多～$58 CP值非常高！想飽肚都不失為一個好選擇～…Read More

手機落單，索性做埋手機付款吧 🤣食過外賣，落單繁複，要預繳，限時限刻，話試過撻單喎，梗係啦，說好的預訂，到舖又要等，怕影響出品可以唔接外賣 🤷睇開飯得知廚師已轉手，報導話前廚師係游艇會乜乜乜...食品質素係正常之上。預訂難，堂食有面色睇；你去嘞 🤣埋單一個交感都覺不友善，幾好食都無下次啦。建議手機付款較適合，少啲交流摩擦面色反應，送餐員服務正常 👍靚：（俾現金）闆：有冇8蚊？靚：無。闆：payme?!靚：（心諗payme無錢）靚心諗乜嘢，闆又點會知。靚：支付寶？！（推測：闆可能覺得點解唔一早講用支付寶）闆：（不友善面色收錢 🤷）靚：（幾虛偽都講句) Thank you！🤣血淋淋嘅負評未必被審批，全睇開飯造化 🙏靚只係為啖氣，網評係自由嘅。認為好可以讚，相反可以彈。闆係代表公司，作為闆有面色俾客睇 👍🤷，唔算好麻煩嘅一件小事，硬係逼靚將事情講出來，放下唔到身段做幕後囉，最好唔好喺舖面出現啦，趕客 🤣…Read More

如果喺牛頭角返工，應該明白附近食嘢嘅地方選擇少之又少，要講到又抵又好食，真係講唔出邊間😂😂。前日喺網上面見到介紹觀塘駿業街熟食中心有間「海悠」，訪問老闆同主廚，見佢哋兩兄弟好用心攪檔嘢，睇落又抵食夾大件，天時暑熱🔥🔥，就同同事行去觀塘試吓佢😝😝，佢開十二點，我哋十一點十去到已經坐滿，要排隊排第二，由於估計入面啱啱坐滿，所以都預咗要等，好彩大概半個鐘就已經入得去🤓，入面環境坐位比較窄，不過可以接受😎，點餐同送餐都係15分鐘左右，效率都算快💨，不過我哋叫咗個蟹肉炒粉絲，就俾漏咗蟹肉🫠（我係到出去埋單見到人哋傳菜先發現嘅）😳同老師講返，佢Free咗張單嘅嘢飲同埋Say Sorry😂😂見到佢哋咁忙🥹，都可以原諒嘅😂😂🤭。至於個炒米粉，相當唔錯，另外仲叫咗半隻炸子雞，以$68呢個價錢跟一碗白飯🍚真係性價比甚高👍🏻👍🏻皮脆肉滑～正😍😍😍佢有配埋個泰式辣醬，如果有埋「華」鹽🧂，應該仲正🤭今次得兩個人食，食唔到咁多，下次一定再試其他😍😍👍🏻**⚠️有待改善嘅地方就係佢哋嘅匙羹🥄太細隻、食得唔開心😂😂😂🟢桂花蟹肉炒粉絲(漏咗蟹肉)$58🤤🟢紅顏炸子雞半隻$68🤤…Read More