The Cosmopolitan

慶祝姑姑生日，想試吓特別嘅，唔食中式，唔食西餐，唔打邊爐，於是帶姑姑試下食蒸海鮮餐。是日平日晚餐有兩個時段，訂了早輪時段，揀左龍蝦餐，套餐包括老火湯+龍蝦及白蜆+自選六款時令海鮮+八寶飯+是日糖水。是日老火湯炎炎夏日，冬瓜紅蘿蔔湯，清清地，消暑。金銀蒜蒸龍蝦🦞龍蝦夠大隻，好多膏！好鮮甜。清蒸白蜆一般，有少少乾。古法豆醬蒸多寶魚🐟唔錯，魚肉滑。金銀蒜蒸帶子火候啱啱好，令到肉質鮮嫩。紅槽醬蒸魷魚腸粉魷魚🦑太細，蒸得唔夠，紅槽醬唔夠。金銀蒜蒸海蝦🦐海蝦亦偏細隻，蝦肉質一般。果皮蒸鮑魚不過不失。蟲草花蒸滑雞入味，雞滑，可惜太多碎雞骨。八寶飯自選八款餸，個飯好好食，好香，但一定係食唔曬，所以用外賣盒拎走。是日糖水唔會好甜，清清地，潤一潤。龍蝦套餐，$258一位，不用加一，值得一讚，若果有長者優惠就更完美。…Read More

好鐘意食海鮮，想黎試好耐，終於約到朋友4人同行，一入到去佢就比個燉湯我地先，本人超愛喝湯，佢個湯都好飲又夠味，亦唔係味精味！我地叫左個龍蝦餐🦞，另外有7樣海鮮：鮑魚，魷魚腸粉，海蝦，聖子，蠔，貴妃蚌，白蜆其中最驚喜係鮑魚，黎到既時候仲郁緊，好新鮮，食落都有鮑魚味🤤 另外龍蝦都好食🤤比較失望既係海蝦，比較細，口感一般。最鐘意係職員會幫你睇住時間，唔會蒸過熟，剛剛好，口感好，另外佢每樣海鮮都有個小配搭，非常健康，仲可以自選煮法，例如泰式醬冬陰功醬，非常特別！🤩最後有個蒸飯，本身冇咩期望，結果就有驚喜，真係估唔到蒸飯都可以好食🤪…Read More

好朋友遠到回來，試一下蒸海鮮窩🦞🦐🦀🐟，第一次食都覺得幾特別。海鮮有二款必定，龍蝦🦞同鮑魚，其餘有10款可以選擇8款海鮮，每一款海鮮最多可以選擇2款調味料，可以選擇喜歡的味料，還有每人都有一碗燉湯，好飲好足料。最特別的八寶飯，係自己選擇喜歡的8款餸配料。最後每人都有一個甜品🍮係（椰汁糕）價錢$278一位，沒有加一，員工有禮，服務幾好，不過食的時間就有限時，都算食得不急可以的啊！大家都食得非常開心🥳…Read More

近排蒸海鮮鍋越開越多朋友介紹話呢間好好味又咁好彩係假期訂到位即刻帶埋屋企人一齊去·呢間店採用三輪制服務我地食第一輪六點入席沙化座位有兩排好闊落·價錢方面每人$268～已包燉湯海鮮和蒸飯仲有即日自家製甜品海鮮有多款醬料自選另外每款配有蔬菜底而飲品則需要另加錢·每人開始已有一盅燉湯是日係合掌瓜褒豬骨🤤湯燉得夠曬火候好清甜·1. <金銀蒜蒸波士頓龍蝦> 第一種海鮮已開好頭🤤龍蝦肉超級彈牙又鮮甜又有好多蝦膏😍😍👍🏻·2. <金銀蒜蒸蟹> 蟹真的好大隻每人分一邊蟹膏超級多蟹肉鮮甜無比👍🏻·3. <金銀蒜開邊蒸海蝦>愛蒜之人蒸蝦必選呢隻蝦size不算細肉味相對不太鮮甜·4. <清蒸大蚌>大蚌果然夠曬大隻肉質很爽口幾好味👍🏻.5. <果皮蒸鮑魚>鮑魚不是我至愛因鮑魚只有口感竟然呢度鮑魚鮮甜啖啖清香果皮味👍🏻·6. <豉汁蒸多寶魚>多寶魚勝在無骨好滑豉汁好香好啱送飯食😍·7. <清蒸花甲> 花甲size雖細但好清甜👍🏻.8. <沙爹蒸鮮魷魚配腸粉底>沙爹太濃花生味個人不好魷魚份量多但蒸得太韌了加上腸粉也蒸得過龍太䭃多款之中呢個最不討好😕·<八寶蒸飯>雖然食曬所有海鮮已太飽但係朋友話一定要試蒸飯有二十六款配菜可自選～飯煮得剛剛好時間好香綿蝦醬豬腩肉真係超級香～豬腩肉肉很滑很好下飯😝牛腩排骨榨菜粟米翠肉瓜再加埋冬菇粒全撈在一齊份量實在太多要外賣拎走第二日再返蒸都依然好味！·<總結>海鮮整體都好新鮮除左魷魚價錢不算貴仲食到超滿足！即使好繁忙但服務質素好好姨姨仲送蘋果俾BB食添呀！真心推薦俾大家～🥰記得要提早幾日book位呀～…Read More

呢間食店新鮮，抵食已經街知巷聞，開咗咁耐，仲係咁難訂位，即日walk in 食到機會極微，咁旺埸仲點使多介紹。每位$268.- 埋單價冇花冇假，除咗平，真係保證新鮮。靚嘅海鮮，清蒸永遠最好味，完全唔需要講求烹調技巧，所以去窩心八仙食永無甩底。海鮮保證新鮮，如有質素偏差包換，所以開業以來一直爆到七彩。全包價並不包括飲品，汽水每罐$13.-，椰奶每瓶$18.- 非常實惠。注意餐廳尚未有酒牌，食海鮮要配任何酒類，就要自攜或附近便利店購買，最好保留單據喔…Read More

成個寫食評嘅過程個腦海又不停回味多次其實上個月已經食咗 不過一直都唔得閑寫話說今次六隻小魔怪 一齊出發食好嘢煱心有幾好食？！我張信用卡月結單個個月都有佢個名😂🤣平時食開都係打邊爐。都係第一次試佢嘅蒸海鮮服務一流海鮮全部都好新鮮 全部飽到捧住個肚仲要打包埋個八寶飯返屋企今次特登來捧呢個蒸龍虾場。不過有少少失望囉蒸龍蝦冇咗打邊爐嗰種juice 老左少少同有少少乾即係佢會口感同埋調味都幾好我成餐飯最鍾意就係剁椒多寶魚未食過咁滑 咁新鮮嘅剁椒魚又滑 又香 入口即溶 唔油 仲要冇骨！雖然係咁。但係我都係鍾意打邊爐多啲打完邊度仲有埋個粥底多的蟹膏流晒落個粥底度。又香又甜又好味…Read More