TeamYum Caffe (Closed)

Cafe 位處粉嶺裁判所附近，黎到食野之餘，仲可以參觀下昔日法院及各電影嘅場景。P.S.餐廳不獲續約，將於五月尾關門大吉，又係結業迫我出post 😢…想去嘅記得要whatsapp 預約以免摸門釘～🌖柚子卷蛋 $42蛋糕濕潤得黎帶點柚子嘅清香，忌廉嘅比例雖然唔少，但質地軟滑而且完全唔膩，整體唔會太甜，食多件都仲得呀👍🏻。🌗黑糖雪糕蛋糕 $42呢款味道比較普遍，可以直接skip 😂。🌖松露薯條 餐點+$38加配新鮮即炸好香脆，加埋撒係面頭嘅松露係唔錯嘅，不過如果更加多松露就更好啦🤪～🌖山梨縣水蜜桃沙冰 $78粉紅色夠曬少女至適合打卡！有外表得黎都有內涵，味道清新自然，真係有淡淡白桃味，而且唔會太甜，沙冰仲啱曬而家夏天飲！價錢偏貴，不過難得黎一次就豪一豪，加埋白桃來自日本山梨縣，價錢應該反映左用料嘅！🌗Longan Latte $48龍眼Latte 係咪好特別，唔叫唔得先！傳統latte同中式龍眼蜜糖配搭而成，上面仲灑有桂花，呢個組合係幾得意，不過龍眼味唔算突出。…Read More

難得放假想去CHILL下, 就揀左尼間一直係個LIST到但冇機會去既歷史古蹟改建既餐廳。我地當日係等餐廳落完埸開返時到, 由於吾係好識行,遲左5分鐘左右, 但已經入面坐左3-4枱客人, 估吾到落雨既星期一都咁多人~1️⃣香脆海鮮拼盤(魷魚圈, 池魚, 八爪魚, 蝦) – 整體上炸得幾好, 唯獨蝦既粉厚左DD, 我個人幾鍾意拼盤上配上正和隆腐乳粉, 特別配搭又幾MATCH! 2️⃣燒澳洲和牛臀蓋扒 – 好食喎!!我地叫左3成熟, 煮得好好, 肉質吾會流哂血, 肉感香軟, 淋埋阿根廷青草醬再加添幾分香口! 佢既椰菜花薄片沙律都好好食, 不過就切得碎左少少3️⃣海鹽朱古力 – 估吾到有驚喜, 真係飲到海鹽味, 而且都幾搭4️⃣柚子卷蛋 – 柚子味係香既!中間既CREAM硬左小小, 可能我地放一陣再食個口感會正D, 而卷蛋口感就真係實喇, 不過我就覺得OK既, 吾影響整體感覺寫食評之前睇到網上消息講餐廳不獲續約, 只去到今年既5月底, 希望未去既朋友仔都可以到訪一下, 其實餐廳側邊有座大樓係會開放比市民入內參觀(疫情期間未知開返未), 山長水遠入粉嶺都好, 起碼吾會齋食冇野睇, 相反仲可以了解多左舊時既建築同香港!…Read More

帶咗小朋友去香港青年領袖學院（喺正咖啡店隔離）嘅開放日諗住喺呢度買埋外賣先返屋企，姐姐話雖然Full Booking但係有一張枱如果我哋可快還枱就可以喺嗰度食埋，所以決定坐低試吓。有好多次週末諗住去試但係次次佢門口都好多人，懶得排隊所以次次都放棄。我同小朋友兩個人叫咗：1.煎盲曹魚with墨魚汁意大利飯2. 柚子卷蛋兩樣都好味，食落覺得係有心機煮出嚟的，擺碟都係，唔係求求奇奇一碟的。卷蛋蛋糕係偏向實淨texture的，中間啲柚子+柚子cream唔係好甜有淡淡的柚子清香。餐牌好似寫話佢哋嘅甜品師傅係Le Cordon Bleu畢業的另外見到Menu好多好多款唔同的特色咖啡，寫晒佢哋有咩特別之處同埋各種沖條方法，應該好適合咖啡控一試。餐牌好多嘢都好吸引所以會再返去試埋其他野，下次一定會book枱。同埋佢哋有IKEA BB櫈同小朋友交餐具🍴另外注意的是堂食加一是12%的。…Read More

來到粉嶺區探朋友，特意查一下有甚麼好選擇，便留意到這餐廳環境舒適，好像適合閒談休息用，所以便預先訂枱。可惜餐廳座位不多，限聚下更顯緊張，最後需要到戶外入座，幸好天氣清涼，坐戶外都不覺得太熱，但仍然很多蚊蟲，建議想前來一定要提早訂座。由於是下午茶時段來，我們都不算太肚餓，所以點了全日早餐分享，以及小食-黑松露薯條及魷魚圈，還有兩份甜品。分別是黃糖無花果蛋糕配雪糕及柚子蛋卷。我自己亦點了比較特別的龍眼拿鐵。全日早餐貌相已經知很豐富。麵包不是普通的，是一個合桃無花果小麵包，感覺更特別。另有大啡菇，煙三文魚，火雞肉，玉米，沙律和薯角，配撘很健康，分享用非常適合。魷魚圈和松露薯條都炸得香脆，新鮮夠熱，配他他醬一流，下午茶點這個分享亦恰到好處。留意到餐廳的食評都說卷蛋好吃，但我去的時候最想品嘗的伯爵茶味已經售完，唯有點柚子味，雖然尚算清新的口味，但覺得有少許過甜，幸好蛋卷質感夠鬆軟，都很好吃。而黃糖無花果蛋糕配雪糕就十分驚喜，無花果蛋糕坊間少有，感覺就是純粹用無花果乾來提味，沒有加太多糖，味道清甜，與雲尼拿雪糕一同吃，一冷一熱的配搭很豐富。龍眼拿鐵我覺得桂花味比較突出，味道很特別，就是蜜糖牛奶的感覺，很順滑美味。在戶外有個好處是更自在，可以與知己好友更加舒適地談天，餐廳亦沒有特別催趕客人，所以我們坐到1745才離開，整體來說是個很休閒的用餐體驗。…Read More

⦾ ⦿ 添飲 TEAM YUM Caffe, The Former Fanling Magistracy, Fanling 前粉嶺裁判法院 • 千里迢迢入到粉嶺，探朋友之前都爭取時間試下呢區既coffee shop👀叫左一件 🍰柚子卷蛋（HK$48) • 我覺得不過不失啦，未去到日本yuzu 個種甜甘，清新既味。$48再加一既價位下我會expect味道更有層次既卷蛋。爭扎左一陣叫咩飲品好，揭來揭去最後都係想試下佢既手沖 • 呢期係Ethiopia Yirgacheffe (HK$68)☕️ 亦係每次去新coffee shop都會想叫既單品。…Read More

我知道幾年前係上水既Cafe Je T'amie正正係添飲咖啡館前身。當時都想去，不過上水舊店實在太受歡迎，但店面非常細，所以直至到關門大吉都未曾去過。疫情影響，令到假日既活動大減，又唔想去人多既地方，於是就試下呢間位於舊粉嶺裁判法院既咖啡館。是日係補祝我一位朋友既生日。兩個女仔都食唔到多野，黎咖啡館就岩哂。係到提提大家:由於疫情關係，餐廳要預先預約，唔接受walk-in。，並且分左三個時段。而我地就訂左午餐時段。呢到環境幾舒服，餐廳門外有唔少盆栽，係餐廳自己種既。如果合眼緣，係可以買走佢的。價錢都幾合理。帶毛孩既可以坐係出面食。餐廳裡面因為全部都係玻璃牆身，所以會比較嘈雜，我同朋友兩個講野都要講得大聲先聽到大家講咩。呢輪我地兩個都食得熱氣，所以嗌比較健康既食物。我地嗌左個沙律同意粉。沙律好豐富，兩個人食岩岩好!菜好新鮮，烤腰豆都好香原先我地諗住58蚊一碟意粉(跟蘋果梳打或咖啡一杯)應該會細碟，諗住如果唔夠食再嗌，點知份量都ok!係正常既一人份量。味道唔錯，唔似罐頭現成醬汁:)我地兩個女仔share食都岩岩好。食到中途，有店員拎左兩杯細細杯，涼陣陣既紅豆沙，話老闆多謝我地黎食，請我地飲的。非常足料，佢唔係真係平時好杰個種紅豆水，相對稀，而味道都無咁，比較健康意猶未盡，再加上本意係補祝生日，就嗌左件cake食。嘩，一見到柚子卷蛋，同友人既少女心即刻大爆發!咁靚既!即刻要相機食先柚子卷蛋味道清新，配埋花瓣一齊食，會更加好食係食個用餐過程，都有位女士店員好關心我地，睇下我地對食物既評價不過唯一有件小事，原本跟意粉杯蘋果梳打消失左，到埋單個時先發覺係喎，食得太開心，都唔記得杯野無出現過!同店員講返，都好快沖返左杯梳打比我。食物都服務都不錯，會再來試下食其他食物的。呢度除左有盆栽賣之外，仲有d生果啊，小食，醬料買。大家去食既時候不妨順便睇下…Read More

多得近年的建築物保育Project，令很多有價值的舊建築物不但得以保留，而且還得到重生之餘更逢第二春，此咖啡店就是其中的受惠者之一。這店很難Book位，尤其現時的疫情關係，原先不多的座位現在更買少見少，幸好Whatsapp訂了Tea Time的位，3:30pm準時開始假期的下午茶時間。點了Cold Brew肅靜咖啡，瓶子本身就是藝術品，倒進的杯子裡先放了檸檬及九層塔，味道配搭有趣外亦異常地夾。蛋糕則點了柚子卷蛋，蛋糕有質感，不會輕飄飄，柚子味很香，喜歡。最後一提是此店代售一些本地及日本的農產品，亦有如雞屎藤的傳統鄉村糕點發售，真是一家有趣的店。…Read More