Kyo Hayashiya (Hysan Place)

一心諗住去希慎食晚餐，點知經過京林屋比個抹茶甜品吸引咗😍皆因本人係抹茶控🤣唔想周圍諗食乜嘢，原來京林屋都有主食，咁就入去坐低咗😆可能仲係傍晚六點幾，大家都未開始食飯，所以仲有好多位淨，店員安排咗我哋坐側邊卡位，有塊日式布遮住，感覺好私人空間👍🏻裝修雖然無華麗感覺，但木色好日系feel，感覺幾舒服😌必點嘅一定係甜品🤤🤤真係好好味😋兩個人食都夠食，一個人食就好似太多😅·🌟林屋抺茶芭菲 價錢$88入到嚟點主食都無睇過有咩係必食推介，求其點咗兩個，只希望快啲食完可以食甜品，但估唔到主食水準都唔差，可以話幾好食😋而且賣相都幾靚☺️·🌟林屋和食料理 價錢$88·🌟金目鯛魚定食 價錢$88其實京林屋應該出名品茶，今次無試到😣下次有機會再試吓先～皆因佢個茶壺好似幾靚😆敷淺的人🤣…Read More

晚餐時只有一兩枱，食評見唔錯，照試下。侍應安排我地可揀有間隔開的用餐位，自成一角，更暢所欲言。座位、燈光均舒服。試左兩份餐+一份甜品都幾美味。1.林屋和食料理食物精緻，有鯖魚、元貝、魚干、魚蛋片、木耳絲、玉子、蟹子魷魚粒。飯有點干身，但配搭餸菜都幾好食，餸菜清新，每種都係少少甜，非常開胃。仲有碟酸蘿蔔更醒胃。麵豉湯唔會太鹹。2.稻庭麵麵質較幼身，但卻唔會太淋易斷，非常爽滑。湯汁偏清，嚐麵時伴湯吃完整碗也不會鹹，抵讚。仲有兩大片魚肉片。3.玫瑰蘋果煎茶（溫）聞一聞已有很清香蘋果味。飲落又唔會太濃，幾清新。飲之前上碟亦有沙漏計時確保有足夠浸泡時間。4.桃味焙茶（溫）白桃味很香，加水沖4至5次仍有淡淡白桃香味，依然清新。5.焙茶卷蛋蛋糕清香，中間有滿滿焙茶味餡料。雪糕、紅豆也清甜。$88價格有點高。主食飯麵只有幾款如下。甜品則很多款式以下不能盡錄。部份餐牌：整體所有食品行清新路線很好吃。…Read More

京林屋新早前推出了鹹食，但上次售罄吃不到，今次又再去碰運氣。 林屋和食料理 上次售罄的，今晚終於有，太開心了。非常豐富，有四小碟，一碗焙茶飯、麵豉湯和一碟醃漬蘿蔔。最喜歡就是魷魚、明太子和八爪魚沙律，口感豐富，味道鮮味，吃不停口。另一小碟有豆腐餅、雞肉和木耳絲。一碟是魚仔乾、芝士卷和帆立貝。汁燒鯖魚皮脆肉滑，燒得剛剛好有肉汁。米飯以焙茶煮過，有淡淡的茶香。 京式鰻魚飯 這此的鰻魚沒有碎上，口感好多得。撒上蛋絲和紫菜的米飯較為濕潤黏身，帶有淡淡的鰻魚香。整體比之前吃過的好。 京林屋抹茶芭菲來到一定要點抹茶芭菲，賣相精緻，光是跟它拍照已令人心花怒放。雪糕口感幼滑，抹茶味香濃，配上抹茶蕨餅，香甜軟棉的紅豆和煙煙韌韌的白玉丸子，口味層次分明，口感豐富，令人回味。 抹茶紅豆年糕甜湯 用一個紅色碗子盛載，充滿日本風情。和暖的抹茶甜湯內有四粒白玉丸子 和一粒甘栗，湯底還有大量紅豆茸。香甜軟棉的紅豆和煙煙韌韌的白玉丸子非常合襯，吃畢整個人溫暖起來。 雖然不是第一次來，但仍然喜歡這餐廳，每次都會滿足地離開。…Read More

今日和朋友往京林屋食晚餐, 我點了林屋和食料理和香港限定芭菲。林屋和食料理好豐富, 好足料,有鯖魚, 帶子、鳴門卷、燒汁雞肉、魚蛋、沙律、味噌湯、酸蘿蔔和焙茶飯。鯖魚食落鮮甜, 啖啖肉冇骨、帶子食落彈牙鮮甜,醬汁惹味、鳴門卷食落惹味、汁燒雞肉醬汁惹味, 雞肉鮮嫩、魚蛋食落彈牙、沙律食落開胃、味噌湯鹹度適中, 湯夠熱、酸蘿蔔酸酸甜甜好醒胃和焙茶飯茶好香濃, 飯好軟綿配上紫菜食落口感十足, 整套林屋和食料理口感十足, 味道豐富, 好美味的林屋和食料理；香港限定芭菲綠茶軟雪糕味道甜度適中, 軟雪糕食落軟滑, 脆米香脆、忌廉軟滑、士多啤梨甜度適中、厥餅茶味香濃和Jelly食落香甜, 整杯香港限定芭菲甜度適中,食落美味。餐廳環境整潔光亮, 食物精緻有特色, 朋友也好滿意今晚的晚餐, 我們食了一頓美味和式晚餐。…Read More

每次到訪也是為了雙茶而來，今次就有點不同……當知道新相識的朋友勁愛吃鰻魚時，馬上便打算帶她來這間餐店。咦！？這裏不是吃我最愛的抹茶和焙茶嗎？無錯！但上次吃過它的鰻魚飯，我就愛上了，必要推介給朋友。餐店裝潢並沒有大改變，仍是燈光柔和，設計簡樸優雅，總給人舒適自在的感覺。不知今晚能否有幸坐在滿載日本風情的仿榻榻米座椅嘆各款美食呢？好彩早來，今晚坐到啦！但限時一個鐘，快快下單吧！每次細閱這本設計精美的餐簿，看着每幅菜式的相片，總令人喜悅。分別有甜點、雪糕、雪山、芭菲、麵食、飯類、茶和飲品，另外還兩款期間限定的飯類和三款甜品，選擇比以前多。******************************話明今次是專誠帶新朋友來吃鰻魚，當然第一時間點一客京式鰻魚飯 (原條) Kyoto Unagi Don ($98)。除了一大碗鰻魚飯 外，還配一碗熱辣辣的麵豉湯 和一碟醃漬蘿蔔。看着那兩大件亮麗的鰻魚，的確令人喜悅，面頭還放了大量紫菜絲，周邊伴着幼身的蛋絲 舖在熱辣辣的焙茶飯 上，好豐富吸引，難怪新朋友如此興奮。兩件鰻魚 都挺厚身，燒得金黃，沾滿甜甜地的鰻魚醬汁，很入味。肥美的肉質帶微爽，跟滿有茶香的焙茶飯 同吃，吸收了魚油香，非常美味。繼而吃一條酸咪咪而爽口的醃漬蘿蔔，以中和魚油的油膩感，配搭一流。而友人覺得若多些鰻魚汁就更吸引。吃完美味的鰻魚飯，便喝熱辣辣麵豉湯。內有不少爽滑的昆布 和清香的蔥花，味道剛好，不會太鹹，不錯!******************************上兩次到訪時，這款林屋和食料理 Kyohayashiya Obanzai (單品$88）都售罄，令我失望而回，今晚總於吃到啦！果然「皇天負有心人」。一次過可品嚐四小碟，亦同樣附有一碗焙茶飯、麵豉湯 和一碟醃漬蘿蔔，滿足得很。四小碟的配搭也不同，分別有配了魷魚 和明太子 的八爪魚沙律，口感豐富，味道鹹鮮，不錯！另一小碟有富豆腐餅、雞肉和木耳絲。較喜歡那件豆腐餅，豆味突出，混入甘荀粒，多份口感，亦多份甜美，好吃！還有一小碟是配了魚仔乾、芝士卷和帆立貝。喜歡那粒帆立貝，肉質彈牙，沾上甜甜地的醬汁，也好吃！但最美味還是燒鯖魚，並不乾身，富有肉汁，肉質腍嫩且烹調入味，好喜歡！******************************輪到甜品出場，巧遇剛推出的期間限定竹炭焙茶卷蛋套餐 Bamboo Charcoal Hojicha Roll Set ($98），當然不能錯過。除一件竹炭焙茶卷蛋 外，還配上一球牛乳雪糕、兩粒白玉丸子 和一些紅豆，很滿足！先單單品嚐面頭灑了少少抺茶粉的牛乳雪糕，雖不是抹茶或焙茶雪糕而有點失望，但卻意料之外美味。入口幼滑，奶味香濃，不錯！又試試配上大粒圓潤的紅豆，味道更香甜。仔細看看那件竹炭焙茶卷蛋，原來中間還捲了粉綿的黑豆，多份口感。糕身鬆軟綿綿，淡淡的竹炭味拌着香濃幼滑的焙茶忌廉，還有甜甜地的黑豆，此配搭起來很夾，而且一點也不甜膩，很討我倆歡喜，推介!******************************在三款自選茶中揀了葡萄煎茶 Sencha Infused with Grape Flavour (甜品套餐$0)。一倒進杯子，陣陣葡萄的香氣，氛香撲鼻。色澤淡黃，清澈見底，清新甘甜的葡萄味，舒喉解膩，配甜品很適合。再沖到第二三杯也不失葡萄香, 好喝！******************************掙扎！掙扎！好掙扎！難得今日是星期天，有供應焙茶....，但掛着芭菲，兩款要齊又太多，點算呢？最終由朋友下決定，揀了配搭豐富的香港限定芭菲 Hong Kong Special Parfait ($98)。每次見到它就令人歡喜若狂，今次也不例外。吃前先仔細看看，頂層唧了三四個軟抹茶雪糕圈，周邊放了煙糯Q彈的白玉丸子 和滑嘟嘟的抹茶蕨餅。下一層就是脆卜卜的脆米，再來一層幼滑的抹茶雪糕，然後加入甜美腍綿的紅豆蓉，繼而是幼滑的甜忌廉。再豐富一點，配上軟身香甜的草莓肉，而最底層還有數粒加了香甜黑蜜 的蒟蒻。慢慢舀慢慢品嚐，一層又一層，配搭吸引，口感豐富，難怪令我倆百吃不厭。------------------------------雖然今次到訪是有另一目的，不是雙茶，而是鰻魚飯，但我總是要吃埋雙茶甜品才滿足，始終對它們情有獨鍾，既然來到，根本抵受不住誘惑，不得不吃，也不得不認承己愛上了，相信不久又會再來這個令我喜悅的地方。無錯！…Read More

今日和太太往銅鑼灣京林屋食lunch, 我們被安排坐和座, 和座座位舒適, 坐得很舒服, 好舒適, 牆身有日本的畫,猶如置身日本民居,點了金目鯛定食, 林屋和食料理配凍焙茶朝薰, 焙茶jelly雪糕和秘製抹茶厥餅。金目鯛定食金目鯛魚肉肉質鮮甜, 配上酸酸甜甜的蔥段, 食落開胃；林屋和食料理賣相一流, 凍蘿蔔酸酸甜甜, 食落開胃；味噌湯湯好清甜, 昆布味好香, 飲落不會口喝；林屋和食料理有鯖魚, 帆立貝、魚卷、銀魚乾、蛋餅和沙律帆立貝。鯖魚肉質鮮甜味美, 食落惹味；帆立貝食落新鮮彈牙, 配上醬汁食落醒胃；魚卷食落彈牙爽口；銀魚乾酸酸甜甜食落好醒胃；蛋餅好有蛋香, 食落軟綿；最後沙律帆立貝沙律食落酸酸甜甜好開胃, 配上惹味帆立貝食落彈牙惹味；茶漬飯茶味香濃, 飯好香好軟綿, 配上昆布能帶出茶漬飯的軟綿甘香,；最後焙茶朝薰熔茶味香濃, 飲落帶甜清甜, 整份林屋和食料理配凍焙茶朝薰好足料美味, 口感大滿足；我們食完定食點了甜品焙茶jelly雪糕和秘製抹茶厥餅, 甜品焙茶jelly雪糕是星期五至日的限定甜品,焙茶雪糕味道香滑, 茶味香濃,jelly味道甜度適中, 和焙茶很合拍, 甜度適中的焙茶jelly雪糕；最後秘製抹茶厥餅, 抹茶厥餅熱辣辣, 厥餅入口即熔, 茶味香濃, 配上綠茶粉和黑糖漿能帶出抹茶厥餅的清香美味。餐廳環境舒適, 和座坐得好柔和和心曠神怡, 而且定食食物美味, 甜品甜度適中, 食落清甜美味, 價錢合理, 「定食控」和「抹茶控」過來品嚐一定感到大滿足。…Read More

今日去咗銅鑼灣行街～行行吓肚餓就去覓食於是去咗出名多嘢食嘅希慎一路上去上到去12樓見到京林屋～係我最愛嘅抹茶啊開頭以為剩係得甜品後尾睇埋餐牌先知原來都有咸食就叫左一個鰻魚飯同一個和食料理飲品就揀左一杯焙茶牛奶開頭嚟㗎鰻魚飯外相非常吸引即時開動呀 鰻魚超厚肉 啲飯又充滿鰻魚汁超級好味而和食料理就一共有四個小菜樣樣都好好味好似真係置身於京都到咁樣而佢個飯都係混入左鰻魚汁 正食完咸食之後飲杯焙茶牛奶 即刻覺得好清新之後我哋叫埋甜品～叫咗個香港限定嘅芭菲杯呢個其實同出邊嗰啲日式嘅甜品店賣相差唔多不過就好好味 食得出啲抹茶味真係同日本嘅一樣食緊甜品之際男朋友竟然覺得唔飽就追加左一個稻庭麵麵比較扁身少少 啱晒佢口味啊而且熱辣辣食完唔怕凍啦第一次係香港食京林屋就喜出望外睇來以後去銅鑼灣都要再食京林屋啦！…Read More

今日行完街，太掛住上次食過既京林屋,見時間尚早約夜晚6:00，應該唔洗排隊，所以再ENCORE試吓其他野食。揀野食，好似多左個set ~林屋和食料理$88，上次冇咩印象有，唔通真係新加？個名應該指signature dish ,一定要試啦，唔理三七廿一即刻選定呢個，睇相已好吸引，上枱實在太豐富喇，有麵豉湯，味噌口味剛好，唔會太咸，餸材料好豐富，先試有味飯，用左珍珠米，好煙韌。上蓋有紫菜絲撈飯，再試餸，有鯖魚，醬燒帆立貝，魚干，特別泡製既芝士魚卷同雜菜玉子，味道獨特，尤其芝士軟身夠香溶響口； 食埋八爪魚沙律，好興奮，樣樣都食到。Encore 有京式鰻魚飯$98，鰻魚醬汁香濃，鰻魚燒香，尤其喜愛大量蛋絲，飯粒煙韌醃滿醬汁，撈埋蛋絲非常好餸飯，定食唔少得跟麵豉湯，熱辣辣。食完兩個定食，跟餐加埋個熱茶$20@，叫了玫瑰蘋果茶夠香，淡淡花香味，也有陣陣果香味，綠茶類，較清香。另一個叫了焙茶朝薰，香濃,茶味香濃，飲落口嚨好舒服，焗了三次依然香濃。當然甜品唔少得，急不及待，叫了林屋抹茶芭菲$88，呢款係指定動作之一，芭菲上次叫左限定芭菲，今次要再叫抹茶味！綠茶雪糕好香滑，茶香味清香，還有兩粒煙韌粉圓，加埋紅豆同cream一齊食，中間又有綠茶軟雪糕，多重口感，還有綠茶果凍，綠茶味唔會太澀口，另一甜品，當然試吓焙茶味卷蛋$88同雪糕球，焙茶味獨特，少少茶焦香味，卷蛋海綿蛋糕口感鬆軟,連中間的忌廉餡都夾入焙茶，好香甜。飲品叫了焙茶牛奶忌廉-焙茶茶味香醇，面層厚厚的忌廉響面，好creamy, 令呢杯焙茶奶茶更香滑。…Read More

今晚去完銅鑼灣希慎誠品睇書，就上左上面搵野食啦。原來裝修過黎，啲餐廳唔同曬，其中一層仲變左food court咁。我同朋友行左個圈，就揀左京林屋。Google左先知，原來京林屋係京都抹茶百年老店之一真係冇揀錯餐廳喎！餐廳既設計都好日式，收銀處有一格格既收納櫃，又有一條木柵高掛住。餐廳既枱櫈都係用木製。呢間分店既空間較細，其中兩張枱係茶室和座，同埋設有屏風，私隱度較高而侍應落單既時候，會蹲落黎，好體貼，好似去左日本餐廳食野咁我地先叫左一壺玉露 玉艷（＄78）玉露係日本綠茶入面較高級既一種。京林屋既茶杯茶壺都幾精美，茶葉色澤好翠綠，呢隻茶需用低溫水沖泡，大約50度到60度既水溫。而京林屋都好細心咁預備好一壺50度水溫既水仲有附上圖文並茂指引，詳細教食客點樣泡茶，好體貼下圖係第一杯上枱已沖好既玉露，顏色較為淺，但飲落口，又好甘香下圖係第二杯，顏色比第一杯深色左，細心品嘗下，茶味更出，又幾甘甜下圖係第三杯，更圓潤甘甜京都風 京式鰻魚飯 單品（＄98）蛋絲條條分明，鰻魚已預先切好，易入口，軟硬適中麵豉湯都唔錯，料都夠林屋和食料理 單品（$88）呢個定食好豐富，有金目鯛，帆立貝，芝士條，細魚仔，素菜玉子，海帶，仲有魷魚蛋白沙律。金目鯛已經去左骨，同埋醃左啲汁帆立貝，魚仔，玉子都好香口仲有麵豉湯，唔錯抹茶卷蛋配綠茶雪糕（$88）卷蛋有綠茶香味，而中間既cream唔漏綠茶雪糕配紅豆蓉特製林屋抹茶餡蜜（$98）今晚最期待就係呢個啦抹茶蕨餅擦左綠茶粉，口感爽滑彈牙又煙韌其他材料都好爽口，配埋綠茶雪糕，味道好夾，而湯圓好煙韌，我鐘意好滿足既一晚…Read More

創立於1753年的京林屋為京都抹茶百年老店之一。於2015年進軍香港，位於尖沙咀希稹12樓，這家餐廳以木材為主要裝潢的素材，現代和式設計，清麗幽雅。起初以售賣抹茶/焙茶飲品及茶抹茶甜品為主，近期更引入了熱食。今天我和朋友專程來到嚐一下他們的焙茶料理。餐廳至現時為至只供應三款料理，包括京式鰻魚飯、林屋和食料理及金目鯛定食。這三款料理均配有焙茶飯。林屋和食料理：傳統日式家庭料理式強調以當造的食物作為用料，因此不論配菜和主食都會不時有所轉變的。今天這款林屋和食料理內，供有主食四款，包括 (左上)汁煮秋葵、木耳絲及野菜豆腐漢堡，(右上)海鮮沙律，(左下)帆立貝、魚乾及芝士腐皮卷，(右下)燒汁鯖魚。每款主食味道各有濃淡，口感多樣，層次分明。呈淡褐色的焙茶飯其實是由朝薰焙茶煮成，珍珠米吸收了焙茶的烤香，飯身軟綿，味道清香。京式鰻魚飯：淋上秘製鏗魚汁的蒲燒鰻魚粒整齊地放在焙茶飯上，再加上大量蛋絲。鰻魚肉厚實，皮下脂肪多。一口鰻魚粒，一口焙茶飯，烤香泗溢，口感豐富。推﹗餐廳內的飲品皆為茶。熱飲滋潤，凍飲清新。…Read More

我喜愛的京林屋早前搬了舖，幸好只是遷高了幾層，依然留在希慎廣場，門面及裝潢依舊，間格略有改變，似乎細了點。供應的食事添加了三款飯之定食，京式鰻魚飯、林屋和食料理及金目鯛定食，皆可單點或配茶，配茶比較超值，而且茶本來就是主題，沒有不選的道理。我一向喜歡有葡萄香味的這一款，依然是最香，嗅覺齊齊享受。同伴選了玄米茶，炒米之香，不同口味，各有各好。京林屋的抹茶麵及烏冬皆出色，向來選材及料理皆一絲不苛，做飯如是，奈何沒有驚喜。京式鰻魚飯材料慷慨，燒鰻魚切粒，加上蛋絲及紫菜絲，鋪滿飯面，而且用上有味飯。鰻魚汁沒有過多，剛好被鰻汁吸飽，沒有坊間不少過濃過甜之弊，味道不錯，但可惜沒有煎過不香，而米飯亦過腍，口感失分。林屋和食料理看來豐富，四格多款食品配有味飯，包括沙律、金目鯛、帶子、魚仔、魚蛋卷、素菜玉子、菇仔及海帶，更有酸蘿蔔及麵鼓湯，味道對辦。飯之食事不過不失，始終飯並非強項，還是麵更可取。…Read More

京林屋同小山園一樣，都係香港出名既抹茶甜品專賣店，雖然面對Via Toyko等等過江龍既挑戰，但京林屋都一直保持到水準，無論係主食定甜品，都對得住香港抹茶龍頭界既頭銜，其實早係佢搬舖裝修之前，都好想去食多幾次，但無奈次次都就唔到時間，終於有日與朋友相約逛銅鑼灣，又咁啱見到佢新舖裝修完，當然要試下久違既抹茶香。抹茶牛奶味道不過不失，比起以前黎講抹茶香無咁出，而且唔知係咪落左太多冰既緣故，所以味道偏淡，飲落去奶味唔算太出。但天氣酷熱叫一杯頗能夠消暑解渴。桃味焙茶一上到黎桃香味四溢，店員會貼心咁比張指引我地點飲，第一杯茶係師傅調配好既，可以趁熱飲，飲落去唔會桃既甜味會隨著茶味既餘韻慢慢回甘，係京林屋餐飲既必叫之選。京式鰻魚飯呢個京式鰻魚飯好足料，面頭舖滿曬鰻魚，而且佢地既角切同出面日本餐廳既角切唔同，大大舊肉唔呃秤，作為一間甜品店黎講份量絕對反映到佢地既誠意，蛋絲同紫菜配埋醬油飯一齊食好開胃，而鰻魚雖然食得出唔係即叫即燒既高檔嘢，但$98足料之餘，仲夠曬入味，收得貨。林屋和食料理呢款林屋和食料理賣相就十分精緻啦，涼菜如秋葵、蛋餅、木耳絲、蝦餅等口味上既嘢見人見智啦，但個沙律同燒鯖魚就要比like，沙律口感清爽，鯖魚亦唔會好乾身，醃製得夠入味，剩係呢度少少鯖魚都夠送成碗飯。抹茶卷蛋呢個係我黎京林屋必食，鬆軟的蛋卷加上濃郁既抹茶雪糕係絕配，而蛋卷方面內餡有好多抹茶忌廉，又可以配搭雪糕、紅豆同丸子有唔同口感同層次，最重要係蛋味同抹茶味好平衡唔會搶味，呢個真係誠意推介。呢個雪糕杯就唔多講啦，顏值高係好多女仔番點番點再番點既熱門甜品，頂係雪糕，然後依次有綠茶蕨餅、丸子、脆米、綠茶cream、草莓醬、鮮奶忌廉、草莓醬。味道由淡到濃，唔會食到飽飽濟濟。…Read More

天文台明明預測了星期六日會下大雨，怎知一滴雨都沒有，還要非常悶熱，悶熱得在室外逛一會兒都感覺快不行。那時那刻最想就是跑進冷氣地方，吃一點透心涼的東西。朋友就提議到希慎廣場吃抹茶雪糕！我們還未吃午餐，所以決定在京林屋解決午餐，並且吃甜品！(〃∀〃)~♡ 我們各點了兩個咸食和主食~先說說咸食：京式鰻魚飯($98) 鰻魚飯比我想像中還要好，附有麵豉湯和醃蘿蔔，還有wasabi和豉油作調味。鰻魚不是原條呈上，而是切了細粒，食到一塊鰻魚有點腥和有骨><，不過鰻魚飯調味夠，醬汁香濃，每粒飯粒都已拌勻甜甜的饅魚汁，吃到底都不會乾。 林屋和食料理($88) + 加配自選茶，玫瑰蘋果煎茶 ($20) 和食料理中有幾款不同餸，放得很精緻。除了醃魚和秋葵外，其餘食材都均得我心。 左上：醃魚。魚肉厚身，但我實在不喜歡吃醃過的魚………淨食會很咸，拌飯吃會較好右上：有熟帆立具、芝士魚蛋和魚仔乾。芝士魚蛋尤其出色，軟身彈牙帶芝士香。左下：魷魚沙律。夏天吃特別開胃！右下：有蛋餅、昆布？、和秋葵。蛋餅軟綿；秋葵沒有吃，最怕那滑潺的口感～ 加配了玫瑰蘋果煎茶，餐廳已預先沖好了一杯，顏色淺黃，帶玫瑰香，喝下去時有少少蘋果味。 喝完第一杯，就可以自己沖第二杯和第三杯，沖法是把水倒進茶壺八成滿，再等30秒就可。(餐盤上有一個沙漏，待沙完全流進另一邊就可以了!）我們填飽肚子後，就開動另一個胃迎接抹茶甜品！≧◇≦ 我們來這裡的目的就是為了抹茶雪糕，從花多眼亂的甜品中，我們選擇了以下兩款甜品。 香港限定芭菲($98) 很喜歡吃芭菲這類甜品，一次過吃下多重的滋味，滿足到我的味蕾 芭菲大至分為5-6層，先是面頭的抹茶雪糕→ 白玉、蕨餅、脆米→抹茶雪糕→草莓醬→忌廉→草莓粒、白玉(´･ω･`) 抹茶雪糕香濃軟滑，抹茶味未算突出，奶味重一些，白玉煙煙韌韌，一口一回味，暫時解到想去日本的癮，（ノ≧∀≦）ノ朋友果然沒有介紹錯！ 特濃抹茶雪山($98) 挺壯觀的一座綠色雪山，上面有一球抹茶雪糕，也有一小瓶的抹茶醬供客人倒下去！ 刨冰挺幼細，入口溶化，帶少許抹茶的回甘。而且所有冰塊已沾好了醬，基本上不會見到有白色的冰。最令我驚喜是綠色雪山內還有一個小乾坤，內有白玉、蕨餅、紅豆蓉，份量都不少！ 吃完這個頓時透心涼，一瞬間暑氣全消(๑´ㅂ`๑)餐廳設有最低消費，每人最少要點一款食物或飲品，有加一消費和只有1.5小時進餐時間。以堂食吃甜品來說，我覺得有點貴，不過質素高上，在香港能夠吃到美味的抹茶雪糕，真的很欣喜。暫時未有空去日本旅遊，惟有在這兒放縱一次半次：Ｐ 餐牌： …Read More