發現左間氣氛幾好嘅西餐😋環境昏暗亦唔會好嘈,裝修型格,幾啱飲酒👍🏻平日晚市都幾full 二人餐都幾抵食但我地怕食唔唒就散叫其他~😂前菜叫咗個他他~他他顏色豐富,見到個人都開心啲😋面頭嘅帶子份量都幾多,超級鮮甜肥美😆豬手已經起好唒肉👍🏻外皮好脆好好食,而且肉質好濕潤易咬,啖啖肉,好入味,真心不錯!點埋蜜糖芥茉醬更加加分!意大利飯嘅色澤望落好靚!粒粒分明而且多汁,面頭仲有好多芝士碎😋蘆筍超級幼嫩,鵝肝入口即溶超香油脂味😻配牛肝菌食超match~飯粒唔會過熟,煮到啱啱好!份量好多,抵食!…Read More
香煎鵝肝露筍牛肝菌意大利飯鵝肝煎得好香，好易入口，以Risotto黎講係好食，略為飯粒可以再有咬口啲。再配番個小食 煙肉雙色芝士焗薯條上到枱係熱辣辣架，平時去餐廳食既薯條都唔係好熱，正常溫感，但呢度既薯條係焗過，所以熱辣辣好好食，配埋芝士同蕃茄醬，正！ 我最滿意既菜式。飯品飲左丁香肉桂檸蜜，好香肉桂味，加埋檸蜜好潤喉。
先叫咗個酥炸魷魚（$78 ），開頭以為係魷魚鬚，不過原來係炸魷魚圈，份量都幾多，而且外表炸得酥脆，魷魚都不過不失。:)餐牌上寫着極力推介呢個「柚子麥啤浸脆皮德國鹹豬手」（ $188 ），即管叫黎試吓啦，佢寫明自家釀制柚子啤酒8小時，之前我哋自己屋企都整過，發覺真係一啲都唔容易，而呢個就整得好好。豬手好大隻，外皮焗得好脆，同時裏面依然嫩滑，配有酸菜和蜜糖芥茉醬，好好味
，而且佢切好晒一件件，方便進食！果然值得極力推介！另外我叫咗杯「檸檬蜜桃蘋果梳打」（$38 ），都係普通果味和檸檬梳打咁上下。
