Kuang Ye Ma Shen

🌸尖沙咀美食🌸麻神麻辣火鍋 🍲今天相約好友到了尖沙咀一間主打高質食材的火鍋餐廳-「麻神麻辣火鍋」品嚐是日晚餐❗餐廳鋪面寬敞，裝修簡約，座位寬敞舒適❗店員們也相當殷勤有禮，會不時替客人添加湯底及收拾碗碟。餐廳提供多款火鍋配料，有上盛牛肉、豬肉、時令海鮮、蔬菜等多款配料選擇。餐廳掃描二維碼自助點餐，方便快捷。我們一行2人惠顧了麻神火鍋二人餐 $888二人餐包括以下餐點：1️⃣🌟湯底 雙拼另加 $70🌶麻神麻辣鍋今次選擇了雙拼湯底，麻神麻辣湯底是火鍋店自家秘製的麻辣湯底❗️湯底充滿香濃麻辣味，還有招牌果凍鴨血配料❗️辣度適中，辣而不燥，相當惹味❗🐓花膠雞鍋花膠雞鍋清新香甜，有軟淋入味花膠，還有香濃雞湯味，十分滋養。美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️2️⃣🌟海鮮拼盤海鮮拼飯擺盤精美，有多款時令新鮮海鮮，有生猛海蝦、肥美鮑魚、鮮味刀貝及滋味大蜆，每款海鮮也相當鮮味，肉質鮮嫩，十分惹味❗️美味指數：⭕⭕⭕⭕️⭕️賣相指數：⭕⭕⭕️⭕️⭕️3️⃣🌟迷你牛肉盛就你牛肉盛有多款嚴選上盛牛肉及豬肉，牛肉油腹分佈均勻，肉質鮮嫩，而豬用也相當肥美有肉味❗️美味指數：⭕⭕⭕⭕️賣相指數：⭕⭕⭕⭕️4️⃣🌟韭菜餃、魚皮餃拼牛肉丸及豬肉丸韭菜餃皮薄餡多，魚皮餃彈牙鮮味，牛肉丸及豬肉丸質感彈牙，口感豐盛，十分滋味。美味指數：⭕⭕⭕⭕️⭕️賣相指數：⭕⭕⭕⭕️5️⃣🌟翠綠時蔬拼盤翠綠圼時蔬拼盤有多款蔬菜，包括爽口冰菜、娃娃菜、皇帝菜、香甜及蕃茄等，拼盤擺盤精緻，而且蔬菜鮮嫩❗️美味指數：⭕⭕⭕⭕️賣相指數：⭕⭕⭕⭕️6️⃣🌟烏龍麵烏龍麵經淥煮後相當爽口彈牙，質感Q彈，非常適合作火鍋配料❗️美味指數：⭕⭕⭕⭕️賣相指數：⭕⭕⭕⭕️7️⃣🌟椒鹽豆腐粒椒鹽豆腐粒外皮香脆，內裏豆腐鬆軟，帶惹味屬椒鹽味、鹹度適中，十分惹味❗️美味指數：⭕⭕⭕⭕️賣相指數：⭕⭕⭕️⭕️8️⃣🌟水果茶2杯水果茶份量十足，以多款水果如藍莓、士多啤梨、火龍果、西瓜、龍眼粒及菠蘿等新鮮水果調製而成，味道清新香甜❗️美味指數：⭕⭕⭕⭕️😂賣相指數：⭕⭕⭕️⭕️👉🏻餐廳有多種火鍋醬料（生蒜、芫茜、香蔥、椒粒等）❗🌟為是次餐廳用膳的推薦菜色❗ 總括而言，此火鍋店食物質素高，食材非常新鮮❗️餐廳鄰近尖沙咀站，交通方便，絕對是尖沙咀一帶的高質火鍋之選!…Read More

朋友話有間台式火鍋好好食，就係尖沙咀地鐵站H出口， isquare 對面，一分鐘就到。 優惠：麻神火鍋2人餐$888。我鍾意食辣，朋友比較滋陰，大家唔使爭一於點個鴛鴦煱！(麻辣麻神湯/響螺花膠雞湯) 響螺花膠雞湯👍🏻湯底一奉上，姐姐叫我即刻試下個響螺花膠雞湯，湯底係金黃色， 有幾件雞件仲有花膠響螺，比呀媽煲嗰啲仲要重料。個湯好清甜，質地好膠，感覺滿滿的骨膠原💓 仲有啲鷄油香，好正。 感覺好滋潤。我當補湯喪飲。麻辣麻神湯👍🏻唔似大陸嘅湯底，勁油。有少少麻，唔會辣到嗆喉，比較中庸。果凍鴨血👍🏻不愧為麻神嘅招牌，好Q彈，夠入味，唔會有血腥味，實在是果凍口感。 完全唔似我街市買嗰啲一夾就會散。迷你牛肉盛👍🏻呢個迷你牛肉盛一啲都唔迷你，看圖。肥牛油脂分佈平均，有牛肉味。牛肉粒有口感。松阪豬👍🏻豬頰連接下巴地方，肉色較白。油脂分佈得好靚，好有口感，鐘意食爽脆豬肉嘅朋友必食。翠綠時蔬拼盤👍🏻原來佢個底都塞滿菜，真係勁多菜，南瓜係超級甜。冰菜超級好食，外表有一層結冰似的結晶， 其實係泡狀細胞，咬落非常脆嫩爽口。海鮮拼盤👍🏻(紐西蘭蟶子皇2/南非六至八頭鮑魚2/ 蕃薯蜆4/紐西蘭刀貝4) 海鮮拼盤好新鮮，不是雪的，蕃薯蜆、紐西蘭刀貝仲會喐，而且無沙。鮑魚大大隻，厚肉彈牙。丸類拼盤👍🏻魚皮餃推薦。椒鹽豆腐粒👍🏻趁熱食，炸到外脆內軟，而且唔會油笠笠，亦唔會過鹹。水果茶👍🏻估唔到咁大鬼杯，好 refreshing，勁多水果粒。 烏龍麵好彈牙，吸哂麻辣湯嘅精華。Overall 👍🏻👍🏻👍🏻👍🏻👍🏻真心高質嘅台式火鍋。肉類高質，海鮮夠新鮮，蔬菜盤有冰菜又有超甜南瓜，真心唔 hea你。最後連水果茶都勁多水果粒。侍應加湯唔係加水，每個細節都做足。二人餐$888，食到捧住個肚走，真心滿意。#麻神麻辣火鍋 #尖沙咀火鍋 #$888抵食二人餐#hkfood #hkfoodie #hkfoodblogger #igfoodie #hkfoodporn #food #foodie #foodiehk…Read More

香港要食麻辣火鍋有好多選擇，因為有好多內地嘅過江龍，但如果想食麻辣火鍋，大家又會唔會諗起台式嗰種？我自己對香港嘅台式麻辣火鍋印象係唔驚喜，唔辣又唔麻，所以平時都好少食，但今次介紹嘅呢一間，係台灣嘅過江龍，之前已經聽過台灣人都話覺得好好食，係台灣最好食嘅台式麻辣火鍋，所以今次冇理由唔試。呢間過江龍麻神麻辣火鍋，喺台灣2014年開業，得兩間分店，但幾年已經名氣貫徹港台影藝圈，而且被當地節目評為台北最難訂枱嘅餐廳，喺佢哋嘅社交平台可以睇到好多明星打卡，好似周杰倫、蕭敬騰、大S、梁家輝等。麻神係2018年過黎香港開第一間店，之前係銅鑼灣同旺角都有分店，不過都相繼結業，事隔大半年，麻神選址尖沙咀重開，呢家得返尖沙咀分店，台灣已經咁出名，當然嚟到香港都一樣，香港店未正式開張嗰時，鄭伊健已經率先捧場，仲有大家認識嘅容祖兒、張智霖等。當中個個都爭住去試既，係招牌傳說中飲得嘅麻辣湯。台灣麻神嘅一間係中山區，外表係一幢老宅，因為佢係私人會所形式經營，所以係一位難求，古宅入邊環境雅致，好似去朋友屋企作客咁，而另一間喺南京三路，環境就比較走大眾化路線，環境光猛。地小人多嘅香港當然唔可以同台灣本店比，但網上睇過其實香港銅鑼灣分店環境係幾高雅，枱同枱之間有屏風格住，可惜未去到就已經結業。而今次佢嘅尖沙咀分店，裝修風格同銅鑼灣完全唔同，黑色主調，以水泥牆營造粗獷嘅感覺，簡約雅致，環境唔算光猛，環境算寬敞，有唔同既卡位雅座，不過有有獨立房間可以預訂。雖然冇以前既高層靚景，但依然用心配搭。之前係網上見到佢地有個$688既海鮮2人餐，套餐會鍋底、松阪豬、翠綠時蔬拼盤、紐西蘭刀貝、蟶子皇、澳洲青口、南非八頭鮑魚、迷利牛肉盛、稻庭烏冬、兩杯特飲，有次即日打去訂位時問，店員個時同我講個樣要早一日訂先有，要時間準備啲海鮮，之後第2次再打過去BOOK位時訂埋個餐，另一個店員就話個餐已經無左，得返散嗌，令到我好混亂，最後去到都係嗌叫，事後上網搵資料，呢個餐應該只供應到今年1月底，係重開回歸既限定火鍋套餐。睇過餐牌，火鍋配料盡量同台灣店睇齊，肉類會比台灣多、更講究。至於丸類同餃類就遷就返港式口味，好似有手打丸、韭菜餃、手打瀨尿蝦丸等。海鮮方面有鮑魚、扇貝、海蝦等供應。而蔬菜有提供冰菜、蘿蔔片、萵苣片(台灣A菜)、南極冰藻、台灣水蓮菜等，都係好多台灣先食到或者平時食唔到既特別蔬菜。-1️⃣ 麻神麻辣鍋底 💰149（👅: 9.5/10）今次叫左個鴛鴦鍋黎試，見到OPENRICE有優惠，可以用5折優惠($149)買到呢個麻神麻辣鍋底加花膠雞鍋湯底。麻神最招牌嘅一定係呢個湯底，平時大家飲到嘅麻辣湯底，多數都係用豬牛熬製，再加上厚厚嘅紅油。而呢度嘅湯底，係老細用左七年時間研發出嚟，係用生果、蔬菜、辣椒、藥材、花椒、八角、同自家秘製辣椒醬熬三個鐘製成，花椒、八角、 辣椒呢啲香料都係台灣直送，所以連素食人士都可以試，標榜係可以直接飲既麻辣湯，做到只麻你口、不辣你喉既境界。而為咗保持水準，湯底每日都會比最少三位員工試飲，而且因為佢哋對自己湯底好有信心，唔會有調味架，令大家去食到麻辣湯天然味道。平時食麻辣火鍋既湯通常都唔會飲，因為通常都好辣，一係就好多油，呢度同台灣風格一樣，入座時店員會建議客人未食野前可以直接飲用湯底，呢個湯未飲已經聞到香味，飲落係渾厚，唔會淨係得辣味，飲得出有藥材既小小苦味，藥味醇厚，飲落係好順喉，而且其實唔算好辣都唔算好麻，少麻BB級辣，唔會話太多辣油飲到會咳，飲落係非常溫和，唔會覺得好膩，最特別係帶一種香甜既味道，飽和既甜韻，感覺好似加左酒糟提味，暖胃又唔覺燥火，鹹濃回甘，成個湯飲落係有後勁、有層次，食過好多香港既台式火鍋，麻辣湯都係無特別，就算算係好食既麻辣湯都唔會直接就咁飲，呢間係好飲到我得閒無事就會舀黎飲，全晚最驚喜就係呢個湯底。如果野食入味，基本上連豉油都唔駛點，要挑剔既係湯底既食材唔多，只有兩件鴨血兩件豆腐，鴨血豆腐都無得無限添加要另外加錢。蜂巢豆腐都不惶多讓，食落彈軟多汁，非常吸湯，非常入味，咬開時見到豆腐均勻密麻既氣孔，難怪食起來口感咁輕盈舒服。另外值得一讚既係店鋪係加湯而唔係加水，所以麻辣湯唔會話因為加左湯之後味道變到好淡，至少我到賣單都仲飲緊湯，如果大家鍾意濃湯重味啲，不妨唔好加湯住，當湯得返好小個時湯底會極為濃郁，味道加倍。-2️⃣ 花膠雞鍋湯底 💰0（👅: 9/10）呢度既花膠雞鍋湯底係用雞殼、雞骨、雞肉熬十幾個鐘，再加上花膠，湯底呈金黃色，飲落非常自然，味道好夠，清甜而且滿滿骨膠原，滋補養顏，係好濃郁好飲既雞湯，雞油味香，都係我打咁多次邊爐飲過最好飲既花膠雞湯，略嫌湯底既食材唔算多，只有4件雞同2件花膠。花膠大塊，咬落煙韌，啖啖膠質，雞肉食落嫩滑。成個湯底都好似麻辣湯係咁飲，完全唔會覺得口渴同膩。如果大家鍾意好濃既湯雞，可以唔加湯住，雞味會極濃郁，不過同時都會越黎越鹹。-3️⃣ 果凍鴨血 💰0（👅: 9.5/10）果凍鴨血同麻辣湯底都係台灣直送運來既食材，用真空包裝後空運來港，果凍鴨血都係麻神嘅招牌，如果叫麻辣麻神湯底，入邊會有兩舊，另外可以單點，$88一份。呢度每件鴨血都經過48個鐘沖、浸、泡、滷等工序，而且早一日已經浸係麻辣湯入面，盡吸精華。舀起一件鴨血，外表係光亮滑溜，輕輕一篤，有回彈力。建議用刀叉食，因為用筷子夾可能令汁液流走。鴨血食得出係有滷過，食落唔係好硬好種，而係非常Q彈，入口充滿彈性，但又有入口即融既感覺，好似真係食緊果凍咁，滷得非常入味，充滿香濃既湯汁，而且食落係飽滿札實，而唔係食落鬆散，如果係一啲冷凍過既鴨血，煮個時其實就會見到有啲空洞，但呢個完全係冇窿，證明係新鮮整出嚟。我本身唔係特別好鴨血，可能平時食到既都係唔夠新鮮、入味，一係就無入口即融，呢個係我食過最好食、最驚喜既鴨血，即使係我都會想加點。-4️⃣ 松阪豬 💰166（👅: 8.5/10）松阪豬咬落爽中帶嫩，入口鮮甜，肉味甘香，有厚度，有嚼勁，肥瘦岩岩好，以打邊爐食到呢種豬肉絕對唔常見，如果可以再厚一啲就更滿足。-5️⃣ 翠綠時蔬拼盤 💰78（👅: 8.5/10）呢個時蔬拼盤有6-7種蔬菜，所有蔬菜食落都夠新鮮，當中最驚喜既就係香港好小食到，由台灣直送既冰菜，即使揼咗佢落個鍋入邊煮，羅上嚟仲可以見到有啲好似珠珠雨露咁嘅水滴包圍住冰菜，其實呢啲雨珠唔係廚師故意點綴，而係一種泡狀細胞，係葉肉種分泌出來既鹽分，用黎保護植物自身。冰菜非常之好食，食落又腍又嫩，脆嫩爽口，入口即化，唔駛用力咀嚼，葉肉夠肥厚，水分很足，自帶小小鹹味，鹹味正正就係黎自啲雨珠，無需要額外添加醬汁，打邊爐黎講簡直一流，未食過咁好食既菜，聽講仲好養生。-6️⃣ 牛舌芯 💰128（👅: 8/10）牛舌芯發揮正常，食落唔韌幾爽口，牛味就唔算好重，雖然份量好似好多，略嫌太過薄切，食牛舌自己鍾意厚切啲，食落會滿足啲。-7️⃣ 紐西蘭刀貝 💰138（👅: 8/10）刀貝好彩既係全部都有開口，夠大隻厚肉，食落鮮甜，新鮮爽口，帶少少海水嘅味道，而且唔會有沙，無論係麻辣湯定係花膠湯都好襯。-8️⃣ 科學王子麵 💰44（👅: 8.5/10）王子麵係台灣出產嘅公仔麵，聽講佢係麻神麻辣湯底嘅絕配，所以叫咗黎試。店員講解因為台北麻神係私房招待所形式開設，每枱都有專人代灼，特別係王子麵，香港雖然無左呢個服務，但店員有教我地點樣煮王子麵之餘，仲提供一個特製既麻辣醬比呢個王子麵，可以好似食沾麵咁點黎食。話王子麵係絕配佢係因為佢嘅麵質好吸湯，麵質口感爽滑，煮得岩岩好時食落外軟內脆，加上特製既麻辣醬完全去到呢一個境界，呢個麻辣醬絕對辣過麻辣湯底，有麻有辣，今次如果唔係好食得辣既人就會有挑戰性，對我黎講呢個麻辣係非常滿足，雖然佢係濃縮既辣油，但王子麵沾上去，將兩者既優點發揮到極致，絕對係我食過咁多次王子麵，配搭得最好既醬汁。-9️⃣ 社交平台Sake 💰0（👅: 7.5/10）日本清酒份量非常慷慨，一大樽有500ML，飲落我覺得正常，未算好難入口好搶喉既清酒，但又未去到好清甜或者好重米香，唔駛錢黎講係唔錯。-🌟食物方面，我覺得最出色就係湯底，成晚係咁飲唔叫餸我都滿足，除咗湯底，最有驚喜就係鴨血、冰菜同王子麵，肉類同海鮮其實好食，不過就相對冇咁驚喜，所以如果下次我再黎食，就只會叫麻神麻辣鍋底、花膠雞鍋湯底、鴨血、冰菜同王子麵，咁樣都夠飽因為佢係咁飲湯，cp值會提升唔少。另外會想試手打瀨尿蝦丸，呢樣係香港限定菜色，係麻神香港店特登請電影《 食神 》創出爆漿瀨尿牛丸既師傅，親自手打出既爆漿瀨尿牛丸，將瀨尿蝦肉包係牛丸入面，非常吸引。湯底既總結係，佢係一個好好飲嘅麻辣湯，但唔會太麻或者太辣，但如果你係追求好似四川個種超辣超麻嘅麻辣湯，咁依種唔係好適合你，呢間火鍋都未必適合你，因為佢哋個主角係湯底同鴨血。有次係citysuper行過見到，原來有得買麻神嘅麻辣湯底，而且仲有麻辣湯底連果凍鴨血，鴨血非常之大罐，應該夠4-6人食，食完今次令我有衝動去買黎屋企同朋友食，但如果嫌麻煩，其實好似我咁淨係叫上面嗰幾樣嘢食，都已經足夠而且唔太貴。服務方面，店員算心有禮，入座之後就提供醬料，等我地好好調教醬汁。因為台北麻神最初係以私房招待所形式開設，每枱都有一位專人代灼，保證食物唔過火。黎到香港，自然無左一枱一侍應既服務，不過每個侍應都只係服務4張枱，而且會教客人灼牛肉同王子麵既秘技，而且有台北店派來既店員指導香港店員灼牛肉既技巧。而且當我唔知食緊既係咩蔬菜，店員都細心講解。如果大家唔想太heavy夜晚食火鍋，麻神午市有一個一人一鍋店，$66包自選3個配菜、1款湯、1款麵、1杯飲品，非常抵食，雖然配菜食唔到呢度好食既高質肉好似松阪豬，湯底都唔係佢地既招牌麻神麻辣鍋底同花膠雞鍋湯底，不過湯底有得揀酸菜魚、藥膳醉雞鍋等，$66食到一個夠食飽既一人鍋，夫復可求，而且係呢個疲情未穩定既時期，一人鍋都係一個安全啲衛生啲既選擇。同台灣店相比，台灣店環境配套非常好，好貼心的係梁柱上安裝手機架，有插座可以充電，而餐桌上有一小塊好似刻章木頭，四個面都有唔同需求字樣好似打包、加湯、點餐等，只要翻到需求既字樣面向上，服務人員唔駛問就知道客人所需，設計很貼心，客人只需要專心嗑鍋聊天，唔駛東張西望搵店員。不過台灣既麻神麻辣火鍋因為太過人氣，一位難求，所以限制110分鐘用餐時間，而且每位有最低消貴600台幣，晚餐尖峰時段更加每枱低消2400台幣。但最少一間過江龍黎到香港，食秒質素都保持到，而且係有驚喜，難怪麻神麻辣火鍋係台灣開業近十年，網路評價累積近五分既滿分，而且建議用西式刀叉品嘗果凍鴨血去打響名號，打造左台北高端麻辣火鍋既形象，將可以飲既麻辣湯、Q彈果凍鴨血既台式火鍋文化帶入香港，話佢係香港食過最好食既台式麻辣火鍋、甚至領導台灣飲食潮流既佼佼者，一啲都無嘩眾取寵。-👅味道: 9/10🍴環境: 7.5/10💰消費: $502 (服務費: 10%)…Read More

期待已久的麻神麻辣火鍋終於返來了！早排銅鑼灣分店及旺角分店都暫停營業，攪到我哋一班鴨血之友鬼咁失望😩四圍去搵好味嘅麻辣鴨血，但冇一間係取代到麻神嘅地位🤭終於俾我誤打誤撞見到OpenRice有間麻神尖沙咀分店營業中🤩先知原來開咗間分店喺尖嘴，咁我哋以後唔使忍得咁辛苦喇😆 立馬九秒九打去訂位！講返正題先，尖沙咀新店地方唔算好大，裝修簡單中見型格，都坐得舒服，不過如果卡位同卡位之間隔返塊屏風有啲privacy會更加好。至於新店既menu食物多咗好多選擇，我地揀咗經典的麻神麻辣鍋底，喝一口湯，嗰種只麻你口不辣你喉，係久遺了嘅味道😌好滿足呀！我哋叫咗兩客果凍鴨血、一客特選手切牛肉拼盤、珊瑚蚌、牛柏葉、冰菜、萵荀、金菇等等，份量三個女仔食剛剛好。牛肉拼盤以前menu冇的，有五款牛品：牛頸脊、牛小排、牛胸爽、牛舌芯同牛肉粒，手切牛肉油脂分布均勻，好香好淋好好味！珊瑚蚌好鮮甜！其他食物都保持到水準👍🏻到主角果凍鴨血出場喇🎉仍然係咁軟滑彈牙好入味，連埋個湯底邊食邊喝，個口充滿住濃濃嘅麻辣鴨血香，真係不得了！好正！服務方面都好好，店員間唔中會過來幫忙更進食物進度，關心下客人需要，要讚！可能店舖開張兩星期左右冇太新乜人知，所以整晚客人不算多，要大大力宣傳下先得呀！…Read More